Morgunblaðið - 17.02.2003, Blaðsíða 15

UMRÆÐAN
MORGUNBLAÐIÐ MÁNUDAGUR 17. FEBRÚAR 2003 15
Heimsferðir stórlækka verðið til Barcelona
Heimsferðir fagna nú ellefta árinu sem fyrirtækið býður beint flug
til Barcelona, þessarar menningarhöfuðborgar Spánar, en
Heimsferðir voru fyrstar til að bjóða beint flug til þessara fögru
borgar. Hún er vettvangur fyrir lífskúnstnera því hér er að finna
ótrúlegt úrval listasafna, veitingastaða, fagurra garða, iðandi
mannlífs jafnt að nóttu sem degi, frægustu veitingastaði og
skemmtistaði Spánar, tónlistarlíf í blóma og síðast en ekki síst,
frábært veðurfar. Heimsferðir
bjóða vikuleg flug til Barcelona í
allt sumar og þjónustu íslenskra
fararstjóra á meðan á dvölinni
stendur.
Lægsta verðið til
Barcelona
í sumar
27.062 kr.
með Heimsferðum
Beint flug alla fimmtudaga í sumar
Skógarhlíð 18, sími 595 1000. www.heimsferdir.is
Verð kr. 27.062
M.v. hjón með 2 börn, 2–11 ára,
22. maí. Flugsæti til Barcelona með
sköttum.
Verð kr. 57.750
M.v. 2 í herbergi, Aragon í
Barcelona. Vikuferð með morgun-
verð. Skattar innifaldir. 5. júní.
Munið Mastercard
ferðaávísunina
Verð kr. 49.550
M.v. 2 í herbergi, Hotel Samba,
Lloret de Mar. Vikuferð með fullu
fæði. Skattar innifaldir. 5. júní.
Lægsta verðið til Barcelona
Nýir gistivalkostir í:
· Sitges
· Salou
· Lloret de Mar
NÚVERANDI ríkisstjórn með
Sjálfstæðisflokkinn í broddi fylkingar
státar sig af því að leggja áherslu á að
draga úr umsvifum ríkisins og auka
svigrúm einstaklinga til nýsköpunar
og atvinnurekstrar. Hvert landsþing
Sjálfstæðisflokksins eftir annað sam-
þykkir ályktanir í þessa veru og ný-
lega samþykkti ríkisstjórnin nýja inn-
kaupastefnu ríkisins sem
endurspeglar þessar áherslur Sjálf-
stæðisflokksins.
Á sama tíma og ríkisstjórnin gefur
út glæsilegan bækling og kynnir hina
nýju innkaupastefnu sína stendur
fjármálaráðuneytið fyrir „nýsköpun“
í sínum rekstri í beinni samkeppni við
starfandi fyrirtæki á hinum frjálsa
markaði, algjörlega í blóra við inn-
kaupastefnu ríkisstjórnarinnar svo
ekki sé nú talað um stefnu Sjálfstæð-
isflokksins.
Vorið 2002 hóf fjármálaráðuneytið
rekstur starfatorg.is. Starfatorg.is er
auglýsingavefur fyrir laus störf hjá
ríkinu. Þar eiga allar ríkisstofnanir að
auglýsa laus störf og greiða ekkert
fyrir. Fjármálaráðuneytið auglýsir
síðan í Morgunblaðinu fyrir háar fjár-
hæðir hvaða laus störf er að finna á
starfatorg.is. Að sögn ráðuneytisins
kostar uppsetning og rekstur auglýs-
ingavefjarins „nánast ekkert“, vegna
þess að starfsmenn þess vinni störf
vegna starfatorg.is í hjáverkum með
öðrum störfum.
Starfatorg.is er í beinni samkeppni
við auglýsingavefinn job.is sem
hleypt var af stokkunum um mitt ár
1999. Viðskiptahugmynd job.is er að
vefurinn sé markaðstorg atvinnu-
markaðarins þar sem aðilar vinnu-
markaðarins, bæði einstaklingar og
atvinnurekendur, mætast. Markmið
stofnanda var að ná góðri markaðs-
stöðu á innanlandsmarkaði og fikra
sig síðan inn á erlenda markaði með
stöðugri þróun þjónustunnar. Tekjur
job.is koma nær eingöngu frá starfs-
auglýsingum fyrirtækja. Árið 2001
var unnið að endurhönnun kerfisins
og þjónustunnar í ljósi reynslunnar
og í ársbyrjun 2002 var nýjum vef
hleypt af stokkunum. Þróunarkostn-
aður fyrirtækisins er orðinn mjög
mikill og mun örugglega verða það
áfram ef það fær svigrúm til að lifa og
þróast. Hönnun vefjarins hefur ekki
síst haft að leiðarljósi að auðvelda
stórum fyrirtækjum, ríki og sveitar-
félögum að auglýsa laus störf eins
lengi og þeim hentar í öflugum miðli
sem er notaður af meirihluta þeirra
sem vilja fylgjast með atvinnumark-
aði.
