Morgunblaðið - 23.07.2002, Blaðsíða 12

HÖFUÐBORGARSVÆÐIÐ
12 ÞRIÐJUDAGUR 23. JÚLÍ 2002 MORGUNBLAÐIÐ
AKUREYRI
STEFNT er að því að koma upp
hjólabrettaaðstöðu við félagsmið-
stöðina Músík og mótor í Dalshrauni
í Hafnarfirði. Engin aðstaða hefur
verið til hjólabrettaiðkunar í bænum
í á annað ár, að sögn Árna Guð-
mundssonar, æskulýðs- og tóm-
stundafulltrúa, en gert er ráð fyrir
að aðstaðan nýtist einnig fyrir free-
style-hjól og línuskauta.
Að sögn Árna er hugmyndin sú að
tengja aðstöðu fyrir hljómsveitir og
skellinöðruverkstæði sem fyrir er í
félagsmiðstöðinni við jaðaríþróttir
sem hefðu aðstöðu á malbikuðu plani
við hlið hússins.
„Við erum að vonast til þess að
þetta verði rætt í bæjarstjórn fljót-
lega og ef við fáum grænt ljós verður
allt sett á fullt,“ segir Árni, sem á
von á að ráðist verði í fyrsta áfanga
framkvæmdanna strax í sumar og
hafist handa við að setja upp rampa,
handrið, pípur og önnur tæki og tól.
Árni nefnir að mikið af bréfum
berist reglulega frá ungu fólki sem
óskar eftir að komið verði upp að-
stöðu til hjólabrettaiðkunar. Með
þessu framtaki sé ætlunin að setja
upp miðstöð fyrir jaðaríþróttir sem
nýtist ungmennum bæjarins.
Verði mið-
stöð jaðar-
íþrótta
Hafnarfjörður
Hjólabrettaaðstaða rísi
við Músík og mótor
NOKKUÐ hefur borið á kvörtun-
um vegna hraðaksturs við Arn-
arhöfða og Súluhöfða í Mosfellsbæ
í átt að golfklúbbnum Kili við
Leiruvog.
Ragnheiður Ríkharðsdóttir bæj-
arstjóri tekur undir áhyggjur íbúa
í hverfinu, sem meðal annars hafa
látið skoðanir sínar í ljós á spjall-
rás á heimasíðu bæjarins, og segir
að skoðað verði hvernig unnt er að
gera bragarbót á umferðarmálum í
Höfðahverfi.
Að sögn Ragnheiðar verður unn-
ið að því í lok júlí og ágústmánuði
að ganga frá vegþrengingum við
göngustíga að Lágafellsskóla og á
þeim framkvæmdum að ljúka áður
en skólar hefjast að hausti.
Ragnheiður segir að skoða þurfi
almennt þær götur í Mosfellsbæ
sem liggja eins og Arnarhöfðinn
og móta þurfi heildarstefnu í um-
ferðarmálum varðandi þau vanda-
mál sem upp koma í umferðinni.
Morgunblaðið/Sverrir
Ekið hratt
á leið út á
golfvöll
Mosfellsbær
BÆJARSTJÓRI Garðabæjar og
forstjóri Nýherja skrifuðu nýlega
undir samninga um kaup og leigu á
hátt í 100 tölvum fyrir grunnskóla
Garðabæjar ásamt þjónustu og
nánu samstarfi á sviði upplýs-
