Morgunblaðið - 27.01.2003, Blaðsíða 6

FRÉTTIR
6 MÁNUDAGUR 27. JANÚAR 2003 MORGUNBLAÐIÐ
„DAGURINN er loksins runninn
upp. Dagurinn sem margir hafa
þráð svo lengi og sem svo margir
hafa unnið að í svo langan tíma,“
sagði Ásgeir Haraldsson prófessor
og yfirlæknir á Barnaspítala
Hringsins er hann tók við lyklinum
að húsnæðinu úr hendi Jóns Krist-
jánssonar heilbrigðisráðherra við
opnunarathöfnina í gær. „Innan
skamms mun metnaðarfullt starfs-
fólk hefja störf á nýjum Barnaspít-
ala Hringsins. Við væntum þess,
við ætlumst til þess og við blátt
áfram krefjumst þess að gerðar séu
miklar kröfur til starfa okkar. Við
ætlum að standast þær kröfur. Það
er stundum sagt að þjóðfélög séu
metin eftir því hvernig þau búa að
veikum börnum. Við viljum leggja
okkar lóð á vogarskálarnar í því.“
Hringskonur fjölmenntu á opn-
unarhátíðina og var þeim þakkaður
af öllum sem ávarp fluttu sá mikli
stuðningur sem þær hafa veitt
byggingu sjúkrahússins.
„Þetta er langþráð stund,“ sagði
Áslaug Viggósdóttir formaður
Hringsins í ávarpi sínu. „Þær hafa
verið margar langþráðu stundirnar
í starfi Hringskvenna í sextíu ár að
því marki sem hér er náð. Óska-
draumurinn um nýjan og sérhann-
aðan barnaspítala rætist í dag.
Fjölskyldur á Íslandi búa eftir
þennan dag við meira öryggi en áð-
ur, þær vita að nú eru í landinu
bestu aðstæður til þess að takast á
við veikindi barna þeirra komi þau
upp. Það eru stærsti ávinningur
okkar allra.“
Foreldrum gefist kostur á að
koma börnunum til heilsu á ný
Jón Kristjánsson heilbrigðisráð-
herra færði Hringskonum þakklæti
þjóðarinnar og ríkisstjórnarinnar
fyrir óeigingirni, framsýni og
þrautseigju. „Þegar börnin okkar
veikjast snertir það jafnan við-
kvæmustu strengina í brjóstum
okkar. Þá vildum við öll fórna öllu
fyrir þau. Aldrei er mikilvægara en
einmitt þá að geta veitt bestu lækn-
is- og hjúkrunarþjónustu sem völ
er á og að búa þannig um hnútana
að foreldrum gefist kostur á að
taka þátt í að koma börnunum til
heilsu á ný. Þetta höfum við reynt
að tryggja við byggingu þessa spít-
ala.“
Magnús Pétursson forstjóri
Landspítala – háskólasjúkrahúss
tók undir orð ráðherrans og sagði
að vígsla barnaspítalans væri
stærsti áfangi sem náðst hefði um
langt skeið fyrir starfsemi Land-
spítala – háskólasjúrahúss.
Hringskonur í fararbroddi
Hjálmar Árnason alþingismaður
og formaður bygginganefndar spít-
alans sagði baráttuna um byggingu
hans hafa staðið í áratugi.
„Í fararbroddi þeirrar baráttu
hafa farið Hringskonur. Ég hygg
að þetta sé öflug herdeild og öf-
undsvert fyrir sérhverja stofnun að
hafa að baki sér, sem þjóðin stend-
ur í mikilli þakkarskuld við.
Ég fullyrði að engin bygging,
ekkert verk, nýtur jafn almenns
stuðnings þjóðarinnar og sú bygg-
ing sem við erum nú saman komin
í. Vegna þess að við viljum börnum
okkar það besta og ekkert snertir
okkur jafn mikið og veik börn.“
Hjálmar sagði að þegar bygg-
inganefndin fundaði í húsinu fyrir
viku hafi ýmislegt enn verið óklár-
að. „En nú hefur sannast enn einu
sinni eitt megin einkenni íslensku
þjóðarinnar, sem lýsir sér best í
orðunum „þetta reddast“. Og það
reddaðist. Þess vegna stöndum við
hér í dag.“
Að loknum ávörpum og tónlistar-
atriðum blessaði biskup Íslands,
Karl Sigurbjörnsson, Barnaspítala
Hringsins.
Nýr barnaspítali opnaður í gær á 99. afmælisári kvenfélagsins Hringsins
„Óskadraum-
urinn um
barnaspítala
hefur ræst“
Nýr kafli er hafinn í heilbrigðissögu Íslend-
inga með formlegri opnun Barnaspítala
Hringsins í gær. Sunna Ósk Logadóttir
skoðaði húsakynnin en almenningi var boð-
ið í heimsókn í tilefni opnunarinnar. Í anddyri barnaspítalans er fiskabúr með litskrúðugum fiskum sem eiga örugglega eftir að gleðja mörg börn íframtíðinni. Það sannaði hlutverk sitt þegar almenningur skoðaði spítalann og fangaði athygli allra.
Morgunblaðið/Árni Sæberg
Hringskonur fjölmenntu á opnunina en þær hafa verið iðnar undanfarin ár
við að safna fé til spítalans og þökkuðu ræðumenn allir þeim ómetanlegt starf.
