Morgunblaðið - 23.07.2002, Blaðsíða 48
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 23. JÚLÍ 2002 VERÐ Í LAUSASÖLU 190 KR. MEÐ VSK.
EKKI er nauðsynlegt að fara út fyr-
ir borgarmörkin til að komast út í
guðs græna náttúruna. Þessi mynd
var tekin í Elliðaárdal þar sem
þessi börn nutu útiveru. Í Elliðaár-
dalnum eru tré, steinar, blóm og
gras auk Elliðaánna sem dalurinn
dregur nafn sitt af. Þá mun þar
einnig vera að finna byggðir álfa,
dverga og huldufólks ef vel er gáð.
Ósagt skal látið hvort þessi
mennsku börn hafa verið að skima
eftir vættum í dalnum en þau hafa
örugglega haft ágætis útsýni af
þessum steini sem gæti verið álfa-
steinn.
Morgunblaðið/Golli
Skimað eftir vætt-
um af álfasteini
FLUGMÁLASTJÓRN er um
þessar mundir að kanna atvik
sem varð nýverið á íslenska
flugstjórnarsvæðinu er bil
milli tveggja erlendra farþega-
véla fór niður fyrir leyfileg
mörk, að sögn Ásgeirs Páls-
sonar, framkvæmdastjóra
flugumferðarsviðs Flugmála-
stjórnar.
Ásgeir tekur þó fram að
engin hætta hafi verið á ferð-
um enda hafi það langur tími
verið á milli vélanna.
Aðspurður segir hann að at-
vikið hafi átt sér stað þegar
önnur vélin var að klifra en við
það fór hún í gegnum flughæð
hinnar vélarinnar. Hann segir
að atvikið fari í gegnum ákveð-
ið rannsóknarferli hjá Flug-
málastjórn og að Rannsókn-
arnefnd flugslysa hafi verið
gert viðvart. Rannsóknar-
nefndin geti sjálf ákveðið
hvort hún vilji koma inn í
rannsókn málsins eða hvort
hún vilji gera eitthvað við nið-
urstöðuna og þá hvað. „Svona
atvik eru alltaf litin alvarleg-
um augum og tekin föstum
tökum; þau eru rannsökuð og
síðan er reynt að læra af því
hvað hefur gerst.“
Aðspurður segir Ásgeir að
atvik sem þetta komi fyrir við
og við en þó sé afar sjaldgæft
að svo stutt sé á milli tveggja
véla að önnur vélin þurfi að
víkja frá í skyndingu til að
forða við slysi.
Flugmálastjórn
Of stutt
á milli
flugvéla
ÁRNI Tómasson, bankastjóri Bún-
aðarbanka Íslands, segir að rann-
saka eigi innan bankans hvort skjöl
sem Sigurður G. Guðjónsson, for-
stjóri Norðurljósa, lagði fram með
kæru til Fjármálaeftirlitsins séu
komin frá bankanum.
Segir hann að um grafalvarlegt
mál sé að ræða hafi gögn komist með
óeðlilegum hætti frá bankanum til
Sigurðar.
Nýjar kröfur riðluðu greiðslum
til Íslandsbanka
Íslandsbanki fylgir nú í kjölfar
Landsbanka Íslands og Búnaðar-
banka Íslands og hefur stefnt Norð-
urljósum fyrir Héraðsdómi Reykja-
víkur vegna eftirstöðva 60 milljóna
króna víxils. Forstjóri Norðurljósa
segir greiðslur hafa riðlast vegna
krafna í tengslum við gjaldþrot Sjón-
varpsmarkaðarins. Sigurður G. Guð-
jónsson segir að greiddar hafi verið
20 milljónir af víxlinum hjá Íslands-
banka en 40 milljónir standi eftir auk
vaxta og kostnaðar. Hann segir
þetta ekki vera stórmál, félagið hafi
frest til loka september til að skila
greinargerð um málið í Héraðsdómi.
„Við ætlum að vera búnir að
greiða víxilinn upp fyrir þann tíma,“
sagði Sigurður.
Sigurður segir það hafa riðlað
greiðslum til Íslandsbanka að Norð-
urljós hafi nýverið fengið á sig 70
milljóna króna kröfur vegna gjald-
þrots Sjónvarpsmarkaðarins sem
Stöð 2 hafi reyndar selt fyrir nokkr-
um árum og hann verið sameinaður
Sjónvarpskringlunni sem var í Rík-
issjónvarpinu.
