Morgunblaðið - 13.03.2003, Side 39

4. flokkur 1992: Nafnverð:
5.000.000 kr.
1.000.000 kr.
100.000 kr.
10.000 kr.
Innlausnarverð:
12.423.669 kr.
2.484.734 kr.
248.473 kr.
24.847 kr.
4. flokkur 1994: Nafnverð:
5.000.000 kr.
1.000.000 kr.
100.000 kr.
10.000 kr.
Innlausnarverð:
9.740.217 kr.
1.948.043 kr.
194.804 kr.
19.480 kr.
2. flokkur 1995: Nafnverð:
5.000.000 kr.
1.000.000 kr.
100.000 kr.
10.000 kr.
Innlausnarverð:
9.337.103 kr.
1.867.421 kr.
186.742 kr.
18.674 kr.
1. og 2. flokkur 1998: Nafnverð:
1.000.000 kr.
100.000 kr.
10.000 kr.
Innlausnarverð:
1.575.009 kr.
157.501 kr.
15.750 kr.
Innlausnardagur 15. mars 2003.
Innlausnarverð
húsbréfa
Innlausn húsbréfa fer fram hjá Íbúðalánasjóði, í bönkum,
sparisjóðum og verðbréfafyrirtækjum.
Rafrænt: 1: 1,57500890
1. og 2. flokkur 2001: Rafrænt: 1: 1,21358273
UMRÆÐAN
MORGUNBLAÐIÐ FIMMTUDAGUR 13. MARS 2003 39
Í SÍBYLJU ljósvakans er látlaus
eftirspurn eftir fólki til þess að ræða
málefni sem efst eru á baugi hverju
sinni. Það er orðin lenska að blaða-
menn ræði eigin verk á ljósvakanum,
fréttir sem þeir hafa skrifað, lendi
jafnvel í hörðum pólitískum deilum.
Þetta er ný þróun og varhugaverð.
Blaðamenn hafa undanfarið lent í
málflutningi fremur en fréttaflutn-
ingi. Það er miður, afleitt.
Þetta hefur verið áberandi í
tengslum við fréttir Fréttablaðsins af
Baugsmálum. Gunnar Smári Egils-
son ritstjóri og Reynir Traustason
blaðamaður hafa verið á öldum ljós-
vakans og tekið þátt í hinni pólitísku
glímu. Þeir hafa verið í málflutningi.
Fréttaflutningurinn hefur vikið, því
miður. Þeir trúa hverju orði sem frá
Baugi kemur, öllu misjöfnu um ráð-
herrann. „Ráðherra ber að ósannind-
um“ hljóðaði frétt ríkisútvarpsins
sem vitnaði í Reyni Traustason sem
vitnaði í tveggja manna tal stjórnar-
formanns Baugs og forsætisráðherra.
Af tveggja manna tali tók Reynir orð
formannsins trúanleg, orð forsætis-
ráðherra lygi. Þetta hefur verið rauði
þráðurinn á síðum Fréttablaðsins. Of
margt hefur verið gagnrýnivert, alltof
margt.
Forstjóri Baugs kvaðst um helgina
ekki hafa lekið trúnaðargögnum úr
fyrirtækinu. Gott og gilt. Þetta eru
orð forstjórans en sama dag rauf
Fréttablaðið eina helgustu skyldu
blaðamanna; að geta ekki trúnaðar-
manns. Okkur er „ljúft og skylt“ að
staðfesta orð Jóns Ásgeirs, skrifaði
ritstjórinn. Hver fær næst vottorð frá
ritstjóranum, Jóhannes í Bónus,
Hreinn Loftsson eða stjórnarmenn-
irnir sem sögðu af sér? Stendur heim-
ildamaðurinn einn eftir í lokin og seg-
ir; ekki benda á mig?
Öll framganga Fréttablaðsins ber
þess merki að það þjónar nafnlausum
herra. Það er dapurleg staðreynd.
Um það eiga blaðamenn að ræða; til-
raun peningamanna til þess að hafa
áhrif á þjóðmál. Ritstjórinn hefur ver-
ið ötull á ljósvakanum með sleggju-
dóma og dylgjur um menn og málefni.
Það er ekki skrítið þótt trúverðugleiki
hans hafi gjaldfallið svakalega. Mað-
urinn er í stöðugum málflutningi.
Blaðamenn hans eru í ólíðandi stöðu.
Blaðamenn í fjölmiðlum ræða eigin
verk á ljósvakanum. Það er ný þróun í
íslenskri blaðamennsku. Það er slæm
þróun. Þetta var ekki svona. Þegar
áfengismál Magnúsar Thoroddsen
voru í hámæli fyrir rúmum áratug og
orð féllu í héraðsdómi um fræga
veislu Bryndísar Schram, fór Jón
Baldvin Hannibalsson hamförum í
gagnrýni og dylgjum um fréttamenn
Stöðvar 2. Við fórum ekki í málflutn-
ing, hlupum ekki í fjölmiðla til þess að
kveða ráðherra í kútinn. Við vorum
ekki í endalausum umræðuþáttum til
þess að rífast um fréttir Stöðvar 2.
Fréttastjórinn ritaði grein í Morgun-
blaðið til þess að skýra afstöðu frétta-
stofunnar og ráðherra var boðið í þátt
á Stöð 2 til þess að gera grein fyrir
sínum sjónarmiðum. Endir. En við
birtum áfram fréttir af málinu, ef
ástæða þótti til. Hið sama var uppi í
Hafskipsmálinu á fréttastofu Sjón-
varps. Auðvitað var deilt um fréttir en
við fórum aldrei í málflutning. Og
þegar Sjálfstæðisflokkurinn klofnaði
með stofnun Borgaraflokksins, fór
Hannes Hólmsteinn mikinn í gagn-
rýni á Sjónvarpið. Það hvarflaði ekki
að mér að rífast við hann á ljósvak-
anum.
