Morgunblaðið - 02.10.2002, Blaðsíða 12

FRÉTTIR
12 MIÐVIKUDAGUR 2. OKTÓBER 2002 MORGUNBLAÐIÐ
FLUGMÁLASTJÓRI, Þorgeir Páls-
son, segist í samtali við Morgunblaðið
fagna því að skýrsla bresku sérfræð-
inganna Franks Taylors og Bernies
Forwards um flugslysið í Skerjafirði
sé komin fram og hún sé að mörgu
leyti faglega unnin. Hann segist hins
vegar ekki vera sammála öllu því sem
fram kemur í skýrslunni og vísar því
t.d. á bug að Flugmálastjórn hafi
beitt Rannsóknarnefnd flugslysa,
RNF, einhverjum þrýstingi við rann-
sókn slyssins.
Þorgeir segir að starfsmenn Flug-
málastjórnar séu að fara gaumgæfi-
lega yfir skýrsluna og muni að því
loknu skila umsögn til samgönguráð-
herra. Á meðan geti hann ekki tjáð
sig um ýmsa tæknilega þætti skýrsl-
unnar. Verið sé að kanna hvaða atriði
betur megi fara í starfi Flugmála-
stjórnar, til viðbótar því sem gert hafi
verið eftir að RNF setti fram sínar til-
lögur til úrbóta eftir flugslysið.
Meðal tillagna Taylors og For-
wards í öryggisátt er að frumskýrsla
vegna flugslysarannsókna verði send
öllum sem við sögu koma en ekki að-
eins einum aðila, sé slík skýrsla á ann-
að borð gefin út. Eðlilegt hafi verið að
senda Flugmálastjórn frumskýrslu
en einnig hafi átt að senda hana til að-
standenda fórnarlamba slyssins, flug-
rekandans, viðhaldsverkstæðisins og
jafnvel viðkomandi flugumferðar-
stjóra. Spurður um viðbrögð við þess-
ari tillögu segir Þorgeir að það sé skil-
greint í lögum um flugslysa-
rannsóknir hverjir eigi að fá
frumskýrslur. Það sé RNF sem taki
ákvörðun um hvort fleiri fái slíkar
skýrslur.
Það sé hins vegar ekki rétt að ein-
göngu Flugmálastjórn hafi fengið
frumskýrsluna til umsagnar. Flug-
rekandinn og viðhaldsverkstæðið
muni einnig hafa fengið hana.
Óþarfa tortryggni
Bretarnir segja að ýmsar spurn-
ingar hafi vaknað varðandi samband
RNF og Flugmálastjórnar. Þó að það
hafi verið viðeigandi að gefa Flug-
málastjórn kost á um-
sögn um frumskýrsluna
verði RNF að vera mjög
vakandi fyrir því að láta
ekki undan óviðeigandi
þrýstingi við lokaútgáfu
skýrslu. Telja Bretarnir
að Flugmálastjórn hafi
tekist að sannfæra RNF
um að breyta staðhæf-
ingum í skýrslunni um
atriði sem Flugmála-
stjórn væri veikust fyrir
gagnrýni á. Þorgeir vísar
því alfarið á bug að Flug-
málastjórn hafi beitt
nefndina einhverjum
þrýstingi. Telur hann
Bretana gefa þarna í
skyn óþarfa tortryggni.
„Hið eina sem við lögðum fram
voru rökstuddar athugasemdir og
ábendingar en við beittum engum
þrýstingi. Við myndum aldrei beita
slíkum vinnubrögðum. Við stöndum
við þessar athugasemdir í einu og
öllu. Tilgangurinn með því að senda
frumdrög skýrslu út til umsagnar er
einmitt að fá fram slíkar athugasemd-
ir þannig að nefndin geti skoðað öll
sjónarmið þegar gengið er frá loka-
skýrslu,“ segir Þorgeir.
Flugmálastjóri segir að eftir að
RNF hafi skilað af sér lokaskýrslu
um flugslysið hafi Flugmálastjórn
brugðist við þeim til-
mælum sem þar hafi
komið fram og breytt
ýmsu sem ekki hafi
verið beðið um af
nefndinni. Sem dæmi
nefnir Þorgeir að sam-
gönguráðherra hafi
flýtt gildistöku evr-
ópskra reglna um
rekstur minni flug-
félaga, verklagsreglur
varðandi skráningu
loftfara hafi verið end-
urskoðaðar, eftirlit
með viðhaldi og skrán-
ingu véla og uppfærslu
flughandbóka hafi ver-
ið hert, efnt hafi verið
til námskeiða um öryggismál og
rekstur lítilla flugvéla og þannig
mætti áfram telja.
