Morgunblaðið - 25.09.2002, Blaðsíða 39
Á EVRÓPSKUM tungumáladegi,
26. september, efnir menntamála-
ráðuneytið til málþings um tungu-
málakennslu. Yfirskrift málþings-
ins er „Straumar og stefnur í
kennslu erlendra tungumála á Ís-
landi“, og verður haldið á Grand
hóteli kl. 14.00–17.00. Stofnun Vig-
dísar Finnbogadóttur í erlendum
tungumálum við Háskóla Íslands
annast skipulagningu og fram-
kvæmd þingsins.
Tómas Ingi Olrich menntamála-
ráðherra setur málþingið með
ávarpi. Á dagskrá þingsins verður
m.a. umfjöllun um viðhorf til
tungumála hér á landi og tungu-
málakennarar í grunn- og fram-
haldsskólum fjalla um kosti og
galla gildandi aðalnámskráa í er-
lendum tungumálum. Nokkrir
stjórnendur fyrirtækja greina frá
viðhorfum sínum til tungumála og
tungumálakunnáttu og ungt fólk
greinir frá gildi þess að hafa
tungumálakunnáttu í farteskinu í
leik og starfi. Auk þess verða al-
mennar umræður. Málþingið er op-
ið öllum meðan húsrúm leyfir og er
þátttakendum að kostnaðarlausu.
Málþing um
tungumála-
kennslu
„Heilbrigði býr í huganum“ er yfir-
skrift fræðsluhelgar 28. til 29. sept-
ember nk. sem Parkinsonsamtökin á
Íslandi standa að fyrir parkinson-
veika og fjölskyldur þeirra og vini.
Heilbrigðisstarfsfólk er einnig vel-
komið. Dagskráin stendur frá 9.30 til
16.00 báða dagana. Hægt er að skrá
sig hjá Parkinsonsamtökunum.
Leiðbeinendur verða Svend Ander-
sen sálfræðingur og Inger-Marie Ør-
ner hjúkrunarfræðingur, bæði frá
Danmörku. Þau eru bæði með park-
insonsjúkdóm og hafa starfað saman
að því að leiðbeina fólki með sama
sjúkdóm og fjölskyldum þeirra um
hvernig njóta megi sem mestra lífs-
gæða þrátt fyrir breyttar aðstæður í
lífinu.
Fræðslan verður í formi stuttra
erinda sem síðan verður fjallað um í
hópavinnu í kjölfarið. Erindin og
umræður verða túlkuð jafnóðum eft-
ir þörfum.
Fræðsluhelgi
Parkinson-
samtakanna
SÆNSK-íslenska verslunarráðið
efnir næstkomandi föstudag til fund-
ar um efnið einkaframkvæmd í heil-
brigðiskerfinu. Fundurinn er opinn
öllum og á að standa frá 15 til 17.30 í
Súlnasal Radisson SAS, Hótel Sögu,
í Reykjavík.
Frummælendur eru Johan
Hjertequist, forstöðumaður rann-
sóknadeildar um heilbrigðismál hjá
Timbro stofnuninni í Stokkhólmi,
Anna Sigrún Baldursdóttir, fram-
kvæmdastjóri Liðsinnis ehf., og Páll
Torfi Önundarson, yfirlæknir blóð-
meinafræðideildar LSH og dósent
við læknadeild HÍ.
Auk þeirra þriggja munu taka þátt
í pallborðsumræðum þeir Magnús
Pétursson, forstjóri LSH, og Þórir
Björn Kolbeinsson, formaður Félags
íslenskra heimilislækna. Fundar-
stjóri verður Thomas Möller, aðstoð-
arforstjóri Lífs hf.
Fundur um
einkavæðingu
í heilbrigðis-
kerfinu
BÚNAÐARBANKINN býður
til morgunverðarfundar á Hót-
el Sögu, Ársölum, miðvikudag-
inn 25. september kl. 8–9.30. Á
fundinum birtir greiningadeild
Búnaðarbankans, fyrst ís-
lenskra fjármálafyrirtækja,
spá um hagvöxt og efnahags-
horfur á þessu og næsta ári.
