Morgunblaðið - 25.09.2002, Blaðsíða 4
FRÉTTIR
4 MIÐVIKUDAGUR 25. SEPTEMBER 2002 MORGUNBLAÐIÐ
DÓMKVADDIR matsmenn, sem
fengnir voru til að meta hvernig Ís-
lensk erfðagreining ehf. og Friðrik
Skúlason ehf. hafi staðið að gerð ætt-
fræðigrunnsins Íslendingabókar,
hafa komist að þeirri niðurstöðu að
lýsing ÍE og Friðriks Skúlasonar á
þróun og uppbyggingu gagnasafns-
ins sé rétt.
Vinnulag samræmist því besta
sem ættfræðingar viðhafa
Eins og greint var frá í síðustu
viku hefur mál Þorsteins Jónssonar
ættfræðings og Genealogia Islandor-
um hf. gegn ÍE og Friðriki Skúlasyni
vegna meintra brota á höfundarrétti,
verið tekið fyrir hjá Héraðsdómi
Reykjavíkur.
Hinir dómkvöddu matsmenn eru
Gunnlaugur Haraldsson þjóðhátta-
fræðingur og Helgi Þorbergsson
dósent. Í niðurstöðum þeirra segir.
,,Íslendingabók er sem ættfræði-
grunnur grundvölluð á upplýsingum
úr frumheimildum, en við gerð henn-
ar hefur einnig verið nýtt mikið
magn prentheimilda eða útgefinna
rita. Hvarvetna er vísað til þeirra
heimilda sem notaðar hafa verið.
Þetta vinnulag ber vitni fræðilegum
vinnubrögðum og samræmist því
besta, sem ættfræðingar seinni tíma
hafa viðhaft við samantekt rita sinna.
Allar rannsóknir okkar á Íslend-
ingabók staðfesta, að lýsing mats-
þola [ÍE og Friðriks Skúlasonar-inn-
skot Mbl.] á þróun og uppbyggingu
gagnasafnsins er rétt. Megingrunn-
ur þess er manntölin 1703, 1801 og
1910 og þjóðskrá síðustu ára. Sú að-
ferð sem notuð hefur verið við gerð
Íslendingabókar staðfestir jafn-
framt, að með kerfisbundnum inn-
slætti á upplýsingum úr öllum tiltæk-
um frumheimildum (s.s. manntölum,
kirkjubókum og þjóðskrám) er unnt
að skrásetja nánast hvern einasta Ís-
lending, sem fæðst hefur eða búið í
landinu frá 1801. Öll útgefin ætt-
fræðirit auka eðlilega upplýsingum
við slíka skráningu, en nýting þeirra
auðveldar þó miklu frekar eða flýtir
fyrir tengingum einstaklinga. Sömu-
leiðis er slíkur samanburður nauð-
synlegur til að koma við leiðrétting-
um eða einangra þau tilvik, þar sem
heimildum ber ekki saman.“
Þeir segja ennfremur að hefðu
höfundar Íslendingarbókar valið
gagnstæða leið, þ.e. að byggja
gagnasafnið fyrst og fremst á þeim
upplýsingum sem fáist með kerfis-
bundnum innslætti úr útgefnum rit-
um og borið þær síðan saman við
frumheimildir, hefði verkið tvímæla-
laust reynst langtum torsóttara og
með því vinnulagi aldrei fengist
heildstæð skrá yfir landsmenn á
þessu tímabili eða öðrum öldum Ís-
landsbyggðar.
Ábyrgðarsjóður launa vill ljúka
skiptum þrotabúsins sem fyrst
Skiptastjóri þrotabús Genealogia
Islandorum lýsti yfir á skiptafundi í
október á seinasta ári að hann óski
eftir að málsóknin haldi áfram fram
yfir mat hinna dómkvöddu mats-
manna. Niðurstaða matsmannanna
lá fyrir 21. maí sl. en á skiptafundi
þrotabúsins síðast liðinn mánudag
lagði Guðjón Bragason, formaður
Ábyrgðarsjóðs launa vegna gjald-
þrota, fram sérstaka bókun þar sem
gagnrýnt er að þrátt fyrir að mats-
gerðin hafi legið fyrir í maí hafi
skiptastjóri eða lögmenn þrotabús-
ins ekki séð ástæðu til að kynna
kröfuhöfum niðurstöðurnar fyrr en
nú. Þar segir: ,,Það er mat stjórnar
ábyrgðarsjóðs launa að í matsgerð-
inni sé í engu tekið undir sjónarmið
lögmanna þrotabúsins og því sé stað-
fest réttmæti þeirrar afstöðu sem
ábyrgðarsjóður lýsti á skiptafundi
11. október 2001, að hagsmunum for-
gangsréttarhafa sé best borgið með
því að taka þeim tilboðum sem kunna
að berast í eignir þrotabúsins og
ljúka skiptum sem fyrst.
