Morgunblaðið - 23.04.2003, Blaðsíða 6

FRÉTTIR
6 MIÐVIKUDAGUR 23. APRÍL 2003 MORGUNBLAÐIÐ
HALLDÓR Ásgrímsson, formaður
Framsóknarflokksins og utanríkis-
ráðherra, sagði á opnum stjórn-
málafundi á Hótel KEA á Akureyri
í gærkvöldi að yrðu veiðiheimildir
afskrifaðar um 5% – sem er lægsta
talan sem nefnd hefur verið –
myndi Brim hf., sem er sjávarút-
vegssvið Eimskipafélags Íslands og
á m.a. Útgerðarfélag Akureyringa
og Harald Böðvarsson á Akranesi,
missa veiðar tæplega eins skips á
ári. Fyrirtækið á nú 15 skip. Hall-
dór nefndi að vildi fyrirtækið kaupa
umræddar aflaheimildir á nýjan leik
myndi það kosta um einn og hálfan
milljarð króna, en meðalhagnaður
síðustu tvö ár; bestu ár fyrirtæk-
isins, hefði verið einn milljarður.
Halldór sagði að sér hefði alltaf
verið það ljóst að sjávarútvegsstefn-
an á Íslandi hefði bæði kosti og
galla en gagnrýndi Frjálslynda
flokkinn fyrir að vilja taka upp
sóknarkerfi á ný. „Við vitum alveg
hvað það þýðir; enn meiri sam-
keppni í veiðarnar, miklu verri um-
gengni um auðlindina, það mun
leiða til óstöðugleika í þjóðfélaginu
á nýjan leik vegna þess að sókn-
arkerfi hefur aldrei gengið upp,
hvorki hér né annars staðar. Þess
vegna er aflamarkskerfið nauðsyn-
legt. Það má hins vegar útfæra með
ýmsum hætti og aldrei hef ég haldið
því fram að núverandi
kerfi sé gallalaust. En
ég bið þá stjórnmála-
menn sem koma og
segja: Nú skulum við
afskrifa veiðiheimildir
um 10% á ári eða 5% á
ári, að gera grein fyrir
framhaldinu.“ Halldór
sagðist hafa verið upp-
lýstur um það í gær að
Brim hf. ætti 15 skip
og ef afskrifa ætti
veiðiheimildir fyrirtæk-
isins um 5% „þá myndu
þeir missa tæplega eitt
skip á ári. Ef þeir vildu
kaupa það til baka
mundi það kosta þá
einn til einn og hálfan
milljarð. Meðalhagnaður þessa fyr-
irtækis síðustu tvö árin, sem eru
bestu ár í sögu þess, er rétt um
milljarður.“ Hann spurði hvaða
áhrif þetta myndi hafa á atvinnu-
starfsemi á Akureyri og Akranesi.
„Hefur einhver verið beðinn um að
svara því sem er að halda þessu
fram? Nei, þeir hafa ekki verið
beðnir um það. Halda menn að
þetta hafi engin áhrif á gengi krón-
unnar? Halda menn að þetta hafi
engin áhrif á lánshæfi þessara fyr-
irtækja? Halda menn að þetta hafi
engin áhrif á gengi hlutabréfa þess-
ara fyrirtækja, sem
meðal annars lífeyris-
sjóðir eiga í?“
Halldór sagði að
þeir sem komið hefðu
að stjórn fiskveiða á
undanförnum árum
yrðu að viðurkenna
þátttöku sína. „Það
þýðir ekkert að benda
alltaf á mann eins og
mig þótt ég beri mikla
ábyrgð, þótt ég hafi
farið út úr þessu ráðu-
neyti fyrir tólf árum.“
Hann rifjaði upp að
þegar hann fór úr stóli
sjávarútvegsráðherra
hefði Alþýðuflokkur-
inn, „núverandi Sam-
fylking“ tekið við, stofnað tvíhöfða-
nefndina sem svo var kölluð og
niðurstaða hennar verið nokkrar
breytingar sem væru meginein-
kenni þeirrar stjórnunar sem ætti
sér stað í dag. „En núna tala þeir
eins og þeir hafi aldrei komið ná-
