Morgunblaðið - 22.02.2003, Blaðsíða 10

FRÉTTIR
10 LAUGARDAGUR 22. FEBRÚAR 2003 MORGUNBLAÐIÐ
HALLDÓR Ásgrímsson, formaður
Framsóknarflokksins, lagði til í
setningarávarpi sínu á flokksþingi
Framsóknarflokksins í gær að það
aukna svigrúm, sem ríkissjóður fær
á næstu árum vegna stóriðju- og
virkjunarframkvæmda skapaði skil-
yrði til mestu skattalækkana um
langt árabil. Lagði hann til að svig-
rúmið yrði notað til að lækka tekju-
skatt úr 38,55% í 35,20% eða í sama
hlutfall og tekjuskatturinn var þegar
staðgreiðslukerfi skatta var innleitt
fyrir 15 árum.
„Ég tel kominn tíma til að gera
ákveðnar breytingar á skattkerfinu
með það sérstaklega í huga að það
hlúi sem best að fjölskyldunni,“
sagði Halldór. Sagði hann nauðsyn-
legt að taka kerfið til endurskoðun-
ar, sérstaklega með tilliti til milli-
tekjufólks.
„Áætlanir gera ráð fyrir að fram-
leiðslustigið í hagkerfinu verði að
minnsta kosti 2% hærra á komandi
kjörtímabili en annars hefði orðið
vegna aðgerða ríkisstjórnarinnar,
ekki síst vegna stóriðjuframkvæmda
á Austurlandi og byggingu Kára-
hnjúkavirkjunar. Í þessu felst að
svigrúm ríkissjóðs verði samanlagt á
kjörtímabilinu um 20-25 milljörðum
meira en ella og sveitarfélaganna
fimm milljörðum meira en annars
hefði orðið. Þá má ætla að afkasta-
geta þjóðarbúsins verði 4-5 pró-
sentustigum meiri í lok næsta kjör-
tímabils en án þessara aðgerða,“
sagði hann.
„Ég tel rétt að Framsóknarflokk-
urinn stuðli að því að almenningur
njóti góðs af þessu aukna svigrúmi
með því setja skattalækkanir í for-
gang á næsta kjörtímabili.
Ég tel nauðsynlegt að útfæra
skattalækkanir í samráði við helstu
hagsmunaaðila, t.d. aðila vinnu-
markaðarins og jafnframt er mikil-
vægt að sveitarfélögin leggi sitt af
mörkum í samræmi við tekjuauka
sína. Nákvæmar tímasetningar á
kjörtímabilinu þarf að ákveða með
hliðsjón af kjarasamningum og
framvindu hagsveiflunnar,“ sagði
hann.
Ótekjutengdar barnabætur
hjá öllum börnum óháð aldri
„Ég tel skynsamlegt að nota svig-
rúmið til að lækka tekjuskatt úr
38,55% í 35,20% eða sama hlutfall og
tekjuskatturinn var þegar stað-
greiðslukerfi skatta var innleitt fyrir
15 árum. Jafnframt verði dregið
verulega úr tekjutengingu barna-
bóta, t.d. með því að ótekjutengdar
barnabætur, sem eru 36.400 kr., séu
teknar upp hjá öllum börnum en
ekki aðeins þeim sem eru sjö ára og
yngri. Lækkun skatthlutfallsins leið-
ir til hækkunar skattleysismarka
þannig að lægstu bætur í bótakerf-
inu verða sem næst skattfrjálsar.
Gera má ráð fyrir að tekjur rík-
issjóðs minnki vegna þessarar kaup-
máttaraukningar almennings sem
nemur fimmtán milljörðum króna.
Þrátt fyrir það er nægilegt svig-
rúm til að verja og viðhalda öflugu
velferðarkerfi.
Aðilar vinnumarkaðarins ættu að
geta notað þetta svigrúm til að gera
hóflega og skynsamlega kjarasamn-
inga, þannig að stöðugleiki verði
varðveittur og samkeppnisstaða at-
vinnuveganna tryggð. Með því er
jafnframt líklegra að bæta megi kjör
þeirra er lægst hafa launin, sem er
afar mikilsvert markmið,“ sagði
Halldór í ræðu sinni.
