Morgunblaðið - 25.09.2002, Blaðsíða 14

SUÐURNES
14 MIÐVIKUDAGUR 25. SEPTEMBER 2002 MORGUNBLAÐIÐ
VINNU við lagningu tæplega 600
metra langra brimvarnargarða við
innsiglinguna til Grindavíkurhafnar
er að ljúka, mánuði á undan áætlun.
Síðustu steinunum var raðað í
garðana í gær en eftir er nokkurra
daga vinna við frágang á námu og
fleira.
Hafnarmálastofnun og Grindavík-
urbær standa fyrir byggingu brim-
varnargarðanna sem eru beggja
vegna við innsiglinguna til Grinda-
víkur sem áður hafði verið dýpkuð.
Tilgangurinn er að skapa kyrrð í
höfninni og auka öryggi sjófarenda.
Er ekki annað að sjá en það hafi tek-
ist því stórgrýtið í garðinum gleypir
í sig brimið svo að inni í höfninni er
logndauður sjór.
Suðurverk hf. tók verkið að sér og
byrjaði að leggja út garðana síðasta
haust. Í görðunum er misstórt grjót
og eru stærstu steinarnir 30 tonn að
þyngd. Hefur því þurft að nota stór-
virkustu tæki til að flytja grjótið og
koma því á sinn stað. Kristinn Sigur-
steinsson sá um að raða grjótinu í
garðana og hefur tekist vel til þótt
hann noti við það 87 tonna gröfu.
Guðmundur Ólafsson verkefn-
isstjóri hjá Suðurverki er ánægður
með árangurinn. Segir að það hafi
gengið vel og sé vel unnið. Það eina
sem olli erfiðleikum var að erfiðara
reyndist að vinna efnið í námunni en
reiknað var með. Suðurverk skilar
verkinu af sér mánuði fyrr en fyr-
irtækið þurfti þótt það hafi byrjað
nokkrum mánuðum síðar en áætlað
var vegna þess að önnur verk höfðu
tafist.
Í garðana fóru um 170 þúsund
rúmmetrar af grjóti og öðru efni.
Verkið kostar um 160 milljónir.
Oddur Thorarensen, bygginga-
fulltrúi í Grindavík, segir að fram-
kvæmdin sé stórt skref í framtíð-
aruppbyggingu hafnarinnar. Nú
þegar innsiglingin hafi verið bætt
og brimvörn komin sé helsta vanda-
málið hvað grunnt sé inni í höfninni.
Þurfi að ráðast í dýpkun þar og að
gera nýja viðlegukanta. Vonast
hann til að unnt verði að ráðast í úr-
bætur á því í framhaldinu.
Verið er að ganga frá veginum
sem Suðurverk notaði til að aka
grjóti úr námunni og út á garðana.
Verður hann hækkaður upp og not-
aður í framtíðinni sem nokkurs kon-
ar útsýnisvegur, auk þess sem hann
verður tengdur betur við gatnakerfi
bæjarins.
Lagningu tveggja brimvarnargarða við innsiglinguna að ljúka
Síðasti
grjóthnull-
ungurinn
kominn á
sinn stað
Morgunblaðið/Helgi Bjarnason
Bátur siglir út úr innsiglingunni til Grindavíkur sem nú er varin með traustum grjótgörðum.
Grindavík
LAGÐAR hafa verið 37 hraða-
hindranir í íbúðarhverfum Reykja-
nesbæjar á þessu ári. Er það liður
í sérstakri áherslu sem bæjaryfir-
völd hafa til að bæta öryggi barna
og gangandi vegfarenda.
Flestar hraðahindranirnar eru í
Keflavík, 19 talsins, og Ytri-
Njarðvík þar sem þær eru 12. Þá
eru þrjár hindranir í Innri-
Njarðvík og þrjár í Höfnum. Árni
Sigfússon bæjarstjóri og Viðar
Már Aðalsteinsson, forstöðumaður
umhverfis- og tæknisviðs bæjarins,
kynntu í gær þær framkvæmdir
sem unnið hefur verið að til að
bæta öryggi barna og unglinga.
