Morgunblaðið - 16.04.2003, Blaðsíða 10

FRÉTTIR
10 MIÐVIKUDAGUR 16. APRÍL 2003 MORGUNBLAÐIÐ
SAMANBURÐUR á 4% lækkun
skatthlutfalls og hækkun skattleys-
ismarkanna um tíu þúsund á mánuði
er villandi þar sem heildarupphæð
sem varið væri til þeirra aðgerða er
alls ekki hin sama. Lækkun skatt-
hlutfalls um 4% að óbreyttum per-
sónuafslætti kostar nær 17 milljarða
en hækkun skattleysismarkanna um
tíu þúsund kostar ekki nema um níu
milljarða króna.
Þetta segir Ingibjörg Sólrún
Gísladóttir, talsmaður Samfylking-
arinnar, vegna fréttar um skattamál
í Morgunblaðinu í gær. Hún segir að
útreikningur ríkisskattstjóra sýni að
kostnaður vegna tíu þúsund króna
hækkunar skattleysismarkanna
kosti tæpa níu milljarða. „Þarna er
verið að bera saman ósambærilega
kosti vegna þess að í fréttinni kemur
hvergi fram heildarkostnaður vegna
hvorrar aðgerðar fyrir sig,“ segir
Ingibjörg. „Það segir sig auðvitað
sjálft að ef tekjuskatturinn lækkar
um tæpa sautján milljarða leiðir það
almennt til meiri skattalækkunar en
ef tekjuskattur yrði lækkaður um
níu milljarða. Það þarf ekki miklar
reiknikúnstir eða heilabrot til þess
að sjá það. Ef menn vilja skoða af
hlutlægni hvernig mismunandi leiðir
til lækkunar skatta koma út fyrir
einstaka tekjuhópa verður stærðar-
gráðan í breytingunum að vera sam-
bærileg.“
Ingibjörg bendir á að væru menn
hins vegar tilbúnir að verja sautján
milljörðum til þess að hækka skatt-
leysismörkin mætti hækka þau um
a.m.k. tuttugu þúsund á mánuði. „Sú
aðferð hefði þýtt að 55% allra hjóna
hefðu lækkað meira í sköttum en í
tillögum Sjálfstæðisflokksins og 80%
einhleypra, en allir aðrir hefðu auk
þess fengið skattalækkun þótt hún
væri minni en gert er ráð fyrir í til-
lögum sjálfstæðismanna.“
Ingibjörg segir Samfylkinguna
telja hækkun skattleysismarkanna
sanngjarnari en lækkun skatthlut-
fallsins þar sem sú hækkun skili
sömu krónutölu til allra en lækkun
skatthlutfallsins skili aftur á móti
flestum krónum til þeirra sem mest-
ar hafa tekjurnar.
Lækkun skatthlutfalls um 4% eða hækkun skattleysismarka um 10 þúsund
Ekki sambærilegir kostir
„ÞAÐ er alltaf brakandi þurrkur
þegar ég kem hingað,“ sagði Guðni
Ágústsson landbúnaðarráðherra
þegar hann kom til fundar í Hofgarði
í Öræfum í gær. Guðni tafðist á leið-
inni og kom eilítið of seint og Öræf-
ingar stóðu fyrir utan í blíðunni og
biðu eftir ráðherranum. Með í för
voru Margrét Hauksdóttir, eigin-
kona Guðna, og Birgir Þórarinsson,
sem skipar ellefta sæti á lista fram-
sóknarmanna í Suðurkjördæmi.
Heimamaðurinn Ólafur Sigurðs-
son í sjöunda sæti listans stýrði fund-
inum. Það var greinilegt að þjóð-
lendumálið brennur á Öræfingum
því fátt annað komst að á fundinum.
„Mig tekur sárt að vera markaður
sem óvinur ykkar í þjóðlendumál-
inu,“ sagði Guðni. Hann sagði að
fyrst hefðu framsóknarmenn verið
sakaðir um að gefa bændunum þjóð-
lendurnar og síðan skammaðir fyrir
að ríkið ætli að hirða land af bænd-
um. „Hér stendur sá maður sem
sagði opinberlega að ef að það er svo
að ríkið sé að hirða þinglýstar eignir
af mönnum þá er það mannréttinda-
brot.“ Guðni sagði að þinglýstar
eignir manna ættu að standa fyrir
dómstólum og Framsóknarflokkur-
inn væri samstiga í þessari skoðun.