lægt þessu. Aldrei. Er það sannfær-
andi málflutningur? Er það sann-
færandi málflutningur að segjast
vilja taka upp margþrepa skatt-
kerfi, hlaupa síðan frá því og tína
upp ýmislegt úr tillögum annarra til
að koma með eitthvað annað í stað-
inn? Meðal annars ótekjutengdar
barnabætur sem Framsóknarflokk-
urinn hefur barist lengi fyrir. Það
er þessi hentistefna sem ég gagn-
rýni og ég gagnrýni að þeir sem
vilja taka við stjórnartaumunum á
Íslandi skuli ekki geta haldið sig við
málefni. Það er allt í lagi að leggja
áherslu á ákveðnar persónur en það
er ekki nóg. Menn verða að skapa
það traust að menn vilji halda
áfram að byggja upp íslenskt at-
vinnulíf og viðhalda íslenska vel-
ferðarkerfinu.“
Heilsugæslan til sveitarfélaga
Halldór sagðist þeirrar skoðunar
að koma ætti heilsugæslu til sveit-
arfélaga. „Menn vita hvað það hefur
verið mikilvægt að hér hefur þetta
bæjarfélag tekið yfir heilsugæsluna
sem er í raun nærþjónusta þar sem
fer fram ungbarnaeftirlit og þjón-
usta við íbúana og það hefur gefist
vel. Og ég er þeirrar skoðunar að
það sé mjög mikilvægt að koma
þessari þjónustu til sveitarfé-
lagnana í landinu; að sjálfsögðu á
ríkið þá að gefa eftir tekjur á móti
því en ég er alveg viss um að heilsu-
gæslan er dæmi um þjónustu sem
sveitarfélögin eiga að bera miklu
meiri ábyrgð á. Það hefur gefist vel
hér á Akureyri og á Höfn í Horna-
firði en þetta hafa verið tilrauna-
verkefni í þessu skyni.“
Halldór Ásgrímsson utanríkisráðherra um fyrningarleiðina í sjávarútvegi
Brim myndi missa tæplega eitt
skip á ári með 5% fyrningu
Akureyri. Morgunblaðið.
Halldór Ásgrímsson á
fundinum á Akureyri í
gærkvöldi.
FRJÁLSLYNDI flokkurinn
mælist með 12,8% fylgi og er
þriðji stærsti stjórnmálaflokk-
ur landsins samkvæmt skoð-
anakönnun Fréttablaðsins,
sem gerð var síðastliðinn
laugardag og birt í gær.
Samkvæmt upplýsingum
Fréttablaðsins var hringt í
1.200 kjósendur sem skiptast
jafnt á milli kynja og kjör-
dæma eftir fjölda kjósenda.
26,2% sögðust óákveðin eða
svörðuðu ekki. Sjálfstæðis-
flokkurinn mældist með 35,2%
og fengi 23 þingmenn, Sam-
fylkingin með 29,1% og fengi
19 þingmenn, Frjálslyndi
flokkurinn með 12,8% og fengi
átta þingmenn, Framsóknar-
flokkurinn með 11,8% og fengi
sjö þingmenn og Vinstrihreyf-
ingin – grænt framboð með
9,5% og fengi sex þingmenn.
Sjálfstæðisflokkur og Sam-
fylking missa fylgi ef miðað er
við síðustu könnun Frétta-
blaðsins. Framsóknarflokkur-
inn bætti við sig mestu fylgi
frá síðustu könnun blaðsins,
en VG og Frjálslyndi flokk-
urinn bæta einnig við sig
fylgi.
Skoðanakönnun
Fréttablaðsins
Frjálslyndi
flokkurinn
með 12,8%
fylgi
ÖNDVEGISSETUR, sem svo
verður kallað, verður sett á lagg-
irnar fljótlega við Háskólann á Ak-
ureyri en þar
verður unnið
að verkefnum í
líftækni. Þetta
kom fram í
máli Valgerðar
Sverrisdóttur,
iðnaðar- og
viðskiptaráð-
herra, á fund-
inum á Hótel
KEA á Akur-
eyri í gær-
kvöldi.