ingatækni innan bæjarins.
Í tilkynningu frá Garðabæ segir
að í grunnskólum bæjarins sé
áhersla lögð á að nýta upplýs-
ingatækni í öllu skólastarfi. Allir
kennarar hafa fartölvu til afnota
og eiga kost á að sækja námskeið í
upplýsingatækni. Á síðasta ári
voru keyptir fartölvuvagnar sem
hægt er að nota í öllum kennslu-
stofum og er þannig unnt að nota
tölvurnar við kennslu í ólíkum
námsgreinum. Munu þær nýtast
við kennslu frá 1. og upp í 10. bekk.
Ljósmynd/Garðabær
Frá vinstri Stefán Pétursson, söluráðgjafi hjá Nýherja, Þórður Sverr-
isson, forstjóri Nýherja, Ásdís Halla Bragadóttir bæjarstjóri og Oddný
Eyjólfsdóttir, grunnskólafulltrúi hjá Garðabæ.
Hátt í 100 nýjar
tölvur keyptar
Garðabær
BÆJARRÁÐ Garðabæjar hefur
samþykkt tillögu skipulagsnefndar
um breytingu á aðalskipulagi varð-
andi reiðleið við Heiðmerkurveg
sunnan Vífilsstaðahlíðar.
Samkvæmt breytingunni er gert
ráð fyrir nýjum 2,5 km löngum
reiðstíg í Búrfellshrauni samsíða
Heiðmerkurvegi. Mun leiðin
tengja saman tvær samsíða reið-
götur í upplandi höfuðborgarsvæð-
isins, meðfram Elliðavatnsvegi og
undir Hjöllum og Smyrlabúð.
Að sögn Guðfinnu B. Kristjáns-
dóttur, upplýsingastjóra Garða-
bæjar, verður breytt aðalskipulag
sent Skipulagsstofnun og þaðan til
umhverfisráðherra til staðfesting-
ar. Eftir það geta þeir sem hug
hafa á sótt um framkvæmdaleyfi
til skipulagsnefndar bæjarins fyrir
lagningu vegarins.
Mikið af fornminjum
á svæðinu sem um ræðir
Í umsögn Fornleifaverndar
vegna vegarins segir að skylt sé að
fornleifaskráning fari fram áður en
gengið sé frá svæðisskipulagi, að-
alskipulagi, deiliskipulagi eða end-
urskoðun þess og skal sá sem ber
ábyrgð á skipulagsgerð standa
straum af kostnaði við skráningu.
Bent er á að mikið sé um forn-
leifar í Garðabæ og mikið af forn-
minjum á því svæði sem um ræðir.
Minnt er á að minjar sé einnig að
finna í Selgjá og Gjárrétt og er
mælst til þess að áætluð lega reið-
vegar verði könnuð af fornleifa-
fræðingi.
Í svari við athugasemdum Forn-
leifaverndar kemur að fram að
framkvæmdaraðila verði gert skylt
að stika leiðina í samráði við bæj-
aryfirvöld og áður en fram-
kvæmdaleyfi verði veitt. Þá muni
Fornleifavernd gefast tækifæri til
að kanna aðstæður á svæðinu.
Reiðleið við Heiðmerkurveg
Fornleifavernd
fái tækifæri til að
kanna aðstæður