Bandaríkjamenn vilja
draga úr herafla í Evrópu
Flokksþing Framsóknarflokksins
hófst á Hótel Loftleiðum í gærmorg-
un. Eftir hádegi var haldin setning-
arhátíð í Þjóðleikhúsinu. Þar flutti
Halldór yfirlitsræðu sína og fjallaði
einnig um viðsjár á alþjóðavettvangi
um þessar mundir. Hann sagði að sú
óvissa sem nú væri uppi um varnir
Evrópu kæmi illa við Íslendinga.
„Fyrir liggur að hugmyndir eru
uppi hjá Bandaríkjamönnum um að
draga úr herafla sínum í Evrópu. Í
framtíðinni er líklegt að í herstjórn-
arkerfi Bandaríkjanna verði öll meg-
ináherslan lögð á öryggi Bandaríkj-
anna sjálfra. Svo kann að fara að
Ísland fari ekki varhluta af þeim
breytingum. Margt bendir til, að
ýmsar vendingar að undanförnu hafi
veikt samstöðuna bæði innan Atl-
antshafsbandalagsins og Evrópu-
sambandsins og er vert að fylgjast
náið með framvindu mála,“ sagði
Halldór.
Hann fjallaði einnig um Evrópu-
sambandið í ræðu sinni og sagðist
ekki telja tímabært fyrir Framsókn-
arflokkinn að taka endanlega afstöðu
til þess á þessu flokksþingi, „hér og
nú, hvort og þá hvenær er rétt að
sækja um aðild að Evrópusamband-
inu. Til þess eru óvissuþættirnir enn
of margir, umræðan of óþroskuð og
staðan í alþjóðamálum of tvísýn.
Fyrst er rétt að ljúka samningum
vegna áhrifa stækkunar sambands-
ins á evrópska efnahagssvæðið. En
hlutirnir gerast hratt og við þurfum
að búa okkur undir þessa ákvörðun.
Ég hef sannfæringu fyrir því að
innan fárra ára renni sú stund upp
að við Íslendingar verðum að gera
þessi mál upp við okkur,“ sagði Hall-
dór m.a. í ræðu sinni.
Síðan sagði hann: „Aðilar sem ég
ber traust til og tek mark á eru
þeirrar skoðunar að Noregur og
Sviss verði aðilar að Evrópusam-
bandinu innan áratugar. Ákvarðanir
um mikilvæg hagsmunamál framtíð-
ar byggjast að verulegu leyti á mati á
aðstæðum. Mismunandi áherslur
stjórnarflokkanna í Evrópumálum
byggjast ekki síst á mismunandi
mati á framtíðinni. Ef mat mitt er
rétt, þjónar það hagsmunum Íslands
að ræða þessi mál áfram opinskátt
og búa okkur undir að stund ákvörð-
unar renni upp. Ég hef djúpa sann-
færingu fyrir mínu mati á þessum
aðstæðum og þeim straumum sem
eru í umhverfi okkar.“
Sagði hann einnig að ekki væri
ólíklegt að Íslendingar gengju í Evr-
ópusambandið fyrr eða síðar.
Hafnar skólagjöldum
í ríkisreknum skólum
Hann vék einnig að kosningabar-
áttunni sem framundan er og sagði
að í þeirri baráttu yrði tekist hart á
um athygli og traust þjóðarinnar.
Hann sagði að stjórnarsamstarfið
hefði að flestu leyti verið farsælt og
traust ríkt á milli manna og flest
ágreiningsefni verið leyst í kyrrþey
og friði. „Sem fyrr gengur Fram-
sóknarflokkurinn óbundinn til kom-
andi kosninga. Það ræðst af úrslitum
kosninganna hvort og þá við hverja
við ræðum um hugsanlega stjórnar-
myndun,“ sagði hann.
