Morgunblaðið - 22.02.2003, Blaðsíða 52

ÍÞRÓTTIR
52 LAUGARDAGUR 22. FEBRÚAR 2003 MORGUNBLAÐIÐ
ÚRVALSDEILDARLIÐ KA í
knattspyrnu fékk góðan liðsstyrk
í gær en þá skrifaði unglinga-
landsliðsmaðurinn Pálmi Rafn
Pálmason undir þriggja ára
samning við Akureyrarliðið.
Pálmi er 18 ára gamall og hefur
verið lykilmaður í liði Völsungs
undanfarin ár. Hann var fyrirliði
liðsins í fyrra, aðeins 17 ára gam-
all, og skoraði 6 mörk fyrir Húsa-
víkurliðið í 2. deildinni á síðustu
leiktíð. Pálmi hefur átt fast sæti í
U-19 ára landsliðinu og lék alla
sex leiki liðsins í fyrra og þá hef-
ur hann verið undir smásjá er-
lendra félaga en honum var boðið
til æfinga hjá Arsenal í haust og
á dögunum var við æfingar hjá
Groningen í Hollandi. KA-menn
mæta til leiks í sumar með nokk-
uð breytt lið en auk Pálma hefur
liðið fengið Örlyg Helgason frá
Þór og Þorvald S. Guðbjörnsson,
Þorleif Árnason, Jón Örvar Ei-
ríksson og Hjörvar Maronsson
sem allir léku með Leiftri/Dalvík
í fyrra.
KA-menn hafa hins vegar misst
Þórð Þórðarson í ÍA og Kristján
Örn Sigurðsson í KR.
Hlynur Jóhannsson, Ásgeir Ás-
geirsson, Róbert Skarphéðinsson
og Júlíus Tryggvason eru hættir
og þá er óvíst hvað Hreinn
Hringsson ætlar að gera en hann
hefur ekkert æft á undirbúnings-
tímabilinu.
Pálmi Rafn
til liðs við KA

GUÐNI Bergsson verður í byrjun-
arliði Bolton sem tekur á móti Man-
chester United á Rebock-vellinum
glæsilega í Bolton í dag. United á
harma að hefna því Bolton hafði bet-
ur á Old Trafford í haust, 1:0. Leik-
urinn hefst klukkan 12 og er í beinni
útsendingu á Sýn.

JÓHANNES Karl Guðjónsson
verður á miðjunni í liði Aston Villa
sem sækir Charlton heim á The
Valley. Charlton hefur aldrei tekist
að leggja Villa að velli á heimavelli
sínum.

EIÐUR Smári Guðjohnsen verður
væntanlega í byrjunarliði Chelsea
sem fær Blackburn í heimsókn á
Stamford Bridge. Eiður og Jimmy
Floyd Hasselbaink verða líklega í
fremstu víglínu en Gianfranco Zola,
sem er búinn að ná sér eftir meiðsli,
verður tilbúinn til að leysa þá af
hólmi og leika sinn 300. leik fyrir fé-
lagið.

HEIÐAR Helguson, sem í vikunni
skrifaði undir nýjan samning við
Watford, verður í byrjunarliði sinna
manna sem sækja Walsall heim.

BRYNJAR Björn Gunnarsson er
einn þriggja leikmanna Stoke sem
taka út leikbann í þegar liðið mætir
Nottingham Forest á útivelli. Hinir
tveir eru framherjinn Chris Iwel-
umo og varnarmaðurinn Sergi
Shtaniuk. Bjarni Guðjónsson og
Pétur Marteinsson verða væntan-
lega á bekknum.

HERMANN Hreiðarsson tekur út
annan leik sinn af fjórum í banni
þegar Ipswich tekur á móti
Grimsby.

ÍVAR Ingimarsson leikur sinn
fyrsta heimaleik með Brighton þeg-
ar liðið fær Millwall í heimsókn.
Brighton hefur gengið vel að und-
anförnu og hefur unnið þrjá síðustu
leiki sína.

DAVID Seaman getur ekki staðið
á milli stanganna í marki Arsenal
gegn Manchester City í dag. Seam-
an meiddist á mjöðm í leiknum við
Ajax í Meistaradeildinni í vikunni og
hefur ekki jafnað sig. Kollegi Seam-
ans, Daninn Peter Schmeichel í liði
City, getur heldur ekki leikið vegna
meiðsla í kálfa.

