Morgunblaðið - 18.09.2002, Síða 41

FRÉTTIR
MORGUNBLAÐIÐ MIÐVIKUDAGUR 18. SEPTEMBER 2002 41
Þýsk stáláhöld
Glæsileg gjöf
frá
GUÐRÚN Ögmundsdóttir, alþingis-
maður Samfylkingarinnar í Reykja-
vík, hefur sent frá sér yfirlýsingu
vegna kosninganna í vor.
„Ég mun gefa kost á mér til
áframhaldandi þingsetu fyrir Sam-
fylkinguna í Reykjavík en ég hef set-
ið á þingi eitt kjörtímabil. Í síðustu
þingkosningum skipaði ég 4. sæti á
lista Samfylkingarinnar en áður en
ég settist á þing var ég sex ár í borg-
arstjórn Reykjavíkur.
Þar sem Kjördæmisráð Samfylk-
ingarinnar í Reykjavík á eftir að taka
ákvörðun um hvernig staðið verður
að vali á lista fyrir næstu þingkosn-
ingar tel ég rétt að kynna framboð
mitt nú en taka afstöðu til þess síðar
hvort ég gef kost á mér í ákveðið
sæti.
Niðurstaða kjördæmaráðs mun
liggja fyrir í byrjun október og þá
mun ég taka ákvörðun um hvort ég
gef kost á mér í ákveðið sæti og þá
hvaða. Sú ákvörðun verður kynnt
sérstaklega.“
Yfirlýsing
um framboð
JÓNAS Þór sagnfræðingur mun
segja frá fararstjórn sinni á slóðir
Vestur-Íslendinga í kvöld, 18. sept-
ember, kl. 20 í stofu 201 í Lögbergi,
Háskóla Íslands. Fundurinn er hald-
inn á vegum Vináttufélags Íslands
og Kanada og er öllum opinn. Jónas
mun segja frá ferðum sínum í máli
og myndum og frá bókum sínum um
Vestur-Íslendinga.
Fyrirlestur
um Vestur-
Íslendinga
FIMMTUDAGSKVÖLDIÐ 19.
september 2002 kl. 20 verður haldinn
stofnfundur fagfélags fólks sem lok-
ið hefur háskólaprófi í mannfræði og
þeirra sem stunda framhaldsnám í
greininni. Stofnfundurinn verður
haldinn í stofu 201 í Odda, húsi Fé-
lagsvísindadeildar Háskóla Íslands.
Dagskrá fundarins verður sem
hér segir: Samþykkt laga félagsins,
kosning formanns, kosning stjórnar,
ákvörðun árgjalds og önnur mál.
Undirbúningsnefnd hvetur alla sem
uppfylla ofangreind skilyrði til að
mæta, segir í fréttatilkynningu.
Stofnfundur
mannfræði-
félags
Í TENGSLUM við alþjóðlegan bar-
áttudag heyrnarlausra sem haldinn
verður 29. september nk. stendur
Félag heyrnarlausra fyrir sölu á ís-
skápsseglum sem skreyttir eru með
íslenska fingrastafrófinu. Á næstu
dögum munu grunnskólabörn á öllu
landinu ganga í hús og selja um-
rædda segla fyrir félagið.
Félag heyrnarlausra rekur starf-
semi sína að mestu leyti með eigin
fjáröflun. Árangur sem náðst hefur í
réttindabaráttu heyrnarlausra má
að mestu þakka góðum stuðningi al-
mennings í landinu. Félag heyrnar-
lausra leitar því eftir stuðningi við
landsmenn og vonar að tekið verði
vel á móti sölufólki.
Fjáröflun hjá
Félagi heyrn-
arlausra
MIÐVIKUDAGINN 18. september
stendur Ættingjabandið fyrir bingói
fyrir heimilisfólk og ættingja á
Hrafnistu í Reykjavík. Það hefst
klukkan 19:00 í hátíðarsal Hrafnistu.
Góðir vinningar í boði. Ættingja- og
vinasamband heimilisfólks á Hrafn-
istu í Reykjavík var stofnað á vor-
mánuðum 1998. Markmið Ættingja-
bandsins, eins og sambandið er
daglega kallað, er að stuðla að vellíð-
an heimilisfólksins á sem flestan
hátt.