Jafnframt verður fjallað um
þróun einkaneyslu og fjárfest-
inga út frá sjónarhóli atvinnu-
lífsins. Á dagskrá fundarins eru
þrjú erindi: Björn Rúnar Guð-
mundsson hagfræðingur ræðir
um hagspá Búnaðarbankans
2002 og 2003 – Gamaldags að-
lögun með nýjum formerkjum.
Jón Björnsson, fram-
kvæmdastjóri Baugs-Íslands,
fjallar um efnið Kauphegðun og
hagsveiflan – „Er aðlöguninni
lokið?“ Árni Tómasson banka-
stjóri ræðir fjárfestingar at-
vinnufyrirtækja og viðbrögð
við breyttum aðstæðum.
Rætt um efna-
hagshorfur og
einkaneyslu
FRÉTTIR
MORGUNBLAÐIÐ MIÐVIKUDAGUR 25. SEPTEMBER 2002 39
„Ég hafði misst tvo fiska í Fern-
ishyl kvöldið áður þannig að mér
fannst spennandi að byrja þar
morguninn eftir. Annar þessara
sem ég missti var stór og ég vissi
af nokkrum boltafiskum í hylnum.
Þetta er hægur og auðveldur hylur
að veiða þannig að ég byrjaði með
flugu, var með tommulanga svarta
Snældu með grænu og gulu skotti,
og fiskurinn tók bara í fyrsta
kasti,“ sagði Guðjón V. Reynisson,
sem landaði um það bil 16,5 punda
sjóbirtingi í Geirlandsá síðastliðinn
föstudagsmorgun.
Gleymdi stund
og stað
„Ég var einn þarna og það má
eiginlega segja að ég hafi gleymt
stund og stað, svo gersamlega
hvarf ég inn í verkefnið. Það var
svo margt sem flaug í gegnum hug-
ann eftir að ég sá hvers lags tröll
þetta var, hvar og hvernig best
væri að standa að glímunni og
lönduninni. Hvort ég myndi ná
honum, hvernig hald flugan hefði.
Fiskurinn var ekkert erfiður
þannig séð, hann þumbaðist mikið
og synti stundum með látum upp
og niður hylinn, en það var undir
lokin sem leikurinn varð síðan tví-
sýnn. Útfallið úr hylnum þeim
megin sem ég stóð er í miklum
flúðum með grjóti, en miklu rórra
vatn hinum megin. Ég var búinn að
sjá þetta og óð varlega yfir. Það
var síðan eins gott, því fiskurinn
sótti að þessum flúðum, en staða
mín var þá orðin betri og ég gat
stýrt honum rétta leið. Stirtlan á
honum var svo sver að ég missti
fiskinn strax og ég reyndi að
sporðtaka hann, en það kom ekki
að sök. Hins vegar hefði þessi
glíma tapast ef henni hefði ekki
lokið þarna, því að hald önglanna
var orðið mjög lélegt og það hefði
strax rifnað úr honum ef hann
hefði t.d. náð að komast í flúðirn-
ar,“ sagði Guðjón ennfremur.
Enn dauft
Sjóbirtingshængur Guðjóns var
87 sentimetrar og er stærsti sjó-
birtingur sem veiðst hefur á flugu í
sögu Stangaveiðifélags Keflavíkur
eftir því sem fram kemur á vef
SVFK. Nokkru síðar missti Guðjón
annan stórbirting í sama hyl á
maðk og telur hann þann fisk hafa
verið a.m.k. jafn stóran og senni-
lega stærri en þann sem vó 8,2 kg,
eða rétt tæp 16,5 pund.
Þrátt fyrir þessi stórfiskatíðindi
er enn mjög dauf veiði í Skafta-
fellssýslum, þannig fengu Guðjón
og félagar aðeins fimm fiska á fjór-
ar stangir á tveimur dögum, þar af
tvo laxa, og haustvertíðin hafði að-
eins gefið milli 70 og 80 birtinga
um síðustu helgi.
