Morgunblaðið - 22.02.2003, Blaðsíða 4

FRÉTTIR
4 LAUGARDAGUR 22. FEBRÚAR 2003 MORGUNBLAÐIÐ
verkefnisstjóri þessa verkefnis,
segir að mikil undirbúningsvinna
liggi að baki og margir hafi lagt
hönd á plóg til að gera efnið sem
aðgengilegast. Í því sambandi
nefnir hún að Alda Baldursdóttir,
rannsóknarlögreglumaður og
kennari, hafi þýtt norska efnið og
lagað það að íslensku umhverfi og
Aldís Yngvadóttir hjá Náms-
gagnastofnun hafi farið í gegnum
allt efnið, en það sé mismunandi
eftir því hvort verið sé að ræða við
leikskólabörn, grunnskólabörn eða
foreldra. Þá gegni Lögregluskóli
ríkisins veigamiklu hluverki enda
þurfi að mennta lögreglumenn til
að vera góðir í forvarnarstarfi.
Í námsefninu er komið víða við
og má nefna umferðarfræðslu, ör-
yggismál og afbrotavarnir í víðum
skilningi. Erna bendir á að í
fræðsluefninu fyrir foreldrana sé
m.a. tekið á reykingum, áfeng-
isneyslu, samstöðu foreldra og
fíkniefnaneyslu.
Skólarnir panta heimsókn
Að sögn Ernu gengur fram-
kvæmdin þannig fyrir sig að skól-
arnir hafa samband við lög-
reglustöðvarnar og óska eftir að
lögreglan komi í heimsókn og ræði
um þessi mál en þeim verður sér-
staklega kynnt hvernig best sé að
standa að þessum málum. Auk
þess fái börnin bréf til að farra
með heim og efnið verði aðgengi-
legt á slóðinni www.logreglan.is
eða www.rls.is.
Ingibjörg Ásgeirsdóttir, for-
stjóri Námsgagnastofnunar, segir
að það sé afar mikilvægt fyrir
börnin í skólum landsins að fleiri
en Námsgagnastofnun komi að því
að gefa út námsefni. Samstarfið
við lögregluna hafi verið mjög
ánægjulegt og efnið, sem eigi að
nota í öllum bekkjum grunnskól-
ans, sé gott og örugglega mikill
styrkur fyrir lögreglumennina sem
sinni fræðslunni.
Aldís Yngvadóttir, ritstjóri hjá
Námsgagnastofnun, segir að vinn-
an hafi gengið mjög vel og sam-
starfið hafi verið gott og gefandi.
„Það er frábært framtak hjá lög-
reglunni að gera þetta svona,“
segir hún og leggur áherslu á að
efnið sé viðbót við það starf sem
fari þegar fram í skólunum á sviði
forvarna og eigi að styðja við það.
Þetta leysi því hvorki skóla né
kennara undan neinum skyldum á
þessu sviði heldur fléttist inn í
það.
Kristinn Breiðfjörð, skólastjóri
Foldaskóla, segir að efnið sé mjög
vel unnið og vandað. Með kennslu-
fræði í huga sé það mjög vel upp
byggt og auðvelt sé að vinna eftir
því. Hlynur Snorrason, lögreglu-
fulltrúi á Ísafirði, tekur í sama
streng. Hann segir að fólk sem
sinni forvarnarfræðslu hafi gjarn-
an komið sér upp ákveðnum
kennslugögnum en þetta nýja efni
komi sér mjög vel í kennslunni.
EMBÆTTI ríkislögreglustjóra og
Námsgagnastofnun hafa í sam-
starfi við lögreglustjóra landsins
og Lögregluskóla ríkisins gefið út
kennsluefni fyrir lögreglu til að
nota við fræðslu í leikskólum og
grunnskólum og fyrir foreldra í
þeim tilgangi að samræma for-
varnarstarf lögreglu og gera það
árangursríkara, en efnið var kynnt
í Foldaskóla í gær.
