Morgunblaðið - 14.04.2003, Page 2

FRÉTTIR
2 MÁNUDAGUR 14. APRÍL 2003 MORGUNBLAÐIÐ
SKATTAR RÁÐA MESTU
Nærri sex af hverjum tíu kjós-
endum telja að skatta- og velferð-
armál ráði mestu um hvaða flokk
þeir kjósa í komandi þingkosn-
ingum, samkvæmt skoðanakönnun
Félagsvísindastofnunar Háskóla Ís-
lands sem gerð var fyrir Morgun-
blaðið dagana 6. til 11. apríl síðastlið-
inn. Rúm 30% svarenda í könnuninni
nefndu skattamál og tæp 28%
nefndu félagslega velferð, þ.e. hús-
næðismál, menntamál, heilbrigð-
ismál, velferðarkerfið og málefni
aldraðra, öryrkja og ungs fólks.
Sýrlendingar fá orð í eyra
Bandaríkjastjórn veittist í gær
harkalega að Sýrlendingum, sakaði
þá um að ráða yfir efnavopnum og
varaði þá við því að hleypa hátt-
settum, íröskum ráðamönnum á
flótta inn í landið, en í gær héldu
bandarískar hersveitir inn í Tikrit,
heimaborg Saddams Husseins, fyrr-
verandi Íraksforseta.
Þriggja flokka stjórn
Davíð Oddsson, forsætisráðherra,
sagði í Kastljósinu í Sjónvarpinu í
gærkvöldi að yrði fylgi stjórn-
málaflokkanna í alþingiskosning-
unum hið sama og í Gallup-könnun
sem birt var í gær, væri raunhæf
niðurstaða að mynduð yrði þriggja
flokka stjórn Samfylkingarinnar,
Vinstri grænna og Frjálslynda
flokksins.
Skyndilega án ríkisfangs
Lára Diego Martin sem búsett er
á Írlandi en hefur fram að þessu haft
íslenskt vegabréf fær það ekki end-
urnýjað þar sem faðir hennar, sem
er bandarískur ríkisborgari, og móð-
ir, sem er íslensk, voru gift þegar
hún fæddist. Samkvæmt lögum sem
í gildi voru þá tilheyrir hún rík-
isfangi föður en hefðu þau ekki verið
gift væri hún íslenskur ríkisborgari.
Öflugur banki
Valgerður Sverrisdóttir, við-
skiptaráðherra, fagnar sameiningu
Búnaðarbanka Íslands og Kaup-
þings og telur að til verði öflugt fyr-
irtæki sem muni starfa á al-
þjóðamarkaði.
Ráðgjafi handtekinn
Bandaríkjamenn handsömuðu
hálfbróður Saddams Husseins,
Watban Ibrahim al-Tikriti, í norður-
hluta Íraks í gær, nærri landamær-
unum að Sýrlandi. Al-Tikriti er
sagður hafa verið ráðgjafi Saddams
og gegndi hann m.a. á sínum tíma
embætti innanríkisráðherra í stjórn
Saddams.
Y f i r l i t
Í dag
Sigmund 8 Kirkjustarf 24
Viðskipti 10/11 Bréf 26/27
Erlent 12/13 Dagbók 28/29
Listir 14/16 Leikhús 30
Umræðan 17 Fólk 30/33
Forystugrein 18 Bíó 30/33
Minningar 20/23 Ljósvakar 34
Þjónusta 25 Veður 35
* * *
ÖKUMAÐUR slasaðist og var
fluttur í sjúkrabíl til Reykjavíkur
eftir bílveltu á Suðurlandsvegi við
Álftaver í gær.
Maðurinn sat fastur í bílnum og
þurfti að fá tækjabíl slökkviliðsins
til að klippa þakið af til að hægt
væri að ná honum út. Lögreglan í
Vík í Mýrdal segir að maðurinn
hafi verið á austurleið og misst
stjórn á bílnum með þeim afleið-
ingum að hann valt í vegkantinum.
Maðurinn var ekki talinn alvarlega
slasaður.
Missti stjórn á bílnum
VERÐI fylgi stjórnmálaflokkanna í alþingis-
kosningunum hið sama og í Gallup-könnun sem
birt var í gær, telur Davíð Oddsson forsætisráð-
herra það raunhæfa niðurstöðu að mynduð verði
þriggja flokka stjórn Samfylkingarinnar, Vinstri
grænna og Frjálslynda flokksins. „Það yrði að
vísu mjög veik stjórn og sundurlaus og það
þyrfti ekki að hafa áhyggjur af því sem hag-
fræðingarnir hafa, að skattar yrðu lækkaðir,“
sagði Davíð í Kastljósinu í Ríkissjónvarpinu í
gær. Davíð sagðist ekki vilja að Sjálfstæðis-
flokkurinn tæki þátt í þriggja flokka stjórn en
útilokaði ekki stjórnarsamstarf með Samfylk-
ingunni.