Jafnframt telur stjórnin afar
gagnrýnivert að kostnaður við mats-
gerð skuli vera margfalt hærri en sú
áætlun sem gefin var upp á umrædd-
um skiptafundi af lögmönnum þrota-
búsins. Í ljósi fenginnar reynslu telur
stjórnin ástæðu til að taka með fyr-
irvara fullyrðingum um að þrotabúið
muni ekki bera frekari kostnað af
rekstri málsins og er því ítrekuð sú
afstaða að stefnt verði að því að ljúka
skiptum sem fyrst og ganga að þeim
tilboðum sem kunna að berast í eign-
ir þrotabúsins,“ segir í bókuninni.
Niðurstaða dómkvaddra matsmanna um gerð ættfræðigrunnsins Íslendingabókar
Lýsing ÍE á þróun
gagnasafnsins er rétt
ÁKVEÐIÐ var á samráðsfundi
fulltrúa ríkisstjórnarinnar og
Landssambands eldri borgara í
Ráðherrabústaðnum í gær að
skipa formlegan samstarfshóp,
sem á að hefja störf nú þegar og
skila tillögum varðandi ýmis mál-
efni aldraðra fyrir 15. nóvember
svo hægt verði að taka tillit til nið-
urstaðnanna við afgreiðslu fjár-
laga í haust.
Á samráðsfundinum í gær voru
ráðherrarnir Davíð Oddsson for-
sætisráðherra, Halldór Ásgrímsson
utanríkisráðherra, Geir H. Haarde
fjármálaráðherra, Jón Kristjáns-
son heilbrigðisráðherra og Páll
Pétursson félagsmálaráðherra, og
samráðsnefndarhópur Lands-
sambands eldri borgara, þeir
Benedikt Davíðsson, Ólafur Ólafs-
son og Hafsteinn Þorvaldsson.
Davíð Oddsson hafði orð fyrir
ráðherrunum og að sögn Bene-
dikts Davíðssonar, formanns
Landssambands eldri borgara, var
niðurstaða fundarins sú að ráð-
herrarnir svöruðu tilmælum full-
trúa Landssambands eldri borgara
frá því á samráðsfundinum í sum-
ar, þar sem lagðar hefðu verið
fram ákveðnar kröfur um það að
skoðað yrði hvernig mál eins og
t.d. tryggingagreiðslur og hjúkr-
unarheimilamál hefðu þróast að
undanförnu. Benedikt segir að í
tillögum samstarfshópsins verði
tekið tillit til þess sem brýnast sé
og síðan verði sennilega lögð fram
áætlun um breytingar eða lagfær-
ingar sem þyrftu að koma til fram-
kvæmda á næstu tveimur til þrem-
ur árum.
Stefnt er að því að kynna sam-
starfshópinn í dag en í honum
verða fimm fulltrúar stjórnvalda
og jafnmargir frá Landssambandi
eldri borgara. Benedikt segir að
niðurstaða fundarins í gær sé í
samræmi við það sem hann hafi
gert ráð fyrir eftir fundinn í júlí,
þó vinnan hefjist seinna en við hafi
verið búist. Niðurstaðan sé visst
samþykki ráðherranna við því að
nauðsynlegt sé að bregðast við
gagnrýninni.
Morgunblaðið/Sverrir
Frá samráðsfundinum í Ráðherrabústaðnum í gær. Frá vinstri: Halldór Ásgrímsson utanríkisráðherra, Haf-
steinn Þorvaldsson, Ólafur Ólafsson, Benedikt Davíðsson og Davíð Oddsson forsætisráðherra.
Samráðsfundur fulltrúa ríkisstjórnarinnar og Lands-
sambands eldri borgara í Ráðherrabústaðnum í gær
Formlegur
samstarfshópur
skipaður
Hæstiréttur staðfestir gæsluvarðhald
Ekki tryggt að hann
hætti afbrotum
HÆSTIRÉTTUR hefur staðfest
gæsluvarðhaldsúrskurð yfir Guð-
mundi Helga Svavarssyni sem ný-
lega var dæmdur í sex ára fangelsi.
Í fyrrasumar fékk hann reynslu-
lausn þegar hann átti eftir að afplána
um 5½ ár af 17 ára fangelsisdómi
sem hann hlaut árið 1991 fyrir morð
sem hann framdi á bensínstöð við
Stóragerði í Reykjavík. Reynslu-
lausnin var tekin upp sem óafplánuð
refsing og bætt við refsingu fyrir
skjalafals, fjársvik og þjófnað sem
hann framdi á tímabilinu frá janúar
til apríl á þessu ári. Dómurinn var
kveðinn upp 18. september og hefur
Guðmundur fjórar vikur til að
ákveða hvort hann áfrýjar. Þangað
til situr hann í gæsluvarðhaldi en þó
ekki lengur en til 16. október.
