Morgunblaðið - 02.10.2002, Qupperneq 18

SENEGALSKIR hermenn loka
kistu eins þeirra sem fórst með ferj-
unni Joola úti fyrir strönd Gambíu
26. september. Um sextíu manns
var bjargað, en rúmlega eitt þús-
und voru um borð í ferjunni.
Abdoulaye Wade, forseti Sene-
gals, féllzt í gær á afsagnir sam-
gönguráðherrans Youssouph
Sakho og hermálaráðherrans
Youba Sambou, sem öxluðu þar
með ábyrgð á ófullnægjandi við-
brögðum yfirvalda við slysinu, en
þau hafa vakið reiði í landinu.
Komið var með 216 lík í kæligám-
um til Dakar í Senegal í gær, þar
sem þau voru sett í kistur. Alls hafa
um 400 lík fundist en aðeins hafa
verið borin kennsl á tvö. Haft var
eftir köfurum sem tóku þátt í björg-
unaraðgerðum að fjöldi manns
hefði lokast inni í ferjunni er henni
hvolfdi í vondu veðri og hefðu sjó-
menn er fyrstir komu á slysstaðinn
heyrt í fólkinu inni í ferjunni, allt að
200 manns. En er kafararnir komu
á staðinn „var ekki lengur neinn á
lífi. Enginn svaraði þegar við lömd-
um utan byrðinginn,“ sagði einn
kafaranna. Senegölsk stjórnvöld
segja að 1.034 hafi verið um borð í
ferjunni, sem hafi verið gerð til að
bera um helmingi færri.
400 lík
fundin
AP
ERLENT
18 MIÐVIKUDAGUR 2. OKTÓBER 2002 MORGUNBLAÐIÐ
LÖGREGLUMENN í fullum
óeirða„herklæðum“ fylgjast með
er baskneskir aðskilnaðarsinnar
bera félaga sinn Egoitz Gurr-
utxaga til grafar í Renteria á
Norður-Spáni í gær.
Gurrutxaga, sem er grunaður
um að hafa verið virkur meðlimur
í ETA, hryðjuverkasamtökum að-
skilnaðarsinnaðra Baska, og
meintur samverkamaður hans
biðu bana hinn 23. september er
sprengiefni í fórum þeirra sprakk
fyrir slysni.
Jarðarförin fór friðsamlega
fram, en lögregla aftraði 15 bíla
bílalest frá því að taka þátt í lík-
fylgdinni.
AP
ETA-maður borinn til grafar
ELLEFU ára gamall sonur banka-
stjóra í Frankfurt, sem var erfingi
banka sem sama fjölskyldan hefur
rekið frá því á 17. öld, fannst látinn í
gær. Lögreglan í Frankfurt greindi
frá því að innvafið lík sem fundizt
hefði í gili norðaustan við borgina
væri „nær örugglega“ af Jakob von
Metzler, en honum var rænt á leið
heim úr skóla síðastliðinn föstudag.
Saksóknarar staðfestu síðar að líkið
væri af drengnum.
Fjölskylda hans hafði greitt eina
milljón evra, andvirði um 86 milljóna
króna, í lausnargjald fyrir piltinn, án
þess að endurheimta hann úr klóm
mannræningjanna.
Sagðist lögregla hafa handtekið 27
ára gamlan mann sem grunaður
væri um að vera höfuðpaurinn á bak
við verknaðinn. Áður hafði lögreglan
greint frá því að fjögur ungmenni –
16 ára stúlka, 24
ára vinur hennar
og tveir bræður á
aldrinum 21 og 23
ára – hefðu verið
handtekin í
tengslum við
rannsókn málsins
á mánudag og í
fyrrinótt. Þrjú
þeirra hefðu verið
látin laus en eitt
væri áfram í haldi.
Sá sem fyrst var sagður 24 ára er
hinn 27 ára gamli meinti höfuðpaur.
Hann er laganemi og kvað hafa verið
kunningi Metzler-fjölskyldunnar.
Á grundvelli yfirheyrslanna yfir
hinum handteknu telur lögregla að
laganeminn hafi einn framkvæmt
mannránið og að hann hafi þekkt
Jakob. Greindu talsmenn lögregl-
unnar ennfremur frá því að hluti
lausnarfjárins hafi fundizt á hinum
grunaða og meira af því heima hjá
honum. Harald Weiss-Bollandt lög-
reglustjóri sagði á blaðamannafundi
í Frankfurt að Jakob, eitt þriggja
barna bankastjórahjónanna Fried-
rich og Silviu von Metzler, hefði að
öllum líkindum verið myrtur strax á
föstudag, daginn sem honum var
rænt.
Síðast sást til drengsins á lífi um
kl. 10.30 á föstudagsmorgun. Sagðist
skólabróðir hans hafa séð hann fara
úr strætó á stöðinni næst heimili
sínu í borgarhverfinu Sachsenhaus-
en. Fjölskyldunni barst miði klukku-
stund síðar þar sem tilkynnt var að
barninu hefði verið rænt og farið var
fram á lausnargjald. Ekki yrði snert
hár á höfði hans ef gjaldið yrði greitt.
Ekkert bólaði hins vegar á drengn-
um þótt lausnargjaldið – ein milljón
evra – hafi verið afhent á mánudags-
morgun, að ráði lögreglu.
Umfangsmikil leit
Beindi lögregla leitinni að drengn-
um aðallega að stöðuvatni og skóg-
lendi suður af Frankfurt, þar sem
hún fékk vísbendingar um að honum
væri haldið föngnum í skógarhýsi
þar á svæðinu. Yfir 1.100 lögreglu-
menn með 20 sérþjálfaða leitar-
hunda og þyrlusveit tóku þátt í að-
gerðunum.
