Morgunblaðið - 22.02.2003, Blaðsíða 24
FULLTRÚAR ríkisins og sveitarfé-
laganna á Suðurnesjum undirrituðu í
gær samkomulag um byggingu nýrr-
ar álmu við Fjölbrautaskóla Suður-
nesja í Keflavík. Með framkvæmd-
inni og breytingum á eldri aðstöðu
verður húsnæði skólans komið í var-
anlegt horf, að sögn skólameistara.
Tómas Ingi Olrich menntamála-
ráðherra undirritaði samninginn í
gær við athöfn sem fram fór á sal
skólans. Sveitarfélögin taka að sér
að annast framkvæmdina og undir-
rituðu Böðvar Jónsson formaður
bæjarráðs Reykjanesbæjar, Sigurð-
ur Valur Ásbjarnarson bæjarstjóri í
Sandgerði, Jón Gunnarsson oddviti
Vatnsleysustrandarhrepps, Ólafur
Örn Ólafsson bæjarstjóri í Grindavík
og Sigurður Jónsson sveitarstjóri
Gerðahrepps samninginn fyrir hönd
sveitarfélaganna.
1.000 nemendur eftir 10 ár
Byggingin verður 2.800 fermetrar
að stærð. Ólafur Jón Arnbjörnsson
skólameistari segir að hún muni
hýsa kennsluaðstöðu, stjórnunar-
rými og félagsaðstöðu, meðal annars
nýjan sal og mötuneyti. Ný aðkoma
að skólanum verður um þessa álmu.
Ólafur Jón segir að starfsemin
hafi fyrir nokkrum árum sprengt
húsnæðið utan af sér. Viðbyggingin
muni bæta úr þeim vanda sem skap-
ast hafi og gera honum kleift að taka
við áframhaldandi fjölgun nemenda.
Segir hann að miðað við þróunina í
grunnskólunum á Suðurnesjum
megi búast við að eftir tíu ár verði
hátt í 1.000 nemendur í dagskóla í
Skrifað undir samning um nýja álmu við Fjölbrautaskólann
Sveitarfélögin flýtifjár-
magna framkvæmdina
Tómas Ingi Olrich menntamálaráðherra, Hjálmar Árnason, formaður undirbúningsnefndar, Kristbjörn Albertsson,
formaður skólanefndar, og Ólafur Jón Arnbjörnsson skólameistari hlýða á ávarp Böðvars Jónssonar bæjarfulltrúa.
Fjölbrautaskóla Suðurnesja en þeir
eru nú um 750.
Þá segir Ólafur mikilvægt að með
þessum samningi sé tryggt fjármagn
til breytinga á eldra húsnæði skólans
og aðlögun þess að viðbyggingunni
og kröfum nútímans.
Áætlað er að verkið í heild kosti
546 milljónir kr. Ríkið mun greiða
sinn hluta miðað við norm ráðuneyt-
isins, samtals um 346 milljónir.
Sveitarfélögin greiða tæplega 200
milljónir og þar er hlutur Reykja-
nesbæjar mestur, tæplega 131 millj-
ón kr. Ríkið mun greiða sinn hlut á
fimm árum en Samband sveitarfé-
laga á Suðurnesjum mun flýtifjár-
magna verkið þannig að hægt verði
að hefjast handa á næstu mánuðum
og taka húsið í notkun við upphaf
haustannar á næsta ári.
Ólafur Jón segir reiknað með að
farið verði í alútboð og vonast til að
hægt verði að auglýsa það fljótlega.
Ólafur Jón lýsir ánægju sinni með
hlut sveitarfélaganna. Það sýni
framsýni forráðamanna þess hvað
þau hafi ávallt stutt skólann vel.
Kominn í endanlegt horf
Hjálmar Árnason, alþingismaður,
formaður undirbúningsnefndar og
fyrrverandi skólameistari, sagði við
athöfnina í gær að skólinn hefði fyrst
orðið raunverulegur fjölbrautaskóli
þegar byggt var við hann fyrir tíu ár-
um. Menn hafi talið að sú bygging
myndi duga um aldur og ævi en fljót-
lega hefði húsnæðisskortur farið að
há þróun skólans. Þegar ný álma
yrði tekin í notkun kæmist Fjöl-
brautaskóli Suðurnesja loksins í sitt
endanlega horf.
Tómas Ingi Olrich lét þess getið,
um leið og hann óskaði Suðurnesja-
mönnum til hamingju með áfangann,
að það væri löngu tímabært að ráð-
ast í þessa framkvæmd.
