Morgunblaðið - 29.05.2003, Blaðsíða 20

AKUREYRI
20 FIMMTUDAGUR 29. MAÍ 2003 MORGUNBLAÐIÐ
SUÐURNES
MÁLVERKASÝNINGIN Maður og
haf sem er úrval sjávarmynda frá
Listasafni Íslands verður opnuð í
sýningarsal Listasafns Reykjanes-
bæjar í Duushúsum í Keflavík
næstkomandi laugardag. Ýmsir af
helstu listmálurum þjóðarinnar
eiga myndir á sýningunni.
Listasafn Reykjanesbæjar opn-
aði sinn fyrsta sýningarsal í Duus-
húsum á síðasta ári. Þar hafa tveir
listmálarar verið með sýningar og
Valgerður Guðmundsdóttir menn-
ingarfulltrúi segir að nú hafi verið
ákveðið að fá sýningu frá Lista-
safni Íslands. „Við erum hér við
höfnina og í sambýli við sýningu á
Bátaflota Gríms Karlssonar og í
ljósi þess og sjómannadagsins sem
er á sunnudaginn óskuðum við eftir
að fá sýningu með sjávarmyndum.“
Harpa Þórsdóttir kom með til-
lögu að myndum til að setja upp og
niðurstaðan var að fimmtán verk
eftir fjórtán listmálara verða á sýn-
ingunni.
„Það kom okkur á óvart og einn-
ig Hörpu hversu rýr hlutur sjáv-
armynda er í listasögu þjóð-
arinnar. Listamennirnir voru
meira að mála landslag upp til
sveita en hafið og sjómennina. Ég
vildi frekar fá myndir eftir yngri
listamenn en þá eldri en þegar far-
ið var í gegn um listaverkaeign
Listasafns Íslands kom í ljós að
þetta myndefni hefur ekki höfðað
til þeirra með þeim hætti sem mað-
ur hefði reiknað með,“ segir Val-
gerður. Varð því að leita meira í
smiðju eldri listamannanna og
spannar sýningin mest alla tutt-
ugustu öldina. Elsta myndin er frá
1914, Fiskverkun við Eyjafjörð eft-
ir Kristínu Jónsdóttur og sú yngsta
er frá 1994, Þrír títaníkar eftir Eyj-
ólf Einarsson.
Menningarfulltrúinn hefur leitað
til fyrirtækja og félagasamtaka um
styrki til að geta staðið vel að sýn-
ingarhaldi í Listasafni Reykjanes-
bæjar. Hún segir að Verkalýðs- og
sjómannafélag Keflavíkur hafi
styrkt þessa sýningu sérstaklega.
Árni Mathiesen sjávarútvegs-
ráðherra opnar sýninguna næst-
komandi laugardag, klukkan 15,
og verður hún opin alla daga frá
klukkan 12.30 til 19 til 13. júlí.
Frítt verður inn á sýninguna á sjó-
mannadaginn.
Maður og haf er þriðja sýningin
sem haldin er í sýningarsal Lista-
safns Reykjanesbæjar. Fyrstu tvær
sýningarnar voru með yngri lista-
mönnum og segir Valgerður að sú
stefna taki aftur við að sjáv-
armyndasýningunni lokinni. Hún
segir að salurinn hafi mælst vel
fyrir meðal listamanna og gesta.
Þannig hafi komið á þriðja þúsund
gestir í salinn á meðan Sigurbjörn
Jónsson sýndi þar. Er það fólk sem
kom gagngert til að skoða mynd-
irnar en einnig tónleikagestir, því
vinsælt er orðið að halda tónleika í
salnum eftir að Reykjanesbær
eignaðist flygil sem þar er stað-
settur. „Það er markmið okkar
með rekstri salarins að höfða ekki
einungis til heimafólks heldur
einnig listunnenda á höfuðborg-
arsvæðinu og víðar að. Mér sýnist
að byrjunin lofi góðu,“ segir Val-
gerður.
