Morgunblaðið - 19.03.2003, Side 11

FRÉTTIR
MORGUNBLAÐIÐ MIÐVIKUDAGUR 19. MARS 2003 11
ÁKVARÐANIR verða teknar um næstu mánaðamót um
hvort ráðist verði í frekari framkvæmdir í tengslum við
hitaveitu í Fjarðabyggð. Beðið er fullnægjandi upplýs-
inga af dælingu í tilraunaskyni úr borholu í Eskifirði.
Byrjað var að dæla úr holunni 15. febrúar síðastlið-
inn, um 20 lítrum á sekúndu fyrst í stað. Niðurdráttur
holunnar, þ.e. lækkun vatnsborðs, við upphaf dælingar
var um 70 metrar en hefur aukist nokkuð eftir því sem
dælt hefur verið lengur. Í dag er dælt úr holunni um 18
lítrum á sekúndu og niðurdráttur orðinn 88 metrar.
Hiti vatnsins er liðlega 80 gráður en í lok janúar sl.
sýndi mæling 81,5 gráða hita í aðalvatnsæð holunnar á
930 metra dýpi.
Að sögn Guðmundar Helga Sigfússonar, forstöðu-
manns umhverfissviðs Fjarðabyggðar, lofar til-
raunaholan góðu og hefur staðist þær vonir sem við
hana hafa verið bundnar. Á þessu ári er einnig reiknað
með að ljúka jarðhitaleit með könnunarholum í Reyð-
arfirði og í Neskaupstað. Frá árinu 1998 hefur skipuleg
leit staðið yfir að heitu vatni í sveitarfélaginu. Vegna
fyrirhugaðra álversframkvæmda, þar sem búið er að
skipuleggja 350 nýjar byggingarlóðir í Fjarðabyggð, er
vonast til þess að hitaveitan geti annað þeirri eftir-
spurn sem framundan er. Þar af eru 75 lóðir í Eskifirði,
sem eru skammt frá þeim stað sem tilraunaborun
stendur yfir.
Morgunblaðið/RAX
Guðmundur Helgi Sigfússon hjá Fjarðabyggð skrúfar
frá heita vatninu úr borholunni í Eskifirði.
Tilraunahola
í Eskifirði
lofar góðu
MENNTAMÁLARÁÐHERRA
hefur skipað Guðmund Árnason í
embætti ráðuneytisstjóra mennta-
málaráðuneytisins frá og með 16.
mars.
Með auglýsingu, dags. 25. febr-
úar sl., var embætti ráðuneytis-
stjóra í menntamálaráðuneytinu
auglýst laust til umsóknar. Um-
sóknarfrestur rann út 13. mars sl.
og bárust samtals fimm umsóknir
um embættið. Auk Guðmundar
voru umsækjendur: Guðný Þor-
björg Ísleifsdóttir, bókasafnsfræð-
ingur, dr. Ómar H. Kristmundsson,
skrifstofustjóri og staðgengill for-
stjóra Barnaverndarstofu, Sigurjón
Haraldsson, háskólakennari og
Þuríður Gísladóttir, raungreina-
kennari.
Guðmundur er fæddur 20. sept-
ember 1963. Hann lauk BA-prófi í
stjórnmálafræði frá Stirling-há-
skóla í Skotlandi 1989 og MA-prófi í
alþjóðastjórnmálum frá Sussex-há-
skóla í Englandi
1990. Eftir nám
vann Guðmundur
sérverkefni fyrir
forsætis- og fjár-
málaráðuneytið
og 1991 var hann
skipaður deildar-
stjóri í forsætis-
ráðuneytinu. Ár-
ið 1996 var hann
skipaður skrif-
stofustjóri í forsætisráðuneytinu.
Hann starfaði sem aðalráðgjafi hjá
Norræna þróunarsjóðnum í Hels-
inki frá 1. ágúst 1998 til 31. júlí 2000
í tímabundnu leyfi frá forsætisráðu-
neytinu. Gegndi á ný starfi skrif-
stofustjóra í forsætisráðuneytinu
frá 1. ágúst 2000 til 27. september
2002, en þá var hann settur ráðu-
neytisstjóri í menntamálaráðuneyt-
inu til 15. mars sl. Guðmundur er
kvæntur Sólveigu Berg Björnsdótt-
ur arkitekt og eiga þau tvö börn.