Haraldur Johannessen ríkislög-
reglustjóri segir að ástæða hafi
verið til að búa til samræmt
kennsluefni í forvarnarmálum fyr-
ir allt landið í þeim tilgangi að
reyna að koma í veg fyrir að
krakkar leiðist út í ógöngur, en
með fræðsluefninu sé reynt að
sporna við slæmri þróun í þjóð-
félaginu, t.d. varðandi umferð, of-
beldi, þjófnaði, skemmdarverk,
tóbak, áfengi eiturlyf og fleira.
Undirbúningshópur hafi unnið að
því að taka saman og útbúa
kennsluefnið, færa það til nú-
tímans, með það að leiðarljósi að
taka á flestum þeim þáttum sem
varða forvarnir og forvarnarstarf
lögreglunnar í skólastarfinu, en
fræðsluefni um forvarnir, sem
norska dóms- og lögreglu-
málaráðuneytið hafi látið útbúa,
hafi verið haft til hliðsjónar.
Samræmdur
tónn mikilvægur
Undanfarna viku hefur staðið
yfir námskeið í Lögregluskólanum,
þar sem lögreglumönnum, sem
vinna að forvörnum víða um land,
hefur verið kennt að fara yfir
þetta nýja námsefni, en fyrsta
námskeiðinu lauk í gær. „Okkar
markmið er að þetta kennsluefni
verði notað í öllum skólum lands-
ins, sem eitt samræmt heildstætt
kennsluefni í forvarnarmálum,“
segir Haraldur. „Ég vona að þetta
samstarf okkar allra verði til þess
að auka forvarnir og fræðslu í
þeim efnum, en það er mjög mik-
ilvægt að það sé einn, ákveðinn,
samræmdur tónn í fræðslunni og
kennslunni.“
Erna Sigfúsdóttir, lögreglu-
fulltrúi hjá Ríkislögreglustjóra og
Samræmt kennsluefni fyrir
skóla í forvarnarmálum
Morgunblaðið/Júlíus
Frá kynningu námsefnisins í Foldaskóla í gær. Frá vinstri: Ingibjörg Ásgeirsdóttir, forstjóri Námsgagnastofnunar,
Aldís Yngvadóttir, ritstjóri hjá Námsgagnastofnun, Erna Sigfúsdóttir, lögreglufulltrúi hjá Ríkislögreglustjóra, Val-
garður Valgarðsson, varðstjóri í Hafnarfirði, Haraldur Johannessen, ríkislögreglustjóri, Hlynur Snorrason, lög-
reglufulltrúi á Ísafirði, Guðmundur Guðjónsson, yfirlögregluþjónn hjá Ríkislögreglustjóra, Eiríkur Hreinn Helgason,
yfirlögregluþjónn hjá Lögreglustjóra ríkisins, og Alda Baldursdóttir, rannsóknarlögreglumaður.
ALLTOF snemmt er að segja til um
hvort sami maður kunni að vera að
verki í íkveikjum í húsalengju við
Hjaltabakka í Reykjavík, að sögn
Harðar Jóhannessonar, yfirlögreglu-
þjóns hjá Lögreglunni í Reykjavík.
Þrisvar sinnum hefur verið kveikt í
húsalengjunni við Hjaltabakka frá
nóvemberlokum, nú síðast í fyrrinótt.
19. febrúar sl. var slökkvilið einnig
kallað út vegna skaftpotts sem
gleymdist á eldavél í húsi nr. 28 við
Hjaltabakka.
Aðfaranótt 27. desember síðastlið-
inn var kveikt í borði og dóti í sam-
eign í nr. 10. Mikill reykur myndaðist
í stigagangi og var óttast að hann
bærist inn í íbúðir. Voru íbúar beðnir
um að halda sig innandyra og leggja
blaut handklæði að útidyrum færi
reykur að berast inn. Slökkviliði tókst
fljótlega að slökkva eldinn.
Um miðnætti 19. desember var 20
manns bjargað af svölum hússins nr.