Morgunblaðið/Helgi Bjarnason
Unnið er að uppsetningu sjávarmyndasýningarinnar. Hér er Valgerður Guðmundsdóttir við Rauðkembing, mynd
Finns Jónssonar, sem vísar til þjóðsögunnar af Rauðhöfða sem gerðist að hluta í næsta nágrenni sýningarsalarins.
Verk eftir marga af
helstu listmálurum
þjóðarinnar á sýningu
Reykjanesbær
Úrval sjávarmynda frá Listasafni Íslands í Duushúsum
FULLT hús var á lokatónleikum Tónlistar-
skóla Sandgerðis sem haldnir voru í Safn-
aðarheimilinu síðastliðinn laugardag.
Ríflega fimmtíu nemendur fluttu tónlist úr
ýmsum áttum, allt frá íslenskum þjóðlögum
til meistaraverka Bach. Á tónleikunum mátti
sjá marga unga og efnilega nemendur, og
ekki leyndi sér áhugi og metnaður hjá yngstu
börnunum sem geisluðu af leikgleði við tón-
listarflutninginn.
Tónlistarskóli Sandgerðis er til húsa í
byggingu Grunnskóla Sandgerðis og er mikið
og gott samstarf milli þessara skóla. Fyrstu
fjórir árgangar Grunnskólans eru í skyldu-
námi í Tónlistarskólanum.
Sjö kennarar starfa við Tónlistarskóla
Sandgerðis og skólastjóri Lilja Hafsteins-
dóttir.
Leikgleðin
geislar
Sandgerði
Morgunblaðið/Reynir Sveinsson
Leikið á klarinett á tónleikunum, f.v. Brynja Dögg Jónsdóttir, Elsa
Marta Ægisdóttir, Svanbjörg Júlíusdóttir og Fanney Þórhallsdóttir.
VALUR Knútsson formaður stjórn-
ar Atvinnuþróunarfélags Eyjafjarð-
ar sagði á aðlfundi félagsins að mik-
ilvægi stefnumótunar í atvinnu- og
byggðamálum væri öllum ljóst.
„Gildir það ekki síst fyrir Eyjafjarð-
arsvæðið sem er hið eina á lands-
byggðinni sem er í sókn og vexti.
Mjög er horft til þess varðandi
möguleika á uppbyggingu byggða-
kjarna á landsbyggðinni sem setja
má fram sem raunhæfan valkost við
höfuðborgarsvæðið, varðandi búsetu
og fyrirtækjarekstur.“
Valur sagði áhuga opinberra að-
ila, stjórnvalda, um eflingu lands-
byggðarinnar koma æ oftar fram í
málflutningi slíkra en áformin væru
oft á tíðum ekki eins augljós. Frum-
kvæði heimamanna væri þá oft
nefnt sem nauðsynleg forsenda fyrir
því að hefjast mætti handa en á það
hefði stundum skort. „Mótun sér-
stakar byggðaáætlunar fyrir Eyja-
fjörð er eitt gott dæmi um opinbert
verkefni sem unnið er að þessa dag-
ana. Afrakstur þessa verkefnis mun
væntanlega verða í formi tillagna og
aðgerðaráætlana um átaksverkefni
á svæðinu til eflingar. Árangur af
slíkri vinnu mun ekki síst byggjast á
möguleikum sveitarfélaganna, eða
svokallaðra heimamanna, til að taka
að sér umsjón með framkvæmd ein-
stakra verkefna og fylgja þeim og
öðrum slíkum eftir.“
Valur sagði að það hlyti því að
vera forgangsverkefni sveitarfélaga
á Eyjafjarðarsvæðinu að vinna sam-
eiginlega stefnumótun í atvinnumál-
um fyrir svæðið og kynna þannig
fyrir opinberum aðilum og öðrum,
hvar áherslur í atvinnu- og byggð-
arþróunarmálum liggja og geta
þannig boðið upp á markvist sam-
starf um uppbyggingu og eflingu
Eyjafjarðar. Það væri ekki síst
vegna þessa sem stjórn AFE legði
til að áherslur í starfsemi félagsins
sneru að þessum málum umfram
önnur. „Með þennan vilja í verki
ætti árangur að vera skammt und-
an.“
Einnig kom fram í máli Vals að
unnið hefði verið að undirbúningi
stóriðjuframkvæmda í Eyjafirði, á
vegum Stóreyjar, samstarfshóps
Fjárfestingastofunnar – Orkusviðs,
Akureyrarbæjar og AFE. Unnin
hefur verið undirbúningsskýrsla
vegna framkvæmdanna og verður
hún afhent fyrir næstu mánaðamót.
