Morgunblaðið - 22.02.2003, Blaðsíða 23
AKUREYRI
MORGUNBLAÐIÐ LAUGARDAGUR 22. FEBRÚAR 2003 23
AKUREYRARBÆR samþykkti á
síðasta ári að taka á móti flótta-
mönnum frá fyrrum lýðveldum
Júgóslavíu og eru þeir væntanlegir
til landsins þann 25. mars nk. og
norður til Akureyrar daginn eftir.
Hér er um að ræða samstarfsverk-
efni Akureyrarbæjar, Rauða kross
Íslands og félagsmálaráðuneytisins,
sem stendur straum af kostnaði við
verkefnið.
Í vikunni var boðað til kynning-
arfundar vegna komu flóttafólksins,
þar sem m.a. var farið yfir hlutverk
bæjarfélagsins, hlutverk Rauða
krossdeildar, starf sjálfboðaliða, auk
þess sem farið var yfir það úr hvern-
ig umhverfi flóttafólkið kemur. Alls
koma 6 fjölskyldur til Akureyrar og
er fólkið á aldrinum 2ja ára til 55 ára,
11 börn og 13 fullorðnir.
Pétur Bolli Jóhannesson, verkefn-
isstjóri hjá Akureyrarbæ, sagði að
undirbúningur vegna komu flótta-
fólksins hefði gengið vel. Búið er að
finna fólkinu húsnæði í Gilja- og
Síðuhverfi og verið er að safna hús-
gögnum, húsbúnaði og fatnaði. Þá er
verið að leita eftir stuðningsfjöl-
skyldum, sem einnig hefur gengið
þokkalega, að sögn Péturs Bolla.
Hann sagði að það þyrfti 18 stuðn-
ingsfjölskyldur í þetta verkefni, eða
þrjár á hverja nýbúafjölskyldu.
Pétur Bolli sagði að unnið hefði
verið að fræðslu- og heilbrigðismál-
um en að ekki væri enn farið að
skoða atvinnumöguleika fólksins,
þar sem ekki væri gert ráð fyrir að
það ynni fyrstu þrjá mánuðina. Fólk-
ið fær strax kennslu í íslensku og
samfélagsfræðum en í haust munu
börnin svo ganga í grunnskóla í sínu
hverfi. Verkefnið stendur yfir í eitt
ár en eftir það á fólkið að geta staðið
á eigin fótum.
Flóttafólkið er af serbneskum
uppruna en það var hrakið frá heim-
ilum sínum í Króatíu og hefur dvalið
í flóttamannabúðum í 6–8 ár, við afar
bágborin kjör og litla sem enga heil-
brigðisþjónustu. Akureyrardeild
Rauða krossins sér um að safna hús-
búnaði og fatnaði fyrir fólkið og
þangað geta þær fjölskyldur sem
vilja veita fólkinu stuðning einnig
snúið sér.
24 flóttamenn frá fyrrum Júgóslavíu væntanlegir
Morgunblaðið/Kristján
Kynningarfundur var haldinn í Giljaskóla vegna komu flóttafólksins til Ak-
ureyrar. F.v. Úlfar Hauksson, formaður stjórnar Rauða kross Íslands, Sig-
rún Árnadóttir, framkvæmdastjóri Rauða krossins, og Hafsteinn Jak-
obsson, framkvæmdastjóri Akureyrardeildar Rauða kross Íslands.
Vel gengur að undir-
búa komu fólksins
SLIPPSTÖÐIN á Akureyri átti
lægstu tilboðin í slippstöku, botn-
hreinsun, málun og fleiri viðverðir á
tveimur varðskipum Landhelgis-
gæslunnar, þeim Tý og Ægi, en til-
boðin voru opnuð hjá Ríkiskaupum í
vikunni. Báðum tilboðum Slipp-
stöðvarinnar hefur verið tekið en
vinna á verkin í júlí og ágúst í sumar.
