Morgunblaðið - 09.08.2002, Blaðsíða 11

FRÉTTIR
MORGUNBLAÐIÐ FÖSTUDAGUR 9. ÁGÚST 2002 11
NOKKRIR aðstandendur og vinir
þeirra er fórust í flugslysinu í
Skerjafirði 7. ágúst árið 2000 komu
saman nálægt slysstaðnum í fyrra-
kvöld í tilefni þess að nákvæmlega
tvö ár voru liðin frá slysinu. Þeirra
sex sem fórust, flugmanns og fimm
farþega, var minnst með blómum,
kveikt var á kertum og þeim fleytt í
fjöruborðinu. Aðstandendur fengu
hlýjar kveðjur eins og sjá má og
þess má geta að á sama tíma var
nánasta fjölskylda eins fórn-
arlamba slyssins stödd á Snæfells-
nesi þar sem kertum var fleytt í
fjörunni þar.
Morgunblaðið/Sverrir
Fórnarlamba
flugslyssins
í Skerjafirði
minnst
ÞÓTT mjög hafi dregið úr veitingu
nýrra atvinnuleyfa og aðflutningi
erlendra ríkisborgara til landsins
hefur ekki orðið samsvarandi
aukning á brottflutningi fólks héð-
an af landi brott, að því er fram
kemur í vefriti fjármálaráðuneyt-
isins, fjr.is.
Fram kemur að þvert á móti er
stöðug aukning í framlengingu at-
vinnuleyfa, sem erlendir ríkisborg-
arar utan EES-svæðisins þurfa að
fá eftir eins árs dvöl hér á landi.
Sömuleiðis eru æ fleiri óbundin at-
vinnuleyfi gefin út, sem kölluð eru
„græn kort“.
Fram kemur í vefritinu að þegar
uppgangur var sem mestur var
stöðugt aðstreymi af erlendu
vinnuafli til landsins enda jafngilti
fjölgun erlendra ríkisborgara á
vinnumarkaði um fimmtungi af
fjölgun starfa sem varð í uppsveifl-
unni. Að miklu leyti var um flutn-
ing fólks milli starfa að ræða: er-
lendir ríkisborgarar tóku að sér
störf í fiskvinnslu og þjónustu-
greinum en heimamenn fluttust í
störf sem þeim fundust áhugaverð-
ari. Þetta segir ráðuneytið að sé
sambærilegt við reynslu annarra
þjóða þar sem uppgangur í at-
vinnulífi hafi verið meiri en fram-
boð af vinnuafli réð við.
Veiting atvinnuleyfa til fólks ut-
an EES var mest á haustin og náði
yfir 300 manns á mánuði árið 2000.
Aðflutningur fólks náði þó aldrei
þeirri tölu. Haustið 2001 var topp-
urinn helmingi minni en árið áður
og nýjum atvinnuleyfum hefur far-
ið nær stöðugt fækkandi frá því þá.
Ekki er vitað hversu mikið er um
að atvinnurekendum sé synjað um
atvinnuleyfi fyrir erlenda ríkis-
borgara hjá viðkomandi verka-
lýðsfélögum.
Á þessu tímabili hefur skráð at-
vinnuleysi aukist og segir ráðu-
neytið að því séu væntanlega færri
tilefni til þess að sækja starfsmenn
til útlanda. Fyrir því séu þó for-
dæmi að ríki hafi bæði haft at-
vinnuleysi og aðstreymi erlends
vinnuafls vegna þess að heima-
menn hafa ekki fengist til starfa
sem fólk frá fátækari löndum gerir
sér að góðu.
