Morgunblaðið - 09.08.2002, Blaðsíða 52

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 9. ÁGÚST 2002 VERÐ Í LAUSASÖLU 190 KR. MEÐ VSK.
ÁGÚSTI Guðmundssyni kvik-
myndaleikstjóra hefur verið
boðið að leikstýra bíómynd í
Bandaríkjunum. Um er að
ræða gamansama ástarsögu
sem gerist í New York. Ágúst
segir tilboðið spennandi og er
hann á leið utan á næstunni til
að ljúka gerð handrits. Nýjasta
kvikmynd hans, Mávahlátur,
hefur hlotið góða dóma ytra.
Boðið að gera
mynd í Banda-
ríkjunum

Ágústi boðið/23
EIRÍKUR Þorláksson, forstöðu-
maður Listasafns Reykjavíkur, fór í
gærkvöldi inn í kjallarann í húsnæð-
inu við Fákafen 9 þar sem eldur kom
upp í fyrradag, en þar eru listaverk í
eigu Listasafns Reykjavíkur geymd.
Eftir að hafa skoðað aðstæður sagði
hann að ástand verkanna virtist
betra en hann hefði áður gert sér
vonir um.
Eiríkur sagði að sér hefði við
þessa yfirferð sýnst höggmyndir Ás-
mundar Sveinssonar óhultar eftir
brunann. Þær hefðu að vísu lent í
vatni og fengið á sig sót en það mætti
væntanlega laga og sér hefði sýnst
að myndirnar væru hvorki brotnar
né brunnar.
Best að tréverkin standi áfram
í rýminu meðan þau þorna
Eiríkur sagði að eldur hefði kom-
ist inn með loftinu í geymslunni seint
á brunatímanum og hefði hann
brunnið utan í nokkrum kössum og
fleiru á ákveðnu svæði, en það væri
mjög lítill hluti rýmisins. „Eldvarn-
arveggur milli hólfa stóð sig því mun
lengur og betur en menn gátu gert
sér vonir um fyrirfram, miðað við
þann hita sem var í rýminu við hlið-
ina. Ástandið er því mun betra en ég
bjóst við. Skaðinn er mestur í við-
kvæmari verkum úr pappa eða
striga, en þau eru vonandi ekki mjög
mörg. Þá er bókalager safnsins, þar
á meðal sýningarskrár, sennilega
ónýtur vegna vatns og reyks, en
þarna var 60–80 sentimetra djúpt
vatn þegar mest var,“ sagði Eiríkur.
Forverðir telja að best sé að
geyma tréverkin áfram í geymslunni
í stað þess að fjarlægja þau um leið
og mögulegt er. Eiríkur sagðist hafa
rætt þessi mál við forverði og meðal
þess sem þyrfti að athuga í dag, þeg-
ar búið væri að dæla öllu vatninu úr
kjallaranum, væri hvaða verk skyldu
flutt þaðan strax. Það yrðu að öllum
líkindum einkum málm- og gifsverk,
en tréverk væri ef til vill betra að
láta standa í nokkra daga í geymslu-
rýminu svo þau þornuðu hægar.
„Verkin þorna smám saman eftir því
sem raki í kringum þau minnkar, en
ef þau fara strax í algerlega þurrt
umhverfi gætu þau sprungið. En
þetta verður allt skoðað og metið
betur í dag,“ sagði Eiríkur.

Brýnt að/26

Slökkviliðið/6
Forstöðumaður Listasafns Reykjavíkur skoðaði í gær geymslu safnsins
Ástand listaverkanna
betra en búist var við
Morgunblaðið/Þorkell
Stórt gat var gert á norðurhlið hússins í Fákafeni svo unnt væri að ná út eldsmatnum en í gær lauk slökkvistarfi
við húsið. Það hafði þá staðið í sólarhring. Síðdegis í gær var unnið að því að dæla vatni úr kjallara hússins.
SÍÐASTLIÐIN þrjú ár hefur hópur
fólks í Býflugnaræktendafélagi Ís-
lands, BÝ, gert tilraunir með rækt-
un á býflugum víðsvegar um landið
með misjöfnum árangri. Hunangið
sem til fellur er að mestu nýtt til
eigin nota en eitthvað af því er selt.
Að sögn Egils Rafns Sigurgeirs-
sonar, formanns BÝ, fengust um 70
kíló úr átta búum í fyrra en til
stendur að flytja inn 20–30 bú í júní
á næsta ári og getur hvert þeirra
gefið af sér allt að 30–50 kg af hun-
angi.
Að sögn Egils er einungis líf í
tveimur búum af 16 sem flutt voru
inn í fyrra en búin eru nú í garð-
inum hjá Agli, sem býr í Vatnsenda
í Kópavogi. Með því að flytja búin
inn til landsins fyrri hluta sumars
vonast býflugnabændur til þess að
stofninn verði nógu stór til að lifa af
íslenskt vetrarveður.
Að sögn Egils láta býflugurnar
nágranna hans alveg í friði. „Þær
eru ekkert í því að sveima í kring-
um fólk og trufla úti við. Þær fljúga
bara að blómunum og heim aftur,“
segir Egill.
20–30 býflugnabú
til landsins í byrjun
næsta sumars
Morgunblaðið/Arnaldur
Inni í búunum eru rammar úr
trélistum með vaxplötu á milli
sem í eru sexhyrnd hólf og bý-
flugan fyllir þau af hunangi.
Allt að/12
AF 213 útlendingum í Sumarskóla
Námsflokkanna vissu aðeins 55 af
nýsamþykktum lögum um útlend-
inga. Alls sögðust 147 ekki hafa vitað
um lögin og 11 svöruðu ekki spurn-
ingunni í viðhorfskönnun Náms-
flokkanna í júlílok. Lögin taka gildi
um næstu áramót.
Engu að síður leist flestum vel á
ákvæði laganna um að gert yrði að
skilyrði fyrir búsetuleyfi annarra út-
lendinga en Norðurlandabúa, íbúa
EES-landa og maka Íslendinga að
sækja námskeið í íslensku. Alls
merkti 81 eða 38% við „mjög vel“, 39
eða 18,3% merktu við „vel“, 46 eða
21,6% merktu við „allt í lagi“, 18 eða
8,45% merktu við „illa“ og 4 eða 1,9%
merktu við „mjög illa“. Nokkrir voru
óákveðnir eða svöruðu ekki. Ekki
virðist vera afgerandi munur á af-
stöðu útlendinganna eftir uppruna-
landi. Útlendingarnir í úrtakinu voru
frá Afríku, Asíu, S-Ameríku, N-Am-
eríku, Eyjaálfu, A-Evrópu, V-Evr-
ópu og Norðurlöndunum. Flestir,
eða 85, voru frá Asíu og næstflestir
frá A-Evrópu. Konur voru fleiri en
karlar í úrtakinu, eða 140 á móti 71.
Sumarskóli Náms-
flokka Reykjavíkur
Útlending-
ar hlynntir
skyldunámi
í íslensku