Job.is hefur þegar náð mjög góðum
árangri, sérstaklega meðal einstak-
linga. Í dag hafa nálægt 12.000 manns
umboðsmann á job.is til að fylgjast
með atvinnumarkaðinum og senda
sér auglýsingar um áhugaverð störf.
Undanfarnar vikur hafa allt að 8.000
einstaklingar heimsótt vefinn einu
sinni eða oftar á viku. Auglýsingar á
job.is hafa undantekningarlítið skilað
auglýsendum fjölda umsókna frá
mjög hæfu fólki.
Job.is sendi erindi til Samkeppn-
isstofnunar vegna þessarar óvæntu
og ósanngjörnu samkeppni frá ráð-
herra Sjálfstæðisflokksins. Kæran
gekk út á það að fjármálaráðuneytið
væri með aðgerðum sínum að beita
ósanngjörnum viðskiptaháttum við að
útiloka job.is frá stórum hluta mark-
aðarins með því að skylda ríkisstofn-
anir til að auglýsa á starfatorg.is, end-
urgjaldslaust, þrátt fyrir
umtalsverðan (a.m.k. auglýsinga)
kostnað ráðuneytisins við rekstur
Starfatorgsins. Niðurstaða Sam-
keppnisstofnunar er vægast sagt
grátbrosleg. Annaðhvort hlýtur
stofnunin að hafa orðið fyrir einhvers-
konar þrýstingi vegna þessa máls eða
slæm gloppa er í samkeppnislögum,
nema hvorttveggja sé. Samkeppnis-
stofnun kemst að þeirri niðurstöðu
„að fjármálaráðuneytið hafi ekki í
máli þessu haft með athöfnum sínum
skaðleg áhrif á samkeppni“. Rök-
semdafærslan er undarleg. „Upplýs-
ingamiðlun Starfatorgs, sem innt er
af hendi fjármálaráðuneytinu, fer
fram án endurgjalds enda er henni
ætlað að þjóna eigin þörfum ráðu-
neyta og ríkisstofnana.“ Sem sagt,
vegna þess að þjónusta er ókeypis
hefur hún ekki skaðleg áhrif á sam-
keppni og fellur ekki undir gildissvið
samkeppnislaga! Okkur þætti fróð-
legt að heyra álit aðila í viðskiptalíf-
inu, fræðimanna og alþingismanna á
þessum skilningi Samkeppnisstofn-
unar á samkeppni og aðgerðum sem
skaða hana.
Það er von okkar að fjármálaráð-
herra og starfsmenn fjármálaráðu-
neytisins viðurkenni að þeim hafi yf-
irsést hvað markaðurinn er að gera
og hætti þessum rekstri. Þetta er
prinsippmál, mál sem sýnir í hnot-
skurn hvort Sjálfstæðisflokkurinn er
samkvæmur sjálfum sér. Við skorum
á sjálfstæðismenn sem eru trúir
stefnu flokksins að taka þetta mál upp
á komandi flokksþingi.
„Nýsköpun“ fjármála-
ráðherra í ríkisrekstri!
Eftir Guðjón
Guðmundsson og
Kolbein Pálsson
„Starfatorg.is er í
beinni samkeppni.“
Guðjón er rekstrarráðgjafi
og höfundur job.is og Kolbeinn er
framkvæmdastjóri job.is.
Kolbeinn
Pálsson
Guðjón
Guðmundssson
NÝLEG úthlutun á svo kölluðum
byggðakvóta sjávarútvegsráðherra
ætluðum til þess að rétta hag byggða,
fyrirtækja og fólks í hinum dreifðu
byggðum er nú nýlokið. Vægt til orða
tekið varð mörgum brugðið og enn
öðrum ofbauð með þessum gerðum.