Í Fossálum er svipaða sögu að
segja, örfáir fiskar eru að togast
upp, einn og einn þó stór, t.d. bæði
9 og 11 punda fiskar nýverið.
Risabirtingur
úr Geirlandsá
ERU
ÞEIR AÐ
FÁ’ANN?
Guðjón V. Reynisson með
sjóbirtinginn stóra.
DEILT um sparisjóð heitir fyrsti
fyrirlesturinn í röð fyrirlestra á veg-
um Hádegisháskóla Stjórnendahá-
skóla HR sem fer fram næstkomandi
fimmtudag, 26. september. Þar
fjallar Jón Steinar Gunnlaugsson um
ýmis sjónarhorn sem tengjast um-
ræðu og deilum um SPRON og sölu
á hlut stofnfjárfesta.
Fyrirlesturinn hefst klukkan 12
og mun Jón Steinar fara yfir helstu
lagaákvæði um sparisjóð og breyt-
ingar á lögum árið 2001 í því skyni að
heimila breytingar á sparisjóðum í
hlutafélög. Mun hann og víkja að við-
brögðum stjórnar SPRON og hlut-
verki Fjármálaeftirlitsins og rekja
atburðarásina vegna samnings fimm
stofnfjárfesta við Búnaðarbanka Ís-
lands um kaup og sölu á stofnfjár-
hlutum á yfirverði.
Rætt um deilur
um sparisjóð
MÁLSTOFA um jarðskjálftavá á Ís-
landi verður haldin á vegum Verk-
fræðistofnunar Háskóla Íslands
næstkomandi fimmtudag kl. 16 til
18. Fjallað verður um tillögu Verk-
fræðistofnunar að hröðunarkortum
fyrir Ísland og höfuðborgarsvæðið.
Flutt verða fjögur erindi: Júlíus
Sólnes fjallar um rannsóknir á jarð-
skjálftahættu og áhrifum íslenskra
jarðskjálfta, Bjarni Bessason fjallar
um jarðskjálftaþol íslenskra húsa,
Símon Ólafsson ræðir mælingar á
jarðskjálftahröðun og dvínun jarð-
skjálftaáhrifa og Ragnar Sigbjörns-
son fjallar um jarðskjálfta, jarð-
skjálftavá og hröðunarkort.
Málstofa um
jarðskjálftavá
Í KVÖLD kl. 20:00 stendur félagið
Afríka 20:20 fyrir málstofu um ráð-
stefnu Sameinuðu þjóðanna um sjálf-
bæra þróun sem haldin var nýlega í
Jóhannesarborg í Suður-Afríku. Sér-
stakir gestir málstofunnar eru Hugi
Ólafsson, deildarstjóri í umhverfis-
ráðuneytinu, og alþingismennirnir
Kolbrún Halldórsdóttir, Kristján
Pálsson og Þórunn Sveinbjarnardótt-
ir. Þau voru öll í sendinefnd Íslands
og munu þau halda 10–15 mínútna er-
indi um efni ráðstefnunnar og hugs-
anlega þýðingu hennar fyrir Afríku.
Eftir erindin verða frjálsar umræður.
Málstofan verður haldin í Alþjóða-
húsinu, Hverfisgötu 18 í Reykjavík,
og er opin fyrir allt áhugafólk um mál-
efnið.
Málstofa um
ráðstefnu SÞ um
sjálfbæra þróun
ÁHUGAHÓPUR um samvinnusögu
og Sögufélagið gangast fyrir fyrir-
lestraröð í október í húsakynnum
Sögufélags að Fischersundi 3 í
Reykjavík. Fundirnir, sem eru fimm
talsins, verða á þriðjudagskvöldum
klukkan 20.15–22.15.