Vinstri flokkarnir hafa
barist gegn umbótum
Í umfjöllun sinni um menntamál
sagði Halldór m.a.: „Framsóknar-
flokkurinn hafnar skólagjöldum í
ríkisreknum skólum og leggur
áherslu á að skoða þurfi samkeppn-
isstöðu háskóla. Um leið er ástæða
til að fagna þeirri fjölbreytni sem
hefur skapast á háskólastiginu með
tilkomu nýrra skóla.“
Halldór sagði að ef ekki væri vöxt-
ur í atvinnulífinu yrði ekki svigrúm
til að auka þjónustu og styrkja vel-
ferðarkerfið. Þetta virðist vinstri
flokkarnir í landinu, Samfylkingin og
Vinstri grænir eiga erfitt með að
skilja. „Þeir krefjast margs, flests í
átt til aukinna útgjalda. Ofan í allt
hafa þeir barist gegn umbótum í at-
vinnulífi. Vinstri flokkarnir eru af
þessum sökum ekki trúverðugir þeg-
ar atvinnumál eru til umræðu og því
ekki heldur þegar kemur að umræðu
um eflingu velferðar eða menntunar.
Vilja landsmenn tefla stöðugleik-
anum og undirstöðum velferðarkerf-
isins í tvísýnu? Það er ekki sama
hverjir fara með stjórn efnahags-
mála, hvernig með fjöregg þjóðar-
innar er farið,“ sagði Halldór.
Hann vék einnig að landbúnaðar-
málum og sagði landbúnaðinn sífellt
færast nær alþjóðlegu umhverfi með
meira frjálsræði í viðskiptum. Nýj-
ustu tillögur Alþjóðaviðskiptastofn-
unarinnar væru lýsandi dæmi um
hvers væri að vænta. Frjálsari við-
skipti, meiri samkeppni og vöruþró-
un væri umhverfi sem landbúnaður-
inn þyrfti að búa sig undir og
landbúnaðurinn ætti að líta á þessar
aðstæður sem tækifæri.
Öflugar eftirlitsstofnanir
Hann fjallaði einnig um nauðsyn
þess að haft væri virkt eftirlit með
markaðinum. „Á alþjóðavettvangi og
einnig hér innanlands hefur athygli
manna beinst í auknum mæli að hinu
flókna valdatafli sem á sér stað í fjár-
málalífinu. Í kjölfarið hefur sprottið
upp umræða um það, hvort nægilegt
aðhald sé með fjármálamarkaðnum
og hvort almennum siðareglum sé
þar fylgt og þá hvernig. Við fram-
sóknarmenn höfum lengi barist fyrir
öflugum eftirlitsstofnunum á þessu
sviði, svo tryggt sé að almennum
leikreglum sé fylgt. Með þessu erum
við ekki að leggja til að atvinnulífið
verði hneppt í fjötra hafta og skrif-
ræðis, heldur miklu fremur að jafn-
ræði gildi við mat á aðstæðum þegar
í húfi eru gríðarlegar upphæðir og
heill atvinnufyrirtækja, einstaklinga
og jafnvel byggðarlaga,“ sagði Hall-
dór.
Skattalækkanir verði
látnar hafa forgang
Formaður Framsóknarflokksins ræddi skattamál við setningu flokksþings
Morgunblaðið/Árni Sæberg
Flokksþing Framsóknarflokksins er haldið á Hótel Loftleiðum í Reykjavík en því lýkur á morgun.
Morgunblaðið/Árni Sæberg
Ráðherrar sitja fyrir svörum á flokksþinginu í dag jafnframt því sem al-
mennar umræður fara fram og opnuð verður vefsíðan timinn.is.
Halldór Ásgrímsson,
formaður Framsókn-
arflokksins, sagði á
flokksþingi Framsókn-
arflokksins í gær ekki
ólíklegt að Íslendingar
gengju í Evrópusam-
bandið fyrr eða síðar en
ekki væri tímabært fyr-
ir flokkinn að taka end-
anlega afstöðu til þess
hér og nú hvort og þá
hvenær rétt væri að
sækja um aðild.