Þrjú fyrirtæki buðu í bæði verkin,
Vélsmiðja Orms og Víglundar í
Hafnarfirði, Slippstöðin á Akureyri
og Stálsmiðjan í Reykjavík. Tilboð
Slippstöðvarinnar vegna vinnu við
Ægi hljóðaði upp á tæpar 4 milljónir
króna en tæpar 4,2 milljónir króna
vegna vinnu við Tý. Stálsmiðjan var
með hæstu tilboðin í báðum tilfell-
um.
Útboð vegna lagfæringa
á tveimur varðskipum
Slippstöðin
bauð lægst
Kristín Sigfúsdóttir kennari er
gestur á laugardagsfundi hjá
Vinstrihreyfingunni - grænu fram-
boði á Akureyri í dag, laugardaginn
22. febrúar. Kristín er fulltrúi VG í
félgsmálaráði og fjallar meðal
annars um heilbrigt samfélag,
félagsmál, öldrunarmál og heilbrigð-
ismál á fundinum. Hann hefst kl. 11
og er kosningamiðstöðin í Hafn-
arstræti 94 (Sporthúsinu).
Í DAG
Þingkonur Sjálfstæðisflokksins
bjóða konum á Eyjafjarðarsvæðinu
til fundar og kaffisamsætis á Hótel
KEA á morgun, sunnudaginn 23.
febrúar, kl. 15. Dagskráin hefst á
söng Kvennakórs Akureyrar. Um
kvöldið verða konurnar á Húsavík
og efna til fundar á Fosshóteli,
Húsavík, Bláa sal. Fundurinn verður
frá kl. 20.30 til 22.
Á MORGUN
Hugleiðslunámskeið þar sem
fjallað verður um aðferðir til að
stuðla að andlegri og líkamlegri vel-
líðan verður haldið á Glerárgötu 32,
2. hæð, eftir helgi, eða dagana 24.,
25. og 27. febrúar frá kl. 20 til 21.30.
Kennari verður Elín Agla og fer
kennslan fram á íslensku og er öllum
opin. Upplýsingar má finna á vefsíð-
unni www.karuna.is. „Hægt er að
draga úr vandamálum eins og veik-
indum sem tengd eru stressi og á
endanum útiloka þau með því að
iðka hugleiðslutækni sem stórlega
bæta hugarró okkar,“ segir Elín
Agla í frétt um námskeiðið.
Á NÆSTUNNI
FÉLAG norðlenskra steinasafnara
samþykkti ályktun á aðalfundi sín-
um í vikunni, en þar er harmað að
ekki hafi verið komið upp sýning-
araðstöðu fyrir náttúrugripi á Ak-
ureyri eftir að sýningarsal Nátt-
úrugripasafnsins var lokað og
gripum þess pakkað niður í kassa.
Ennfremur segir að félagið furði
sig á áhugaleysi ráðamanna Ak-
ureyrarbæjar og viðkomandi ráðu-
neytis, þó svo að félagið hafi bent á
fjárhagslega hagstæða lausn á mál-
inu. Skoraði fundurinn á forráða-
menn bæjarins og ríkisvalds að
koma sýningarmálum í viðunandi
horf sem allra fyrst og að félagið
muni ekki skorast undan þátttöku
verði eftir því leitað.
Engin
aðstaða til
sýninga
Félag norðlenskra
steinasafnara
JÓNAS Viðar myndlistarmaður á
Akureyri hefur opnað málverkasýn-
ingu í IsKunst Gallery í Ósló. Þar
sýnir hann málverk úr myndröðinni
Portrait of Iceland. Þetta er 23.
einkasýning hans en Jónas hefur
tekið þátt í fjölda samsýninga heima
og erlendis.
Sýningin stendur til 16. mars
næstkomandi og eru þeir Íslending-
ar sem leið eiga um Ósló hvattir til að
skoða hana. Eins er hægt að skoða
sýninguna og verkin á heimasíðu
Jónasar en slóðin er www.jvs.is.
