Morgunblaðið - 17.01.2003, Side 10

FRÉTTIR
10 FÖSTUDAGUR 17. JANÚAR 2003 MORGUNBLAÐIÐ
„LEGGJUM ekki landið undir“ var meðal þess
sem um þúsund mótmælendur hrópuðu, svo und-
ir tók í nærliggjandi húsum, fyrir utan Ráðhús
Reykjavíkur í gær meðan á borgarstjórnarfundi
stóð þar sem ábyrgð borgarinnar fyrir lánum
Landsvirkjunnar vegna Kárahnjúkavirkjunnar
var til umfjöllunar.
Fólk safnaðist saman með mótmælaspjöld í
kringum tjörnina fyrir framan Ráðhúsið, á
göngum þess og í Tjarnarsalnum. Lögreglan tók
spjöld af fólki sem fór inn í húsið. Þá voru áhorf-
endapallar Ráðhússins þéttsetnir og færri kom-
ust að en vildu. Lögreglan þurfti að fjarlægja
einn mótmælanda vegna frammígripa og forseti
bæjarstjórnar þurfti ítrekað að biðja áhorfendur
að hafa hljóð ellegar yrðu pallarnir rýmdir.
Fyrir utan voru hrópuð hvatningarorð til Ingi-
bjargar Sólrúnar Gísladóttur borgarstjóra að
samþykkja ekki ábyrgðina en þegar afstaða
hennar var endanlega ljós var púað hástöfum og
ættjarðarljóð sungin. Nokkrir mótmælenda hófu
að syngja Völuvísu eftir Guðmund Böðvarsson
og allur hópurinn tók undir í orðunum: „Það
hefnist þeim er svíkur sína huldumey/honum
verður erfiður dauðinn.“
„Enn einn sorgardagurinn“
„Nei, þetta er ekki búið, þetta verður aldrei
búið,“ sagði einn mótmælenda við blaðamann
Morgunblaðsins er hann var spurður að því
hvort ekki væri um seinan héðan af að hafa áhrif
á afstöðu yfirvalda um byggingu virkjunarinnar.
Annar mótmælandi var ekki á sama máli. „Þetta
er enn einn sorgardagurinn í baráttunni,“ varð
honum á orði.
Mikill tilfinningahiti var í loftinu meðal mót-
mælenda jafnt innan dyra sem utan. Þegar af-
staða Ingibjargar borgarstjóra varð ljós mátti
jafnvel sjá blika á tár í augum nokkurra við-
staddra. „Við viljum þjóðgarð en ekki Kára-
hnjúkavirkjun,“ var haldið áfram að hrópa. Frá
sal borgarstjórnar blasti mótmælendahópurinn
við borgarfulltrúum. Á áhorfendapöllum var síst
minni hiti í mönnum og ítrekað þurfti forseti
borgarstjórnar að biðja viðstadda að hafa hljóð
sem létu með lófaklappi og hrópum skoðun sína
á málflutningi einstakra borgarfulltrúa í ljós.
Lögregla þurfti að vísa einum manni af pöllum
vegna frammígripa, en sex lögreglumenn, þar af
tveir óeinkennisklæddir á áhorfendapöllunum,
voru staddir í og við ráðhúsið í gær. Annars fóru
mótmælin friðsamlega fram.
Árni Þór Sigurðsson, fulltrúi vinstri grænna í
borgarstjórn, lauk ræðu sinni með þeim orðum
að Kárahnjúkavirkjun væri glæfraspil og ekki
ætti að leggja landið undir. „Til hvers er allt
þetta? Fyrir ímyndaða byggðastefnu? Fyrir eirð-
arlausar pólitískar sálir? Fyrir stundargróða?
Fyrir amerískan álrisa?“ Þessum orðum borgar-
fulltrúans var vel tekið á áhorfendapöllum með
áköfu lófaklappi.