Keflavík
SUÐURNES
24 LAUGARDAGUR 22. FEBRÚAR 2003 MORGUNBLAÐIÐ
LANDIÐ
ÁRLEG ræðukeppni Flugu, sem er
deild innan ITC í Þingeyjarsýslu,
var haldin nýlega en venja er að fé-
lagar fái að takast á við hin ýmsu
málefni og var keppnin eins og oft
áður jöfn og spennandi.
Fjórir þátttakendur voru í keppn-
inni: Anna Haukdal sem talaði um
landnýtingu og landvernd, Kornína
B. Óskarsdóttir sem talaði um or-
lofsferð húsmæðra, Rannveig Bene-
diktsdóttir sem talaði um selveiði og
Þórunn Snæbjarnardóttir sem hafði
ræðuefnið „Ég mótmæli“ þar sem
talað var um það hvernig hægt er að
koma mótmælum sínum á framfæri
á mismundandi hátt. Keppendur
höfðu 5–8 mínútna ræðutíma og
tvær vikur til þess að undirbúa efnið.
Dómarar í keppninni voru allt
fyrrverandi félagar í Flugu, þær
Kristín Arinbjarnardóttir, Sigrún
Ingvarsdóttir og Þórhildur Sigurð-
ardóttir, en var Þórunn með flest
stig í keppninni og því ótvíræður sig-
urvegari.
Fluga hefur starfað í Þingeyjar-
sýslu allt frá árinu 1985 og hafa mjög
margir hlotið ómetanlega þjálfun
innan deildarinnar í því að vinna með
texta og koma máli sínu á framfæri
við aðra. Allan veturinn er hist tvisv-
ar í mánuði og hefur starfsemin
gengið mjög vel. Núverandi forseti
Flugu er Guðrún Sigurðardóttir í
Hafralækjarskóla.
Morgunblaðið/Atli Vigfússon
Þátttakendur i ræðukeppninni f.v. Kornína B. Óskarsdóttir, Rannveig Bene-
diktsdóttir, Anna Haukdal og sigurvegarinn Þórunn Snæbjarnardóttir.
Rökrætt um
mótmælaaðgerðir
Laxamýri
SÉRA Þorbjörn Hlynur Árnason,
sóknarprestur á Borg, hélt fyrirlest-
ur á opnum fundi sem Rotarýklúbb-
ur Borgarness stóð fyrir. Séra Þor-
björn hélt erindi í máli og myndum
um för sína til Ísraels og Palestínu á
vegum Lúterska heimssambandsins
en hann er formaður Mannréttinda-
nefndar þess. Tilgangur fararinnar
var margþættur, m.a. að kanna að-
stæður almennings í Palestínu, sitja
fund með Yasser Arafat, heimsækja
skóla og sjúkrahús í Jerúsalem auk
þess að hitta utanríkisráðherra Ísr-
aels, Simon Peres.
Umfjöllun Þorbjörns Hlyns var
bæði fræðandi og lifandi þannig að
viðstaddir skynjuðu erfiðar aðstæð-
ur almennings í biðröðum við vega-
tálma eða svokallaða „checkpoints“,
stuttar fjarlægðir milli einstakra
staða s.s Betlehem og Jerúsalem, til-
gangslausa og erfiða staðsetningu
landnemabyggða Ísraela, svo eitt-
hvað sé nefnt.
Að fyrirlestri loknum gafst áheyr-
endum kostur á að spyrja Þorbjörns
Hlyn eða tjá sig um viðfangsefnið.
Að lokum þakkaði forseti Rotarý-
klúbbs Borgarness, Finnur Torfi
Hjörleifsson, fundargestum þátttök-
una og fyrirlesaranum fyrir lifandi
frásögn um málefni sem snertir alla
heimsbyggðina með beinum og
óbeinum hætti.
Morgunblaðið/Guðrún Vala Elísd.
Séra Þorbjörn Hlynur Árnason flyt-
ur fyrirlestur um málefni Palestínu.
Fyrirlestur um Palestínu
Borgarnes
Á DÖGUNUM hófu starfsmenn
SAH, Skipaafgreiðslu Húsavíkur,
60 kennslustunda tölvunámskeið.
Námskeiðið er samstarfsverkefni
fyrirtækisins og Verkalýðsfélags
Húsavíkur og styrkir Landsmennt,
fræðslusjóður verkafólks á lands-
byggðinni, það myndarlega. Leið-
beinandi er Einar Helgason og fer
kennslan fram í Borgarhóls-skóla.