Þegar krafa lögreglu var tekin
fyrir í Héraðsdómi Reykjavíkur
sagði Guðmundur að Byrgið hefði
samþykkt að taka við honum í með-
ferð. Kvaðst hann ekki hafa í hyggju
að brjóta af sér ef hann losnaði held-
ur vilji þvert á móti ná tökum á lífi
sínu. Lögmaður hans, Sigurður Kári
Kristjánsson hdl., benti á að Guð-
mundur hefði setið í gæsluvarðhaldi
frá 14. apríl og væri í mun betra
ástandi nú en hann var þá. Hvorki
héraðsdómi né Hæstarétti þótti á
hinn bóginn tryggt að Guðmundur
myndi hætta afbrotum, þrátt fyrir
góðan ásetning og situr hann því
áfram í gæsluvarðhaldi á Litla-
Hrauni.
Ráðherra
frá S-
Kóreu í
heimsókn
UTANRÍKISRÁÐHERRA
Suður-Kóreu, Sung-hong Choi,
kemur í opinbera heimsókn til
Íslands 26.–28. september
næstkomandi í boði Halldórs
Ásgrímssonar utanríkisráð-
herra.
Á fundi utanríkisráðherra Ís-
lands og Suður-Kóreu 27. sept-
ember í ráðherrabústaðnum
verður meðal annars rætt um
efnahagsástand landanna,
tengsl þeirra við grannríki sín,
tvíhliða samstarf þeirra á milli í
viðskiptamálum og möguleika á
fríverslunarsamningi Suður-
Kóreu og EFTA.
Meta árangur af fundi um
sjálfbæra þróun
Ráðherrarnir munu einnig
ræða um alþjóðleg viðskipta-
og umhverfismál og meta ár-
angur af leiðtogafundi Samein-
uðu þjóðanna um sjálfbæra
þróun sem fram fór nýverið í
Jóhannesarborg.
ÁKVEÐIÐ hefur verið að leggja nið-
ur Umsýslustofnun varnarmála, sem
flestir þekkja eflaust undir nafninu
Sölunefnd varnarliðseigna, frá og
með næstu áramótum. Verslun stofn-
unarinnar á Grensásvegi 9 verður
lokað 30. nóvember og öll umsýsla
sem fylgir sölu á umfram- og afgangs-
vöru varnarliðsins og starfsmanna
þess falin embætti sýslumannsins á
Keflavíkurflugvelli.
Þar með lýkur rúmlega 50 ára sögu
stofnunarinnar sem hefur gengið
undir nokkrum nöfnum í gegnum tíð-
ina. Fyrst hét hún Sölunefnd setuliðs-
eigna en því var breytt í Sölunefnd
varnarliðseigna. Lengi vel hét stofn-
unin Sala varnarliðseigna og síðast
var hún nefnd Umsýslustofnun varn-
armála.
Alfreð Þorsteinsson, forstjóri Um-
sýslustofnunar, hefur stýrt stofnun-
inni í 25 ár og man því tímana tvenna.
„Í gegnum tíðina hafa hér átt sér stað
mikil viðskipti með ýmsan varning.
Meðan innflutningur á bílum var
miklu takmarkaðri en er í dag komu
héðan margir af fallegustu bílum bæj-
arins og það var mjög eftirsótt að
bjóða í bíla hjá Sölu varnarliðseigna,“
sagði Alfreð í samtali við Morgun-
blaðið í gær. Að sögn hans hefur sala
á varnarliðseignum verið ríkissjóði
góð tekjulind. Á síðustu 20 árum hafi
verið um 500–600 milljóna hagnaður
af starfseminni og álíka upphæð verið
innheimt vegna opinberra gjalda, en
þessar upphæðir eru miðaðar við nú-
virði. Á undanförnum árum hefur
hins vegar dregið mjög úr framboði á
varningi frá Keflavíkurflugvelli og
tap verið af sölu varnarliðseigna. Al-
freð segir að hann hafi ekki talið rétt-
lætanlegt að halda starfseminni
áfram og hann hafi því ritað utanrík-
isráðuneytinu bréf fyrr á árinu þar
sem hann lagði til að stofnunin yrði
lögð niður og verkefni hennar lögð í
hendur sýslumannsins á Keflavíkur-
flugvelli.
Snýr sér óskiptur að
borgarmálunum
Sex manns vinna nú hjá Umsýslu-
stofnun varnarmála og nokkrir þeirra
í hlutastörfum, en starfsmennirnir
voru 12 fyrir nokkrum árum. Alfreð
segir að tveir fari á biðlaun, þ.m.t.
hann sjálfur, aðrir láti ýmist af störf-
um fyrir aldurs sakir eða verði að leita
sér að annarri atvinnu. Spurður um
hvort hann muni sjálfur leita sér að
annarri vinnu segir Alfreð að svo
verði ekki. „Ég er nýlega orðinn borg-
arráðsmaður og get nú sinnt borgar-
málunum af meiri þrótti. Þetta er
feikimikil vinna og ég get nú snúið
mér að þeim óskiptur,“ segir hann.
Sýslumaðurinn á Keflavíkurflugvelli
tekur við Sölu varnarliðseigna
Hefur verið
góð tekjulind