Hiti í mótmælendum
Morgunblaðið/GolliMótmælendur láta í ljós óánægju sína með afstöðu borgarstjóra.
Lögreglan fjarlægði einn
mann af áhorfendapöllum
Morgunblaðið/RAX
Jóni Þór Birgissyni, söngvara og gítarleikara
Sigur Rósar, var vísað af áhorfendapöllum.
Morgunblaðið/Golli„Það tapa allir á Kárahnjúkavirkjun“ stóð á blaði sem sett var á vörðu við inngang Ráðhússins í gær.
Á RÁÐSTEFNU Samtaka iðnaðar-
ins um iðn- og tæknimenntun á
næstu árum sagði Haraldur Frið-
riksson, bakarameistari hjá Ömmu-
bakstri ehf., að nemum í matvæla-
iðnaði hafi farið fækkandi ár frá ári
og lítil sem engin hvatning væri til
verkmenntunar. Hún væri hreinlega
ekki í tísku.
„Umræðan í þjóðfélaginu hvetur
leitandi ungmenni ekki inn á braut
verkmenntunar.“ Haraldur telur að
menntamálayfirvöld geri sér ekki
nægilega grein fyrir vandanum.
Skólum sem kenni iðngreinar sé út-
hlutað fjármagni samkvæmt reikni-
líkani sem sé meingallað.
Sem dæmi nefndi Haraldur að
Menntaskólinn í Kópavogi fái sjö
sinnum hærri fjárhæð til að ræsta
bóknámsstofu miðað við verknáms-
stofu. Rafmagnskostnaður væri ekki
metinn eftir því hvort um sé að ræða
lesstofu eða eldhús með orkufrekum
tækjum og ekki sé gert ráð fyrir hrá-
efniskostnaði þegar kenna eigi nem-
um að verka kjötskrokka, baka
brauð og bera fram mat.
Í samtali við Morgunblaðið sagði
Haraldur að það stefndi í vandræði í
framtíðinni að fá bakara til starfa í
Ömmubakstri ef bakaranemum
fjölgaði ekki. Umræðan nú væri þess
vegna nauðsynleg til að hvetja
stjórnvöld og þá sem að málinu koma
til að vinna gegn þessari þróun.
Sveinn Hannesson, framkvæmda-
stjóri Samtaka iðnaðarins, sagðist
telja að ekki sé hægt að komast af án
þess að stjórnvöld móti ákveðna
stefnu um framboð menntunar fyrir
atvinnulíf. Það verði ekki leyst með
reiknilíkani, hversu vandað og gott
sem það er.
„Það tekur ekki tillit til þarfa at-
vinnulífsins og það tekur heldur ekki
tillit til gæða námsins eða kunnáttu
þeirra nemenda sem koma út úr
skólanum. Það er eitthvað að í þessu
kerfi ef okkur vantar málmiðnaðar-
menn en málmiðnaðarbrautir fram-
haldsskólanna vantar nemendur.
Það er eitthvað að ef atvinnulífið
vantar fleiri tæknifræðinga en
reiknilíkanið segir að ekki sé hægt
að reka tækniskóla nema með tug-
milljóna króna tapi á hverju ári. Hins
vegar er hagkvæmt að útskrifa
kennara og rekstrarfræðinga á færi-
bandi,“ sagði Sveinn.
Finnbjörn Hermannsson, formað-
ur Samiðnar, sagði að iðnaðurinn
væri í samkeppni um hæfileikaríkt
fólk. Sú keppni er ekki bara á milli
fyrirtækja á Íslandi heldur í öllum
heiminum. Húsgagnaiðnaður, skipa-
iðnaður og nú garðyrkja sé á leið úr
landi. Nú þurfi launafólk, atvinnu-
rekendur og skólakerfi að taka hönd-
um saman til að halda í fólk og fyrir-
tæki. Í þeirri keppni séu þessir aðilar
í sama liði.