Steingrími J. Sigfússyni, formanni VG, leist
prýðilega á þriggja flokka stjórnarmynstrið sem
Davíð nefndi. „Það hlýtur að vera markmið
stjórnarandstöðu á hverjum tíma að fella sitj-
andi ríkisstjórn og taka við,“ sagði hann. Ingi-
björg Sólrún Gísladóttir, frambjóðandi Samfylk-
ingarinnar, sagði það dálítið merkilegt að hlusta
á formann Sjálfstæðisflokksins taka sér það fyr-
ir hendur að mynda ríkisstjórn fyrir hönd ann-
arra fyrir kosningar og vildi bíða eftir úrslitum
kosninganna. Það skipti ekki meginmáli hverjir
sætu með flokknum í ríkisstjórn heldur að þeir
væru tilbúnir að vinna með Samfylkingunni að
stefnumálum hennar. Halldór Ásgrímsson sagð-
ist ekki hafa trú á því að Framsóknarflokkurinn
kæmi eins veikur út úr kosningunum og könn-
unin gæfi til kynna. „Þetta er mjög merkilegt
hér í kvöld, ef þetta yrði niðurstaða kosning-
anna, þá hefur það verið sagt hér að það sé lík-
legt að það yrði mynduð þriggja flokka stjórn
Samfylkingarinnar, Vinstri grænna og Frjáls-
lyndra. Það finnst mér vera mjög mikil tíðindi.“
Aðspurður af Ingibjörgu Sólrúnu hvort Fram-
sókn ætlaði að „spila sig alveg út úr þessu“
sagði Halldór ljóst að ef Framsóknarflokkurinn
færi úr rúmlega 18% niður í 12% þá hefði hann
engan styrk til að vera í ríkisstjórn. Slík niður-
staða væri vantraust á flokkinn.
Davíð Oddsson um Gallup-könnun á fylgi stjórnmálaflokka
Stjórnarandstaðan
tæki að óbreyttu við
MIKLAR drunur ómuðu um Norð-
urárdal í Borgarfirði er starfs-
menn verktakafyrirtækisins Arn-
arfells notuðu blíðviðrið til að
sprengja upp klöpp á móts við
bæinn Dalsmynni, skammt frá
þjóðveginum þaðan sem nýr Dala-
fjallsvegur um Bröttubrekku á að
liggja.
Þór Konráðsson, verkstjóri hjá
Arnarfelli, sagði við Morgun-
blaðið að sprengingin hefði
heppnast nákvæmlega eins og til
var ætlast. Það tók Þór og hans
menn þrjá daga að undirbúa
verkið en sprengiefni var komið
fyrir í rörum og þeim troðið ofan
í átta metra djúpar holur sem
boraðar höfðu verið í bergið með
70 sentímetra millibili, alls 195
holur. Þór sagði þetta hafa verið
gert til að „klippa“ bergvegginn
beinan. Þá var dínamíti troðið of-
an í 50 aðrar holur skammt frá.
Alls fóru tvö tonn af dínamíti of-
an í þessar nærri 250 holur en
þetta var síðasta sprengingin af
þessari stærðargráðu við gerð
nýja vegarins. Við þetta losnuðu
um tvö þúsund rúmmetrar af efni
sem fara í klæðningu vegarins.
Arnarfellsmenn búast við því
að ljúka framkvæmdum vel fyrir
áætluð verklok í september. Um
er að ræða 11,3 km nýjan veg
með bundnu slitlagi frá þjóðveg-
inum að Brúnkollugili í Dalasýslu.
Tvö tonn
af dína-
míti ofan í
250 holur
Morgunblaðið/RAX
Sprengikrafturinn var gríðarlegur eins og sjá má og spýttist grjótið í allar áttir, þó ekki yfir ljósmyndarann sem
aðeins var í 300 metra fjarlægð. Sá er ýtti á takkann var einungis 150 metra í burtu en í skjóli inni í hjólaskóflu.
Þór Konráðsson, verkstjóri hjá Arnarfelli, kemur dínamítinu fyrir í hleðsl-
unum sem fóru ofan í 250 holur sem boraðar höfðu verið dagana á undan.
BÍLVELTA varð á Sandgerð-
isvegi í gærkvöldi og voru fjórir
útlendingar fluttir með sjúkra-
bifreið á sjúkrahús í Keflavík
með minniháttar áverka. Bíll-
inn er handónýtur, að sögn lög-
reglunnar í Keflavík. Þá var
ung stúllka flutt til Reykjavík-
ur með meiðsli á höfði eftir að
bíll hennar lenti ofan í skurði
við Bakkaflugvallarveg í gær.