Fyrstur með fyrirspurn úr sal var
Sigurður Bjarnason í Hofsnesi.
Hann kvartaði undan því að Guðni
eða aðrir framsóknarmenn hefðu
ekki mætt á fund um þjóðlendumálið
sem haldinn var í Mánagarði í vetur.
„Ef Guðni hefði komið þá og flutt
þessa ræðu sem hann flutti núna
væri staðan öðruvísi,“ sagði Sigurð-
ur og afhenti ráðherranum umslag
með útdrætti af fundinum.
Segja ríkið vaða yfir jarðir
„Þegar þjóðlendulögin frá 1998
voru lögð fyrir búnaðarþing voru þau
samþykkt. Þá kom fram að lögin
næðu ekki til þinglýstra jarða. Nú er
vaðið yfir jarðir manna og allt að 80%
hirt. Enginn þingmaður hefur snúist
til varnar af neinu viti,“ sagði Örn
Bergsson á Hofi. „Það er ekkert gert
í að stöðva ríkið í þessari ásælni og
það heldur áfram að vaða yfir jarðir
hringinn í kringum landið,“ sagði
Örn.
Guðni svaraði og sagði: „Ef eitt-
hvað fer aflaga í þjóðfélaginu flaðra
menn upp um íhaldið og kyssa, en
skella skuldinni á Framsóknarflokk-
inn.“ Hann sagði framsóknarmenn
ekki fara með málið, það væri í hönd-
um fjármálaráðherra.
Guðni sagðist álíta það hlutverk
sitt að rétta hlut bænda og að hann
vildi njóta sannmælis í þessu máli.
„Og Sigurður, ég veit ekki hvað þú
ættir að kjósa annað því þar sem þrír
Öræfingar koma saman, þar eru alla-
vega þrír framsóknarmenn.“ Áfram
var rætt um þjóðlendumálið og
hvernig því myndi lykta fyrir dóm-
stólum.
Hann stappaði stálinu í bændur og
sagði að síðustu mánuði hefði verið
16% söluaukning á lambakjöti og
neyslan aukist um 5 kg á mann síð-
ustu tvö árin.
„Lambakjötið er gott og þið eigið
að vera bjartsýnir og borða mikið af
því. Nú eru menn farnir að fara í
megrunarkúra á lambakjöti.“ Guðni
sagði frá megrunaraðferð Ásmundar
Stefánssonar. Hann hefði farið að
éta það sem honum fannst best;
lambakjöt og rjóma, og hefði lést um
fjörutíu kíló.
Í máli sínu á fundinum sagði Guðni
að fyrirrennarar sínir hefðu átt erf-
iða daga í stól landbúnaðarráðherra.
„Ég er sveitadrengur og hef reynt
að snúa þessu við. Sagt þjóðinni frá
því hvað hlutverk bóndans er mik-
ilvægt, afurðirnar góðar og fólkið í
sveitunum sé að vinna mikilvæg störf
fyrir þjóðina. Í fjögur ár hef ég verið
landbúnaðarráðherra og ég hef ekki
verið ofsóttur.“ Hann sagðist vera sá
maður á Alþingi sem stæði bændum
næst. „Matthías Bjarnason sagði
einu sinni við mig að ég væri besti
vinur sauðkindarinnar. Ég held að
þeim hafi fjölgað,“ sagði Guðni
Ágústsson landbúnaðarráðherra á
fundi í Öræfasveit í gær.
Guðni Ágústsson á fundi í Hofgarði í Öræfum
„Lambakjötið er gott“
Höfn. Morgunblaðið.
Morgunblaðið/Sigurður Mar Halldórsson
Þjóðlendumálefni voru meðal þess sem mikið var rætt um á fundi Guðna
Ágústssonar landbúnaðarráðherra í Öræfasveitinni í gær.
