Morgunblaðið - 30.10.2002, Side 4

FRÉTTIR
4 MIÐVIKUDAGUR 30. OKTÓBER 2002 MORGUNBLAÐIÐ
HAGNAÐUR Íslandsbanka á
fyrstu níu mánuðum ársins var
2.359 milljónir króna eftir skatta og
2.921 milljón króna fyrir skatta.
Eftir skatta er þetta aukning um
13% frá sama tímabili í fyrra, en
fyrir skatta er aukningin 3%. Verð-
leiðrétt reikningsskil hafa verið lögð
af frá og með þessu reikningsári.
Hefði uppgjörsaðferð verið óbreytt,
hefði hagnaður á fyrstu níu mán-
uðum þessa árs fyrir skatta verið
201 milljón króna lægri en raun
varð á og þá hefði hagnaður fyrir
skatta ekki aukist, heldur dregist
saman um 4%.
Hagnaður fyrir skatta á þriðja
fjórðungi ársins nam 868 milljónum
króna, sem er 40% meiri hagnaður
en á sama tímabili á fyrra ári, en þá
er ekki tekið tillit til aflagningar
verðbólgureikningsskila.
Hreinar vaxtatekjur, þ.e. vaxta-
tekjur að frádregnum vaxtagjöld-
um, drógust saman um 2,2% milli
ára og námu 7.149 milljónum króna.
Vaxtamunur, þ.e. hreinar vaxta-
tekjur sem hlutfall af meðalstöðu
heildarfjármagns, lækkaði úr 3,1% í
2,9%
Kostnaðarhlutfall lækkar
Hreinar rekstrartekjur jukust
um 5,6% í 10.131 milljón króna.
Önnur rekstrargjöld námu 5.461
milljón króna og jukust um 4,6% og
kostnaðarhlutfallið, þ.e. hlutfall
gjalda og tekna, lækkaði úr 54,5% í
53,9%.
Framlag í afskriftareikning út-
lána jókst um 15,1% og nam 1.749
milljónum króna á fyrstu níu mán-
uðum þess árs. Í lok september
nam afskriftareikningur útlána
7.383 milljónum króna, eða 2,8% af
útlánum og ábyrgðum. Hagnaður á
hverja krónu hlutafjár nam 0,25
krónum á fyrstu þremur fjórðung-
um ársins en var 0,21 króna á sama
tímabili í fyrra. Íslandsbanki hefur
fært samtals 600 milljónir króna að
nafnverði af eigin bréfum úr veltu-
bók í fjárfestingarbók í því skyni að
lækka útistandandi hlutafé bankans
og auka þannig verðmæti útistand-
andi hlutafjár. Útistandandi hlutafé
bankans er nú 9.400 milljónir króna.
Minni útlán, meiri innlán
Heildareignir Íslandsbanka í lok
september námu 313 milljörðum
króna og lækkuðu um rúma 7 millj-
arða króna frá miðju ári og um 35
milljarða króna, eða 10%, frá árs-
byrjun. Útlán drógust saman um
4% á fyrstu níu mánuðum ársins og
má að stærstum hluta rekja sam-
dráttinn til áhrifa styrkingar krón-
unnar á útlán í erlendri mynt. Inn-
lán jukust um 6,5% á fyrstu níu
mánuðum ársins.
Eigið fé hefur hækkað lítillega
frá áramótum og nam rúmum 20
milljörðum króna í lok september
Eiginfjárhlutfall á CAD-grunni var
12% í lok september, sem er svipað
hlutfall og fyrir ári. Arðsemi eigin
fjár eftir skatta var 16,8% en var
23,6% á sama tímabili í fyrra.
Vegna lækkandi verðbólgu er raun-
arðsemi þó svipuð og í fyrra.
Í tilkynningu frá Íslandsbanka
kemur fram að gert sé ráð fyrir að
hagnaður hans fyrir árið í heild
verði eitthvað minni en í fyrra,
reiknað á sambærilegum grunni.
Hagnaður Íslandsbanka í fyrra nam
rúmum 3,1 milljarði króna.
Íslandsbanki hagnast
um 2,4 milljarða króna
FJÖLVEIÐISKIPIÐ Guðrún
Gísladóttir KE 15, sem sökk við
strendur N-Noregs í sumar, verður
híft upp af hafsbotni og flutt til
hafnar fyrir jól. Mengunarvarnir
norska ríkisins (SFT) hafa tilkynnt
að áætlanir Íshúss Njarðvíkur, eig-
anda skipsins, um hvernig verði
staðið að björgun skipsins þyki full-
nægjandi, en fulltrúar frá SFT
komu hingað til lands fyrr í mán-
uðinum til að fara yfir áætlanir eig-
endanna.
„Við komumst að þeirri niður-
stöðu að þeim væri alvara með áætl-
unum sínum og að þeir væru enn að
skipuleggja hvernig verður staðið
að björguninni. Við teljum áætlan-
irnar nógu góðar til að gefa þeim
möguleika á að fjarlægja skipið,“
segir Ottar Longva, deildarstjóri
hjá SFT. „Því höfum við ákveðið að
norska ríkið mun ekki grípa inn í og
fjarlægja olíuna um borð í skipinu.