Þá mun jafnframt liggja fyrir verk-
efnisáætlun sem tekur til næstu
skrefa. Önnur verkefni hafa verið
unnin með Fjárfestingastofunni,
sem miða að markaðssetningu Eyja-
fjarðarsvæðisins til reksturs á stórri
og meðalstórri, orkufrekri starfsemi
og eru þau mál í vinnslu. Í máli Vals
kom fram að væntingar um árangur
væru hóflegar.
Formaður stjórnar AFE á aðalfundi félagsins
Vinna þarf sameig-
inlega stefnumótun
í atvinnumálum
Messutíma í Glerárkirkju í dag,
uppstigningardag, hefur verið
breytt og verður hátíðarmessa í
kirkjunni kl. 11 en ekki 14 eins og
áður hafði verið auglýst. Sr. Sig-
urður Guðmundsson þjónandi
vígslubiskup predikar.
Í DAG
Félag þjóðfræðinga á Íslandi og
Sagnfræðingafélag Íslands standa
fyrir ráðstefnu á Akureyri dagana
29. til 31. maí í samvinnu við þrjár
stofnanir á staðnum, Háskólann á
Akureyri, Minjasafnið á Akureyri og
Héraðsskjalasafnið á Akureyri.
Yfirskrift ráðstefnunnar er „Átt-
hagar og umhverfi. Staðarvitund í
sögu(m) og sögnum“. Ráðstefnan er
haldin í húsi kennaradeildar Háskól-
ans á Akureyri við Þingvallastræti
23. Flutt verða rúmlega 20 erindi um
sagnfræði, þjóðfræði, bókmenntir,
íslensku, fornleifafræði og málfræði.
Auk ráðstefnunnar verður boðið upp
á skoðunarferðir um sögustaði í
Eyjafirði. Hún er öllum opin og að-
gangur ókeypis.
MIKIÐ tjón varð í eldsvoða
sem upp kom í raðhúsíbúð við
Núpasíðu á Akureyri síðdegis
í gær.
Allt tiltækt lið Slökkviliðs
Akureyrar var sent á staðinn
en mikill reykur og hiti var þá
í íbúðinni.
Samkvæmt upplýsingum
lögreglunnar á Akureyri
blossaði eldurinn upp þegar
sprenging varð eftir að hús-
ráðandi kveikti á sjónvarpi í
íbúðinni. Hann náði að forða
sér út úr íbúðinni. Nágrannar
hans reyndu að slökkva eldinn
en urðu frá að hverfa vegna
reyks og hita.
Þeir voru fluttir á Fjórð-
ungssjúkrahúsið á Akureyri
til skoðunar vegna gruns af
reykeitrun.
Íbúðin er illa farin af völd-
um elds og reyks.
Mikið tjón í elds-
voða í íbúðarhúsi
Morgunblaðið/Kristján
Reykkafarar frá Slökkviliði Akureyrar
rjúfa loftaklæðningu í íbúðinni í Núpasíðu.
www.islandia.is/~heilsuhorn
Ein með öllu
SENDUM Í PÓSTKRÖFU
Multi-vítamin og steinefnablanda
ásamt spirulínu, lecithini,
Aloe vera o.fl. fæðubótarefnum
Glerártorgi, Akureyri, s. 462 1889
fæst m.a. í Lífsinslind í Hagkaupum,
Árnesaptóteki Selfossi og
Yggdrasil Kárastíg 1.