Ráðuneytið segir síðan, að ís-
lenskt efnahagslíf hafi notið góðs
af því að hægt hafi verið að fá hing-
að fólk til að leysa af hendi störf
sem annars hefði ekki verið hægt
að sinna. Hefðbundin efnahagslög-
mál bendi einnig til þess að með
aðflutningnum hafi verið komið í
veg fyrir enn meiri þenslu á vinnu-
markaði en þó varð. Það fólk sem
hingað kom vilji hins vegar setjast
að og það sé að aðlagast íslensku
samfélagi. Jafnframt sé íslenskt
samfélag að laga sig að því að hing-
að er kominn umtalsverður hópur
fólks með annan bakgrunn og venj-
ur en þeir sem fyrir voru. Meðal
annars sé við því að búast að hluti
af launatekjum þessa fólks sé send-
ur til baka til upprunalandsins, að
minnsta kosti um stundarsakir.
Efnahagslíf sem þarf á aðfluttu
vinnuafli að halda verði að búa sig
undir þær varanlegu breytingar á
samfélaginu sem slíkur aðflutning-
ur hefur í för með sér.
Ástandið á vinnumarkaði umfjöllunarefni í vefriti fjármálaráðuneytisins
Stöðugt fleiri vilja
framlengja atvinnuleyfi
vatnasvæðinu. Er því haldið fram
að netin séu ekki lögð frá föstu
landi, eins og lög kveði á um,
heldur frá eyrum úti í ánum.
Rannsóknardeild lögreglunnar
á Selfossi bíður einnig eftir
skýrslu frá veiðieftirlitsmönnun-
um en að sögn Þorgríms Óla Sig-
urðssonar rannsóknarlögreglu-
manns stendur gagnaöflun yfir
vegna kærunnar.
Kærandinn, Hreggviður Her-
mannsson í Langholti, er félagi í
Veiðifélagi Árnesinga og á land
að vatnasvæðinu. Haft hefur ver-
ið eftir honum í Morgunblaðinu
að meirihluti rúmlega 200 fé-
lagsmanna sé mótfallinn neta-
veiðunum eins og þær hafi farið
fram. Formaður veiðifélagsins,
Gaukur Jörundsson í Kaldaðar-
nesi, vildi ekkert láta hafa eftir
sér um kæruna þegar eftir því
var leitað.
ÁRNI Ísaksson veiðimálastjóri
segir í samtali við Morgunblaðið
að við fyrstu sýn virðist ekkert
hafa verið athugavert við þær
netalagnir sem teknar voru
myndir af í eftirlitsflugi yfir
vatnasvæði Ölfusár og Hvítár síð-
degis á miðvikudag. Hann segist
þó eiga eftir að fá í hendur form-
lega skýrslu ásamt ljósmyndum
frá veiðieftirlitsmönnunum
tveimur sem í flugið fóru. Því sé
ekki hægt að kveða upp endan-
legan úrskurð á þessu stigi máls-
ins.
Von á skýrslum frá
veiðieftirlitsmönnum
Árni segir að um árlega eft-
irlitsferð hafi verið að ræða en
eins og fram hefur komið í Morg-
unblaðinu er kæra til rannsóknar
hjá lögreglunni á Selfossi vegna
meintra ólöglegra netalagna á
Ekkert athuga-
vert við fyrstu sýn
Eftirlitsflug yfir vatnasvæði
Ölfusár og Hvítár
„HÉR er búin að vera bullandi
veiði og á hádegi voru komnir 946
laxar á land. Allt síðasta sumar
veiddust 1.006 laxar þannig að ljóst
er að við förum langt yfir þá tölu.
Það er einnig mikið af stórum birt-
ingi að veiðast. Við hvetjum menn
til að sleppa sem mestu af laxi og
þess má geta að alls hefur 661 laxi
verið sleppt aftur og mörgum af
stærri birtingunum einnig. Við höf-
um einnig stóraukið merkingar,
bæði á laxi og birtingi. Hér er gott
vatn, fullt af fiski og útlit fyrir að af-
gangurinn af vertíðinni verði mjög
góður,“ sagði Ásgeir Heiðar fulltrúi
leigutaka Laxár í Kjós í samtali við
Morgunblaðið í gærdag.