Guðmundur Árna-
son skipaður
ráðuneytisstjóri
Guðmundur
Árnason
TVÍSÝNT er hversu lengi verður
hægt að reka símaþjónustuna Ráð-
gjöf í reykbindindi sem Heilbrigðis-
stofnun Þingeyinga hefur rekið með
tapi frá árinu 2000, ef starfsemin
verður ekki sett á föst fjárlög frá rík-
inu. Þetta segir Guðrún Árný Guð-
mundsdóttir, hjúkrunarfræðingur
við stofnunina, sem er í forsvari fyrir
símaþjónustuna, sem veitt er í síma
800-6030.
Símaþjónustan Ráðgjöf í reyk-
bindindi var opnuð árið 2000. Ári síð-
ar gerði stofnunin formlegan sam-
starfssamning um þjónustuna við
Tóbaksvarnarnefnd, heilbrigðis- og
tryggingamálaráðuneytið og land-
læknisembættið. „Það hefur verið
erfitt með fjármögnun, Heilbrigðis-
stofnun Þingeyinga hefur borgað
með þessu undanfarin ár og því höf-
um við lítið getað gert fyrir utan
grunnþjónustuna. Við rekum þetta
eiginlega í klemmu,“ segir Guðrún.
Hún segir að tvö lyfjafyrirtæki,
GlaxoSmithKline og PharmaNor,
hafi styrkt þjónustuna, en illa hafi
gengið að fá fleiri fyrirtæki að verk-
efninu.
„Við erum að reyna að koma einu
stöðu hjúkrunarfræðings á fjárlög
og viljum að þessi ráðgjöf verði tekin
sem hluti af heilbrigðisþjónustunni
sem veitt er í landinu. Margar rann-
sóknir hafa sýnt að ráðgjöf af þessu
tagi hefur reynst mjög vel, hún eyk-
ur líkurnar á að fólk hætti að reykja.
Við vitum ekki hversu lengi stofn-
unin getur rekið þjónustuna í mín-
us,“ segir Guðrún Árný.
614 símtöl á þessu ári
Alls starfa sjö sérþjálfaðir hjúkr-
unarfræðingar við ráðgjöfina. „Við
sitjum við símann milli 17–19 alla
virka daga, þess á milli er símsvari
þar sem hægt er að skilja eftir skila-
boð. Þessi þjónusta er í boði fyrir allt
landið og er ætluð öllum sem vilja
hætta að reykja,“ segir Guðrún
Árný. Einnig er þeim sem vilja
hætta að nota munn- og neftóbak
veitt ráðgjöf sem og þeim sem vilja
draga úr eða hætta notkun nikótín-
lyfja.
Hafa hjúkrunarfræðingarnir einn-
ig tekið að sér að halda námskeið
fyrir fólk sem vill hætta að reykja og
bjóðast til að hringja í fólk og styðja
það í reykbindindinu eftir að nám-
skeiði lýkur. „Símtöl í ár hafa verið
614. Hluti af því eru innhringingar,
fólk hringir inn og biður um aðstoð.
Margir spyrja t.d. um nikótínlyf, en
aðrir eru að berjast við löngunina í
sígarettu,“ segir Guðrún Árný. Hún
segir að einnig geti fólk fengið senda
bæklinga um ýmsar leiðir til að
hætta að reykja, mismunandi
nikótínlyf og fleira.
„Þetta er í raun ókeypis meðferð
og þetta hjálpar fólki. Margir eru
mjög þakklátir og finnst þetta alveg
frábært. Fólki finnst oft betra að fá
stuðning og hvatningu frá öðrum en
sínum nánustu þótt það sé gott að
hafa það líka. Ráðgjöfin er mjög per-
sónuleg og við reynum að miða við
þarfir hvers og eins,“ segir Guðrún
Árný.
Þjónustan Ráðgjöf í reyk-
bindindi fari á fjárlög
TÆPLEGA 4 af hverjum 10 telja
að íslenska ritmálinu stafi hætta
af SMS-skeytastílnum, sem not-
aður er þegar smáskilaboð eru
skrifuð í GSM-símum. Þetta
kemur fram á heimasíðu Aco
Tæknivals. Rúmlega helmingur
svarenda, eða 52,9%, telur að
hættan sé ekki fyrir hendi. Sam-
kvæmt heimasíðunni vilja skosk-
ir kennarar spyrna við fæti
vegna áhrifa SMS-skilaboða á
ritmál unglinga í skoskum skól-
um.
