Morgunblaðið - 23.07.2002, Side 35
FRÉTTIR
MORGUNBLAÐIÐ ÞRIÐJUDAGUR 23. JÚLÍ 2002 35
ATVINNU-
AUGLÝSINGAR
I
I
Hjá Jóa Fel.
— Bakarí
Okkur vantar hresst og duglegt starfsfólk í af-
greiðslu/vaktir. Upplýsingar aðeins veittar á
staðnum fyrir hádegi.
Hjá Jóa Fel.,
Kleppsvegi 152.
Heilbrigðisstofnunin Siglufirði
Hjúkrunarfræðingar
Okkur vantar hjúkrunarfræðinga strax til starfa.
Til greina kemur hlutastarf við skólahjúkrun.
Upplýsingar gefur Sigurður Jóhannesson,
hjúkrunarstjóri, í síma 467 2100
Netfang: sigurdur.johannesson@hssiglo.is .
RAÐAUGLÝSINGAR
Rangt farið með vísu
Í minningargrein Örvars Krist-
jánssonar og Guðbjargar B. Sigurð-
ardóttur um Steingrím Eyfjörð Stef-
ánsson á blaðsíðu 33 í
Morgunblaðinu á sunnudag, 21. júlí,
var rangt farið með vísu í lok grein-
arinnar. Rétt er vísan svona:
Minning þín er mér ei gleymd,
mína sál þú gladdir.
Innst í hjarta hún er geymd,
þú heilsaðir mér og kvaddir.
(K.N.)
Hlutaðeigendur eru beðnir afsök-
unar á þessum mistökum.
Skráningarskyldir vagnar
án tillits til þyngdar
Það skal áréttað vegna fréttar um
eftirlit lögreglunnar í Reykjavík með
tjaldvögnum, að öll fellihýsi, hjólhýsi
og tjaldvagnar eru skráningarskyld,
en ekki eingöngu slíkir vagnar sem
eru 750 kg að heildarþyngd eða
meira, eins og skilja mátti af frétt-
inni.
LEIÐRÉTT
VÍÐA eru smálaxagöngur sterk-
ar og hafa haldist í hendur góðar
göngur og vætutíð að undan-
förnu. Hefur veiði mjög víða ver-
ið með líflegra móti eftir hæga
og erfiða byrjun þar sem stærri
laxinn vantaði illilega víðast hvar
í upphafi vertíðarinnar. Nýlega
lauk holl veiðum í Norðurá og
náðust 174 laxar, sem er lang-
besta þriggja daga veiði í ánni í
mörg herrans ár. Er sú tala til
marks um góðan gang í veiði-
skapnum.
En góðu fréttirnar ná víðar.
Vikuna 11. júlí til 18. júlí jókst
veiðin í Laxá í Kjós úr 120 löxum
í 358 laxa, sum sé 238 laxar og
kom engum á óvart sem hafði
séð laxafjöldann sem var að
reyna að troða sér í vatnslitla
ána dagana á undan.
Góðu fréttirnar hafa einnig
teygt sig norður fyrir heiðar, 8
til 12 laxar veiðast flesta daga í
Laxá á Ásum sem var komin í
um 180 laxa um helgina. Þá
veiddust einn morguninn fyrir
skemmstu 20 laxar í Miðfjarðará.
Þar rennur laxinn aðallega upp í
Vesturá og Austurá.
Fleiri fréttir
Holl sem lauk veiðum í Flóku í
Borgarfirði fyrir skemmstu var
með 25 laxa á þrjár stangir á
tveimur dögum og tveggja daga
holl í Straumunum hafa verið að
fá 6 til 10 laxa og einnig hafa
borist góðar fréttir frá Brenn-
unni og Svarthöfða. Fólk sem
var nýverið í Reykjadalsá fékk
þrjá laxa í beit neðarlega, alla
grálúsuga.
Veiðimenn sem voru í Stóru-
Laxá, svæði 4, í gær fengu tvo
laxa og misstu ferlegt tröll á
pallinum fyrir ofan Hólmahyl.