Ráðherra kvað málið undirbúið
af ráðuneytum hennar tveimur, í
samstarfi við sjávarútvegsráðu-
neyti og landbúnaðarráðuneyti.
„Það var sameinast um að veita
líftækni brautargengi í tengslum
við Háskólann á Akureyri. Mark-
miðið er að skapa grundvöll fyrir
nýsköpun og atvinnuþróun; vinna
verðmæti úr lífríki landsins.“ Hún
sagði að á grundvelli skýrslna, sem
unnar hafa verið fyrir iðnaðar- og
viðskiptaráðuneytið væri lagt til til
að öndvegissetrið starfaði á eft-
irfarandi verksmiðum: lífefnaleit,
nýtingu aukahráefna úr sjávar-
fangi, fiskeldi og fiskisjúkdómum.
„Fyrir liggja drög að samkomulagi
milli iðnaðar- og viðskipta-
ráðuneytis, sjávarútvegsráðuneytis
og landbúnaðarráðuneytis og ég
vonast til þess að mennta-
málaráðuneytið sjái sér einnig
fært að taka þátt í þessu mik-
ilvæga máli því að framtíð líf-
tækninnar býður upp á ótrúleg
tækifæri í nýsköpun og fjölgun
starfa.“
Ráðherra sagði að stefnt væri að
því að leiða mál þetta til lykta al-
veg á næstu dögum.
Háskólinn á Akureyri
Unnið að
líftækni í
Öndvegis-
setri
Valgerður
Sverrisdóttir
Akureyri. Morgunblaðið. DAVÍÐ Oddsson, forsætisráðherra
og formaður Sjálfstæðisflokksins,
sagði á opnum stjórnmálafundi á
Ísafirði í gærkvöld, að hann teldi
að tillaga landsfundar Sjálfstæð-
isflokksins um sérstaka ívilnun
fyrir dagróðrabáta sem róa með
línu ætti að geta komið til fram-
kvæmda með haustinu. Um 180
manns sóttu fundinn í gærkvöld.
Auk Davíðs sátu þar einnig fyrir
svörum Sturla Böðvarsson sam-
gönguráðherra, Einar Oddur
Kristjánsson alþingismaður og
Birna Lárusdóttir bæjarfulltrúi.
Davíð sagði að fyrrgreind tillaga
landsfundar Sjálfstæðisflokksins
hefði verið ákveðin bót á fiskveiði-
stjórnunarkerfinu. ,,Ég tel að
þetta eigi að geta komið til fram-
kvæmda með haustinu; menn eigi
að geta unnið að því, það er óþarfi
að draga það neitt lengur.“ Davíð
bætti því við að það þyrfti þó að
nást sátt og samstaða um þessa
leið. Hann hefði þó ekki heyrt and-
stöðu við henni hjá öðrum flokk-
um.
Ekki heil brú í tillögum
Frjálslynda flokksins
Á fundinum var Davíð m.a.
spurður að því hvort hluti af þeirri
30.000 tonna aukningu á þorskafl-
anum á Íslandsmiðum, sem boð-
aður hefði verið við næstu kvóta-
ákvörðun í sumar, yrði færður til
þeirra svæða í Norðvesturkjör-
dæmi, sem væru ekki með stór-
iðju, þ.e. til hluta af Vesturlandi,
Vestfjarða og Norðurlands vestra
að Skagafirði. ,,Við hljótum að
spyrja að því í kvöld, þegar á að
fara að auka þorskveiðiheimildirn-
ar um 30.000 tonn, hvort eitthvað
verði notað af þessu gulleggi til að
rétta hlut okkar,“ sagði Ágúst
Gíslason. ,,Þetta er auðveldasta
leið sem hægt er að fara í þjóð-
félaginu til að veita krafti í at-
vinnulífið á þessum stöðum, þ.e. að
veita okkur rýmra aðgengi að auð-
lindinni.“
Davíð svaraði því hins vegar til
að þeir, m.a. skipstjórnarmenn,
sem hefðu tekið þátt í því að
skerða aflann, þegar það hefði þótt
nauðsynlegt, ættu að sama skapi
að fá aflann aftur í sömu hlut-
föllum þegar hann yrði aukinn.