JAFNRÉTTISMÁL, réttindi sam-
kynhneigðra og skattamál voru á
meðal þess sem bar á góma á
fundi sem Hitt húsið og JC á Ís-
landi stóðu fyrir með ungu fólki
og frambjóðendum stjórn-
málaflokkanna í gærkvöldi.
Frambjóðendur frá flokkunum
fluttu framsögur um hugðarefni
sín, m.a. menntamál, dómskerfið
og refsingar, jafnréttismál og
kvótamál. Þá voru einng umræður
þar sem frambjóðendur svöruðu
spurningum fundargesta úr sal en
einnig fyrirspurnum sem borist
höfðu frá ungu fólki í tölvupósti. Morgunblaðið/Golli
Frambjóð-
endur á
fundi með
ungu fólki
ÞÆR Kolbrún Halldórsdóttir og
Álfheiður Ingadóttir frambjóðendur
Vinstrihreyfingarinnar – græns
framboðs í Reykjavíkurkjördæmum
ræða hér við nokkra starfsmenn fyr-
irtækisins Eddu-útgáfu í gær.
Flokkurinn hefur staðið fyrir vinnu-
staðaheimsóknum í ýmis fyrirtæki á
höfuðborgarsvæðinu á síðustu vikum
þar sem helstu stefnumál fyrir kom-
andi kosningar í maí hafa verið
kynnt.
Morgunblaðið/Jim Smart
Fulltrúar frá VG
heimsóttu Eddu-útgáfu
DAVÍÐ Oddsson, forsætisráðherra
og formaður Sjálfstæðisflokksins,
og Geir H. Haarde, fjármálaráð-
herra og varaformaður flokksins,
eru nú á fundaferð um landið en
auk funda heimsækja þeir vinnu-
staði og stofnanir. Í gær var Davíð
á Húsavík þar sem hann hélt fund í
gærkvöldi en heimsótti áður meðal
annars GPG fiskverkun, þar sem
Gunnlaugur Karl Hreinsson, fram-
kvæmdastjóri GPG, tók á móti hon-
um og Illuga Gunnarssyni, aðstoð-
armanni forsætisráðherra.
Morgunblaðið/Hafþór Hreiðarsson
Davíð Oddsson á Húsavík
SAMKVÆMT skoðanakönnun sem
IBM gerði fyrir Stöð 2 dagana 12.
til 14. apríl nýtur Sjálfstæðisflokk-
urinn mests fylgis kjósenda.
Um 4 af hverjum 10 sögðust
óákveðnir þegar þeir voru spurðir
hvaða flokk þeir ætluðu að kjósa en
þegar óákveðnir voru spurðir hvaða
flokk væri líklegast að þeir myndu
kjósa fækkaði þeim um helming.
Niðurstaðan varð þá sú að Sjálf-
stæðisflokkurinn fengi 36,8% en
Samfylkingin 33,9%. Munurinn á
flokkunum er því innan skekkju-
marka. Framsóknarflokkurinn
fengi 10,8%, Frjálslyndir fengju 7%
en Vinstri grænir 8,6%. Aðrir flokk-
ar fá 3%. Samkvæmt könnuninni er
Sjálfstæðisflokkurinn áfram
stærstur á þingi með 25 menn.
Framsókn fengi 7 menn kjörna og
halda flokkarnir því meirihluta á
þingi. Samfylking fengi 22 þingsæti,
Vinstri grænir 5 og Frjálslyndir 4.
Sjálfstæðis-
flokkurinn
með mest fylgi
Könnun IBM
á fylgi flokkanna
fyrir Stöð 2
SLÖKKVILIÐ höfuðborgarsvæðis-
ins var kallað út í gærkvöldi til að
slökkva í sinu sem kveikt hafði verið
í á Laugarnestanga um níuleytið.
Greiðlega gekk að slökkva eldinn, að
sögn slökkviliðsins, en alltaf er nokk-
uð um að kveikt sé í sinu á þessum
tíma árs.
Kveikt í sinu
í Laugarnesi
♦ ♦ ♦