Bingó til stuðn-
ings Hrafnistu
FÉLAG stjórnmálafræðinga og
sendiráð Þýskalands á Íslandi efna
til fundar um þýsku kosningarnar
fimmtudaginn 19. september kl. 20.
Fundurinn verður haldinn í þýska
sendiráðinu á Laufásvegi 31 og mun
sendiherrann, dr. Hendrik Bernhard
Dane, flytja ávarp. Stjórnmálafræð-
ingarnir Auðunn Arnórsson og Rósa
Erlingsdóttir flytja stutt erindi í
upphafi fundar. Þau hafa bæði lært í
Þýskalandi og hafa fylgst náið með
kosningabaráttunni.
Fundur um
kosningar í
Þýskalandi
UPPLÝSINGAVEFUR um náms-
framboð, mennt.is, var formlega
opnaður sl. laugardag á fræðsluhá-
tíð í Smáralind. Það er Mennt, sam-
starfsvettvangur atvinnulífs og
skóla, sem lét smíða vefinn. Að-
gangur að vefnum er ókeypis.
Mennt.is er upplýsingavefur sem
hýsir upplýsingar um allt nám sem í
boði er á Íslandi eftir að grunn-
skólanámi lýkur, bæði nám innan
hefðbundna skólakerfisins svo og
námskeið utan þess. Í frétt frá
Mennt segir að vefurinn nýtist öll-
um þeim sem leita eftir upplýs-
ingum um nám og námskeið. „Oft
hefur reynst erfitt fyrir almenning
að fá heildarsýn yfir það framboð á
námi eða námskeiðum sem í boði
er, enda eru þeir aðilar sem bjóða
upp á fræðslu hér á landi vel yfir
þriðja hundraðið,“ segir í fréttinni.
Geta notendur vefsins leitað eftir
ákveðnu námi, t.d. eftir lands-
hlutum, geta borið saman verð og
gæði því upplýsingarnar eru í
stöðluðu formi sem einfaldar allan
samanburð fyrir notandann. Á
mennt.is geta notendur ennfremur
skráð sig í nám og greitt fyrir það.
Vefur um nám
á Íslandi opnaður
Morgunblaðið/Sverrir
Gylfi Arnbjörnsson, framkvæmdastjóri ASÍ, og Finnur Geirsson, for-
maður Samtaka atvinnulífsins, opnuðu vefinn mennt.is í Smáralind.
ELÍAS Jón Sveinsson heldur fyrir-
lestra fyrir félagsmenn í Skeljahelli,
Skeljanesi 6, í vetur. Fyrsti fyrirlest-
urinn verður fimmtudaginn 19. sept-
ember og heitir: Tilfinningagreind
og uppbyggjandi samskipti.
„Fjallað verður um tilfinninga-
greind og uppbyggjandi samskipti,
grundvallaratriði tilfinningagreind-
ar, s.s sjálfsþekkingu, sjálfsstjórn,
innlifunarhæfni og félagslega færni.
Lögð er áhersla á að fólk læri leiðir
til að þekkja og tjá tilfinningar á
uppbyggjandi hátt í félagslegum
samskiptum. Einnig eru kenndar
leiðir til að hjálpa börnum til að
þekkja sínar tilfinningar og tjá á við-
eigandi hátt. Sérstaklega er farið í
ýmsar birtingarmyndir á reiði, ótta
og sektarkennd,“ segir í fréttatil-
kynningu. Húsið verður opnað kl. 19.
Fyrirlestur
hjá einstæðum
foreldrum
FIMMTUDAGINN 19. september
flytur Katherine Nelson, Ph.D.,
prófessor við New York-háskóla,
erindi þar sem meðal annars er
fjallað um þróunarfræðilegan og
menningarfræðilegan mun á starf-
semi minnis.
Fyrirlesturinn verður haldinn
kl. 16:30 til 17:30 í hátíðarsal Há-
skóla Íslands, aðalbyggingu, og er
öllum opinn.
Katherine Nelson hefur langan
feril að baki í rannsóknum í sál-
fræði og árið 1999 hlaut hún við-
urkenningu fyrir rannsóknarstörf
sín frá Society for Research in
Child Development. Hún hefur
einnig verið ritstjóri og setið í rit-
stjórn tímarita á borð við Cogni-
tive Development, Child Develop-
ment og Developmental Psycho-
logy.