Sýnir í Ósló
♦ ♦ ♦
AUGLÝSINGADEILD
netfang: augl@mbl.is eða sími 569 1111
www.islandia.is/~heilsuhorn
MULTIDOPHILUS
Ómissandi fyrir meltinguna
PÓSTSENDUM
Glerártorgi, Akureyri, sími 462 1889
Fæst m.a. í Lífsins lind í Hagkaupum,
Árnesapóteki, Selfossi og
Yggdrasil, Kárastíg 1.
160 fm verslunarpláss
í hjarta miðbæjar Akureyrar
Stórir gluggar • Frábær staðsetning
Upplýsingar í síma 462 2272
TIL LEIGU
Allar konur velkomnar!
Árangur samtíðar
- farsæld framtíðar
Í tilefni konudagsins bjóða konur í þingflokki sjálfstæðismanna
norðlenskum konum til funda og kaffisamsæta á Akureyri og
Húsavík á morgun, sunnudag.
Hótel KEA, Akureyri:
Húsið verður opnað kl. 15.00 og hefst dagskráin á söng
Kvennakórs Akureyrar.
Fundurinn stendur frá kl. 15.30 til 17.00.
Fundarstjóri: Anna Þóra Baldursdóttir.
Fosshótel, Húsavík:
Fundurinn stendur frá kl. 20.30 til 22.00.
Fundarstjóri: Soffía Gísladóttir.
Sjá nánari dagskrá
á islendingur.is og xd.is
Umsóknir um styrki
AKUREYRARBÆR
Auglýst er eftir umsóknum um styrki hjá nefndum innan
Félagssviðs Akureyrarbæjar.
Félagsmálaráð veitir styrki til félagasamtaka sem starfa á sviði
félags- og mannúðarmála. Íþrótta- og tómstundaráð veitir
rekstrarstyrki til íþrótta- og tómstundafélaga.
Umsóknarfrestur um ofangreinda styrki er til 7. mars nk.
Úr Menningarsjóði Akureyrar eru veittir styrkir til verkefna á
menningarsviði á vegum félaga, stofnana, listamanna og
fræðimanna. Menningarmálanefnd úthlutar styrkjum úr
menningarsjóði í mars og september ár hvert. Til úthlutunar
nú eru kr. 1.200 þús. og verða hæstu styrkir kr. 150 þús.
Umsóknarfrestur er til 7. mars 2003.
Jafnframt verður úthlutað nýsköpunarstyrk kr. 300 þús. til
nýrra eða nýstárlegra verkefna á sviði menningarmála.
Menningarfulltrúi gefur upplýsingar um þau skilyrði sem
umsóknir um þennan styrk þurfa að uppfylla.
Umsóknarfrestur um nýsköpunarstyrkinn er til
15. mars 2003.
Úr Húsverndarsjóði Akureyrar eru veittir styrkir vegna
framkvæmda við friðuð hús og hús með varðveislugildi og er
úthlutað einu sinni á ári í mars.
Umsóknarfrestur er til 15. mars 2003.
Umsóknir skulu berast á þar til gerðum eyðublöðum sem
liggja frammi í Upplýsingaanddyri Akureyrarbæjar,
Geislagötu 9, og hjá viðkomandi deildum í Glerárgötu 26.
Einnig er hægt að nálgast eyðublöðin á vefsíðu
Akureyrarbæjar, www.akureyri.is. Á eyðublöðunum kemur
fram hvaða upplýsingar er beðið um að fylgi styrkbeiðnum.
Umsóknum skal skila í Upplýsingaanddyri, Geislagötu 9, eða
til skrifstofu viðkomandi deildar á Glerárgötu 26. Þær
umsóknir sem borist hafa til sjóðanna frá áramótum verða
afgreiddar með þeim umsóknum sem berast fyrir auglýsta
umsóknarfresti.
Sviðsstjóri Félagssviðs.
Akureyrarbær • Geislagötu 9 • 600 Akureyri
Sími 460 1000 • Fax 460 1001 • www.akureyri.is