Morgunblaðið - 16.04.2003, Blaðsíða 12

VIÐSKIPTI/ATHAFNALÍF
12 MIÐVIKUDAGUR 16. APRÍL 2003 MORGUNBLAÐIÐ
GENGIÐ hefur verið frá fjármögn-
un vegna byggingar heilsumiðstöðv-
ar í Laugardal í Reykjavík. Fyrir-
tækið Laugahús undirritaði í gær
samninga við Landsbanka Íslands,
Sparisjóðabanka Íslands og Spari-
sjóð vélstjóra vegna framkvæmd-
anna. Heildarlánsfjárhæð nemur 928
milljónum króna.
Jafnframt var í gær undirritaður
samningur milli Reykjavíkurborgar
og Ístaks um byggingu 50 metra
ólympískrar innisundlaugar á sama
stað.
Heildarkostnaður alls verkefnis-
ins verður um 2,5 milljarðar króna
sem skiptist þannig að kostnaður
vegna heilsumiðstöðvarinnar er um
1,5 milljarðar og kostnaður vegna
sundlaugarinnar um einn milljarður.
Áætlað er að heilsumiðstöðin verði
opnuð 2. janúar 2004 og hin nýja
ólympíska innisundlaug á seinni
hluta þess árs.
Húsnæði heilsumiðstöðvarinnar
er í eigu Laugahúss ehf. sem er til
jafns í eigu Nýsis hf. og Björns
Leifssonar, sem rekur World Class,
en sundmiðstöðin er í eigu Reykja-
víkurborgar.
Bylting í heilsurækt
Björn Leifsson segir að hin nýja
heilsu- og sundmiðstöð verði bylting
á sviði heilsuræktar. Með tilkomu
hennar færist Ísland nær því sem
hafi verið að gerast í þessum efnum í
Evrópu og Bandaríkjunum, en fyr-
irmyndin sé sótt víða að.
Hann segir að stefnt sé að því að
líkamsræktarstöð World Class í
Fellsmúla í Reykjavík verði lögð nið-
ur þegar hin nýja aðstaða fyrirtæk-
isins verður opnuð í Laugardalnum.
Stækkunin hjá fyrirtækinu verði
engu að síður mikil. Markaðurinn
fyrir þessa starfsemi fari stöðugt
vaxandi og hin nýja aðstaða víkki
hann þar að auki töluvert út.
Björn segist sannfærður um að
hin nýja aðstaða muni gera svipað
fyrir Reykjavík og Bláa lónið hefur
gert fyrir Ísland. Ferðamanna-
straumur muni aukast til muna en
markaðssetning í þeim efnum sé
þegar hafin.
Fjölbreyttari þjónusta
en áður hefur þekkst
Hin nýja heilsu- og sundmiðstöð
verður tengd núverandi Laugardals-
laug. Í fréttatilkynningu kemur fram
að hugmyndin sé að skapa samspil
inni- og útisundlaugar og fullkom-
innar heilsumiðstöðvar á þremur
hæðum, með fjölbreyttri aðstöðu til
heilsuræktar, heilsutengdri þjón-
ustu, veitingum og bjóða áhugaverð-
ar nýjungar.
Fram kemur í tilkynningunni að
með tilkomu heilsu- og sundmið-
stöðvarinnar Lauga verði á einum
stað aðstaða til alhliða íþróttaiðkun-
ar með fjölbreyttari þjónustu en áð-
ur hefur þekkst hér á landi. Áhersla
verði lögð á tengsl inni- og útisund-
lauga, heilsuræktarstöðvar, bað-
stofu, heilbrigðisþjónustu, veitinga-
staða með heilsufæði auk annarrar
þjónustu sem lýtur að almennri
íþróttaiðkun.
Markmið Reykjavíkurborgar er
að bæta aðstöðu til íþróttaiðkunar og
stuðla þannig að betri heilsu og vel-
líðan almennings.
Síðastliðið haust var skrifað undir
samstarfssamninga milli Laugahúss
og Reykjavíkurborgar um heilsu- og
sundmiðstöðina. Framkvæmdir eru
vel á veg komnar en fyrsta skóflu-
stungan var tekin fyrir tæpu ári.
Gert er ráð fyrir að starfsmenn fyr-
irtækja í hinni nýju heilsu- og sund-
miðstöð verði um hundrað og fimm-
tíu talsins, þ.á m. læknar, sjúkra-
þjálfarar, íþróttakennarar, nuddarar
og annað faglært fólk.
7.000 fermetra húsnæði
