Morgunblaðið - 19.03.2003, Page 53

MORGUNBLAÐIÐ MIÐVIKUDAGUR 19. MARS 2003 53
ÁLFABAKKI
Sýnd kl. 4. Sýnd kl. 6.
ÁLFABAKKI / AKUREYRI
Sýnd kl. 8.
KEFLAVÍK
Sýnd kl. 4 og 6. / Sýnd kl. 8.
KRINGLAN / AKUREYRI
Áður en þú deyrð, færðu að sjá
ÁLFABAKKI / KRINGLAN / KEFLAVÍK
Sýnd kl. 8 og 10.10. / Sýnd kl. 10.10. / Sýnd kl. 8 og 10.10. B.i. 16.
SV MBL
RADIO X
KVIKMYNDIR.IS
Sýnd kl. 5.50, 8 og 10.10. / Sýnd kl. 8 og 10.40. / Sýnd kl. 8 og 10. B. i. 12.
ÁLFABAKKI / KRINGLAN / AKUREYRI
Sýnd kl. 4 og 6. / Sýnd kl. 4 og 6. / Sýnd kl. 6.
ÁLFABAKKI / KRINGLAN / AKUREYRIKEFLAVÍK
Sýnd kl. 10.10.
Sýnd kl. 5.50 og 8.
Frábær skemmtun fyrir alla fjölskylduna.
Lækkað verð! Miðaverð kr. 750.
Sýnd kl. 4. Ísl. tal.
ÁLFABAKKI
ÁLFABAKKI / KRINGLAN
Sýnd kl. 4 ísl. tal. / Sýnd kl. 4 ísl.tal
Þetta var hinn fullkomni glæpur
þar til hún neitaði að vera
hið fullkomna fórnarlamb.
KEVIN BACON
CHARLISE THERON
ÁLFABAKKI



1/2 H.L. Mbl.



H.K. DV


Radíó X



1/2 Kvikmyndir.com



Kvikmyndir.is
Sýnd kl. 5.50, 8 og 10.10. B. i. 14.