Bílvelta
á Sand-
gerðisvegi
2003
MÁNUDAGUR 14. APRÍL BLAÐ B
B L A Ð A L L R A L A N D S M A N N A
VIÐTAL VIÐ SIGURÐ INGIMUNDARSON /B2,B3
Morgunblaðið/Kristján
Björgvin Björgvinsson frá Dalvík hafði ástæðu til að fagna árangri sínum á Skíðamóti Íslands.
Hann var sigurvegari í svigi, stórsvigi og alpatvíkeppninni. Sjá umsögn um mótið á B6, B7.
Fyrir leikinn var búist við knatt-spyrnuveislu af hálfu Lokeren
þar sem lið Lommel er gjaldþrota og
aðeins tveir atvinnu-
menn eru eftir í röð-
um félagsins. Leik-
urinn líktist því
meira æfingaleik en
deildaleik.
Rúnar skoraði strax á 3. mínútu og
rétt á eftir var Marel felldur og
dæmd vítaspyrna en Davidts mark-
vörður varði frá Arnari Grétarssyni.
Marel var aftur á ferðinni þegar hann
lagði upp annað mark Lokeren fyrir
Rúnar, 2:0. Rétt fyrir leikhlé skoraði
Marel þriðja markið með fallegum
skalla.
Arnar Þór Viðarsson fékk fyrsta
færi síðari hálfleiks þegar hann átti
hörkuskalla í þverslá. Rúnar innsigl-
aði þrennuna þegar hann var felldur
utan vítateigs, tók aukaspyrnuna
sjálfur og skaut yfir varnarvegginn
og í bláhornið, 4:0. Tólfta mark Rún-
ars í deildinni í vetur. Það var síðan
Arnar Grétarsson sem átti lokaorðið,
gerði fimmta markið eftir skemmti-
legan samleik við Rúnar, og það var
jafnframt 16. mark Arnars í deildinni.
„Íslendingarnir fjórir voru lang-
bestir í þessum leik,“ sagði Paul Put,
þjálfari Lokeren, á blaðamannafundi
eftir leikinn en hann var ekki ánægð-
ur með aðra leikmenn liðsins og taldi
að þeir hefðu ekkert viljað beita sér í
leiknum.
Það hefur aðeins einu sinni áður
gerst að öll fimm mörk erlends at-
vinnuliðs hafi verið íslensk. Þá var
það reyndar einn og sami maðurinn
sem gerði þau öll; Atli Eðvaldsson,
núverandi landsliðsþjálfari, sem
skoraði 5 mörk þegar Düsseldorf
vann Frankfurt, 5:0, í þýsku 1. deild-
inni fyrir 20 árum.
Rúnar með þrennu
fyrir Lokeren
RÚNAR Kristinsson skoraði sína fyrstu þrennu sem atvinnumaður
þegar Lokeren vann stórsigur á Lommel, 5:0, í belgísku 1. deildinni
í knattspyrnu á laugardagskvöldið. Íslendingar skoruðu öll mörkin í
leiknum því Arnar Grétarsson og Marel Baldvinsson sáu um hin tvö.
Þau hefðu getað orðið fleiri því Arnar Grétarsson nýtti ekki víta-
spyrnu snemma leiks – markvörður Lommel varði frá honum.
Kristján
Bernburg
skrifar frá
Belgíu
Gísli til
liðs við
Gróttu/KR
GÍSLI Guðmundsson, hand-
knattleiksmarkvörður sem
lék með Selfossi í vetur og
var jafnframt þjálfari liðs-
ins, hefur ákveðið að ganga
til liðs við Gróttu/KR á
næstu leiktíð en hann tók
ákvörðun um það fyrir
nokkru að flytja á höf-
uðborgarsvæðið frá Sel-
fossi. Ágúst Jóhannsson,
þjálfari Gróttu/KR staðfesti
þetta í samtali við Morg-
unblaðið í gær. „Gísli er
góður markvörður með
mikinn metnað auk þess að
vera heilsteyptur persónu-
leiki. Hann fellur því vel inn
í okkar leikmannahóp,“
sagði Ágúst. Hlynur Mort-
hens hefur varið mark
Gróttu/KR undanfarin ár
og heldur því áfram á
næstu leiktíð að sögn
Ágústs. „Koma Gísla verður
bara til að auka breiddina í
okkar leikmannahóp,“ sagði
Ágúst og bætti því við að
vel kæmi til greina að fá að
minnsta kosti einn leikmann
til viðbótar fyrir næstu leik-
tíð. „Við erum að skoða
okkar mál í rólegheitum, en
það gæti alveg eins verið að
fleiri handknattleiksmenn
bætist í okkar hóp.“
Auk þess að leika með
Selfossi var Gísli um nokk-
urt skeið á milli stanganna í
marki ÍBV.
BÍLDSHÖFÐI 510 8020
SMÁRALIND 510 8030
SELFOSS 480 7000
WWW.INTERSPORT.IS