Tilefnið er að 20. febrúar síðastlið-
inn voru liðin 100 ár frá stofnun
Sambands íslenskra samvinnufélaga
að Ystafelli í Suður-Þingeyjarsýslu,
en Sambandið heyrir nú sögunni til
sem fyrirtæki. Helgi Skúli Kjartans-
son sagnfræðingur, sem hefur rann-
sakað sérstaklega sögu samvinnu-
hreyfingarinnar, verður aðal-
fyrirlesari en valdir menn flytja
innlegg um erindi hans og á eftir
verða umræður. Hinn 1. október
verður fjallað almennt um samvinnu-
hreyfinguna í sögu Íslands, 8. okt.
um samvinnuhreyfinguna og sveit-
irnar, 15. okt. um samvinnuhreyf-
inguna og stjórnmálin og 22. okt. um
samvinnuhreyfinguna og samkeppn-
ina. Fyrirlestraröðinni lýkur 29. okt.
með því að Jón Sigurðsson og Jónas
Guðmundsson, sem báðir hafa verið
rektorar Samvinnuháskólans, leita
svara við spurningunni hvað hafi
orðið Sambandinu að falli og hvort
samvinnurekstur í einhverri mynd
eigi framtíð fyrir sér.
Fundir um
samvinnu-
hreyfinguna í
sögu Íslands
HJÁ Gigtarfélagi Íslands er aftur að
hefjast slitgigtarnámskeið þar sem
áhersla er lögð á þætti sem tengjast
því að lifa með slitgigt. Um er að
ræða þrjú kvöld, einu sinni í viku, og
byrjar námskeiðið þriðjudaginn 1.
október nk. kl. 20.00
Á námskeiðinu verður fjallað um
sjúkdóminn, einkenni hans, með-
ferðarmöguleika og áhrif á daglegt
líf, mikilvægi þjálfunar, slökun, að-
lögun að breyttum aðstæðum í
tengslum við dagleg störf, tilfinn-
ingalega, félagslega og samfélags-
lega þætti. Fræðsla er mikilvæg til
að stuðla að auknum lífsgæðum.
Leiðbeinendur á námskeiðinu
verða Helgi Jónsson gigtarsérfræð-
ingur, Hulda Jeppesen sjúkraþjálf-
ari og Svala Björgvinsdóttir fé-
lagsráðgjafi og iðjuþjálfi.
Námskeiðið verður haldið í húsnæði
félagsins í Ármúla 5, annarri hæð.
Upplýsingar og skráning á nám-
skeiðið er á skrifstofu félagsins.
Námskeið
um slitgigt
JÓHANNA Kristjónsdóttir mun
halda námskeiðið „Menningarheimur
Araba“ í annað skipti á vegum Mímis-
Tómstundaskólans nú á haustönn.
Námskeiðið hefst fimmtudaginn 26.
september og stendur yfir í 4 vikur.
Kennt er frá klukkan 20.30–22.
„Fjallað verður um íslam og upphaf
þess, sögu Múhameðs, tilurð Kórans-
ins og bænagjörðir múslima. Einnig
verður farið yfir áhrif nútímatúlkunar
„bókstafstrúarmannanna“ víðs vegar
í löndunum á inntaki Kóransins og
mörgum rangtúlkunum. Saga svæð-
isins frá lokum heimsstyrjaldarinnar
fyrri 1918 verður rakin og þær breyt-
ingar sem urðu á landamærum við-
komandi ríkja, sem hafa haft mikil
áhrif á samfélögin sem eiga í hlut.
Vikið verður að fornri menningararf-
leifð landa Arabaheimsins, rætt um
faróatímann í Egyptalandi og
Grikkja- og Rómverjaskeiðið vítt og
breitt um Arabalöndin. Einnig verður
fjallað um stjórnarfarið nú, orsakir
þess og viðhorf Araba til Vesturlanda.
Staða fjölskyldunnar og þar með
talin staða kvenna er gjarnan til um-
ræðu í hinum vestræna heimi. Jó-
hanna mun fjalla um þessi mál og
önnur tengd eins og merkingu þeirra
búninga sem arabískar konur klæð-
ast, m.a. slæðunotkunina og andlits-
blæjuna. Marga fýsir sjálfsagt að vita
hvernig Arabalöndin eru sem ferða-
mannastaður í ljósi nýjustu atburða.
