Morgunblaðið - 19.03.2003, Síða 14

VIÐSKIPTI/ATHAFNALÍF
14 MIÐVIKUDAGUR 19. MARS 2003 MORGUNBLAÐIÐ
FULLTRÚAR S-hópsins skiluðu í
gær til Búnaðarbankans tillögu að
nýju bankaráði. Ólafur Ólafsson,
talsmaður kaupendanna og stjórn-
arformaður Eglu hf., segist gera
ráð fyrir að tillagan nái fram að
ganga á aðalfundinum á laugardag-
inn, enda sé hún lögð fram í sátt við
alla helstu hluthafa eins og gangi og
gerist í hlutafélögum.
Samkvæmt tillögunni verða
fulltrúar ríkisins leystir af hólmi. Í
stað þeirra koma Finnur Ingólfs-
son, forstjóri VÍS, Hjörleifur Jak-
obsson, forstjóri Olíufélagsins ehf.
og dr. Michael Sautter, fram-
kvæmdastjóri hjá Société Générale
í Þýskalandi og Austurríki. Sam-
kvæmt áreiðanlegum heimildum
Morgunblaðsins er gert ráð fyrir að
Hjörleifur verði formaður banka-
ráðs.
„Styrkir bankann“
Þá er gert ráð fyrir að tveir
fulltrúar haldi áfram störfum sínum
í ráðinu. Það eru Elín Sigfúsdóttir,
framkvæmdastjóri fyrirtækjasviðs
Búnaðarbankans og Jón Helgi Guð-
mundsson, forstjóri og stjórnarfor-
maður BYKO. Elín hefur átt sæti í
bankaráðinu síðustu fjögur ár.
Ólafur segist telja að hið nýja
bankaráð muni styrkja bankann
mjög. „Þarna held ég að fari feiki-
lega góðir og hæfir einstaklingar.
Þarna er fulltrúi sem þekkir mjög
vel innviði bankans; erlendur sér-
fræðingur um alþjóðabankakerfið,
fyrrverandi seðlabankastjóri og
tveir menn sem eru vel tengdir við-
skiptalífinu,“ segir hann. Ólafur
segir að þeir tveir síðastnefndu fáist
þó við sérhæfðan geira viðskiptalífs-
ins og því sé takmörkuð hætta á
hagsmunaárekstrum.
S-hópur með 45,8% á aðalfundi
Eins og fram kom í Morgun-
blaðinu í gær hyggjast kaupendur
reiða fram þrjá fimmtu kaupverðs,
fyrir 27,48% hlutafjár, í vikunni.
Þeir ráða því yfir 27,48% atkvæða á
fundinum. Að auki munu þeir í sam-
ráði við ríkið fara með atkvæði rík-
isins, þannig að atkvæði S-hópsins
svara til 45,8% heildaratkvæða á
laugardaginn.
Gerð er tillaga um að Guðmundur
Kristjánsson, Margeir Daníelsson,
Jón Þór Hjaltason, Þórður Magn-
ússon og Guðmundur Hjaltason
verði varamenn í bankaráðinu.
Tillaga að nýju
bankaráði BÍ
TILLAGA
S-hópsins gerir
ráð fyrir þremur
nýjum bankaráðs-
mönnum í stað
fulltrúa ríkisins.
Finnur Ingólfs-
son kemur nýr
inn. Hann er
fæddur 8. ágúst
1954. Hann var
iðnaðar- og við-
skiptaráðherra frá apríl 1995 til árs-
loka 1999, er hann tók við stöðu
Seðlabankastjóra. 1. nóvember 2002
tók hann við starfi forstjóra VÍS.
Hjörleifur Jakobsson er einnig
nýr bankaráðsfulltrúi. Hann er
fæddur 7. apríl 1957. Hann starfaði
hjá Eimskipi 1981 til 1999, er hann
varð forstjóri Hampiðjunnar. Hann
gegndi því starfi allt þar til hann tók
við stöðu forstjóra Olíufélagsins í
ársbyrjun 2002.
Dr. Michael Sautter er þriðji nýi
fulltrúinn. Hann starfaði hjá
McKinsey & Company í Frankfurt
frá 1986 til 2000, þar af sem fram-
kvæmdastjóri 1996 til 2000. Þá varð
hann framkvæmdastjóri hjá
Deutsche Bank, en á síðasta ári hóf
hann störf sem framkvæmdastjóri
hjá Société Générale í Þýskalandi og
Austurríki.
Elín Sigfúsdóttir hefur verið í
bankaráði í fjögur ár. Hún er fædd
24. ágúst 1955. Elín hefur unnið hjá
bankanum síðan 1979; m.a. sem for-
stöðumaður hagdeildar, for-