Sjálfstæðismenn hafa haldið uppi
gagnrýni á Stöð 2 og fréttir Kristjáns
Más Unnarssonar. Þeir hafa sakað
Kristján Má og fréttastofu Stöðvar 2
um að ganga erinda Jóns Ólafssonar.
Það er fráleitur málflutningur. Krist-
ján Már er einn besti fréttamaður
landsins. Hann flytur fréttir óháð
pólitík. Kristján Már hefur ritað grein
í Morgunblaðið til þess að koma sín-
um sjónarmiðum á framfæri, á mál-
efnalegan hátt. Hann mun vonandi
áfram flytja fréttir af skattamálum.
Hann hefur ekki fallið í þá gryfju að
fara í málflutning eins og ritstjórinn.
Kristján Már er traustur og hæfur
fréttamaður sem leggur verk sín fyrir
alþjóð á réttum vettvangi – í sínum
fjölmiðli.
Blaðamenn í
fjölmiðlum
Eftir Hall
Hallsson
„Öll fram-
ganga
Fréttablaðs-
ins ber þess
merki að
það þjónar nafnlausum
herra. Það er dapurleg
staðreynd.“
Höfundur er blaðamaður.
STARFSHÓPUR gegn fíkniefna-
dreifingu í grunnskólum Reykjavík-
ur, sem skipaður var að tillögu borg-
arfulltrúa Sjálfstæðisflokksins í
nóvember sl., hefur lokið störfum og
kynnt niðurstöður sínar í fræðsluráði,
borgarráði og borgarstjórn. Starfs-
hópnum var falið að koma með tillög-
ur um hvernig koma megi í veg fyrir
neyslu og sölu fíkniefna í grunnskól-
um og til hvaða aðgerða skólar skulu
grípa, komi til þess þrátt fyrir for-
varnir.
Alvarlegar upplýsingar
Tilefni þessa máls má rekja til
fundar í fræðsluráði 11. nóvember sl.
en þá spunnust miklar umræður út
frá svörum við spurningum okkar
fulltrúa Sjálfstæðisflokksins um á
hvern hátt sérkennslustefna Reykja-
víkurborgar tekur mið af miklu álagi
á almennum bekkjardeildum vegna
nemenda með hegðunarvandamál og
geðröskun. Í svari forstöðumanns
þjónustusviðs Fræðslumiðstöðvar
Reykjavíkur kom fram að rætt hefði
verið við fulltrúa lögreglu og Barna-
verndar um þau alvarlegu mál sem
upp hefðu komið í grunnskólum
Reykjavíkur vegna nemenda í neyslu
og sölu fíkniefna. Fræðsluráði var
vissulega brugðið við þessar upplýs-
ingar og daginn eftir, 12. nóvember,
bókuðum við borgarráðsfulltrúar
Sjálfstæðisflokksins að borgaryfir-
völd yrðu að grípa til viðbragða vegna
þessa.
Helstu niðurstöður
Starfshópurinn kallaði á sinn fund
ýmsa aðila úr borgarkerfinu, lögregl-
unni og ráðuneytum heilbrigðis- og
menntamála. Í kjölfarið hefur verið
óskað eftir því að menntamálaráðu-
neytið heimili rýmri túlkun á reglu-
gerð um skólareglur enda var það
samdóma álit starfshópsins að hinn
almenni grunnskóli geti ekki sinnt
„skylduhlutverki“ sínu við þá sem
dreifa fíkniefnum og sjúka fíkniefna-
neytendur. Þá verður settur á stofn
lítill hópur með fulltrúum heilbrigð-
iskerfis, skólakerfis og barnaverndar
til að taka á einstaklingsmálum þeirra
unglinga sem verst eru staddir.
Starfshópurinn áréttar rétt foreldra
til upplýsinga um stöðu mála í hverj-
um skóla og hvetur til foreldraað-
halds og aga en könnunin Börnin í
borginni leiddi í ljós að drykkja ung-
linga í heimahúsum er mun algengari
en í félagsmiðstöðvum og skólum.
Niðurstöður starfshópsins fela í sér
skýr skilaboð um vímuefnalausan
skóla og rétt nemenda til heilsusam-
legs og öruggs umhverfis. Verklags-
reglur vegna fíkniefnavanda verða
sendar fljótlega í alla skóla. Þá er í
undirbúningi námskeið um fíkniefna-
vandann og ferla í þeim málum fyrir
skólastjórnendur, námsráðgjafa,
deildarstjóra sérkennslu og aðra þá
sem leiða forvarnarstarf í grunnskól-
unum.
Samstaða um aðgerðir
Þó að starfshópurinn hafi lokið
störfum er starfinu engan veginn lok-
ið. Nauðsynlegt er að hin ýmsu
„kerfi“ innan borgarinnar og á vegum
ríkisins stilli saman strengi sína og
komi þannig í veg fyrir að unglingar
sem verða fíkniefnum að bráð lendi á
milli skips og bryggju. Fjölmargir að-
ilar utan hins opinbera vinna þarft
verk í forvarnarmálum og með sam-
hentu átaki ásamt forvarnaráætlun-
um sem unnar eru innan hverfa borg-
arinnar má miklu áorka.
Gegn
fíkniefnum
Eftir Guðrúnu Ebbu
Ólafsdóttur
Höfundur er borgarfulltrúi og
fulltrúi Sjálfstæðisflokksins í
fræðsluráði.
„Með sam-
hentu átaki
má miklu
áorka.“