Ásgeir Haraldsson, yfirlæknir á Barnaspítala Hringsins, Karl Sigurbjörns-
son biskup og Jón Kristjánsson heilbrigðisráðherra hlýða á hátíðardag-
skrá í tilefni opnunarinnar en boðið var upp á margskonar tónlistaratriði.
JÓN Kristjánsson heilbrigðisráð-
herra og Magnús Pétursson for-
stjóri Landspítala – háskólasjúkra-
húss færðu Hringskonum í tilefni
dagsins og sem þakklætisvott fyrir
ómetanlegt starf píanó sem félag-
inu hafði verið fært að gjöf á fyrri
hluta síðustu aldar. Píanóið hafði
verið týnt en ráðherrann og for-
stjórinn fengu þá hugmynd að leita
það uppi í tilefni opnunar sjúkra-
hússins.
„Þetta er merkilegt píanó,“ sagði
Jón áður en hann afhenti það
Hringskonum. „Margrét Svala,
dóttir Einar Benediktssonar skálds,
hafði átt þessa slaghörpu. Hún var
henni svo kær að hún flutti hljóð-
færið með sér hvert sem hún fór.“
Svala lést í New York árið 1929,
aðeins tæplega þrítug. Eiginmaður
hennar gaf hressingarhæli Hrings-
ins í Kópavogi píanóið. Til Kópa-
vogs skunduðu ráðherrann og for-
stjórinn og fundu píanóið og létu
stilla það.
„Ég taldi það standa ráðherran-
um næst að yrkja ljóð til Hrings-
kvenna, hann væri reyndar þekktur
fyrir stökur og lausavísur en nú
dugði ekkert annað en hjartnæmt
ljóð,“ sagði Magnús.
Að endingu varð til ljóðið Barna-
spítali Hringsins þar sem segir m.a.
„blessaðu drottinn bygginguna,
blessaðu þær líknarhendur Hrings-
kvenna sem stoltar starfa studdar
góðum traustum vinum, framfar-
anna vekja vonir, vekja traust hjá
öllum hinum.“
Hrafn Pálsson, deildarstjóri í
heilbrigðisráðuneytinu, samdi lag
við ljóðið og var það flutt af ungum
söngvurum við opnunina undir
stjórn Garðars Cortes í útsetningu
Ólafs Gauks.
Orti ljóð til Hringskvenna
EF ÖLL framtíðaráform álfyrir-
tækja á Íslandi ganga eftir verða
framleidd árlega um ein milljón
tonna af áli eftir tíu til fimmtán ár,
segir Friðrik Sophusson. forstjóri
Landsvirkjunar. Þetta mikla um-
fang skipti miklu máli fyrir ís-
lenskan útflutning og efnahag.
Hann segir að nýta eigi sóknar-
færi sem skapist í þessum iðnaði
og horfir í því sambandi til sam-
starfs álfyrirtækja, orkufyrirtækja
og háskóla.
Friðrik segir að verðmæt þekk-
ing liggi í þessari grein og hún nái
til margra þátta rekstrarins, bæði
innan ál- og orkufyrirtækja. Í há-
skólum gæti þessi kunnátta nýst
við rannsóknir og frekari þekking-
arsköpun á sviði efnahagslífs, fjár-
mála og tæknimála.
Komi til þessa samstarfs gæti
Ísland tekið forystu í stefnumótun
á sviði álvinnslu í heiminum. Sú
stefnumótun nái þá til efnahags-
legra áhrifa virkjana og álfram-
leiðslufyrirtækja, hvernig haga
skuli tæknimálum, fjárhagslegra
forsendna við rekstur og uppbygg-
ingu og lagalegra hliða. Ef þetta
gengi eftir væri Ísland stærsti ál-
framleiðandinn í Evrópu ásamt
Norðmönnum, ef Rússland er und-
anskilið. Hægt væri að stofna til
samstarfs með Norðmönnum og
saman gætu þessir aðilar skapað
verðmæta þekkingu sem nýst gæti
öðrum þjóðum.
Friðrik segir að mikil álfram-
leiðsla hér á landi í framtíðinni
gæti boðið upp á tækifæri til frek-
ari álvinnslu. Allar slíkar ákvarð-
anir væru hins vegar teknar af
eigendum álfyrirtækjanna. For-
sendur fyrir slíkri vinnslu yrðu
hins vegar hagstæðari vegna mik-
illar framleiðslu og þekkingar hér
á landi.
Ísland taki forystu í stefnu-
mótun í álframleiðslu
Íslendingar
búa yfir verð-
mætri þekkingu
í áliðnaði sem
ber að virkja
NÆGUR snjór hefur verið í Grund-
arfirði að undanförnu. Skíðalyfta
bæjarbúa liggur upp í hlíðar Grá-
borgar, rétt við byggðina. Lyftan,
sem sett var upp árið 1984, var opn-
uð á dögunum við mikinn fögnuð
ungu kynslóðarinnar. Oft er gott að
njóta leiðsagnar þeirra sem eldri
eru þegar farið er upp með lyftunni
sem er um 300 metra löng.
Morgunblaðið/Gunnar Kristjánsson
Skíðað í Grundarfirði