stöðumaður á fyrirtækjasviði og að-
stoðarframkvæmdastjóri þess. Hún
var ráðin framkvæmdastjóri fyr-
irtækjasviðs í febrúar síðastliðnum.
Jón Helgi Guðmundsson hefur
verið bankaráðsmaður frá aðalfundi
2002, eftir að Gilding sameinaðist
bankanum. Hann er fæddur 20. maí
1947. Hann hefur starfað hjá BYKO
síðan 1972. Jón hefur verið fram-
kvæmdastjóri fyrirtækisins síðan
1984.
Þrír nýir í bankaráði
Búnaðarbankans
Dr. Michael
Sautter
Jón Helgi
Guðmundsson
Hjörleifur
Jakobsson
Elín
Sigfúsdóttir
Finnur
Ingólfsson
HAGNAÐUR Pharmaco hf. á
árinu 2002 nam 3.166 milljónum
króna eftir skatta. Hagnaðurinn
tvöfaldaðist milli ára því á árinu
2001 var hann 1.562 milljónir.
Róbert Wessman, annar for-
stjóri Pharmaco, sagði á kynning-
arfundi fyrir fjárfesta í gær, þar
sem greint var frá rekstrarniður-
stöðum félagsins, að árið 2002 hafi
verið besta árið í sögu Pharmaco
til þessa.
Pharmaco eignaðist meirihluta í
lyfjafyrirtækinu Delta í júlímánuði
síðasta árs og í framhaldinu voru
félögin sameinuð undir nafni
Pharmaco. Rekstur Delta er inni-
falinn í rekstri samstæðunnar frá
1. júlí 2002.
Sindri Sindrason, hinn forstjóri
Pharmaco, greindi frá því á kynn-
ingarfundinum í gær að stjórn fé-
lagsins hefði samþykkt í fyrradag
að auka við hlut sinn í lyfjaþróun-
arfyrirtækinu Colotech í Dan-
mörku. Eignarhlutur Pharmaco í
Colotech mun aukast úr 33% í
90%. Kaupverðið er um 5 milljónir
evra fyrir 57% hlut í félaginu og
þar af fara 4 milljónir evra inn
sem nýtt hlutafé á næstu fjórum
árum.
Hjá Colotech er unnið að rann-
sóknum og þróun lyfja gegn
krabbameini.
Heildareignir 39 milljarðar
Hagnaður Pharmaco fyrir vexti,
afskriftir og skatta nam 3.921
milljón í fyrra en 3.232 milljónum
árið áður. Rekstrartekjur jukust
úr 15.177 milljónum króna árið
2001 í 18.574 milljónir í fyrra og
jukust tekjur því um 3.397 millj-
ónir milli ára. Rekstrargjöld voru
15.925 milljónir í fyrra en 12.457
milljónir árið áður og jukust því
um 3.468 milljónir.
Heildareignir Pharmaco í árslok
2002 voru 39,1 milljarður króna og
höfðu aukist um 24,1 milljarð milli
ára. Heildarskuldir voru 18,8 millj-
arðar og eigið fé 20,3 milljarðar.
Eiginfjárhlutfall er 52%.
Velta í samræmi við áætlun
Í tilkynningu frá Pharmaco seg-
ir að velta félagsins á árinu 2002
hafi verið í samræmi við útgefna
áætlun félagsins. Sala inn á mark-
aði í Vestur-Evrópu hafi gengið
betur en áætlanir hafi gert ráð
fyrir á seinni hluta ársins, en sala
inn á Mið- og Austur-Evrópu hafi
hins vegar verið undir áætlun á
síðari hluta ársins. Pharmaco sé
um þessar mundir að skrá um 30
ný lyf inn á markaði Mið- og Aust-
ur-Evrópu og áætlað sé að þau
muni skila sér í sölu á árinu 2004.
Róbert sagði á kynningarfund-
inum í gær að Pharmaco hefði
ákveðið að birta ekki nákvæmar
rekstraráætlanir fyrir félagið
vegna rekstrarársins 2003. Þess í
stað verði gefin upp langtíma-
markmið í rekstri. Samkvæmt
þeim sé gert ráð fyrir að árleg
framlegð verði um 30%. Þá sé
stefnt að 15–20% innri vexti á ári
næstu þrjú árin, sem geti verið
nokkuð mismunandi milli ára.
Pharmaco stefni einnig að 15–20%
ytri vexti með fjárfestingum í er-
lendum félögum sem falli verr að
aðalstarfsemi félagsins.
Pharmaco hagnast
um rúma 3 milljarða