Stefnir í vandræði ef nem-
um í iðnnámi fjölgar ekki
LÖGREGLAN á Selfossi lagði hald á
tvo nýja gróðurhúsalampa, um 80
grömm af hassi auk lítilræðis af
amfetamíni og maríjúana í kjölfar
þess að hún stöðvaði bifreið við hefð-
bundið eftirlit seint á þriðjudags-
kvöld.
Í bílnum var einn farþegi auk öku-
manns. Eitthvað þótti lögreglumönn-
um gruggugt við ferðir mannanna og
ákváðu að leita á mönnunum og í bif-
reiðinni. Fundu þeir um 80 grömm af
hassi og 10 grömm af maríjúana á
farþeganum.
Í tengslum við málið var gerð hús-
leit í Hveragerði hjá manni sem talið
var líklegt að hefði útvegað fíkniefn-
in. Við leitina fann lögregla lítilræði
af amfetamíni og kannabisefnum auk
tveggja gróðurhúsalampa sem talið
er að hafa verið stolið úr gróðurhúsi í
Hveragerði fyrir skemmstu.
Tveir menn sem voru í húsinu voru
handteknir og færðir á lögreglustöð-
ina. Við yfirheyrslur sem stóðu fram
á miðvikudagskvöld játaði farþegi
bifreiðarinnar að eiga öll fíkniefnin.
Ökumaðurinn mun ekki tengjast
málinu á annan hátt en þann, að hann
tók að sér að aka honum milli bæja.
Farþeginn játaði einnig innbrot í
Tölvu- og radíóþjónustu Suðurlands
á Selfossi aðfaranótt þriðjudags.
Lögðu hald
á fíkniefni
og gróður-
húsalampa
LEIÐBEININGAR um umsóknar-
feril íbúðalána er nú að finna á serbó-
króatísku og pólsku á þjónustuvef
Íbúðalánasjóðs, www.ils.is. Stefnt er
að því að koma sambærilegum leið-
beiningum á rússnesku og spænsku
inn á þjónustuvefinn á næstu vikum,
en fyrir eru upplýsingar á ensku.
Um er að ræða samstarfsverkefni
Íbúðalánasjóðs og Fjölmenningar-
setursins á Vestfjörðum. Þá hefur
Íbúðalánasjóður verið í samstarfi við
Alþjóðahús um upplýsingagjöf til út-
lendinga um íbúðalán sjóðsins.
Leiðbeiningar
á ýmsum
tungumálum
HÉRAÐSDÓMUR Reykjavíkur
hefur dæmt rúmlega tvítuga konu í
þriggja mánaða skilorðsbundið fang-
elsi fyrir fjársvik og umboðssvik sem
hún framdi á árinu 2000.
Konan játaði brot sín, en annars
vegar var um að ræða umboðssvik
með því að hafa skuldbundið Bún-
aðarbankann til greiðslu á um 450
þúsund kr. umfram umsamda yfir-
dráttarheimild með framvísun deb-
etkorts á reikning sinn hjá bankan-
um, sem hún hafði stofnað.
Hins vegar var hún ákærð fyrir
fjársvik með því að hafa í október
2000 selt í verslun Hagkaupa tvær
ávísanir, samtals að fjárhæð kr.
36.500, sem hún gaf heimildarlaust
út á reikning annars manns hjá Ís-
landsbanka. Konan samþykkti bóta-
kröfu Hagkaups og var dæmd til að
borga versluninni 36.500 kr. ásamt
vöxtum og dráttarvöxtum. Hún
hafnaði skaðabótakröfu Búnaðar-
bankans og var henni vísað frá dómi.
Hjördís Hákonardóttir héraðs-
dómari kvað upp dóminn. Verjandi
ákærðu var Hilmar Ingimundarson
hrl. Sækjandi var Guðjón Magnús-
son fulltrúi lögreglustjórans í
Reykjavík.
3 mánaða
fangelsi fyrir
auðgunarbrot
INNLENT
♦ ♦ ♦
♦ ♦ ♦