Þeir sáu þokkalegt slangur af
laxi og neðar, á svæðum 1 og 2
urðu menn talsvert varir um
helgina, m.a. veiddust fjórir lax-
ar einn daginn og víða var fisk að
sjá. Áin var afar vatnslítil fram-
an af en um leið og rigningarnar
hækkuðu á henni risið gekk lax
upp úr Iðu, en þar hefur einnig
verið bærileg veiði síðustu daga,
enda góðar göngur í Hvítá/Ölf-
usá að undanförnu. Hafa veiðst 4
til 8 laxar á dag á Pallinum við
Selfoss, einn daginn komu 22 á
land í Langholti og frést hefur af
algeru moki í netin.
Mokveiði hefur verið í Laxá í Kjós. Myndin er frá Laxfossi.
Víða sterkar
smálaxagöngur
ERU
ÞEIR AÐ
FÁ’ANN?
AÐFARANÓTT sl. föstudags var
hvítum Skoda pallbíl með pallhúsi
stolið frá Grenivöllum 26 á Akureyri.
Skráningarnúmer er PB 324 árgerð
1994. Ekkert hefur spurst til bifreið-
arinnar síðan. Hún er merkt TF á
báðum hliðum pallhúss. Lögreglan
tekur við ábendingum.
Vitni óskast
TÖLUVERT margir
ökumenn voru stöðvaðir
vegna hraðaksturs um
helgina eða alls 62. Á
Miklubraut var ökumaður stöðvaður
af lögreglu á föstudagskvöld er hann
ók á 113 km/klst þar sem leyfður há-
markshraði er 70 km/klst. Alls var
tilkynnt um 25 umferðaróhöpp, en
engin slys urðu á fólki. Um helgina
voru höfð afskipti af 10 ökumönnum
sem voru grunaðir um ölvun við
akstur. Eftir helgina eiga 15 öku-
menn, sem gátu ekki framvísað öku-
skírteini, von á sekt. Eins þarf varla
að útskýra þá hættu sem felst í því
að vera ekki með öryggisbeltin
spennt en engu að síður voru 17
ökumenn stöðvaðir af þeim sökum.
Átta voru stöðvaðir fyrir að hafa ek-
ið gegn rauðu ljósi og alls voru þeir
18 sem virtu ekki stöðvunarskyldu.
Á sunnudag bárust kvartanir
vegna vítaverðs aksturs ungs öku-
manns um íbúðarhverfi í Mos-
fellsbæ en kvartanir bárust um að
hann æki allt of hratt og sinnti
hvorki biðskyldu né stöðvunar-
skyldu. Lögregla svipaðist um í
hverfinu og fann viðkomandi og
veitti honum tiltal vegna aksturs-
lagsins.
Talsverð ölvun var í borginni og
sem fyrr voru nokkrir færðir á lög-
reglustöð til viðræðna og aðrir
máttu gista fangageymslur lögreglu.
Á föstudagskvöldið var ökumaður
bifreiðar einnar og farþegar á ferð
um Bústaðaveg er vegfarendur
bentu á bifreiðina. Ökumaður ákvað
að athuga málið og stöðvaði í nær-
liggjandi götu. Fólkið yfirgaf bif-
reiðina en farið var að rjúka úr
henni og varð hún fljótlega alelda.
Slökkvilið var kallað á vettvang sem
sá um að slökkva eldinn. Dráttarbif-
reið flutti bifreiðina í burtu. Fólkið
slapp með skrekkinn en bifreiðin er
talin ónýt. Lögreglan veitti tveimur
ökumönnum tiltal er þeir voru
greinilega í spyrnu hvor við annan
milli umferðarljósa á Sæbrautinni.
Klukkan rúmlega ellefu var tilkynnt
um hávaða frá hljómsveit í húsa-
garði í vesturborginni. Er lögregla
kom á staðinn var hljómsveitin hætt
að spila en mikill fjöldi fólks var í
garðinum. Sá er stóð fyrir samkom-
unni vildi ekki segja til nafns og eft-
ir árangurslausar viðræður var
hann handtekinn og færður á lög-
reglustöð og var honum sleppt að
viðræðum loknum. Í þessu sam-
bandi er vert að benda á að sam-
kvæmt 4. málsgrein 15. greinar lög-
reglulaga er öllum skylt ef lögregla
fer fram á það að segja til nafns og
sýna skilríki því til sönnunar. Að-
faranótt laugardags hafði lögreglan
afskipti af sextán ára unglingum við
bjórdrykkju. Þeim var ekið heim og
rætt við foreldra. Lögreglan var
kölluð til vegna slagsmála tveggja
manna vestur í bæ, flytja þurfti ann-
an manninn á slysadeild. Rétt eftir
hádegi á laugardag var tilkynnt um
reyk frá íbúð í miðborginni og var
íbúðin ólæst og mannlaus er lög-
regla og slökkvilið komu á vettvang.
