Morgunblaðið - 09.08.2002, Side 8

FRÉTTIR
8 FÖSTUDAGUR 9. ÁGÚST 2002 MORGUNBLAÐIÐ
Allra síðustu dagar!
f
a
s
t
la
n
d

-

8
2
1
8
Sími 510 8000 • Bíldshöfða 20 • 110 Reykjavík • www.husgagnahollin.is
R
ým
ingarsala
Rýmingarsölunni lýkur á morgun
80%
afsláttur
Allt að
Hinsegin dagar haldnir í fjórða sinn
Stolt út um allt
í Reykjavík
UM HELGINAverða Hinsegindagar, eða Gay
Pride, í Reykjavík haldnir í
fjórða sinn. Hátíðinni hefur
vaxið fiskur um hrygg á
undanförnum árum og er
von á fjölda gesta og þátt-
takenda í göngu niður
Laugaveginn á morgun.
Morgunblaðið ræddi við
Heimi Má Pétursson,
framkvæmdastjóra Hin-
segin daga í Reykjavík.
– Hver er saga Hinsegin
daga?
„Hér í Reykjavík hafa
verið haldnir Hinsegin
dagar allt frá sumrinu
1999, en þá var haldin hátíð
á Ingólfstorgi til að minn-
ast 30 ára afmælis Stone-
wall-uppreisnarinnar, á út-
farardegi Judy Garland, þegar
hommar og lesbíur veittu í fyrsta
skipti mótspyrnu þegar átti að
handtaka þau fyrir það eitt að vera
til. Árið 2000 var, í tengslum við
menningarborgarárið, haldin
ganga niður Laugaveginn sem
endaði með hátíð á Ingólfstorgi. Á
hverju ári hefur þátttaka í hátíð-
arhöldunum aukist. Árið 1999
komu um 1500 manns á Ingólfs-
torg, árið 2000 voru um 12.–15.000
manns í göngunni og á hátíðinni,
og í fyrra er talið að allt að 20.000
manns hafi tekið þátt. Þegar
fyrstu gestirnir komu á Ingólfs-
torg voru þeir síðustu að hefja
göngu við Hlemm.“
– Hvert er kjörorð hátíðarinnar
í ár?
„Á hverju ári er samþykkt kjör-
orð á heimsþingi Interpride,
heimssamtaka borga sem halda
Gay Pride hátíðir. Í fyrra var það
„Fögnum fjölbreytni“, og í ár er
kjörorðið á ensku „Pride World-
wide“, sem útleggst „Stolt út um
allt“ á íslensku.“
– Hvert er gildi þess fyrir
Reykjavík að hafa svona hátíð?
„Gildi hátíðar af þessu tagi er
mjög margþætt. Fyrir samkyn-
hneigða er þetta fyrst og fremst
sigurhátíð, þar sem fagnað er þeim
sigrum sem náðst hafa á rúmum
þrjátíu árum, allt frá Stonewall-
uppreisninni. Að sama skapi er
ánægjulegt að sýna sig og sjá aðra
í skemmtilegri göngu af þessu
tagi. Göngur sem þessar eru einn-
ig mjög mikilvægar fyrir ferða-
þjónustuna á staðnum. Síðast en
ekki síst hafa Hinsegin dagar opn-
að umræðuna um samkynhneigð
hér heima til muna og auðveldað
ungu samkynhneigðu fólki að
sættast við kynhneigð sína, sem og
aðstandendum að horfast í augu
við og meðtaka hana sem eðlilegan
hluta samfélagsins.“
– Á Reykjavík ekki enn langt í
land að komast á hátíðakortið?
„Nei, hátíðin hér er orðin ein af
fimm stærstu Gay Pride hátíðun-
um í Evrópu, aðeins þær allra
stærstu, til dæmis í London, Köln
og Berlín, eru fjölmennari en okk-
ar. Hátíðin er mjög mikilvæg fyrir
ímynd Reykjavíkur
sem víðsýnnar borgar