MIKAEL Silvestre leikur ekki
með Manchester United á móti Bolt-
on þar sem hann hefur ekki náð sér
af meiðslum sem hann hlaut í leikn-
um við Juventus á miðvikudaginn.

MARCEL Desailly, fyrirliði
Chelsea, verður fjarri góðu gamni í
leiknum við Blackburn í dag vegna
ökklameiðsla og Emmanuel Petit
getur heldur ekki leikið þar sem
hann tekur út leikbann.

HANDHAFAR dómaraskírteina
geta nálgast miða á úrslitaleik HK og
Aftureldingar í dag á milli kl. 13 og
14 í íþróttahúsinu Digranesi og
Kjarnanum Mosfellsbæ.
FÓLK
Félagaskipti Ara til
Heerenveen staðfest
ARI Freyr Skúlason, 15 ára gamall knattspyrnumaður úr Val, er
búinn að fá grænt ljós frá Alþjóða knattspyrnusambandinu, FIFA,
um að honum sé heimilt að ganga til liðs við hollenska úrvalsdeild-
arliðið Heerenveen. Eins og Morgunblaðið greindi frá fyrr í vik-
unni heimilaði FIFA ekki félagaskiptin að svo stöddu vegna nýrra
reglna um verndum yngri leikmanna en í gær voru félagaskiptin
staðfest og þar með er Ari orðinn löglegur með hollenska liðinu.
„FIFA skrifaði hollenska knattspyrnusambandinu bréf sem við
fengum afrit af þar sem vísað er til að reglur FIFA staðfesta það að
leikmenn geti ekki skipt yngri en 18 ára milli landa nema innan
Evrópska efnahagssvæðsins. Þar geti menn skipt ef lágmarks-
vinnualdur sé lægri. Í kjölfarið fengum við staðfestingu frá hol-
lenska sambandinu á því að hjá Hollendingum sé sá aldur 15 ára og
þar með höfum við gefið út félagaskiptin,“ sagði Geir Þorsteinsson,
framkvæmdastjóri KSÍ, við Morgunblaðið.
Andri Fannar Ottósson skoraðifyrsta mark deildabikarsins í ár
þegar hann kom Frömurunum í for-
ystu og Kristján Brooks bætti við
öðru. Magnús Sverrir Þorsteinsson
svaraði fyrir Keflvíkinga og þrátt fyr-
ir ágæta pressu að marki Framara
tókst Suðurnesjamönnum ekki að
jafna metin.
„Mínir menn virkuðu hálf þreyttir
eftir mikið álag að undanförnu og við
þurftum að hafa fyrir því að innbyrða
sigurinn. Þetta var bara virkilega erf-
itt. Keflvíkingar eru með gott lið og
þó svo að við höfum farið með sigur af
hólmi áttum við undir högg að sækja,“
sagði Kristinn R. Jónsson, þjálfari
Fram, við Morgunblaðið eftir leikinn.
Kristinn gaf mörgum yngri leik-
mönnum sínum tækifæri þar sem í lið
hans vantaði til að mynda Ágúst
Gylfason, Baldur Bjarnason, Ragnar
Árnason, Þorbjörn Atla Sveinsson,
Kristinn Tómasson og Eggert Stef-
ánsson.
Haukar stóðu í Fylki
Haukar og Fylkir skildu jöfn, 1:1, í
síðari leik kvöldsins í Egilshöll. Sævar
Eyjólfsson kom Haukum yfir úr víta-
spyrnu á 27. mínútu en Björn Viðar
Ásbjörnsson svaraði fyrir Árbæinga
tíu mínútum fyrir leikslok. Fylkis-
menn misnotuðu vítaspyrnu í síðari
hálfleik en Ólafi Páli Snorrasyni brást
bogalistin.
„Þetta var barningsleikur og
kannski ekki mikið fyrir augað. Ég
merkti greinilega þreytu á mínum
mönnum enda fjórði leikur okkar á
rúmum hálfum mánuði. Við vorum
heilt yfir sterkari aðilinn en fórum illa
að ráði okkar í færunum. En ég tek
ekki frá Haukunum að þeir voru