Flestar hraðahindranirnar eru í
íbúðarhverfum og á leið barna í
skóla. Auk hraðahindrana hefur
verið ákveðið að minnka hámarks-
hraða í tilteknum íbúðarhverfum í
30 kílómetra á klukkustund. Einn-
ig hefur verð tekin upp einstefna á
nokkrum götum.
Verkefnið heldur áfram
Fram kom hjá Árna og Viðari að
fjölmargar óskir bæjarbúa hafi
legið fyrir um hraðahindranir og
minnkun hámarkshraða og hafi
verið tekið mið af þeim við þessar
ákvarðnir sem og umferðarörygg-
isáætlun sem til er fyrir bæjar-
félagið. Árni segir að þótt nú hafi
tekist að taka tillit til flestra fyrir-
liggjandi óska sé málið þess eðlis
að þegar íbúarnir sjái árangur af
slíkum aðgerðum megi búast við
að fleiri berist. Reynt verði að
verða við þeim áfram og þannig
haldi verkefnið áfram.
Á þessu ári hefur verið lagður
4,1 kílómetri af nýjum og end-
urgerðum gangstéttum og lag-
færðar misfellur á gangstígum
sem gátu skapað hættu. Segir Árni
að lagning gangstétta stuðli að ör-
yggi í umferðinni, ekki síður en
hraðahindranirnar.
Enn er unnið að sumum þessara
verka en kostnaður er áætlaður
rúmar 20 milljónir kr. Er þá talinn
með kostnaður við hringtorg sem
verið er að gera á Hafnargötu.
Árni vekur einnig athygli á því
að járnarusl hafi verið fjarlægt úr
jaðarsvæðum bæjarins en það hafi
skapað slysahættu auk þess sem
ásýnd bæjarins batni með hreinsun
þess. Loks bendir hann á að íbúar
geti hringt í sérstakan síma, 421
6780, til að vekja athygli á hættum
í umhverfinu, ekki síst gagnvart
börnum. Þjónustumiðstöð bæjarins
hugi að öllum slíkum ábendingum.
En hann leggur þó áherslu á að
þrátt fyrir þessar aðgerðir séu
vökulir foreldrar og varkárir öku-
menn áfram besta forvörnin.
Sérstök áhersla á að bæta öryggi barna og gangandi vegfarenda
Lagðar 37 hraða-
hindranir í ár
Morgunblaðið/Helgi Bjarnason
Viðar Már Aðalsteinsson forstöðumaður og Árni Sigfússon bæjarstjóri
sýndu gott fordæmi og litu vel til beggja handa þegar þeir fóru yfir eina
af fjölmörgum hraðahindrunum í Reykjanesbæ.
Reykjanesbær
HEILBRIGÐISNEFND Suður-
nesja hefur fyrir sitt leyti fallist á ósk
Laugafisks ehf. um undanþágu frá
starfsleyfi til 1. febrúar næstkomandi
en þá hyggst það hætta starfsemi
sinni í Innri-Njarðvík.
Laugafiskur rekur hausaþurrkun-
arverksmiðju í Innri-Njarðvík. Íbúar
hverfisins hafa kvartað sáran undan
óþef frá starfseminni og Heilbrigðis-
eftirlit Suðurnesja ítrekað haft af-
skipti af rekstrinum þess vegna.
Starfsleyfi fyrirtækisins rann út um
síðustu mánaðamót. Heilbrigðisnefnd
Suðurnesja krafðist þess að fyrirtæk-
ið hætti starfsemi af þeim sökum og
lagðist gegn umsókn þess til um-
hverfisráðherra um tímabundna und-
anþágu frá starfsleyfi.
Fyrir helgi náðist samkomulag um
að fyrirtækið fengi frest til að leggja
starfsemina í Innri-Njarðvík niður. Í
kjölfar þess óskaði það að nýju eftir
tímabundinni undanþágu frá starfs-
leyfi. Í umsókn fyrirtækisins til ráð-
herra kemur fram að fyrirtækið muni
hætta starfsemi í Innri-Njarðvík en
þurfi til þess aðlögunartíma vegna
samninga um hráefniskaup og af-
urðasölu. Fyrirtækið fer þess á leit
við ráðuneytið að því verði veitt und-
anþága frá starfsleyfi að minnsta
kosti til 1. febrúar næstkomandi.