Fyrirlestur á vegum sál-
fræðiskorar Háskóla Íslands
FYRSTA rabb haustmisseris fer
fram fimmtudaginn 19. september
kl. 12–13 í stofu 101 í Lögbergi,
Háskóla Íslands, en þá flytur Mar-
grét Guðmundsdóttir sagnfræðing-
ur erindið „Hjúkrunarnám á Ís-
landi 1922–1930“.
Margrét Guðmundsdóttir lauk
námi frá Háskóla Íslands árið
1983. Hún hefur síðan fengist við
rannsóknir og ritstörf. Margrét
hefur einkum beint sjónum að
sögu íslenskra kvenna og störfum
líknar- og mannúðarfélaga. Hún
vinnur nú að því að skrá sögu
hjúkrunar á Íslandi á árunum 1898
til 2000.
Erindi um
hjúkrunarnám
HINN 19. september 2002 verður
haldin ráðstefna á Hótel Loftleiðum
um lýðræði í daglegu skólastarfi á
Norðurlöndum. Yfirskrift ráðstefn-
unnar er „Lýðræði í skólastarfi.
Gildismat í málefnum barna og
ungmenna á Norðurlöndum“.
Árni Mathiesen sjávarútvegsráð-
herra mun setja ráðstefnuna með
ávarpi fyrir hönd menntamálaráð-
herra. Aðalfyrirlesarar verða Vigdís
Finnbogadóttir, fyrrverandi forseti
Íslands, og Sigrún Aðalbjarnardótt-
ir, prófessor við félagsvísindadeild
Háskóla Íslands. Vigdís Finnboga-
dóttir er jafnframt aðalfyrirlesari á
ráðstefnum allra Norðurlandanna.
Auk þess verða styttri erindi og
umræðuhópar.
Til ráðstefnunnar er formlega
boðið kennurum, foreldrum, skóla-
stjórnendum og nemendum grunn-
skóla og framhaldsskóla, kennurum
og skólastjórnendum leikskóla,
nemendum og kennurum á háskóla-
stigi, fulltrúum ýmissa stofnana,
þingmönnum og sveitarstjórnar-
mönnum auk norrænna fulltrúa.
Gert er ráð fyrir u.þ.b. 120 þátttak-
endum.
Ráðstefnan er ein af fimm í röð
ráðstefna sem Norræna ráðherra-
nefndin efnir til á Norðurlöndum í
tilefni af 50 ára afmæli Norður-
landaráðs.
Dagskrá ráðstefnunnar 19. sept-
ember er aðgengileg á vef ráðu-
neytisins, www.menntamalaradu-
neyti.is, og nánari upplýsingar um
norrænu ráðstefnurnar er að finna
á vef Norðurlandaráðs, www.nord-
en.org.
Ráðstefna um
lýðræði í skólastarfi
LÆKNARÁÐ Landspítalans – há-
skólahjúkrahúss, hefur sent frá sér
eftirfarandi ályktun:
Samkvæmt lögum um heilbrigð-
isþjónustu ber læknaráði að láta sig
allt það varða í rekstri viðkomandi
stofnunar er snertir læknisfræðileg
atriði og læknisþjónustu. Læknaráð
LSH hlýtur að harma það að stjórn-
endur LSH hafa talið sig þurfa hvað
eftir annað að grípa til aðgerða er
skerða læknisþjónustu LSH.
Læknaráð hefur þó fullan skilning á
stöðu stjórnenda LSH. Þeim er gert
að reka þekkta og óhjákvæmilega
starfsemi LSH, en þó um leið op-
inberlega óskilgreinda fyrir árlegt
framkvæmdafé sem jafnan er ákveð-
ið af fjárveitingavaldinu að vera
skuli hundruðum milljóna lægra en
stjórnendur LSH telja eftir útreikn-
ingum sínum að þörf sé fyrir. Hið
opinbera gefur því vitlaust í upphafi
hvers árs og festir með fjárlögum.
Af þessu leiðir árvissan rekstrar-
halla, því frá verkefnunum verður
ekki auðveldlega vikist og langvar-
andi árviss umræða um rekstrar-
halla LSH hefur lamandi áhrif og
getur dregið úr gæðum þjónustu og
staðið í vegi nauðsynlegrar framþró-
unar. Fráleitt er hins vegar að ætla
annað en metnaður þjóðarinnar
standi til þess að eiga öflugt fram-
sækið háskólasjúkrahús í heilbrigð-
iskerfi sínu.