sprækir,“ sagði Aðalsteinn Víglunds-
son, þjálfari Fylkis, við Morgunblað-
ið.
Fylkismenn léku án nokkurra
fastamanna en Finnur Kolbeinsson,
Valur Fannar Gíslason, Kjartan
Sturluson, Theodór Óskarsson og
Haukur Ingi Guðnason voru ekki með
Árbæjarliðinu að þessu sinni.
Gunnlaugur Jónsson, fyrirliði
Skagamanna, tryggði sínum mönnum
sigurinn á móti KA í Boganum með
marki þegar komið var fram yfir
venjulegan leiktíma. Gunnlaugur
skellti sér í sóknina og skoraði með
skalla eftir aukaspyrnu. KA-menn
voru sterkari í fyrri hálfleiknum og
fengu tvö góð færi sem þeir nýttu
ekki en í síðari hálfleik var jafnræði
með liðunum.
Morgunblaðið/RAX
Keflvíkingurinn Haraldur Guðmundsson stekkur hér hæst og
skallar knöttinn í leik Fram og Keflavíkur í gær.
Gunnlaugur
bjargaði ÍA
ÞRÍR fyrstu leikirnir í Deildabikarkeppni KSÍ fóru fram í gærkvöldi.
Nýbakaðir Reykjavíkurmeistarar í liði Fram höfðu betur á móti
Keflavík, 2:1, í fyrsta leik mótsins í Egilshöll, á sama stað gerðu
Fylkir og Haukar 1:1 jafntefli og í Boganum á Akureyri hafði ÍA betur
á móti KA, 1:0.
Morgunblaðið/Árni Sæberg
Ingibjörg Karlsdóttir, leikmaður Hauka, sækir að marki ÍBV í
leik liðanna í Ásgarði á dögunum, þar sem Eyjastúlkurnar Birg-
it Engl og Ingibjörg Jónsdóttir eru til varnar. Haukar fögnuðu
sigri, 27:25, en fyrr í vetur lagði ÍBV Hauka á heimavelli, 27:22.
 LEIKMENN kvenna- og karla-
liðs ÍBV í handknattleik komu
með Herjólfi til Þorlákshafnar
skömmu fyrir hádegi í gær, en
karlaliðið lék við FH í Kapla-
krika á Íslandsmótinu í gær-
kvöld. Þangað fór kvennaliðið til
þess að styðja við bakið á karla-
liðinu sem ætlar að endurgjalda
stuðninginn með því að mæta í
Laugardalshöllina í dag og fara
fyrir stuðningsmönnum kvenna-
liðsins þegar það mætir Haukum
í úrslitaleiknum í bikarkeppninni
kl. 13 í dag.  Saman halda liðin
síðan með Herjólfi kl. 17 í dag,
hver sem úrslit bikarleiksins
verða. Auk liðanna kom þó nokk-
ur hópur stuðningsmanna Eyja-
liðsins með Herjólfi til Þorláks-
hafnar í gær og von er á fleirum í
dag, bæði sjó- og flugleiðina, ef
veður verður skaplegt til ferða-
laga.
 Unnur Sigmarsdóttir, þjálfari
kvennaliðs ÍBV, segir áhugann
fyrir leiknum vera gríðarlegan
og von sé á stórum hópi Eyja-
manna til fastalandsins í dag til
þess að hvetja kvennaliðið til
dáða. „Ég vonast bara eftir að
veðrið verði gott svo að sem
flestir geti komið,“ sagði Unnur í
gær, en hún var þá nýstigin af
skipsfjöl. Unnur sagði enn frem-
ur að Eyjaliðið treysti einnig á
stuðning brottfluttra Eyjamanna
sem búa á höfuðborgarsvæðinu.
 „Það er geysilegur áhugi fyrir
leiknum í Eyjum og miklar kröf-
ur gerðar til liðsins eftir að hafa
unnið bikarinn tvö síðustu ár auk
þess sem við erum efstar í deild-
inni. Það er því ágætt að komast
úr spennunni í Eyjum síðasta sól-
arhringinn fyrir leikinn,“ sagði
Unnur.
 Allir leikmenn Eyjaliðsins eru
klárir í slaginn gegn Haukum í
dag og sagðist Unnur vænta
hörkuleiks þar sem allt verði lagt
í sölurnar.
Eyjaliðin komu saman í gær