Þær sýna það og sanna enn einu sinni
að fiskveiðistjórnunarkerfið sem við
búum við er ranglátt og handónýtt
stjórnkerfi. Það er í höndum manna
sem eru búnir að gera það enn verra
en upphaflega var sáð til með póli-
tískum og heimskulegum ráðstöfun-
um allt frá því að farið var að stjórna
fiskveiðum á þann hátt sem nú er.
Ég get nefnt dæmi þessu til sönn-
unar: Til Kópaskers við Öxarfjörð
var úthlutað 53 þorskígildistonnum.
Frá Kópaskeri eru gerðir út fjórir
smábátar, þar af þrír sem stunda ein-
göngu árstíðabundnar grásleppu-
veiðar eins og lög gera ráð fyrir.
Þessir þrír grásleppubátar sendu all-
ir inn umsóknir um hlut úr „ráð-
herrakvótanum,“ þar sem þeir fá allt-
af einhvern meðafla af þorski í net sín
en eru kvótalausir og geta ekki sam-
kvæmt lögum stundað þessar veiðar
nema afla sér þorskkvóta. Fjórði bát-
urinn hefur stundað handfæra- og
línuveiðar frá Kópaskeri mörg und-
anfarin ár og landað afla sínum þar
eins og fyrr greindu bátarnir, en bol-
fiskaflinn hefur farið til vinnslu í föst-
um viðskiptum til næst liggjandi fisk-
vinnslustöðvar G.P.G. á Húsavík.
Handfæra- og línubáturinn er með
mjög litlar aflaheimildir og hefur
þurft að leigja til sín viðbótarafla-
heimildir á liðnum árum. Það hefði
því verið kærkomið fyrir útgerð þess
báts, svo og fyrrnefndu bátanna, að
fá einhverja úthlutun úr „ráðherra-
kvótanum.“ Allar fjórar útgerðirnar
fengu stutt og laggott svar án nokk-
urra skýringa: Umsókn yðar var
synjað.
Hver fékk svo úthlutunina? Jú, út-
gerð Hólmsteins Helgasonar ehf. á
Raufarhöfn fékk öll 53 tonnin fyrir
rækjubát sinn Viðar ÞH, sem hefur
stundað rækjuveiðar í Öxarfirði und-
anfarin ár. Viðar ÞH er með 50%
aflaheimilda rækju úr Öxarfirði (einn
þriggja báta með einkaleyfi til rækju-
veiða úr Öxarfirði). Rækjubátar sem
veitt hafa í Öxarfirði hafa fengið út-
hlutað umtalsverðum kvóta í bolfiski
vegna samdráttar í rækjuveiðum
undanfarin ár. Það er athyglivert að
nefnd útgerð H.H. ehf. og bátur
fluttu lögheimili sitt frá Raufarhöfn
til Kópaskers í október á s.l. ári. Þá
var vitað að til þessarar úthlutunar
kæmi. Tilviljunarkennt ekki satt?
Fleiri dæmi er hægt að nefna s.s.
eins og frá Hrísey. Þar fékk fyrirtæki
í fiskvinnslu og veiðum sem sér fjölda
manns fyrir tryggri vinnu á staðnum
örfá tonn á sama tíma og rækjuveiði-
skip á staðnum sem landar afla sínum
annars staðar fékk allt að 100 tonn í
úthlutun. Er ekki orðið tímabært að
þeir sem með valdið fara og hafa
stjórnað og eru höfundar þeirrar
hrollvekju sem hið svo kallaða fisk-
veiðistjórnunarkerfi er, fari að hvíla
sig og leita á önnur mið með þetta
kerfi sem þeir dá svo mjög og halda
vart vatni eða vindi yfir. Ég hygg að
þeir mættu vara sig meðal margra
þjóða ef eins illa tækist til og hér hef-
ir tekist í fjölda ára, ef þeim tækist að
troða þessu stjórnkerfi einhvers
staðar til framkvæmda. Víða úti í hin-
um stóra heimi er brugðist mun
harkalegra við og refsingar við alls
konar mistökum fljótvirkari og
hrottalegri en hér tíðkast. Minnis-
varði auðlindastefnu núverandi
stjórnvalda verður ömurlegur.
„Ráðherrakvóti“
hinna útvöldu
Eftir Pétur Geir
Helgason
Höfundur er sjómaður.
„Minnis-
varði auð-
lindastefnu
núverandi
stjórnvalda
verður ömurlegur.“
ATVINNA mbl.is