Ásgeir sagðist hafa átt þess kost
að veiða sjálfur einn eftirmiðdag í
ánni fyrir skemmstu, er áin var að
sjatna eftir stórflóð. „Ég fór í Ála-
bakkana og ég lýg því ekki að það
var fiskur á í hverju kasti. Ég tók
þarna tíu birtinga á bilinu 6 til 10
pund og sex laxa að auki. Náði aldr-
ei að veiða niður úr hylnum. Alltaf
fiskur á. Gísli Ásgeirsson, einn leið-
sögumannanna, var líka að veiða og
hann bara hætti.“
Fréttir héðan og þaðan
Miðfjarðará er komin yfir 400
laxa og hafa veiðst upp í 50 laxar á
dag þegar best hefur látið. Þetta er
mikil framför í Miðfirðinum miðað
við síðustu sumur og fiskur enn að
ganga.
Björn K. Rúnarsson leiðsögu-
maður við Vatnsdalsá sagði í gær
að áin væri að koma vel til á ný eftir
flóðin í byrjun vikunnar. Einn
morguninn veiddust átta laxar, þar
af tveir sem voru 102 og 98 senti-
metrar. Má reikna með að það hafi
verið 20 til 22 punda fiskar.
Samkvæmt vef leigutaka Langár
á Mýrum eru komnir um eða yfir
700 laxar á land og meira er komið
af laxi fram fyrir teljara í Sveðju en
á sama tíma síðustu sumur. Menn
eru að jafnaði að setja í 30 til 50
laxa á dag og landa 15 til 25. Skynj-
ari í Sveðjuteljara segir mönnum
að nokkrir um og yfir metralangir,
þ.e.a.s. 20 punda plús, eru gengnir
inn á Fjallið.
22 punda úr Laxá í Þing.
Einn af stærstu löxum sumars-
ins, 22 punda hrygna, veiddist á
Nesveiðum Laxár í Aðaldal fyrir
nokkrum dögum. Laxinn var met-
inn og sleppt aftur. Þá veiddist fyr-
ir fáum dögum 20 punda hængur á
Rangárflúðum í Ytri-Rangá og
telst það til tíðinda. Sá lax veiddist
raunar sama dag og 22 punda fisk-
ur veiddist af eystri bakka Hólsár.
Bullandi
veiði
í Kjósinni
Arnar Óskarsson með lax af efsta svæðinu í Stóru-Laxá í Hreppum.
ERU
ÞEIR AÐ
FÁ’ANN?
HÉRAÐSDÓMUR Reykjavíkur úr-
skurðaði í gær karlmann á fimmtugs-
aldri, sem lögreglan hefur grunaðan
um að hafa veitt fyrrverandi sam-
býliskonu sinni áverka á hálsi, í
áframhaldandi gæsluvarðhald þar til
dómur fellur í málinu, þó ekki lengur
en til 31. október.
Konan sem varð fyrir árásinni
hlaut talsverða áverka en er úr lífs-
hættu.
Lögreglan handtók manninn á
heimili konunnar að kvöldi 28. júlí og
lagði hald á eldhúshníf sem talið er að
hafi verið beitt við árásina.
Fyrir atburðinn sætti maðurinn
rannsókn lögreglunnar í Reykjavík
vegna annars máls sem lauk með út-
gáfu ákæru á hendur honum fyrir lík-
amsárás á hendur konunni og verður
málið flutt í héraðsdómi í haust.
Gæsluvarð-
hald fram-
lengt vegna
hnífaárásar
LEIT lögreglu og björgunarsveita-
fólks í Hvítá að Pálma Þórissyni,
sem saknað hefur verið í viku eftir að
bifreið sem hann var í féll í ána, hef-
ur enn engan árangur borið. Leitað
var á miðvikudag á báti með aðstoð
leitarhunds og er stefnt að því að leit
lögreglu og björgunarsveitafólks
haldi áfram á morgun, laugardag.
Leit haldið
áfram á morgun
♦ ♦ ♦