Rannsakað
hvort skjöl séu
frá bankanum
Málefni Norðurljósa/10-11
ÚTI FYRIR Kolbeinsey má finna
300 metra há fjöll á hafsbotni og lík-
ist landslagið þar því sem finna má í
nyrðra gosbeltinu og á Reykjanesi.
Á svæðinu er mikil eldvirkni, djúpar
sprungur, háhitasvæði og gígaraðir.
Í rannsóknarleiðangri sem haf-
rannsóknarskipið Árni Friðriksson
hefur nýlokið kortlögðu vísinda-
menn landslagið á botni hafsins við
Kolbeinsey og víðar umhverfis land-
ið með hjálp fjölgeisladýptarmælis.
Rannsóknarleiðangurinn var að
hluta samstarfsverkefni Hafrann-
sóknastofnunar, Orkustofnunar og
Raunvísindastofnunar Háskóla Ís-
lands.
Bryndís Brandsdóttir, jarðeðlis-
fræðingur hjá Raunvísindastofnun,
og Guðrún Helgadóttir, jarðfræð-
ingur hjá Hafrannsóknastofnun,
fóru fyrir leiðangrinum. Þær segja
myndirnar af Kolbeinseyjarhryggn-
um einstakar og að með nákvæmni
fjölgeisladýptarmælisins veiti þær
upplýsingar sem ekki hafa áður
komið fram.
Landslagið sláandi
líkt nyrðra gosbeltinu
Segja þær fjöll sem fundust við
rannsóknirnar í júlí mörg hver ekki
hafa verið þekkt vísindamönnum áð-
ur. „Það sem stendur upp úr rann-
sókninni er hversu sláandi líkt þetta
landslag er því sem finnst í nyrðra
gosbeltinu,“ segir Bryndís. „Við
sjáum gíga og há fjöll, enda er þetta
landslag myndað undir sjó eða ís
líkt og það sem finna má á Reykja-
nesi, því finnum við sömu landslags-
formin á báðum stöðum.“
Mælingar á svæðinu munu bæta
við almenna þekkingu á jarð- og líf-
fræði hafsbotnsins umhverfis land-
ið.
Um 300 metra há fjöll
undan Kolbeinsey
Á kortinu sem unnið er út frá
niðurstöðum fjölgeislamælinga
má sjá syðsta hluta Kolbeinseyj-
arhryggjar. Greinilegar eru
upphleðslumiðjur líkt og sjá má
á landi, mikil eldvirkni hefur
verið í kringum Kolbeinsey.
,-$.
$(
Landslag/25
Bankastjóri Búnaðarbankans
EIN NÝ háplöntutegund svo og ein
ný tegund fléttugróðurs hafa numið
land í Surtsey. Fundust þær í nýaf-
stöðnum rannsóknaleiðangri sex líf-
fræðinga í eynni. Þá hafa nokkrar
nýjar skordýrategundir numið land í
eynni frá síðustu rannsóknum.
Líffræðingarnir komu til eyjar-
innar 15. júlí sl. og stóðu rannsókn-
irnar í fjóra daga. Leitað var sér-
staklega að tegundum háplantna og
fannst ein ný tegund, kattartunga,
Plantago maritima, sem ekki hefur
sést þar áður. Ein ný tegund fléttu-
gróðurs fannst, svertu-flétta, Veruc-
aria, og af nýjum skordýrategundum
sem fundust má nefna gullsmið og
tegundir jötunuxa.
Þá var leitað að ranabjöllum og
fannst í fyrsta sinn eyjarani, Ceutor-
hynchus insularis, en hann hefur að-
eins fundist áður á tveimur stöðum í
heiminum, St. Kildu í Skotlandi og á
Suðurey í Vestmannaeyjum.
Nú hefur grágæs orpið í fyrsta
sinn í Surtsey svo vitað sé með vissu.
Sáust þar nú gæsahjón með þrjá
stálpaða unga.
Úthafsöldur brjóta stöðugt af
bergi eyjarinnar og sandströndin á
norðurnesinu er að hverfa en á
næsta ári eru 40 ár síðan Surtsey
reis úr sæ.
Sjaldséð skordýr og
nýjar plöntur í Surtsey