,,Ég er þeirrar skoðunar,“ sagði
hann, ,,að þá eigi þeir sem taka
þátt í því að afli sé skertur hjá
þeim, þeir eigi að vita það þegar
aflinn eykst aftur og þá verði hann
aukinn í sömu hlutföllum. Mér
finnst það vera heiðarleg og góð
regla.“
Guðmundur Halldórsson varpaði
því hins vegar fram að byggðirnar
hefðu líka blætt. ,,Er ekki réttlæti
í því að skila byggðunum líka afl-
anum?“ spurði hann.
Davíð sagði að kvótakerfið væri
ekki fullkomið, en hann hefði á
hinn bóginn ekki séð neina koma
fram með gagnlegar hugmyndir að
því hvað ætti að koma í staðinn.
Í lok fundarins beindi Davíð
spjótum sínum að Frjálslynda
flokknum og sagði að Guðjón A.
Kristjánsson, formaður Frjáls-
lynda flokksins, talaði glæfralega í
fiskveiðimálum. ,,Hann fer glæfra-
lega fram með loforð á þessu stigi
kosningabaráttunnar og það er
ekki að mínu mati heil brú í þeim
tillögum sem hann leggur fram.
Ekki heil brú.“
Davíð Oddsson forsætisráðherra á stjórnmálafundi á Ísafirði
Línuívilnun komi til
framkvæmda í haust
Davíð Oddsson heimsótti fyrirtæki á Vestfjörðum í gær. Hann ræddi m.a.
við Guðrúnu Ásgeirsdóttur sem vinnur við beitingu í Bolungarvík.
Morgunblaðið/Halldór Sveinbjörns
ÁKVEÐIÐ var á ríkisstjórnarfundi í
gær að veita menntamálaráðherra
heimild til að ganga til samninga við
Ísafjarðarbæ um þátttöku ríkisins í
endurbyggingu þriggja húsa, gamla
Héraðssjúkrahússins, salar tónlist-
arskólans og Edinborgarhúss, sem
til samans munu mynda nýtt menn-
ingarhús á Ísafirði.
Tómas Ingi Olrich menntamála-
ráðherra segir að þarna sé verið að
koma til móts við hugmyndir heima-
manna um framlag ríkisins til menn-
ingarhúsa á Ísafirði, þ.e. að fara þá
leið að endurbyggja þessi þrjú hús.
„Það er reiknað með að gamla Hér-
aðssjúkrahúsið verði bóka- og lista-
safn en salur tónlistarskólans verði
nýttur til tónleikahalds en Edin-
borgarhúsið er ætlað fyrir sviðslist.
Við höfum fyrir okkar leyti sam-
þykkt þessar hugmyndir og nú hefur
mér verið heimilað að ganga til
samninga við Ísafjarðarbæ. Það er
næsta skref í málinu.“
Ríkissjóður mun leggja fram
rúmar 250 milljónir
Menntamálaráðherra segir liggja
fyrir að aðkoma ríkisins að menning-
arhúsi á Ísafirði verði á sama grund-
velli eins og í þeim samningum sem
þegar hafa verið gerðir við Vest-
mannaeyja- og Akureyrarbæ en það
feli í sér að kostnaðrþátttaka ríkisins
sé bundin við tiltekna fjárhæð. „Í
tengslum við þessi menningarhús
höfum við hlustað vel eftir sjónar-
miðum heimamanna og því hafa leið-
irnar, sem farnar hafa verið, verið
ólíkar og í samræmi við áherslur
heimamanna. Það er gert ráð fyrir
að framlög ríkisins til þessa verkefn-
is á Ísafirði verði í heild 251,2 millj-
ónir króna,“ segir Tómas Ingi Ol-
rich.
Samþykkt ríkisstjórnarinnar var
rædd á stjórnmálafundi Sjálfstæðis-
flokksins á Ísafirði í gær og fékk hún
mjög góðar viðtökur.
Nýtt menningarhús
á Ísafirði
Þrjú hús
verða end-
urbyggð