Óréttlæti/B4
Í NÝJU áliti umboðsmanns Alþingis
varðandi innheimtu skipagjalda af
gamla varðskipinu Þór árin 1998 og
1999 átelur umboðsmaður sam-
gönguráðuneytið fyrir þann drátt
sem varð á svari við fyrirspurnum
hans en svarbréf frá ráðuneytinu
barst umboðsmanni rúmu ári eftir að
fyrirspurn var send ráðherra. Ítrek-
ar umboðsmaður tilmæli úr fyrri
álitum sem vörðuðu ráðuneytið og
hyggst vekja athygli Alþingis á
þessu.
„Þá eru það tilmæli mín að skipu-
lagningu starfa í samgönguráðu-
neytinu verði framvegis hagað þann-
ig að ekki verði svo óhæfilegur
dráttur á að færa framkvæmd þeirra
mála sem undir ráðuneytið heyra til
samræmis við kröfur stjórnarskrár
og laga eins og raunin hefur orðið í
því tilviki sem fjallað hefur verið um
hér að framan. Þá hef ég, sbr. 11. gr.
laga nr. 85/1997, ákveðið að vekja at-
hygli Alþingis á þessu áliti,“ segir
meðal annars í álitinu.
Fram kemur í álitinu að eftir að
umboðsmaður hafði sent samgöngu-
ráðherra bréflega fyrirspurn í apríl
árið 2001 sendi hann fjögur
ítrekunarbréf fram í október sama
ár en án árangurs. Hafði umboðs-
maður þá símasamband við starfs-
menn ráðuneytisins á útmánuðum
2001 og í byrjun þessa árs og „var
því ítrekað lýst yfir að svar myndi
berast mér innan fárra daga eða eins
skjótt og unnt væri“, eins og um-
boðsmaður kemst að orði í áliti sínu.
Svarbréf barst síðan frá ráðuneytinu
8. maí síðastliðinn, eða rúmu ári eftir
að ráðherra var sent fyrirspurnar-
bréf.
Í frétt frá samgönguráðuneytinu
af þessu tilefni segir að gerðar hafi
verið ráðstafanir til þess að tryggja
skjótari afgreiðslu en orðið hefur í
þeim tveimur málum tengdum sam-
gönguráðuneytinu sem umboðsmað-
ur hefur fjallað um nýverið.

Innheimtan átti/6
Umboðsmaður Alþingis gagnrýnir
stjórnsýslu samgönguráðuneytisins
Segist ætla að
vekja athygli
Alþingis á málinu
HVALASKOÐUNARBÁTURINN
Elding strandaði við Engeyjarboða
rétt fyrir miðnætti í gær en um borð
voru 20 farþegar auk áhafnar. Að
sögn Valgeirs Elíassonar, upplýs-
ingafulltrúa Slysavarnafélagsins
Landsbjargar, var engin hætta á
ferðum. Strax eftir að Tilkynninga-
skyldunni barst upplýsingar um
strandið sendi björgunarsveitin Ár-
sæll björgunarskip og björgunar-
hraðbát á vettvang til að ferja far-
þega Eldingar í land. Valgeir sagði
að gott hefði verið í sjóinn og því auð-
velt að nálgast Eldingu. Hann sagði
að þegar búið væri að koma farþeg-
unum í land yrði reynt að sæta færis
til að draga Eldingu af strandstað og
koma henni til hafnar.
Björgunaraðgerðum var ekki lok-
ið þegar Morgunblaðið fór í prentun.
Hvalaskoð-
unarbátur
strandar
Engeyjarboði
♦ ♦ ♦