Kristján Árnason, prófessor í
íslenskri málfræði við Háskóla
Íslands, sagðist sjálfur nota
SMS-smáskeyti. „Við höfum ekki
rætt þetta sérstaklega,“ sagði
Kristján. Hann taldi íslenska rit-
málinu ekki stafa hætta af
skeytastíl SMS-skilaboðanna.
„Það verður til ákveðinn stíll,
svona símskeytastíll. Sérstakur
stíll skapaðist í kringum gömlu
símskeytin en hann hætti þegar
símskeytin hurfu. Ég veit ekki
hvort má beita svipaðri líkingu á
þetta.“
Kristjáni finnst hins vegar
slæmt að ýmis tákn og stafir séu
ekki til í GSM-símunum og því
venjist börn og unglingar ekki á
að nota þau. „Þeir sem væru
bjartsýnir myndu auðvitað segja
að þetta auðgaði málið. Mér
kæmi það frekar á óvart ef þetta
auðgaði málið,“ sagði Kristján.
Hann sagðist ekki hafa teljandi
áhyggjur af þessu.
Stafar íslenskunni
hætta af SMS?
ÞEIR sem eiga lífeyrissparnað hjá
Kaupþingi banka og ALVÍB munu fá
yfirlit yfir eign sína og ávöxtun á
næstu dögum. Hafliði Kristjánsson,
forstöðumaður sölu- og markaðs-
sviðs Kaupþings, segir að yfirlit yfir
lífeyriseign og ávöxtun verði send út
í þessari viku. Í lögum sé kveðið á að
slík yfirlit eigi að senda tvisvar sinn-
um á ári en auk þess þurfi fólk að
gera grein fyrir þessum eignum á
skattskýrslum og taka þurfi tillit til
þess.
Þórhildur Stefánsdóttir hjá AL-
VÍB segir að búið sé að senda út yf-
irlit fyrir sérreikning Íslandsbanka
og yfirlit til þeirra sem séu í Al-
menna lífeyrissjóðnum verði send út
í vikunni. Aðspurð segir hún að yf-
irlitin séu töluvert seinna á ferðinni
nú en í fyrra en ástæðan sé samein-
ing Lífeyrissjóðs arkitekta og tækni-
fræðinga og ALVÍB nú um áramót-
in. Venjulega hafi yfirlitin verið send
út í janúar og febrúar.
Kaupþing og ALVÍB hafa síðustu
daga birt margar auglýsingar þar
sem fram koma upplýsingar um
ávöxtun á séreignasparnaði sem eru
í umsjón fyrirtækjanna.
Ávöxtun lífeyrissparnaðar í fyrra
ALVÍB og Kaup-
þing munu senda
yfirlit í vikunni
Aðalfundur Sparisjóðs
Reykjavíkur og nágrennis
verður haldinn á Grand Hótel, Gullteig,
kl. 17:00, miðvikudaginn 26. mars 2003.
Aðgöngumiðar og
atkvæðaseðlar verða afhentir á
fundarstað í fundarbyrjun.
Sparisjóðsstjórnin
Aðalfundur
Sparisjóðs Reykjavíkur
og nágrennis
Dagskrá:
1. Skýrsla stjórnar um starfsemi sparisjóðsins á árinu 2002.
2. Lagður fram til staðfestingar endurskoðaður ársreikningur
sparisjóðsins fyrir árið 2002, ásamt tillögu um ráðstöfun
tekjuafgangs fyrir liðið starfsár.
3. Tillögur til breytinga á samþykktum sparisjóðsins. Tillögurnar lúta í
fyrsta lagi að því að færa samþykktirnar til samræmis við ákvæði
nýrra laga um fjármálafyrirtæki nr. 161/2002. Í öðru lagi að því að
taka upp almennt ákvæði um 3 daga framboðsfrest við stjórnarkjör
og í þriðja lagi að því að kjósa 5 varamenn til stjórnar og í því
sambandi bráðabirgðaákvæði um hvernig staðið skuli að því kjöri á
aðalfundinum 26. mars 2003.
Tillögurnar liggja frammi á skrifstofu sparisjóðsstjóra og verður
þeim dreift á fundrstað.
4. Kosning stjórnar.
5. Kosning endurskoðanda.
6. Tillaga um ársarð af stofnfé.
7. Tillaga um að auka stofnfé með ráðstöfun hluta hagnaðar.
8. Tillaga um þóknun stjórnar.
9. Önnur mál.
A
B
X
90
30
23
1