Jóhanna hefur miklu að miðla, þar
sem hún hefur verið búsett í flestum
Arabalöndunum um lengri eða
skemmri tíma og þekkir því betur til
en flestir Íslendingar, segir í frétta-
tilkynningu.
Jóhanna Kristjónsdóttir er kunn af
störfum sínum sem blaðamaður og
rithöfundur. Hún gaf út bókina „Insj-
allah – á slóðum Araba“ fyrir tveimur
árum.
Námskeið
um menningar-
heim Araba
ÞINGFLOKKUR Samfylkingarinn-
ar sendi á mánudag frá sér eftirfar-
andi yfirlýsingu:
„Þingflokkur Samfylkingarinnar
gagnrýnir harðlega umsátur Ísr-
aelshers við höfuðstöðvar Yassers
Arafats í Ramallah á Vesturbakkan-
um. Slík beiting hervalds og eyðilegg-
ing á innviðum heimastjórnarinnar
mun síst auka friðarvilja palestínsku
þjóðarinnar. Við blasir hins vegar að
framferði Ísraelshers kyndir undir
öfgaöflum og örvæntingu á kostnað
lýðræðisaflanna í Palestínu. Eigi
kosningar að geta farið fram með eðli-
legum hætti í Palestínu í byrjun
næsta árs verður hernámi Ísr-
aelsmanna að ljúka og uppbygging
samfélagsins að hefjast þegar í stað.
Ástandið á Vesturbakkanum og
Gaza versnar með hverjum deginum.
Efnahagslíf á heimastjórnarsvæðun-
um er lamað. Börn hafa ekki komist í
skóla mánuðum saman. Útgöngu-
bann og kerfisbundin eyðilegging
mannvirkja og landbúnaðarlands
draga lífsþróttinn úr hinum almenna
borgara. Vannæring og heilsubrestur
herjar á palestínsku þjóðina. Hrun
blasir við á meðan Ísraelsstjórn herð-
ir tak sitt á heimastjórninni undir for-
sæti Yassers Arafats.
Þingflokkur Samfylkingarinnar
skorar á ríkisstjórn Íslands að mót-
mæla umsátrinu um höfuðstöðvar
Arafats með formlegum hætti við Ísr-
aelsstjórn.“
Umsátri um
höfuðstöðvar
Arafats verði
mótmælt
Landsvirkjun selur
Norðurorku rafmagn
Norðurorka á Akureyri kaupir
raforku í heildsölu af Landsvirkjun
en ekki RARIK, eins og ranghermt
var á einum stað í blaðinu sl. föstu-
dag í grein um raforkumarkaðinn.
Beðist er velvirðingar á þessu.
Rossini, ekki Devereux
Ranghermt var í frétt í gær að
Guðrún Jóhanna Ólafsdóttir hefði
m.a. verið verðlaunuð fyrir flutning á
sönglögum eftir Devereux. Hún
flutti verk eftir Schubert, Rossini og
Donizetti í keppninni í London.
Tilvitnanaskrá vantaði
Í grein Ólafs Gíslasonar, „Hið
hverfula yfirborð heimsins“, í Les-
bók 14. september sl. vantaði tilvitn-
anaskrá. Beðist er velvirðingar á
þessu um leið og bent skal á að
greinin er birt á heimasíðu Lista-
safnsins á Akureyri.
LEIÐRÉTT
STUÐNINGSHÓPUR kvenna sem
fengið hafa krabbamein í eggjastokka
heldur rabbfund í húsi Krabbameins-
félagsins að Skógarhlíð 8 í Reykjavík,
í dag miðvikudag, kl. 17.
Gestur fundarins verður Reynir
Tómas Geirsson, prófessor og for-
stöðulæknir kvennadeildar Landspít-
ala – háskólasjúkrahúss og deildar-
forseti læknadeildar Háskóla Íslands.
Konur sem fengið hafa krabbamein
í eggjastokka eru hvattar til að mæta,
segir í fréttatilkynningu.
Fundur um
eggjastokka-
krabbamein