Fram kemur í samþykkt heilbrigð-
isnefndar Suðurnesja að ef fyrirtækið
verði áfram undir eftirliti Heilbrigð-
iseftirlits Suðurnesja og starfi í sam-
ræmi við gildandi starfsleyfisskilyrði
á Suðurnesjum geti nefndin fallist á
undanþágu frá starfsleyfi þar til fyr-
irtækið hættir starfsemi á svæðinu
hinn 1. febrúar næstkomandi.
Laugafiskur hættir fljótlega rekstri hausaþurrkunarverksmiðjunnar
Fær undanþágu
til 1. febrúar
Innri-Njarðvík
HÉRAÐSDÓMUR Reykja-
ness hefur dæmt karlmann,
fyrrverandi framkvæmda-
stjóra fyrirtækis, í þriggja
mánaða skilorðsbundið fangelsi
og til að greiða rúmar 3,2 millj-
ónir króna í sekt fyrir brot
gegn lögum um virðisaukaskatt
og bókhald.
Maðurinn viðurkenndi að
hafa vantalið skattskylda veltu
og útskatt á virðisaukaskatts-
skýrslum á árunum 1994–1996
og jafnframt oftalið innskatt.
Þannig kom hann sér undan að
standa sýslumanninum í Kefla-
vík skil á innheimtum virðis-
aukaskatti samkvæmt 114 sölu-
reikningum, samtals að
fjárhæð rúmar tvær milljónir
kr.
Hann viðurkenndi einnig að
hafa látið undir höfuð leggjast
að færa bókhald og varðveita
bókhaldsgögn vegna starfsemi
félagsins á árunum 1993 til
1996.
Í dómnum kemur fram að
refsingar við brotum af þessu
tagi hafi verið þyngdar veru-
lega með lögum sem tóku gildi
1995 en ekki sé unnt að beita
þeim refsingum nema um þau
brot sem framin voru eftir gild-
istöku laganna. Þá meti ákæru-
valdið brotið ekki meiriháttar
og því komi ekki til greina að
dæma ákærða til fangelsisvist-
ar.
Við ákvörðun refsingar leit
dómarinn til þess að hann hafði
ekki áður sætt refsingum og
játaði hreinskilnislega brot sín.
Jafnframt var litið til þess
óhæfilega dráttar sem talinn
var vera á rannsókn málsins.
Dæmdur fyr-
ir að skila
ekki virð-
isaukaskatti
Keflavík
BÚIST er við 200 þátttakend-
um frá tólf skólum á strengja-
mót tónlistarskóla á Íslandi
sem haldið verður í Keflavík í
næsta mánuði.
Tónlistarskóli Reykjanes-
bæjar er gestgjafi á mótinu en
það verður haldið dagana 18.–
20. október í Holtaskóla, Fjöl-
brautaskóla Suðurnesja og
íþróttahúsinu við Sunnubraut.
200 gestir á
strengjamóti
Keflavík
FORYSTUMENN Gerða-
hrepps óskuðu eftir götulýs-
ingu á Garðveg þegar þeir fóru
á fund fjárlaganefndar Alþingis
í vikunni.
Um sjö kílómetrar eru frá
hringtorginu í Garð. Sigurður
Jónsson sveitarstjóri segir að
það valdi ökumönnum vand-
ræðum þegar þeir komi inn í
myrkrið á Garðvegi eftir að
hafa ekið eftir vel upplýstri
Reykjanesbrautinni. Hann seg-
ir að fyrir fáeinum árum hafi
verið áætlað að lýsing Garðveg-
arins myndi kosta um 30 millj-
ónir kr.
Sveitarstjórnarmenn í Garði
óskuðu einnig eftir áframhald-
andi stuðningi við undirbúning
uppbyggingar safns á Garð-
skaga og við gerð sjóvarna.
Einnig óskuðu þeir eftir því að
framkvæmdir gætu hafist við
stækkun Fjölbrautaskóla Suð-
urnesja í Keflavík.
Óska eftir
lýsingu á
Garðveg
Garður