Flugheimurinn einnig
lítill í öðrum löndum
Aðspurður hvort skýrsla Bretanna
gefi ástæðu til að endurskoða fyrir-
komulag á rannsóknum flugslysa hér
á landi, m.a. með að láta rannsókn í
hendur óháðra og erlendra aðila, seg-
ir Þorgeir að með því sé verið að gera
lítið úr getu Íslendinga til að vera
sjálfstæð þjóð. Flugheimurinn hér á
landi sé vissulega lítill en þannig sé
það í flestum öðrum löndum, jafnvel
hjá þeim stærstu. Þar þekkist menn
vel innan flugheimsins.
„Ég bendi á að við njótum stuðn-
ings starfsbræðra okkar á Norður-
löndum og annars staðar, hvort sem
það er við rannsókn flugslysa eða
skipulag og stjórnun flugmála. Það er
mjög jákvætt að efla slíkt alþjóðlegt
samstarf en við eigum ekki að þurfa
að selja rannsóknir í hendur annarra
ríkja,“ segir Þorgeir.
Hvort þurfi að slíta meira í sundur
Rannsóknarnefnd flugslysa og Flug-
málastjórn bendir Þorgeir á að það
hafi verið gert með nýjum lögum árið
1996. RNF sé sjálfstæð stofnun sem
heyri undir samgönguráðuneytið.
Flugmálastjórn sé einnig sérstök
stofnun sem heyri undir sama ráðu-
neytið. Þorgeir telur það örðugt að
hafa aðskilnaðinn meiri, nema þá að
setja þessar stofnanir undir mismun-
andi ráðuneyti.
„Rannsóknarnefnd flugslysa er
mjög sjálfstæð í sínum störfum og
samskipti við Flugmálastjórn eru á
mjög formlegum nótum. Auðvitað
þekkjast menn í þessum störfum en
það er ekkert öðruvísi í Bretlandi eða
annars staðar í heiminum,“ segir Þor-
geir.
Ágætt samstarf við Bretana
Hann segir að Flugmálastjórn hafi
átt ágætt samstarf við Bretana við
gerð þeirra skýrslu og engu hafi verið
haldið frá þeim. Í raun komi fátt á
óvart í skýrslunni, flest hafi komið
fram í umræðunni eftir slysið en
ákveðin atriði séu þó sett í brennidep-
il.
„Aðalniðurstaða Bretanna er sú til-
gáta að hreyfill flugvélarinnar hafi
hugsanlega stöðvast af öðrum ástæð-
um en eldsneytisþurrð, að hann hafi
nánast brætt úr sér. Þetta mun flug-
slysanefndin væntanlega skoða sér-
staklega. Bretarnir útiloka hins vegar
ekki að flugvélin hafi orðið eldsneyt-
islaus,“ segir Þorgeir.
Bresku sérfræðingarnir víkja sér-
staklega að eftirlitsstarfi Flugmála-
stjórnar í Vestmannaeyjum í skýrslu
sinni og gefa í skyn að því hafi verið
ábótavant. Þannig hafi starfsmönn-
um Flugmálastjórnar yfirsést að
flugmaður vélarinnar hafi farið fram
úr leyfðum flugtíma.
Spurður um viðbrögð við þessu
segir Þorgeir að ljóst sé að starfs-
menn Flugmálastjórnar á flugvellin-
um hafi ekki haft það hlutverk að
fylgjast með flugtíma flugmanna, það
sé alfarið á ábyrgð flugmanns og flug-
rekanda.
Von á viðbrögðum
ráðherra í dag
Þormóður Þormóðsson, formaður
og rannsóknarstjóri Rannsóknar-
nefndar flugslysa, segist hafa fengið
skýrslu bresku sérfræðinganna í
hendur en nefndin muni að svo
stöddu ekki tjá sig um innihald henn-
ar eða þau gagnrýnisatriði sem bein-
ist að rannsókn flugslyssins í Skerja-
firði og störfum flugslysanefndar.
Þormóður segir að umsögn verði skil-
að til samgönguráðherra um skýrsl-
una að lokinni ítarlegri yfirferð.
Hjá samgönguráðuneytinu fengust
þau svör í gær að Sturla Böðvarsson
samgönguráðherra myndi væntan-
lega tjá sig um efni skýrslunnar í dag,
miðvikudag. Frá því að skýrslan var
afhent á mánudag hefur hún verið til
skoðunar í ráðuneytinu af ráðherra
og hans embættismönnum.