Íbúðareigandi kom skömmu síðar.
Þarna hafði viðkomandi sett pitsu í
ofninn og síðan skroppið aðeins út.
Það fór illa fyrir pitsunni, en hún
brann og olli miklum reyk í íbúðinni.
Annað skemmdist ekki. Aðfaranótt
sunnudags reyndi maður einn að
klifra upp í fánstöng og var kominn
2–3 m er hann féll niður. Hann var
fluttur með sjúkrabifreið á slysa-
deild. Vinnuslys varð í bakaríi einu
undir morgun, en þar missti starfs-
maður framan af fingrum. Hann var
fluttur á slysadeild. Líðan hans er
eftir atvikum. Tilkynning barst frá
vegfaranda um svipað leyti þess efn-
is að verið væri að skemma mann-
lausa lögreglubifreið sem stóð fyrir
utan skemmtistað í miðborginni,
lögreglumenn voru inni að störfum.
Sá sem var þar að verki var hand-
tekinn og vistaður í fangageymslu.
Seinni part sunnudags slasaðist
maður er bóma á gröfu slóst utan í
hann. Garðframkvæmdir voru í
gangi, verið var að færa til grjót er
steinn féll úr skóflunni með þeim af-
leiðingum að bóman slóst utan í
manninn sem féll við það til jarðar.
Hann var fluttur á slysadeild með
sjúkrabifreið. Meiðslin reyndust
ekki alvarleg.
Úr dagbók lögreglu, 19.–22. júlí
Mikið annríki hjá
lögreglu um helgina
ÞINGFLOKKUR Vinstrihreyfing-
arinnar – græns framboðs fordæm-
ir harðlega þá ákvörðun stjórnar
Landsvirkjunar og ríkisstjórnarinn-
ar að ætla nú þegar að hefja fram-
kvæmdir vegna Kárahnjúkavirkjun-
ar, „þrátt fyrir að allir meginþættir
málsins séu í lausu lofti, svo sem
samningar um raforkuverð og
skattaívilnanir til Alcoa.“
Í ályktun þingflokksins segir að
enda þótt málið sé enn í óvissu
muni fyrirhugaðar framkvæmdir
valda óafturkræfum náttúruspjöll-
um. Af þessu tilefni hafi þingflokk-
urinn krafist þess að þær þing-
nefndir sem mál þessi varða mest
verði þegar kvaddar til fundar. Þá
sé gerð sú krafa að engar fram-
kvæmdir hefjist fyrr en Alþingi hafi
komið saman og þjóð og þing verið
upplýst um alla þætti málsins und-
anbragðalaust.
VG fordæmir ákvörð-
un ríkisstjórnarinnar Í DAG, þriðjudaginn 23. júlí, verður
farið í göngu um Viðey og á slóðir
Jóns Arasonar. Jón Arason barðist á
móti Dönum í Viðey fyrir því að kaþ-
ólskt klaustur, sem þar var, yrði end-
urreist. Á göngunni verður farið um
þær slóðir sem Jón háði sína baráttu
og saga klaustursins kynnt. Áætlað er
að ferðin taki rúmlega klukkutíma.
Gönguferð á slóðir
Jóns Arasonar
GARÐHEIMAR og þýski tjarnar-
vöruframleiðandinn Heissner stóðu
nýverið fyrir vali á fallegustu tjörn-
inni. Valin var fallegasta gróna
tjörnin og fallegasta nýlagða tjörnin.
Vegleg verðlaun voru í boði.
Garðurinn sem varð fyrir valinu
fyrir fallegustu grónu tjörnina er í
Grundarlandi 13 í Reykjavík, en eig-
endur hans eru Jónína og Böðvar.
Garðurinn á Gunnlaugsgötu 6 í
Borgarnesi varð fyrir valinu fyrir
fallegustu nýlögðu tjörnina, en eig-
endur hans eru Blængur og Þórdís.
Verðlaunar fal-
legustu tjörnina
♦ ♦ ♦