Að sögn Hannesar Höskulds-
sonar hjá SAH sem situr nám-
skeiðið er almenn ánægja hjá
starfsfólkinu með það. „Sum okkar
eru nánast að kveikja á tölvum í
fyrsta skipti á ævinni en aðrir eru
lengra komnir í kynnum sínum af
þeim. Öll eigum við það þó sameig-
inlegt að vilja læra aðnota tölv-
urnar, þær koma til með að nýtast
okkur í leik og starfi í framtíðinni,“
sagði Hannes við fréttaritara rétt á
meðan hann leit upp frá tölvunni.
Starfsfólk Norðlenska á Húsavík
er einnig á samskonar námskeiði
og starfsmenn SAH. Það námskeið
er einnig í samstarfi við Verkalýðs-
félag Húsavíkur og Landsmennt og
eru samtals 25 manns á báðum
námskeiðunum.
Morgunblaðið/Hafþór Hreiðarsson
Hannes Höskuldsson, nær, og Ósk-
ar Kristjánsson eru meðal starfs-
manna SAH sem sitja tölvu-
námskeið þessa dagana.
Starfsmenn
SAH og
Norðlenska á
námskeiðum
Húsavík
TÍU Kiwanisklúbbar hafa gefið út
og dreift á sínu starfssvæði bóka-
merkinu Lífsvísi þar sem er að
finna leiðbeiningar til að sporna
gegn sjálfsvígum. Þið eruð ekki ein,
er undirtitill merkisins.
Kiwanisklúbbarnir eru á svoköll-
uðu Ægissvæði sem nær yfir Suð-
urnes og hluta höfuðborgarsvæð-
isins. Félagar í klúbbunum hafa
unnið að þessu verkefni frá því á
árinu 2000 að Ólafur Oddur Jóns-
son, sóknarprestur í Keflavík, vakti
athygli þeirra á sjálfsvígum í
ávarpi við setningu umdæmisþings
sem haldið var í Reykjanesbæ. Unn-
ið hefur verið að leiðbeiningunum í
samráði við séra Ólaf Odd og
starfsmenn landlæknisembættisins,
ekki síst Salbjörgu Bjarnadóttur
verkefnisstjóra þar.
Lífsvísinum hefur verið dreift
með aðstoð samstarfsaðila í Hafn-
arfirði, Garðabæ, Kópavogi og nú á
Suðurnesjum. Í upphafi voru prent-
uð 10 þúsund eintök í þessum til-
gangi en Gylfi Ingvarsson, fráfar-
andi svæðisstjóri, sagði við athöfn
sem efnt var til í Kirkjulundi í
Keflavík, þegar hafin var dreifing
Lífsvísis á Suðurnesjum, að áhugi
hafi komið fram í Reykjavík og á
öðrum stöðum landsins þannig að
ákveðið hafi verið að prenta 50 þús-
und eintök til viðbótar og verði
Lífsvísinum því dreift um land allt.
Sparisjóðirnir í landinu styrkja
verkefnið fjárhagslega.
„Það er einlæg von okkar Kiw-
anismanna að með þessu verkefni sé
verið að leggja mikilvægu og vand-
meðförnu máli gott lið til hjálpar
fólki í nauð,“ sagði Gylfi.
Morgunblaðið/Helgi Bjarnason
Gylfi Ingvarsson afhenti séra Ólafi
Oddi sérstakt viðurkenningarskjal
fyrir þátt hans í útgáfu Lífsvísis.
Dreifa leiðbeiningum
gegn sjálfsvígum
Suðurnes
BÖÐVAR Jónsson, formaður
Sambands sveitarfélaga á Suð-
urnesjum og formaður bæj-
arráðs Reykjanesbæjar, sagði
frá því við athöfnina í gær hvað
stofnun Fjölbrautaskóla Suð-
urnesja hefði haft mikil áhrif á líf
sitt og á Suðurnesin almennt.
Böðvar er sonur Jóns Böðv-
arssonar, fyrrverandi skóla-
meistara FS, og flutti fjölskyldan
á Suðurnesin árið 1976 þegar
Jón var ráðinn í starfið við stofn-
un skólans. Sjálfur gekk Böðvar í
FS og var formaður nem-
endaráðs. Þá minntist hann á
hversu mikil áhrif starfsemi skól-
ans hefði haft á Suðurnesjum.
Böðvar gat þess að tíu ár væru
liðin síðan síðasta viðbygging
skólans var tekin í notkun og
sagðist vona að íbúaþróun á Suð-
urnesjum yrði slík að eftir tíu ár
yrði hægt að hefja undirbúning
að byggingu annars framhalds-
skóla á Suðurnesjum.
Nýr framhaldsskóli eftir 10 ár?
Morgunblaðið/Helgi Bjarnason