Metzler-bankinn, sem er með höf-
uðstöðvar sínar í Frankfurt, er einn
elzti banki Þýzkalands, stofnaður
1674 og er enn þann dag í dag í eigu
og rekstri Metzler-fjölskyldunnar.
Friedrich von Metzler er ellefta kyn-
slóð fjölskyldunnar sem stjórnar
bankanum.
Ellefu ára gömlum erfingja þýzks einkabanka rænt í Frankfurt am Main
Drengurinn fannst látinn
Frankfurt. AP.
Jakob von
Metzler
Kennir
sig nú
við ýsu
London. AP.
EINN af þingmönnum breska
Verkamannaflokksins hefur
ákveðið að breyta nafni sínu úr
Austin
Mitchell í
Austin Had-
dock (Ást-
þór Ýsa).
Breytingin
tekur gildi á
föstudag en
Mitchell,
sem situr á
þingi fyrir
útgerðarbæinn Grimsby, segist
með þessu vilja styðja við bakið
á breskum sjávarútvegi.
„Tilgangurinn er að hvetja
fólk til að hugsa um fisk, elda
fisk, borða fisk og kaupa fisk,“
segir Mitchell sem setið hefur á
þingi síðan 1977. Kom hug-
myndin að nafnabreytingunni
upp í tengslum við undirbúning
sjávarfangsvikunnar, sem nú
er að hefjast í Bretlandi.
Segist þingmaðurinn stoltur
af því að kenna sig við ýsu. „Ég
verð þó að viðurkenna að ég
breyti nafni mínu líklega aftur í
Mitchell í vikulokin. Fjölskyld-
an mín heldur að ég sé genginn
af göflunum.“
Austin Mitchell
ROBERT Torricelli, öldungadeild-
arþingmaður demókrata í New Jers-
ey, tilkynnti á mánudag, að hann
ætlaði að draga sig í hlé og sækjast
ekki eftir endurkjöri í kosningunum í
nóvember. Um leið hafa líkur á, að
demókratar missi eins sætis meiri-
hluta sinn í öldungadeildinni aukist
verulega.
Torricelli kvaðst ekki vilja bera
ábyrgð á því, að demókratar misstu
meirihlutann í öldungadeildinni og
því hefði hann tekið þessa ákvörðun.
Hana má þó aðallega rekja til þess,
að hann hefur verið bendlaður við
spillingu og mútuþægni og síðustu
skoðanakannanir benda til, að
repúblikaninn Doug Forrester muni
bera sigur úr býtum.
Demókratar verða nú að finna
annan frambjóðanda í stað Torricell-
is og er það sagt nokkuð flókið mál,
meðal annars vegna þess, að fram-
boðsfrestur er liðinn.
Torricelli aftur-
kallar framboð
Robert Torricelli niðurlútur á
blaðamannafundi þar sem hann
tilkynnti um ákvörðun sína.
New York. AFP.
Reuters
Réðist á
bílstjórann
Fresno. AP.
AÐ minnsta kosti tveir létust og tug-
ir slösuðust þegar farþegi í fólks-
flutningabifreið lagði til bílstjórans
með hnífi er bifreiðin var á fullri ferð
eftir hraðbraut í Kaliforníu á mánu-
dagskvöldið, með þeim afleiðingum
að bifreiðin valt og fór út af veginum.
Um borð voru 45 farþegar á leið frá
Los Angeles til San Francisco, en
bifreiðin var í eigu fyrirtækisins
Greyhound.
Yfirvöld segja að árásin á bílstjór-
ann tengist ekki hryðjuverkastarf-
semi. Fulltrúi lögreglunnar í
Fresno-sýslu, þar sem slysið varð,
sagði að árásarmaðurinn hefði náðst
er hann reyndi að flýja af slysstaðn-
um. Bílstjórinn lifði árásina af. Hann
missti stjórn á bílnum er hann
reyndi að verjast árásinni. Engar
fregnir hafa borist af því hvað árás-
armanninum kunni að hafa gengið
til.
Tveir létust í rútuslysi
TALSMENN Bandaríkjastjórnar
sögðu í gær að hún myndi hunza
viðmiðunarreglur sem Evrópusam-
bandið hefur sett aðildarríkjum sín-
um um að þeim sé heimilt að semja
við Bandaríkin um að veita banda-
rískum hermönnum takmarkaða
friðhelgi fyrir hugsanlegri saksókn
af hálfu Alþjóðasakamáladómstóls-
ins (ICC) nýstofnaða.
Richard Boucher, talsmaður
bandaríska utanríkismálaráðuneyt-
isins, sagði að stjórnvöld í Wash-
ington myndu áfram leitast við að
ná samningum við einstök ríki um
friðhelgi allra bandarískra ríkis-
borgara en ekki aðeins hermanna
og stjórnarerindreka eins og kveðið
er á um í hinum nýju viðmiðunar-
reglum ESB, sem utanríkisráð-
herrar sambandsins náðu mála-
miðlunarsamkomulagi um á mánu-
dag.
„Sumt í viðmiðunarreglunum
sem ráðherrarnir ákváðu er okkur
ekki að skapi og við munum áfram
reyna að ná okkar markmiðum
fram í þeim tvíhliða viðræðum sem
við væntum að muni eiga sér stað
[við Evrópuríkin hvert fyrir sig],“
sagði Boucher.
Alþjóðasaka-
máladómstóllinn
Bandaríkin
hyggjast
hunza ESB-
reglur
Washington. AFP.