8. Kveikt hafði verið í sameign í kjall-
ara og náði reykurinn að berast um
alla stigaganga hússins. Verulegar
skemmdir urðu á húsinu. Íbúum var
veitt aðstoð í strætisvagni sem send-
ur var á vettvang.
Um þrjúleytið aðfaranótt föstu-
dags fékk Slökkvilið höfuðborgar-
svæðisins tilkynningu um eld í
geymslu í kjallara hússins nr. 12. Lið
frá öllum stöðvum var sent á vettvang
en talsverður reykur myndaðist sem
barst um stigaganga húsa nr. 10, 12
og 14 og þurfti að reykræsta þá.
Óverulegur reykur barst inn í íbúðir.
Á meðan var fólk beðið að halda sig
inni í íbúðum sem flestir gerðu.
Skemmdir urðu á geymslunni og
reykskemmdir á sameign og stiga-
gangi. Að sögn Harðar Jóhannesson-
ar yfirlögregluþjóns er enginn vafi á
því að kveikt hafi verið í geymslunni.
Ekki hefur endanlega verið skorið
úr um hver var að verki þegar kveikt
var í húsum við Hjaltabakka í nóv-
ember og desember. Vísbendingar
hafa þó komið fram og segir Hörður
að verið sé að rannsaka brunann í
fyrrinótt með hliðsjón af þeim. Fjöl-
býlishúsið Hjaltabakka 2-16 saman-
stendur af átta stigagöngum. Kjallari
hússins er opinn og sameiginlegt
þvottahús er undir stigagangi nr. 6.
Lögregla rannsakar hvort brunarnir séu tengdir
Þrisvar sinnum kveikt í
í Hjaltabakka í vetur
Morgunblaðið/Júlíus
Lögreglu- og slökkviliðsmenn að störfum í kjallaranum í fyrrinótt.
Ljósa-
peran við
hestaheilsu
SÖGUR af dauða ljósaper-
unnar eru stórlega ýktar, seg-
ir Jóhann J. Ólafsson, forstjóri
Jóhanns Ólafssonar & Co, í til-
efni frétta um að örsmáir
tölvukubbar muni leysa ljósa-
perur af hólmi innan örfárra
ára. Í grein The New York
Times nýverið kom m.a. fram
að ljósaperan væri að verða
jafngamaldags og gaslukt-
irnar sem hún leysti af hólmi.
Jóhann segir menn lengi hafa
spáð ljósaperunni dauða.
„Menn virðast ekki átta sig á
því að það kemur oft ný notk-
un til sögunnar og að tæknin
breiðist út um heiminn og not-
endum fjölgar,“ segir Jóhann.
Hann segir að þrátt fyrir að
alls kyns nýjar perur hafi
komið á markaðinn hafi hin
hefðbundna ljósapera samt
haldið velli. Þá megi heldur
ekki gleyma í þessu sambandi
að menn nota miklu meira
ljósmagn nú en áður. „Eig-
inlega hefði kertaljósið átt að
vera dautt fyrir lifandis löngu
en menn fundu nýja notkun
fyrir kertaljósið og það hefur
þróast jafnframt rafmagninu
sem svona „hyggeljós“ og ég
held að núna sé framleitt
meira af kertum í heiminum
en nokkru sinni í sögu manns-
ins. Ég hugsa t.d. að verðmæti
kertainnflutnings hingað sé
ríflega helmingur af innflutn-
ingi á ljósaperum í verðmæt-
um talið. Það er dálítið mikið
af úreltri vöru.“
Ekki hröð þróun
Jóhann segir að menn hafi
því ekki þungar áhyggjur af
því að að ljósaperan hverfi af
markaðinum. „Þróunin er
hvorki eins hröð né eins ein-
hlít og menn halda stundum
fram. Átti ekki íslenski hest-
urinn að vera úr sögunni um
leið og traktorarnir komu?
Samt hefur hestaeign ábyggi-
lega aldrei verið meiri en nú.
Þetta sýnir okkur að þróunin
er ekki eins hrein og bein og
ætla mætti við fyrstu sýn.“