 
 







  


   
  

 

 

 

!



 

"
#$



!
%

& #$# 
'#$# (  
#
"
# #
& # #
)%!
)
!*%+
*+
%*


 


!!


  

)



)*%+
*+
*

  
  !
 )  
 
 

"# 
$ 
   
KYNNINGARFUNDUR Pharma-
co í gær með fjárfestum vegna
uppgjörs félagsins fyrir árið 2002
var haldinn í Listasafni Íslands.
Sindri Sindrason, forstjóri
Pharmaco, vék í ræðu sinni að
þeirri samsvörun sem hann sagði
vera milli samheitalyfjafram-
leiðslu Pharmaco og þeirrar list-
sýningar sem er í þeim sal lista-
safnsins sem fundurinn var
haldinn í.
Þar eru á veggjum verk banda-
ríska myndlistarmannsins Mike
Bidlos, sem sýnir eftirlíkingar af
sögufrægum listaverkum. Heiti
sýningarinnar er: „Mike Bidlo:
Ekki Picasso. Ekki Pollock. Ekki
Warhol.“ Nafnið skírskotar til
þess að sýndar eru eftirlíkingar
Bidlos af verkum eftir þessa þrjá
listamenn.
Sindri sagði að fæstir gerðu
sér eflaust grein fyrir því að um
eftirlíkingar af listaverkum þess-
ara listamanna væri að ræða.
Verkin væru þó viðurkennd. Það
sama ætti við um samheitalyf.
Þau væru ekki frumlyf, en væru
engu að síður að fullu viður-
kennd.
Listin og
lyfjafram-
leiðslan
Í GÆR skrifaði samstarfshópur um
fjölmiðlarannsóknir, skipaður
fulltrúum helstu fjölmiðla, Samtaka
auglýsenda, SAU, og Samtaka ís-
lenskra auglýsingastofa, SÍA, undir
nýjan fimm ára samning við Gallup
um framkvæmd fjölmiðlarann-
sókna á Íslandi. Samningurinn er
mun umfangsmeiri en fyrri sam-
ingur sömu aðila og kostar 26 millj-
ónir á ári, sem er tvöföldun frá því
sem áður var.
Að sögn Halls A. Baldurssonar
formanns fjölmiðlarannsókn-
arnefndar SÍA er um mikið fram-
faraspor að ræða. „Þetta er mikið
framfaraspor varðandi það að geta
beitt faglegri vinnubrögðum við
gerð birtingaáætlana,“ sagði Hall-
ur í samtali við Morgunblaðið.
Meðal þess sem samningurinn
hljóðar upp á er að dagbókarkönn-
unum verður fjölgað úr tveimur á
ári í sex og símakannanir fyrir út-
varp verða gerðar sex sinnum á ári.
Í samningnum er einnig gert ráð
fyrir að byggður verði upp miðlæg-
ur gagnagrunnur þar sem upplýs-
ingum verður safnað saman og þær
gerðar aðgengilegar aðstandend-
um samningsins.
Hallur segir að í nýju könn-
ununum muni fást mjög góðar upp-
lýsingar um skörun á milli miðla
sem auðveldi gerð faglegra birt-
ingaáætlana sem skili sér í betri
nýtingu þess fjármagns sem notað
er til auglýsinga- og markaðsmála.
Morgunblaðið/Árni Sæberg
Samstarfshópur um fjölmiðlarannsóknir skrifaði undir samninginn í gær.
Á myndinni eru fulltrúar fjölmiðla, Samtaka auglýsenda, Samtaka ís-
lenskra auglýsingastofa og Gallup.
Samningur um fjölmiðlarannsóknir
Meiri upplýsingar
og fagmennska