Heilsumiðstöðin verður í rúmlega
sjö þúsund fermetra húsnæði á
þremur hæðum. Þar mun World
Class reka heilsuræktarmiðstöð í
rúmlega fimm þúsund fermetra rými
en tæplega tvö þúsund fermetra
rými, sem skiptist á allar hæðirnar,
verður leigt út fyrir aðra heilsu-
tengda starfsemi.
Laugahús mun sjá um rekstur
fasteigna heilsumiðstöðvarinnar,
framkvæmdastjórn, kynningar- og
markaðsstarf sem og að leigja út
rými og annast ýmsa sameiginlega
þjónustu í heilsumiðstöðinni. World
Class mun annast rekstur heilsu-
ræktarinnar og baðstofunnar.
Verktaki er Ístak hf., arkitekt er
Ari Már Lúðvíksson, VST sér um
hönnun burðarþols og lagna, hönnun
loftræstingar er í höndum Almennu
verkfræðistofunnar og Raftækni-
stofan hefur yfirumsjón með hönnun
rafvæðingar/raflagna.
Við undirritun samninganna í gær
opnaði Þórólfur Árnason, borgar-
stjóri, nýtt vefsetur heilsu- og sund-
miðstöðvarinnar Lauga, en það er
www.laugahus.is.
Samið um fjármögnun heilsumiðstöðvar og byggingu sundlaugar í Laugardal
Heildarkostnaður um
tveir og hálfur milljarður
Morgunblaðið/Árni Torfason
Undirritun samninga um fjármögnun vegna byggingar heilsumiðstöðvar-
innar í Laugardal. Fremstir eru Björn Leifsson, framkvæmdastjóri World
Class, og Sigfús Jónsson, framkvæmdastjóri Nýsis hf.
GREININGARDEILD Kaup-
þings telur líklegt, að Íslands-
sími, Grandi og Straumur komi
inn í nýja Úrvalsvísitölu Aðal-
lista Kauphallarinnar, þegar
hún verður birt í byrjun júní.
Í Morgunpunktum Kaup-
þings í gær kemur fram, að Ker
sé nú í úrvalsvísitölunni, en fé-
lagið sé á athugunarlista vegna
yfirtökuskyldu. Til standi að af-
skrá félagið ef yfir 90% hlut-
hafa samþykki yfirtökutilboðið,
sem stendur til 2. maí. Þá segir
að Tryggingamiðstöðin muni
að öllum líkindum einnig detta
út úr Úrvalsvísitölunni, vegna
lítilla viðskipta með bréf félags-
ins. Að auki muni myndast
pláss fyrir þriðja nýja félagið á
Úrvalsvísitölunni, gangi sam-
runi Kaupþings og Búnaðar-
banka eftir.
Samkvæmt athugun Grein-
ingardeildar koma því Íslands-
sími, Grandi og Straumur í stað
þessara þriggja félaga. Miðað
við þær breytingar minnkar
vægi fjármála og trygginga úr
45,6% í 42,4% í Úrvalsvísitöl-
unni. Vægi sjávarútvegs eykst,
úr 8,9% í 11,3%, en þar er gert
ráð fyrir að helmingur af vægi
Eimskips tengist sjávarútvegi,
þar sem um helmingur tekna
félagsins kemur frá Brimi,
sjávarútvegsarmi félagsins.
Vægi upplýsingatækni er nú
ekkert í Úrvalsvísitölunni, en
með tilkomu Íslandssíma yrði
það rúm 2%. Fjárfestingarfé-
lagið Straumur tilheyrir geira
hlutabréfasjóða og fjárfesting-
arfélaga.
Þrjú ný
félög í
Úrvals-
vísitölu?
ÁRVAKUR hf., útgáfufélag Morgun-
blaðsins, skilaði 49,4 milljóna króna
hagnaði á árinu 2002 og batnaði af-
koman verulega frá fyrra ári. Sam-
þykkt var á aðalfundi félagsins fyrir
árið 2002 sem nýlega var haldinn að
greiða hluthöfum 10% arð af nafn-
verði hlutafjár félagsins eins og það
var í árslok 2002, eða rúmlega 60% af
hagnaði ársins.
Í skýrslu stjórnar Árvakurs hf. fyr-
ir árið 2002 segir að þrjú viðfangsefni
hafi borið hæst í starfsemi félagsins á
liðnu ári. Þau voru í fyrsta lagi
ákvörðun um kaup á nýrri prentvél
og byggingu prentsmiðju, í öðru lagi
ákvörðun um mánudagsútgáfu og