Kvikmyndir.com
Kvikmyndir.is

Kvikmyndir.is

Kvikmyndir.is
The Babes in the Wood, skáldsaga eftir
bresku skáldkonuna Ruth Rendell.
Hutchinson gefur út 2002. 323 síðna
kilja í stóru broti. Kostar 2.395 í Penn-
anum-Eymundsson.
RUTH Rendell hefur skrifað um
ríflega sextíu bækur og þar af átján
um breska lög-
regluforingjann
Reginald Wex-
ford. Með tíman-
um hefur Wex-
ford elst lítillega
í meðförum
Rendells en þó
jafnan verið mið-
aldra, giftur
maður með uppkomnar dætur sem
hefur dálæti á að lesa. Hann býr í
Kingsmarkham í Sussex á Englandi,
er þar hátt settur innan lögreglunn-
ar og laginn við að leysa flókin morð-
mál með aðstoðarmanni sínum
Michael Burden.
Wexford lögregluforingi er við-
kunnanleg persóna sem er löngu
orðinn eins og gamall vinur fyrir
þeim fjölmörgu sem lesa bækur
Ruth Rendell. Ekki þarf að hvetja
þá til að kaupa nýjustu Wexford-
bókina, þeir eru vísast löngu búnir
að því, enda eru þær bækur jafnan
með því besta sem gerist í slíkum
glæpasögum. Í The Babes in the
Wood er Wexford að fást við sér-
kennilegt mál, því unglingar hafa
horfið með barnfóstrunni sem leit
eftir þeim á meðan foreldrarnir voru
staddir erlendis. Móðir þeirra óttast
að börnin hafi drukknað með fóstr-
unni, enda mikið um flóð í Sussex og
víðar á Englandi þegar atburðirnir
eiga sér stað, en Wexford er á öðru
máli. Rannsóknin er þó lengi að
komast í gang, meðal annars vegna
afskipta yfirmanns Wexfords, sem
vill láta froskmenn leita að líkunum í
flóðinu, en þegar hún svo fer af stað
reynist hún snúin fyrir margra hluta
sakir og lausnin býsna óvænt.
Ruth Rendell er sérstaklega lagin
við að draga upp mynd af persónum
sínum á þann hátt að manni sé ekki
sama um þær og sérstaklega hefur
henni tekist að gæða Wexford lífi.
Fjölmargar aukapersónur koma
jafnan við sögu og allskyns hliðar-
sögur sem gera bókina meira en
bara frásögn af morðmáli og lausn
þess. Þannig koma fyrir í þessari
bók nýríkur uppskafningur sem er í
vonlausu hjónabandi, sérlundaður
ljósmyndari, furðulegur sértrúar-
söfnuður, fjölskylduofbeldi og svo
má telja. Kveikjan að glæpnum er
líka óvenjuleg en mjög í anda
Rendell, en af tillitssemi við vænt-
anlega lesendur verður ekki greint
frekar frá því hér.
Árni Matthíasson
Forvitnilegar bækur
Hvar eru
börnin?
ÍSLENSKA tölvuteiknimyndin
Litla lirfan ljóta hefur verið til-
nefnd til verðlauna í flokki barna-
mynda á norsku kvikmyndahátíð-
inni Fredrikstad Animation
Festival, sem fram fer 6.–11. maí
næstkomandi. Vinningsmyndin frá
Frederikstad verður sjálfkrafa til-
nefnd í keppnina um Cartoon
D’Or, sem er að sögn best metna
hreyfimyndaverðlaunahátíð í Evr-
ópu, að því er fram kemur í frétta-
bréfi CAOZ, sem framleiðir Litlu
ljótu lirfuna. Hátíðin í Fredrikstad
er sögð ein af átta hátíðum í
Evrópu sem tilnefna myndir til
Cartoon D’Or.
„Hátíðin í Fredrikstad hefur í
gegnum árin sýnt það besta í nor-
rænni og baltneskri hreyfimynda-
gerð. Auk keppninnar sjálfrar eru
á hátíðinni alla jafnan sýndar
bestu hreyfimyndir í heiminum,
m.a. allar hreyfimyndirnar sem til-
nefndar eru til Óskarsverð-
launanna,“ segir í rafrænu frétta-
bréfi CAOZ.
Litla lirfan
tilnefnd í
Noregi
YFIRMENN Óskarsverðlaunahá-
tíðarinnar hafa meinað stjörnunum
að tjá sig nokkuð um hugsanlegt
stríð gegn Írak í þakkarræðum.
Skipuleggjendur hátíðarinnar, sem
fram fer í Los Angeles 23. þessa
mánaðar, eru svo hræddir um að
vinningshafarnir muni stela sen-
unni á hátíðinni með ummælum
gegn stríði að þeir hafa fyrirskipað
hljómsveitinni að drekkja hverjum
slíkum ummælum er kunni að
verða látin falla.
Leikstjóri kvikmyndarinnar The
Hours, Stephen Daldry, sem til-
nefndur er sem besti leikstjórinn,
lét nýverið í það skína að hann
kynni að viðra þá skoðun sína að
stríð sé ekki réttlætanlegt, færi svo
að hann hlyti verðlaunin.
Líklegt þykir að einhverjir hinna
tilnefndu listamanna bregðist
ókvæða við þessum fyrirmælum og
gæti vel farið svo að einhverjir
kysu að sniðganga athöfnina alfar-
ið í mótmælaskyni við þau.
Yfirmenn Óskarsins leggja línurnar
Bannað að
tjá sig um
stríð
Hvernig ætli Steve Martin fari að
því að vera kynnir án þess að minn-
ast einu orði á mál málanna?
Reuters
ÍSLENSKIR hönnuðir tóku þátt í sölusýningu í
tengslum við tískuviku í París í fjórða sinn í síð-
ustu viku. Sýningunni lauk á sunnudag en þar
mátti líta hönnun frá Aftur, Scandinavian Tour-
ist, Aurum, Ástu Guðmundsdóttur, Björgu Pjet-
ursdóttur, Sigrúnu Úlfarsdóttur, Ingibjörgu
Hönnu Pétursdóttir og Má Mí Mó.
Sýningin er eingöngu ætluð væntanlegum
kaupendum og er utanför íslensku hönnuðanna í
samvinnu við Útflutningsráð Íslands. Sýndu flest-
ir hönnuðirnir í Showroom Hortensia de Hutten,
sem er stærri sölusýning, en þeir voru á síðast.
Fleiri íslenskir hönnuðir voru í borginni auk
þessa hóps. Elm hélt sýningu á öðrum stað og
Steinunn Sigurðardóttir einnig. Að sögn Sól-
veigar Guðmundsdóttur, fulltrúa Útflutningsráðs
Íslands í París, var salan góð hjá hópnum þrátt
fyrir að minna hafi verið af kaupendum heldur en
síðast. Hún segir að Japanir og Bandaríkjamenn
hafi verið færri en venjulega af ótta við stríð í
Írak. „Þetta var þó alls ekki jafnslæmt og eftir 11.
september,“ bætir hún við.
Sólveig segir að allir hönnuðirnir hafi selt eitt-
hvað þrátt fyrir erfiðar utanaðkomandi aðstæður.
„Þetta er komið vel af stað hjá öllum. Viðtökurnar
við íslenskri vöru voru góðar og þá sérstaklega
við íslensku ullinni. Ullin tók kipp núna. Annað
var eins og það hefur verið en ullin og peysurnar
seldust betur en þær hafa gert hingað til.“
Styrkur í fjöldanum
Sólveig segir að það sé styrkur í fjöldanum.
„Það er tekið eftir okkur því við erum hópur.
Hver hefur sinn stíl en þetta kemur vel út. Það er
sterkara að koma inn á markaðinn margir saman
því samkeppnin er svo gífurleg. Í svona efnahags-
aðstæðum er samkeppnin enn harðari.“
Sólveig segir að enn sé mikið uppbygging-
arstarf fyrir höndum. Hún segir að stærstu kaup-
endurnir vilji sjá hönnuði, sem komnir eru til að
vera. Hún bendir á að það taki að minnsta kosti
tvö ár að sanna sig.
Hún segir að mest sé af alþjóðlegum kaup-
endum í París og það sé ein ástæða þess að gott sé
að vera í borginni. „Þetta gengur vel og það á að
vera hægt að láta þetta fara lengra. Það á að geta
komið útúr þessu enn meiri sala, sem kemur síðan
til að hafa áhrif heim. Aukin sala þýðir náttúrlega
aukin framleiðsla,“ segir Sólveig og er bjartsýn á
framtíð íslenskrar fatahönnunar.
Íslenskir hönnuðir á sölusýningu í tengslum við tískuviku í París
Góð sala og
ullin tók kipp
Þetta var í fjórða sinn sem íslensku hönnuðirnir
héldu á tískuviku í París.
Björg Pjetursdóttir er ein þeirra sem tóku þátt í
sýningunni.
Það voru ekki bara föt á sýningunni heldur líka
fylgihlutir eins og þessir frá Má Mí Mó.
Salan var góð hjá hópnum þrátt fyrir að minna
hafi verið af kaupendum en síðast.
Skartgripir frá Aurum voru á meðal þess sem
kaupendur gátu skoðað á sölusýningunni.