og vekur athygli á lög-
gjöf okkar, sem er með
þeim frjálslyndustu í
heimi eins og staðan er
nú. Enn má gera betur, en nú er
Ísland meðal einungis um sjö ríkja
sem lögleitt hafa staðfesta samvist
samkynhneigðra.“
– Hverjir standa að Hinsegin
dögum?
„Á hverju hausti er mynduð
samstarfsnefnd Hinsegin daga,
sem í ár er skipuð fulltrúum Sam-
takanna ’78, Félags samkyn-
hneigðra stúdenta, MSC-Íslands,
HIV-jákvæðs hóps homma, Ung-
liðahreyfingarinnar Revolta og
KMK-hópsins. Enginn atburður
hér á landi sameinar alla samkyn-
hneigða og aðstandendur þeirra á
jafn víðtækan hátt.“
– Hafa fyrirtæki tekið þátt í
undirbúningi og markaðssetn-
ingu?
„Já, mörg fyrirtæki hafa séð
möguleika á að taka þátt í mark-
aðssetningu daganna. Má þar
nefna Flugleiðir, Landsbankann,
VÍS, Símann og fjöldann allan af
smærri fyrirtækjum, að ógleymdri
sjálfri Reykjavíkurborg. Einnig
hefur Skífan tekið þátt að þessu
sinni með útgáfu geisladisksins
Pottþétt hinsegin, sem er safn-
diskur með vinsælum lögum sam-
kynhneigðra undanfarna áratugi.“
– Er von á enn stærri hátíðum í
framtíðinni?
„Já, tvímælalaust. Nú í vor var
undirrituð stuðningsyfirlýsing
Reykjavíkurborgar við umsókn
Hinsegin daga um að fá að halda
heimsþing Interpride árið 2004, en
borgirnar Berlín og St. Louis hafa
einnig sótt um að halda þingið. Ef
úr rætist, að við fáum að halda
þingið, mun það styrkja mjög
tengsl Íslands við sams konar há-
tíðahöld á alþjóðavettvangi.“
– Hvernig er dagskráin í ár?
„Í kvöld verður Berlínarkaba-
rett á Spotlight með hljómsveitinni
Stereo-Total, og þar
mun Íslandsvinurinn
Wolfgang Müller
syngja spaugileg ís-
lensk sönglög ásamt
gestum. Gay Pride
gangan er svo á morgun, safnast
verður saman á Rauðarárstíg við
Hlemm um klukkan 2 eftir hádegi
og lagt af stað stundvíslega klukk-
an 3. Gengið verður niður Lauga-
veg að Ingólfstorgi, og þar verður
Hinsegin hátíð í eftirmiðdaginn.
Ýmsir skemmtikraftar og lista-
menn verða í göngunni og á Ing-
ólfstorgi, og eru allir innilega vel-
komnir í gönguna.“
Heimir Már Pétursson
 Heimir Már Pétursson fæddist
á Ísafirði árið 1962. Hann lauk
stúdentsprófi frá Fjölbrautaskól-
anum við Ármúla árið 1985 og
BA-prófi í stjórnmálafræði og
fjölmiðlafræði frá Háskóla Ís-
lands árið 1989. Heimir Már hef-
ur unnið hjá ýmsum fjölmiðlum,
þar á meðal Stöð 2 og Bylgjunni
frá 1991 til 1996. Hann hefur
einnig starfað sem framkvæmda-
stjóri Alþýðubandalagsins, hjá
Hyper Web solutions, sem fram-
kvæmdastjóri siglingar Íslend-
ings til Vesturheims, og var ráð-
inn upplýsingafulltrúi Flugmála-
stjórnar árið 2001. Heimir Már
er í sambúð með Jean François
Tessier.
Hátíðin orðin
ein sú stærsta
í Evrópu
Velkomin í Kópavog, hér erum við með sérmerkta götu fyrir svona list, Palli minn.