Flugmálastjóri fagnar skýrslu Bretanna um flugslysið í Skerjafirði og segir hana faglega unna
Segir Flugmálastjórn
ekki hafa beitt flugslysa-
nefnd þrýstingi
Rannsóknarnefnd flugslysa og Flugmálastjórn skila um-
sögnum til samgönguráðherra um skýrsluna
Þorgeir Pálsson
flugmálastjóri.
UM 300 manns voru á Austurvelli
þegar Alþingi var sett í gær og mót-
mæltu áformum um virkjun við
Kárahnjúka. Lögreglan í Reykjavík
var með talsverðan viðbúnað og
girti af hluta af Austurvelli og lok-
aði fyrir umferð umhverfis Alþing-
ishúsið. Mótmælin fóru friðsamlega
fram.
Á meðan þingmenn, forseti og
biskup gengu á milli Dómkirkju og
Alþingishúss söng fólkið Íslendinga-
ljóð eftir Jóhannes úr Kötlum sem
hefst á orðunum „Land míns föður,
landið mitt“. Margir höfðu útbúið
sér höfuðfat úr álpappír en aðrir
héldu uppi mótmælaspjöldum. Ör-
yggissvæði lögreglu á Austurvelli
var nokkuð stærra en venja er. Karl
Steinar Valsson aðstoðaryfirlög-
regluþjónn sagði að stærð svæðisins
hefði verið ákveðið eftir að for-
svarsmenn mótmælanna létu vita af
fyrirætlunum sínum á hádegi.
Mótmæli gegn Kárahnjúkavirkjun þegar Alþingi var sett
Morgunblaðið/Júlíus
Mótmælendur sungu ættjarðarljóð og héldu uppi mótmælaspjöldum. Margir voru með höfuðföt úr álpappír og nokkrir höfðu tekið skyrdollur með.
„Land míns
föður, landið mitt“ ÍSLANDSMEISTARAMÓTIÐ í
svartapétri fer fram sunnudaginn 6.
október á Sólheimum í Grímsnesi í
þrettánda sinn.
Keppt verður um Íslandsmeistara-
titilinn í svartapétri 2002. Mótið hefst
kl. 14 og lýkur kl. 17. Stjórnandi móts-
ins er Edda Björgvinsdóttir leikkona.
Keppt er um veglegan farandbikar og
eignarbikar, auk þess sem allir fá
verðlaun. Mótið er opið öllum sem
áhuga hafa og mun aðstoðarfólk vera
við hvert spilaborð.
Meistaramót
í svartapétri
FORSÆTISRÁÐUNEYTIÐ,
menntamálaráðuneytið og iðnaðar-
ráðuneytið halda sameiginlegan
kynningarfund á Grand hóteli,
Hvammi, um nýskipan vísinda- og
tæknimála á Íslandi, fimmtudaginn
3. október kl. 16.
Þar mun forsætisráðuneytið
kynna frumvarp til laga um Vísinda-
og tækniráð. Menntamálaráðuneytið
og iðnaðarráðuneytið kynna frum-
vörp til laga um opinberan stuðning
við vísindarannsóknir og frumvarp
til laga um opinberan stuðning við
tækniþróun og nýsköpun í þágu at-
vinnulífsins. Sérstaklega verður
fjallað um endurskoðun frumvarp-
anna á síðustu mánuðum.
Erindi halda: Ólafur Davíðsson,
ráðuneytisstjóri, Tómas Ingi Olrich
menntamálaráðherra, Hafliði P.
Gíslason, prófessor við HÍ, Valgerð-
ur Sverrisdóttir iðnaðarráðherra,
Sveinn Þorgrímsson, skrifstofu-
stjóri. Fundarstjóri verður Guð-
mundur Árnason, ráðuneytisstjóri.
Fundur um
nýskipan
vísinda- og
tæknimála
BRESKU sérfræðingarnir,
Frank Taylor og Bernie For-
ward, sem skilað hafa af sér
skýrslu um flugslysið í Skerjafirði
í ágúst 2000, eru taldir mjög virtir
á sviði flugrannsókna í heiminum.
Frank Taylor er fyrrverandi
forstöðumaður og stofnandi
Cranfield Aviation Safety Centre
við háskólann í Cranfield í Bret-
landi. Hann hefur m.a. tekið þátt í
rannsókn á flugslysinu yfir Lock-
erbie í Skotlandi.
Bernie Forward er kennari við
háskólann í Cranfield og fyrrver-
andi meðlimur bresku flugslysa-
nefndarinnar, AAIB. Þeir starfa
nú báðir sem sjálfstæðir ráðgjaf-
ar á sviði flugslysarannsókna og
flugöryggis.
Bretarnir virtir á
sviði flugrannsókna
♦ ♦ ♦