Læknaráð hefur fulla ástæðu til
að ætla að hagrætt hafi verið í starf-
semi LSH jafnt og þétt eins og kost-
ur hefur verið á og að áfram verði
gengið á þeirri braut. Eins og hins
vegar fram er komið er LSH rang-
lega skammtað framkvæmdafé ár-
lega, ekki aðeins til læknisþjónustu
og verkefna háskólasjúkrahúss,
heldur einnig til viðhalds mann-
virkja sem og til viðhalds og end-
urnýjunar tækjabúnaðar. Athygli
vekur þögnin um frekari framvindu í
byggingu hins nýja LSH og skammt
er til skrefa aftur á bak ef ekki er
hirt um að veita eðlilegt fjármagn til
allra þeirra þátta sem fyrr eru
nefndir. Læknaráð hvetur stjórn-
endur LSH til þess tafarlaust að
skilgreina starfsemi LSH. Lækna-
ráð lýsir sig reiðubúið sem fyrr að
taka þátt í slíkri skilgreiningu. Svo
augljós sem hún er verður hún þó að
liggja fyrir með framsettum hætti.
Hin skilgreinda starfsemi hlýtur að
taka mið af þeim þekktu þáttum sem
LSH stendur fyrir. Stofnunin er há-
skólasjúkrahús og verður að geta
rækt og stundað starfsemi í heil-
brigðiskerfinu svo hún standi undir
því nafni. Þar er að finna alla lækn-
isfræðilega sérþekkingu á einum
stað eins og hún getur best orðið á
hverjum tíma miðað við aðstæður.
Stofnunin er endastöð fyrir marg-
víslega læknisfræðilega og hátækni-
lega þjónustu og á stofnuninni einni
verður byggð upp í landinu marg-
vísleg sérhæfð þjónusta í læknis-
fræði.
Það er einnig ljóst að hluti af starfi
LSH verður ávallt á sviði hjúkrunar
eða m.t.t. félagslegra þátta.
Innan þessarar skilgreiningar
verður síðan að sækja fjármuni og
leita eftir að fyrir liggi skilgreint
greiðslukerfi m.t.t. þjónustuþátta.
Læknaráð áréttar að LSH er hluti
af heilbrigðiskerfi þjóðarinnar og
hvað sem líður skilgreindu hlutverki
getur LSH ekki vikið frá sér verk-
efnum sem ekki verður leitað til með
annað m.a. vegna þess að úrræði er
ekki annars staðar að hafa í heil-
brigðiskerfinu.
LSH getur því ekki t.d. vikið frá
þjónustu við einstaklinga sem LSH
eftir atvikum hefur lokið hlutverki
sínu við og því munu hverju sinni
vera á LSH fjölmargir einstaklingar
sem ættu eða gætu vistast annars
staðar í heilbrigðiskerfinu. Sömu-
leiðis mun LSH anna margvíslegum
verkefnum innan slysa- og bráða-
þjónustu sem eðlilegra væri að leysa
í heilsugæslunni utan sjúkrahúsa.
Enn er það ljóst að LSH mun sinna
verkefnum annarra sjúkrahúsa sem
þó hafa fengið fjármuni til þeirrar
þjónustu sem á LSH kemur. Lækna-
ráð telur að LSH eigi ekki að víkja
þessum verkefnum frá sér en gera
eðlilegar kröfur um fjárveitingar
sem svara til þessara verkefna og
sem kæmu þá frá félagsmálaþjón-
ustu sveitarfélaga, úr fjárveitingum
til heilsugæslunnar utan sjúkrahúsa
og frá þeim sjúkrahúsum sem víkja
frá sér verkefnum sem þau hafa þó
fengið fjárveitingu til.
Loks verður LSH að gera kröfur
um eðlileg og metin framlög frá
menntayfirvöldum landsins í sam-
ræmi við háskólahlutverk sitt og
þann kostnað sem því er samfara að
mennta og þjálfa heilbrigðisstéttir
landsins.
Læknaráð Landspítalans telur að
LSH eigi að taka þátt í umræðu um
heildarskipulag heilbrigðisþjónustu
í landinu, en þó má aldrei svo ganga
á þá heilbrigðisþjónustu sem LSH
veitir að stofnunin sé ekki fær um að
standa undir hinu mikilvæga hlut-
verki sínu m.a. sem háskólasjúkra-
hús.
Ályktun frá stjórn læknaráðs LSH