Morgunblaðið - 29.05.2003, Blaðsíða 50

ÍÞRÓTTIR
MORGUNBLAÐIÐ FIMMTUDAGUR 29. MAÍ 2003 51
Aðalfundur
Áður auglýstum aðalfundi Knattspyrnufélags Víkings
er frestað til miðvikudagsins 4. júní nk. kl. 20
Dagskrá: Venjuleg aðalfundarstörf.
Stjórnin.
MÓNAKÓ leikur í 2. deild frönsku
knattspyrnunnar á næstu leiktíð
þrátt fyrir að það hafi hafnað í
öðru sæti 1. deildar á nýafstöðnu
keppnistímabili. Þetta var tilkynnt
að loknum fundi stjórnar frönsku
deildarkeppninnar í knattspyrnu í
dag. Ástæðan fyrir því að Mónakó
verður fellt niður um deild er sú að
það er svo skuldum vafið að við
liggur að það sé gjaldþrota. For-
svarsmenn Mónakó hafa sex daga
til að ákveða hvort þeir áfrýi mál-
inu en til þess að áfrýjunin verði
tekin gild og ákvörðunin endur-
skoðuð þurfa þeir að tryggja sér
tekjur til að mæta skuldunum, sem
nema hátt í fimm milljörðum
króna.
Þá verður Mónakó að sætta sig
við að mega ekki kaupa leikmenn á
meðan fjárhagsstaðan er svona
veik sem raun ber vitni um, þvert á
móti er ljóst að félagið neyðist til
að selja flesta af bestu leikmönnum
sínum til að bæta stöðuna.
Undanfarið hálft ár hafa for-
svarsmenn Mónakó leitað að fjár-
festum en ekki haft erindi sem erf-
iði. Íþróttadagblaðið L’Equipe
segir í dag að Albert Mónakóprins
hafi látið hafa eftir sér hann væri
tilbúinn að leggja sitt af mörkum til
þess að bjarga félaginu. Henri
Biancheri, talsmaður Mónakó-
liðsins, segir að hann telji að þrátt
fyrir hlýjan hug þá sjái hann ekki
að Albert geti einn og sér bjargað
félaginu frá gjaldþroti, miklu
meira þurfi að koma til.
Mónakó dæmt niður um
deild vegna skulda
„TILFINNINGUM mínum verður
ekki lýst með orðum,“ sagði Clar-
ence Seedorf, leikmaður AC Milan,
eftir að sigurinn á Juventus í Meist-
aradeild Evrópu var í höfn. Seedorf
átti erfitt með að hemja tilfinningar
sínar, gleðitárin féllu og hann hafði
svo sannarlega ástæðu til að gleðj-
ast því þetta var í þriðja sinn sem
hann leikur með sigurliði í Meist-
aradeildinni eftir að hún tók við af
Evrópukeppni meistaraliða fyrir
tæpum áratug. Seedorf vann í
keppninni með Ajax 1995, þremur
árum síðar með Real Madrid og nú
með AC Milan. „Við vorum betri í
leiknum og verðskulduðum sig-
urinn,“ sagði Seedorf ennfremur.
„Þetta er frábært og vart hægt
að lýsa því með orðum hvernig mér
líður á þessari stundu,“ sagði Paolo
Maldini, fyrirliði AC Milan, en hann
var einnig í liði félagsins sem vann í
keppninni 1990 og 1994 en þá hét
hún Evrópukeppni meistaraliða.
Rétt 40 ár eru síðan að faðir Mal-
dinis stóð í sömu sporum og tók við
bikarnum sem fyrirliði sigurliðs AC
Milans. „Þessi staðreynd gerir
stundina enn tilfinningaríkari fyrir
mig,“ sagði Maldini.
Carlo Ancelotti, þjálfari AC Mil-
ans, brosti út að eyrum og sagði
sama og flestir sinna. „Tilfinningin
er ótrúleg, henni verður ekki lýst
með orðum.“
„Allt sem gat farið úrskeiðis fór
úrskeiðis í þessum leik,“ sagði
Marcello Lippi, þjálfari Juventus.
„Eftir allt erfiðið sem við höfum
lagt að baki til þess að komast í úr-
slitin er þetta dapurleg niðurstaða.
Við fengum færi til að skora og
vinna, en því miður skorti okkur
orku og kraft til þess að reka smiðs-
höggið á sóknirnar,“ sagði Lippi og
lærisveinn hans, Lilian Turan, tók í
sama streng og bætti því við að
Dida, markvörður AC Milans, hefði
verið óyfirstíganleg hindrun þegar
komið var út í vítaspyrnukeppni.