FLOKKSÞINGI Framsóknarflokks-
ins verður haldið áfram á Hótel
Loftleiðum í dag. Þingið fer fram
undir yfirskriftinni „Vinna – vöxtur
–velferð“. Fyrir hádegi verður
haldið áfram almennum umræðum
á þinginu og umræður fara einnig
fram um ályktanir þingsins. Kl.
14:30 munu ráðherrar Framsókn-
arflokksins sitja fyrir svörum á
flokksþinginu.
Ráðherrar
sitja fyrir
svörum
MIKLAR umræður urðu um stöðu
Framsóknarflokksins og komandi
kosningabaráttu við almennar
stjórnmálaumræður á flokksþingi
Framsóknarflokksins í gær. Krist-
inn H. Gunnarsson, þingflokks-
formaður flokksins, sagði fráleitt
sjálfgefið að framlengja ætti núver-
andi stjórnarsamstarf.
„Við framsóknarmenn verðum að
sýna í verki þær félagslegu
áherslur í stefnu flokksins, sem að-
greina hann frá Sjálfstæð-
isflokknum. Samkvæmt könnunum
erum við að missa fylgi til stjórn-
arandstöðuflokkanna. Það hafa
verið skýr skilaboð til okkar um að
stíga út úr skugga núverandi sam-
starfsflokks og tala ákveðið fyrir
okkar sjónarmiðum. Núverandi
stjórnarsamstarf hefur að mörgu
leyti gengið vel, en fráleitt er sjálf-
gefið að framlengja það. Við eigum
að stefna að því að leiða næstu rík-
isstjórn, þannig að félagslegar
áherslur flokksins komi skýrar
fram en verið hefur. Það á að vera
svar okkar við þeim skilaboðum
sem ég nefndi. Í komandi kosninga-
baráttu skulum við rifja upp gömul
dansspor Framsóknarflokksins, eitt
skref áfram og annað til vinstri.“
Látum ekki bankana læsa
klónum í Íbúðalánasjóð
Guðni Ágústsson, varaformaður
Framsóknarflokksins, var meðal
ræðumanna við almennu umræð-
urnar í gær og sagði m.a.: „Við vor-
um sammála um það við Halldór
[Ásgrímsson] áðan, þegar vinur
okkar, Kristinn H. Gunnarsson vildi
ganga eitt skref áfram og svo næsta
til vinstri, að við viljum fara tvö
áfram,“ sagði Guðni.
Einnig vék hann að einkavæð-
ingu ríkisins og sagði: „Við ætlum
ekki að láta bankana nú læsa klón-
um í Íbúðalánasjóð. Þeir vilja fá 50
milljarða eign sem þar er fyrir ekki
neitt, til þess að reka það sjálfir.
Það kom glöggt fram í ræðu for-
mannsins að þar er veggur hjá okk-
ur. Það myndi þýða vaxtahækkun
hjá fólkinu í landinu sem næmi 110
þúsund krónum á hverja fjöl-
skyldu,“ sagði Guðni.
Hann sagðist einnig svara því
neitandi að Framsóknarflokkurinn
hefði starfað í skugga Sjálfstæð-
isflokksins eða verið minnimáttar í
stjórnarsamstarfinu. „Við höfum í
rauninni, jafnvel verið sterkara afl-
ið í þessari ríkisstjórn. Ég er ekkert
frá því nema að við séum Davíð og
Davíð sé Golíat,“ sagði Guðni.
Guðni gagnrýndi einnig Ingi-
björgu Sólrúnu Gísladóttur og að
henni væri stillt upp sem forsætis-
ráðherraefni. „Við skulum aldrei
gleyma því að sá sem svíkur sína
huldumey er ekki í sátt næstu daga.
Ingibjörg Sólrún, hún sveik þrjá af
fjórum flokkum í Reykjavík, því
miður, þessi göfuga Flóastúlka.
Mér þykir vænt um hana og hennar
fólk. Það kýs mig fyrir austan
fjall,“ sagði Guðni og uppskar mik-
ið lófatak flokksþingsfulltrúa.
„Eitt skref
áfram og
annað til
vinstri“