Morgunblaðið - 19.07.2002, Blaðsíða 8

FRÉTTIR
8 FÖSTUDAGUR 19. JÚLÍ 2002 MORGUNBLAÐIÐ
Sími 510 8000 • Bíldshöfða 20 • 110 Reykjavík • www.husgagnahollin.is
Allt að 80% afsláttur.
f
a
s
t
la
n
d

-

8
1
8
5
80%
afsláttur
Allt að
Allt á að seljast!
R
ým
ingarsala
Seðlabankastjórarnir hafa verið að gera meira en að naga blýanta þessa dagana. Birgir Ísleif-
ur kom böndum á verðbólgu draugsa, og Finnur frækni gómaði álgæsina.
Mögnuð miðborg í sumar
Miðborgin
fær fjörefni
Reykjavíkurborg,Þróunarfélag mið-borgarinnar og
Laugavegssamtökin munu
standa fyrir ýmsum uppá-
komum á laugardögum í
miðborg Reykjavíkur í
sumar. Verkefnið ber heit-
ið Mögnuð miðborg, og
ræddi Morgunblaðið við
Jón Hauk Baldvinsson,
framkvæmdastjóra verk-
efnisins.
– Hvað býr að baki verk-
efninu?
„Allir þekkja langa laug-
ardaga sem hafa verið á
Laugaveginum og ná-
grenni hans um nokkurra
ára skeið. Hugmyndin að
baki magnaðri miðborg var
að auka við langan laugar-
dag á ýmsa vegu, stíga
lengra, og búa til skemmtidagskrá
í miðborginni á laugardögum fram
til 17. ágúst, en þá um kvöldið er
menningarnótt. Þá mun verkefnið
hvílast fram á næsta vor.“
– Hverju á að ná fram með
skemmtidagskránni?
„Það á að sjálfsögðu að ná meira
lífi og fjöri í miðbæinn, auka versl-
un og gera laugardagssíðdegið
enn eftirminnilegra fyrir gesti
miðborgarinnar. Við höfum á
prjónunum að hafa tónleika, úti-
grill, götulistamenn, andlitsmál-
ara, skákkeppni, útimarkað og alls
konar skemmtikrafta svo eitthvað
sé nefnt.“
– Þetta er samstarfsverkefni
margra, ekki satt?
„Jú, Reykjavíkurborg, Þróun-
arfélag miðborgarinnar og Lauga-
vegssamtökin hafa leitað til versl-
unareigenda í miðborginni um að
taka þátt í verkefninu með ýmsum
hætti, til dæmis hafa vörur á út-
sölu, prófa að flytja vörur út á
stétt eða fá skemmtikrafta til að
skemmta í versluninni. Við höfum
fundið fyrir miklum vilja verslun-
areigenda til að auka líf í miðborg-
inni og eru langflestir þeirra með í
verkefninu.“
– Verkefnið fellur sem sagt í
kramið hjá þeim sem reka versl-
anir í miðborginni.
„Já, en einnig verðum við vör
við ákveðnar skoðanir og óánægju
margra verslunareigenda með
þróun miðborgarinnar undanfarin
ár, til dæmis hvað varðar bíla-
stæðagjöld og annað. Við höfum
heimsótt nær alla verslunareig-
endur í miðborginni og rætt við þá
um verkefnið og nauðsyn þess. Sú
vinna varð mun tímafrekari en við
áttum von á vegna fróðlegra sam-
tala við marga verslunareigendur.
Mögnuð miðborg er tilraun til að
snúa vörn í sókn, vekja líf og gera
miðborgina aðlaðandi og spenn-
andi áfangastað fjölskyldunnar.
Það jafnast ekkert á við miðborg-
ina, og þess vegna ber okkur, í
krafti sérstöðu hennar, að leyfa
henni að blómstra og vaxa. Það er
uggvænlegt að hugsa til þess hvar
Reykjavík væri stödd án miðborg-
arinnar.“
– Hvenær hófst fjör-
ið í miðborginni?
„Fyrsti laugardagur-
inn var 13. júlí, en þá
var veðrið okkur ekki
hliðhollt og minna varð
úr dagskránni en áætlað hafði ver-
ið. Jafningjafræðslan hélt árlega
götuhátíð sína þann dag, og tókst
hún með miklum ágætum. Við
færðum útimarkaðinn inn og hög-
uðum seglum eftir vindi. Hins veg-
ar verður mikið um dýrðir á morg-
un, laugardag. Þema dagsins er
unglingamenningin og allt sem
henni viðkemur. Af dagskráratrið-
um má nefna brettamót, tónleika
með XXX Rottweilerhundum,
breikdanshópinn 5th Element
sem sýnir listir sínar, og trúðar og
almenningur skapa saman krítar-
listaverk ásamt mörgu fleira.“
– Verður hver laugardagur með
sitt þema?
„Já, við byggjum dagskrána
upp á þann veg. Þann 27. júlí verð-
ur þjóðlegt þema, sveitin færð inn
í borgina með öllu tilheyrandi. Við
ætlum að flytja heybagga inn í
miðborgina og þar fram eftir göt-
unum. Að sama skapi verður dag-
skráin að sjálfsögðu tengd atburð-
um sem gerast á laugardögum
sem eftir er sumars, til dæmis Gay
Pride göngunni sem verður laug-
ardaginn 10. ágúst.“
– Er þörf á átaki af þessu tagi í
miðborg Reykjavíkur?
„Já, við teljum svo vera. Við vilj-
um koma af stað umræðu um
stöðu miðborgarinnar og gildi
hennar fyrir okkur. Fólk er að átta
sig á því að það er okkur ekki nóg
að eiga stóru verslunarmiðstöðv-
arnar, miðborgin er einnig nauð-
synleg. Við eigum von á að verk-
efnið verði samstarfsvettvangur
allra þeirra sem vilja veg miðborg-
arinnar sem mestan og eigum von
á að starfið verði enn blómlegra
næsta sumar. Að sjálfsögðu hefur
ýmislegt verið gert á undanförn-
um árum, en þetta verkefni byggir
á góðu samstarfi allra sem málið
varðar.“
– Hvar eiga gestir miðborgar-
innar helst von á að sjá herlegheit-
in?
„Atriði á okkar snær-
um verða á Ingólfs-
torgi, Skólavörðustíg,
Laugavegi, Lækjar-
torgi, Grófinni og í
Austurstræti. Gestir miðborgar-
innar ættu allir að geta fundið eitt-
hvað við sitt hæfi meðan þeir rölta
um miðbæinn.“
Því má bæta við, að heyrst hefur
að svonefndur tjáningarfrelsis-
kassi verði við Bónus á Laugavegi
á morgun, en þar mega allir sem
vilja tjá sig um málefni líðandi
stundar stíga á kassann og tjá
skoðanir sínar.
Jón Haukur Baldvinsson
 Jón Haukur Baldvinsson er
fæddur árið 1976 og vinnur við
almannatengsl hjá DBT auglýs-
ingahúsi. Hann lauk stúdents-
prófi frá FG árið 1997 og lauk
nýlega BA-prófi frá LCP-
háskólanum í London í auglýs-
inga- og markaðsfræði. Jón
Haukur hefur unnið mikið sjálf-
stætt að ýmsum viðburðum og
einnig hjá ljósvakafyrirtækinu
Aflvakanum við sölumennsku og
verkefnastjórn. Jón Haukur er í
sambúð með Helgu Ólafsdóttur
fatahönnuði og eignuðust þau
nýlega dóttur.
Við þörfn-
umst lifandi
miðborgar