loks efnahagssamdráttur og sam-
keppni.
Endurnýjun prentvélar og bygg-
ing prentsmiðju hefur lengi verið í
undirbúningi hjá félaginu og gera
áætlanir ráð fyrir að starfræksla
nýrrar prentsmiðju geti hafist í sept-
ember 2004 á lóð sem borgarráð hef-
ur staðfest úthlutun á í Hádegismó-
um nr. 2 við Rauðatorg. Á stjórnar-
fundi Árvakurs hf. 27. júní 2002 var
ákveðið að hefjast handa um bygg-
ingu prentsmiðju og pappírsgeymslu,
auk kaupa á prentvél og pökkunar-
búnaði, en samið hefur verið við
þýska hönnunarfyrirtækið Eurograf-
ica um fullnaðarhönnun prentsmiðju
og prentvélaframleiðandann KBA.
Ráðgjafarfyrirtækið Ráðgjöf og efna-
hagsspár ehf. annaðist ráðgjöf við
fjármögnun fyrirhugaðra fjárfest-
inga og framkvæmda, en samið var
við Íslandsbanka um fjármögnunina.
Regluleg útgáfa Morgunblaðsins á
mánudögum hófst í fyrsta sinn 6. jan-
úar síðastliðinn í upphafi 90. afmæl-
isárs Árvakurs hf., en í skýrslu
stjórnar félagsins segir að útgáfa
Morgunblaðsins á mánudögum hafi
verið markmið félagsins og eitt helsta
áhugamál stjórnenda og stjórnar-
manna lifandi og liðinna um áratuga-
skeið. Í skýrslu stjórnar félagsins
segir að óhætt sé að segja að mánu-
dagsútgáfan og breytt útlit og efn-
isskipan blaðsins hafi fengið afar góð-
ar viðtökur og náð því markmiði að
styrkja verulega samkeppnisstöðu
blaðsins. Hafi Morgunblaðið með
þessum hætti enn bætt þjónustu sína
við lesendur og auglýsendur og m.a.
eflt þannig tryggð áskrifenda við
blaðið.
Fram kemur í skýrslu stjórnar Ár-
vakurs hf. að á liðnu ári hafi auglýs-
ingar og áskriftartekjur enn dregist
saman annað árið í röð. Mikilvægur
þáttur í baráttunni við tekjusamdrátt
liðinna tveggja ára hafi í stefnumörk-
un félagsins verið auk kostnaðarað-
halds og hagræðingar að vinna að því
að renna fleiri stoðum undir afkomu-
möguleika Árvakurs hf. Áhersla hafi
þannig verið lögð á markaðsátak
vegna útseldrar prentunar og dreif-
ingar með þeim árangri að tekjur
vegna þessarar starfsemi hafi á liðnu
ári aukist á móti samdrætti áskriftar-
og auglýsingatekna. Þá segir í skýrsl-
unni að strax og auglýsingasamdrátt-
ar hafi farið að gæta í upphafi árs
2001 hafi verið gripið til víðtæks að-
halds og hagræðingaraðgerða á öll-
um sviðum. Lækkun rekstrargjalda
auk nýrra tekna vegna nýrra verk-
efna samanlagt umfram tekjusam-
drátt auglýsinga og áskrifta liðins árs
hafi leitt til hagnaðar ársins um 49,4
milljónir króna á móti tapi ársins á
undan um 56,6 milljónir króna, eða
umskipti um 106 milljónir króna milli
ára.
Í skýrslu stjórnar Árvakurs hf.
segir að engum blöðum sé um það að
fletta að tekjusamdráttur tveggja
undanfarandi ára eigi fyrst og fremst
rætur að rekja til efnahagssamdrátt-
ar. Segja megi að þær aðhalds- og
hagræðingaráætlanir sem gripið var
til í upphafi árs 2001 hafi verið komn-
ar fram að fullu á síðasta ári, þótt
mikilvægt sé að fylgja þeirri aðhalds-
stefnu áfram í rekstri félagsins sem
þá var mörkuð. Ekki sé þó við því að
búast að um frekari fækkun starfs-
fólks verði að ræða og jafnvel fremur
fjölgun þess vegna nýrra verkefna,
prentverks, dreifingar, mánudagsút-
gáfu og annarrar útgáfu, samfara
átaki á nýjum sviðum auglýsinga-
markaðar.
Hagnaður Árvakurs hf.
49,4 milljónir króna