      

  
 


   
 



 

"#$%&'

(##)%*
++#$*$*Garðabær
SKÝRSLA bandaríska ráðgjafarfyr-
irtækisins Artec um menningarhús á
Akureyri verður væntanlega tilbúin
eftir hálfan mánuð eða um verslun-
armannahelgi.
Sigurður J. Sigurðsson, formaður
nefndar um byggingu menningar-
húss á Akureyri, sagði skýrsluna á
lokastigi. Í menningarhúsinu verður
tónlistarskóli, tónleikasalur fyrir allt
að 700 manns og leikhús sem tæki
um 350 manns í sæti. Að sögn Sig-
urðar er að mati bandarísku ráðgjaf-
anna nauðsynlegt að byggja tvo að-
greinda sali, tónleikasal og leikhús,
einkum vegna hljómburðarins. Hann
sagði að samlegðaráhrif þess að hafa
salina í sama húsinu munu nýtast
vel. Höfundar skýrslunnar leggja til
að menningarhúsið verði reist á upp-
fyllingunni við Strandgötu, svo sem
áður hefur verið rætt um, og segja
það mjög spennandi kost. Þeir gera í
sínum áætlunum ráð fyrir að húsið
verði tilbúið árið 2007, en bygging-
artíminn verði um tvö og hálft ár og
hönnunarvinnu verði lokið árið 2004.
Áætlanir gera ráð fyrir að húsið
muni kosta um 1,5 til 2 milljarða
króna.
Tónlist og leik-
list í sitthvor-
um salnum
Skýrsla um menningarhús á lokastigi
KVÖLDFERÐIR með leiðsögn
um Gásir, helsta verslunarstað á
Norðurlandi á miðöldum, verða
miðvikudagskvöldið 24. júlí og 7.
ágústklukkan 19.30. Leiðsögu-
maður er Ingibjörg Magnúsdótt-
ir.
Á Gásum, sem eru 11 km norð-
an Akureyrar, stendur nú yfir
viðamikill fornleifauppgröftur
undir stjórn Fornleifastofnunar
Íslands. Minjasvæðið, sem er um
14.000 m², er vel sýnilegt þar sem
það stendur við ósa Hörgár, en ós-
arnir eru á náttúruminjaskrá og
því tvinnast þarna saman menn-
ing og náttúra. Ferðamönnum
gefst kostur á að skoða bæði
svæðið og uppgröftinn og fræðast
um þennan miðaldaverslunarstað
með því að taka þátt í gönguferð-
um þar sem boðið er upp á leið-
sögn á íslensku, ensku og þýsku.
Lagt er í gönguferðirnar frá bíla-
stæðinu við Gáseyri alla daga
klukkan 11, 12, 13, 14.30 og 15.30
allt til 9. ágúst en þá lýkur forn-
leifauppgreftrinum.
Kvöldferðir að Gásum
DJASS verður á heitum
fimmtudegi í Deiglunni, 25. júlí
kl. 21.30. Samnorræna hljóm-
sveitin „Jónsson/Gröndal Quin-
tet“ leikur, en hana skipa Ólafur
Jónsson, Haukur Gröndal,
Kjartan Valdimarsson og Mor-
ten Lundsby.
„Á morgun ó og aska“ er yf-
irskrift kvæðakvölds í Deiglunni
föstudagskvöldið 26. júlí sem
hefst kl. 21. Flutt verða ljóð eftir
Halldór Laxnes og Pablo Ner-
uda. Fram koma Þorsteinn
Gylfason,Tómas R. Einarsson,
Sif Ragnhildardóttir, Michael
Jón Clarke og Richard Simm.
Myndlistarsýning verður
opnuð í Ketilhúsi kl. 16 á laug-
ardag, 27. júlí. Fimm íslenskar
listakonur sýna í aðalsal og svöl-
um. Joris Rademaker opnar
innsetningu í litla sal á jarðhæð.
Sýningarnar standa til 11. ágúst
næstkomandi.
Blái engillinn nefnist söngva-
dagskrá með sögulegu ívafi sem
verður í Deiglunni á laugardags-
kvöld, 27. júlí kl. 21.30. Sif Ragn-
hildardóttir syngur lög Marlene
Dietrich við undirleik Tómasar
R. Einarssonar. Sögumaður er
Arthur Björgvin Bollason,
heimspekingur.
Nina Jeppesen og Marie Zie-
ner frá Danmörku leika á Sum-
artónleikum í Akureyrarkirkju
á sunnudag, 28. ágúst kl. 17.
Megas – margmiðlunarsýn-
ing stendur yfir í Deiglunni og
er opið alla daga nema mánu-
daga frá kl. 14 til 18.
Dagskrá
Lista-
sumars
SNARRÆÐI húsráðenda á bænum
Hranastöðum kom í veg fyrir að eld-
ur breiddist út í íbúðarhúsinu á
staðnum. Húsið er á tveimur hæðum
og kom eldurinn upp í dýnu í her-
bergi á efri hæð þess. Tilkynning
barst Slökkviliði Akureyrar frá
Neyðarlínunni um að eldur væri laus
í húsinu en íbúar væru allir komnir
út. Tveir slökkvibílar voru sendir á
vettvang sem og sjúkrabíll, en áður
en flotinn kom á staðinn barst til-
kynning um að búið væri að slökkva
eldinn. Húsráðanda hafði tekist að
kasta dýnunni út úr íbúðinni. Efri
hæð hússins var full af reyk. Slökkvi-
liðsmenn sáu um að reykræsta húsið.
Eldur
í dýnu
Morgunblaðið/Skapti Hallgrímsson
Slökkviliðsmaður slekkur síðustu
glóðina í dýnunni fyrir utan Hrana-
staði. Fyrir aftan eru starfsbræður
sem reykræstu húsið.