Við höfum fundið að eigendum
skipsins sé alvara með áætlunum
sínum um að fjarlægja skipið, lest-
ina og olíuna um borð í einu lagi.“
Um borð í skipinu þegar það sökk
voru um 300 tonn af olíu og tæp 900
tonn af frystri síld. SFT hafði gefið
eigendunum frest til 15. október að
fjarlægja olíuna og frest til 1. maí
næsta vor til að fjarlægja skipið
sjálft. Longva segir að nýr frestur
hafi ekki verið ákveðinn, en litið sé
svo á að eigendurnir hafi frest til 1.
maí til að fjarlægja skipið, olíu og
lest. „Eigendurnir segjast ætla að
fjarlægja skipið fyrir jól, það erum
við mjög ánægðir með,“ segir
Longva.
SFT muni fylgjast náið með allri
undirbúningsvinnu og hvernig verk-
inu vindur fram. „Ef okkur finnst
það ganga of hægt munum við að
sjálfsögðu hafa samband við þá og
láta vita,“ segir Longva.
Flakið
verður
híft upp af
hafsbotni
fyrir jól
Fjölveiðiskipið Guðrún
Gísladóttir KE 15
KONA, sem fyrirtækið Laser-sjón
ehf. stefndi vegna ógreidds reikn-
ings vegna skurðaðgerðar með leysi-
geislum, var dæmd til að borga
reikninginn ásamt dráttarvöxtum í
Héraðsdómi Reykjavíkur í gær.
Konan taldi að sjón sín hefði versnað
eftir aðgerðina og að Laser-sjón
hefði ekki átt að framkvæma aðgerð-
ina vegna lats vinstra auga, augn-
þurrks og ofnæmis í augum. Þá taldi
konan að henni hefðu ekki verið
veittar nægar upplýsingar fyrir að-
gerðina. Aðgerðin, sem kostaði 290
þúsund var framkvæmd í janúar á
síðasta ári.
Laser-sjón mótmælti að sjón kon-
unnar hefði versnað eftir aðgerðina
og taldi að ekki hefði verið rangt að
framkvæma aðgerðina. Konunni
hefði verið greint frá áhættu og
hvers vænta mætti af aðgerðinni og
að hún hefði undirritað skjal fyrir að-
gerðina um að henni hefðu verið
veittar þær upplýsingar. Þá benti
fyrirtækið á að konan hefði engar at-
hugasemdir gert við aðgerðina fyrr
en eftir að málið var höfðað vegna
ógreidds reiknings og þá hefði ár
verið liðið frá aðgerðinni.
Konan sagði sjónina hafa versnað
eftir aðgerðina og að hún hefði fund-
ið fyrir ýmsum óþægindum í augum.
Var hún í framhaldi af aðgerðinni í
meðhöndlun hjá sérfræðingum.
Sagði hún að eftir aðgerðina hefði
Laser-sjón ekki gert neitt til að bæta
stöðu hennar svo sem með því að
taka hana í eftirmeðferð. Dómurinn
komst að þeirri niðurstöðu að að-
gerðin hefði skilað tilætluðum ár-
angri. Óþægindi í augum sem konan
kvartaði yfir eftir aðgerðina mætti
rekja til sjúkdóma sem þekktir væru
að því að valda þurkki og ofnæmi í
augum. Að mati sérfróðra meðdóms-
manna verður þurrkurinn ekki nema
að nokkru leyti rakinn til aðgerðar-
innar.
Dómurinn komst að þeirri niður-
stöðu að eðlilega hefði verið staðið að
undirbúningi og framkvæmd að-
gerðarinnar og konunni bæri því að
greiða fyrir aðgerðina.
Dóminn kvað Sigríður Ingvars-
dóttir héraðsdómari upp ásamt með-
dómsmönnunum Árna B. Stefáns-
syni og Guðmundi Viggóssyni augn-
læknum.
Neitaði að greiða
fyrir augnaðgerð
Dæmd í héraðs-
dómi til að borga
SKIPSTJÓRI og hluti skipverja af
danska varðskipinu Vædderen
heimsóttu Þjóðmenningarhúsið og
skoðuðu handritadeildina í gær en
það var samnefnt skip sem kom
með handritin til Íslands árið 1971.
Nýi Vædderen, sem lét úr höfn í
gærkvöld, tók við af þeim gamla
snemma á tíunda áratugnum en
hefur engu að síður komið með
handrit forn til landsins, síðast árið
1997 en þá voru síðustu tvö hand-
ritin afhent. Að sögn Málfríðar
Finnbogadóttur, skrifstofustjóra
Þjóðmenningarhússins, þótti mönn-
um vel við hæfi að bjóða skipverjum
af Vædderen í heimsókn í Þjóð-
menningarhúsið enda hafi margir
Íslendingar taugar til Vædderen og
minnist komu hans árið 1971 með
hlýju.
Morgunblaðið/Jim Smart
B. Hansen skipherra á Vædderen og skipverjar hlýða á útskýringar Vésteins Ólasonar forstöðumanns Árnastofnunar.
Skipverjar skoða handritin