 










    


      
 
 



!
" #
$ 





%


& #   
' #   (

))
* 

)
 





(

)(
)
 
 
 * 
 !"#$ 
 

 HEILDARAFLI íslenskra skipa
var 183.824 tonn í nýliðnum mars-
mánuði og dróst saman um 242 þús-
und tonn frá marsmánuði 2002 en þá
veiddust 426.023 tonn.
Botnfiskafli var 53.954 tonn en
54.893 tonn í marsmánuði 2002 sem
er 939 tonna munur á milli ára.
Þorskafli var 31.256 tonn sem er
aukning um 675 tonn frá fyrra ári.
Einnig var aukning í ufsaafla, 4.138
tonn bárust á land sem er 658 tonn-
um meira en í marsmánuði 2002.
Af flatfiski bárust 3.597 tonn á
land, en í mars 2002 var aflinn 3.162
tonn. Jókst flatfiskaflinn því um 435
tonn á milli ára. Mest var veitt af
grálúðu eða 1.636 tonn, 1.126 tonn
fengust af skrápflúru og 324 tonn af
skarkola.
Af loðnu veiddust 115 þúsund tonn
en loðnuaflinn í marsmánuði 2002
var hins vegar 360 þúsund tonn og er
munurinn 245 þúsund tonn. Kol-
munnaafli var 6.400 tonn sem er 2
þúsund tonnum betri afli en í mars
2002. Síldaraflinn í mars var 1.200
tonn, en engin síld veiddist í fyrra.
Skel- og krabbadýraafli var 3.522
tonn sem er 462 tonnum minni afli en
í mars 2002. Mest veiddist af rækju
eða 2.465 tonn, því næst kom kúfisk-
ur en af honum veiddust 1.038 tonn.
Á fyrsta ársfjórðungi ársins 2003
nemur heildarafli íslenskra skipa
alls 731 þúsundi tonna og er það
rúmlega 319 þúsund tonnum minni
afli en á sama tímabili árið 2002. Af
botnfiski hafa borist 116 þúsund
tonn sem er rúmlega 2 þúsund tonn-
um minna en á árinu 2002. Þá er
loðnuaflinn orðinn 585 þúsund tonn
en það er 316 þúsund tonnum minni
afli en á árinu 2002.
Milli marsmánaða 2002 og 2003
dróst verðmæti fiskaflans saman, á
föstu verði ársins 2001, um 15,0%.
Fyrir tímabilið janúar-mars dróst
það saman um 9,9% miðað við sama
tímabil árið 2002.

        




 

  


   






 

  















  


























 

 
  




 










Minni afli í mars
245.000 tonnum minna af loðnu