„Við vissum að hann [Dida] væri af-
ar erfiður þegar út í vítaspyrnu-
keppni væri komið.“
Maldini fetar í fót-
spor föður síns
Morgunblaðið kannaði í gærhvernig ástandið er á leik-
mönnum liðanna fyrir þriðju umferð-
ina.
FH
Ásgeir G. Ásgeirsson og Calum
Þór Bett eru frá vegna meiðsla en
þeir hafa verið meiddir í töluverðan
tíma. Aðrir leikmenn eru leikfærir.
Hermann Albertsson er laus úr leik-
banni.
Valur
Valsmenn verða með sitt sterk-
asta lið ef undan er skilinn Kristinn
Lárusson sem er frá keppni í langan
tíma.
KA
Margir leikmenn eru fjarverandi
hjá KA-mönnum. Ívar Bjarklind og
Sigurður Skúli Eyjólfsson spila ekk-
ert í sumar. Örn Kató Hauksson
spilar ekki næstu leiki, Elmar Dan
Sigþórsson er veikur og Þorvaldur
Makan Sigbjörnsson er meiddur.
„Við vonum að Þorvaldur verði með
á móti KR í fjórðu umferðinni en það
er óvíst,“ sagði Þorvaldur Örlygs-
son, þjálfari KA.
ÍBV
Það hefur komið í ljós að Páll Þor-
valdur Hjarðar, varnarmaður, er
með slitið krossband og verður ekki
meira með. „Nokkrir leikmenn hafa
verið að kvarta vegna smámeiðsla en
ekkert sem ætti að koma í veg fyrir
að þeir spili,“ sagði Magnús Gylfa-
son, þjálfari ÍBV. Bjarnólfur Lárus-
son kemur úr leikbanni.
KR
Töluverð meiðsl eru í herbúðum
KR-inga. Einar Þór Daníelsson, fyr-
irliði KR, verður líklega með en hann
hefur verið að kljást við nárameiðsl.
Kristinn Hafliðason og Sigurvin
Ólafsson eru báðir tæpir. Guðmund-
ur Benediktsson og Jökull I. Elísa-
betarson eru enn meiddir og verða
frá í töluverðan tíma. Hilmar
Björnsson er frá út leiktíðina og Sig-
urður Ragnar Eyjólfsson meiddist á
móti Fram og leikur ekki í dag.
ÍA
Allir leikmenn ÍA eru heilir, nema
Hjálmur Dór Hjálmsson sem er með
slitið liðband í ökkla og verður frá í
allt að tvo mánuði.
Þróttur
Hilmar Ingi Rúnarsson er frá
vegna meiðsla en aðrir leikmenn eru
leikfærir.
Fylkir
Engin alvarleg meiðsl eru í her-
búðum Fylkis. „Mínir menn eru til-
búnir fyrir leikinn í Vestmannaeyj-
um en hann verður mjög erfiður þar
sem Eyjamenn munu mæta snældu-
vitlausir til leiks,“ sagði Aðalsteinn
Víglundsson þjálfari Fylkis.
Grindavík
Tveir leikmenn Grindavíkur geta
ekki spilað á móti Fram. Ray
Anthony Jónsson er í leikbanni og
Grétar Ólafur Hjartarson er meidd-
ur og verður frá í töluverðan tíma.
Fram
Baldur Bjarnason meiddist í síð-
asta leik og verður ekki með. Krist-
inn Tómasson verður ekki með fyrr
en um miðjan júní og Þorbjörn Atli
Sveinsson er að stíga upp úr erfiðum
meiðslum og verður ekki með í
næstu umferðum. Andri Fannar
Óttósson kemur úr leikbanni.
Hvernig er ástand leikmanna í úrvalsdeildinni?
KA í vandræðum
FJÓRIR af fimm leikjum í 3. umferð úrvalsdeildar karla í knatt-
spyrnu verða leiknir í dag og í kvöld. Umferðinni lýkur á morgun
þegar Grindavík og Fram mætast í Grindavík. Mikið er um meiðsl í
herbúðum KA – tveir leikmenn verða frá í sumar vegna meiðsla og
Þorvaldur Makan Sigbjörnsson, fyrirliði Akureyrarliðsins, getur
ekki leikið gegn Þrótti á Laugardalsvellinum í dag vegna meiðsla.
KNATTSPYRNA
Efsta deild karla, Landsbankadeild:
Kaplakriki: FH – Valur..............................14
Laugardalur: Þróttur R. – KA..................14
Vestmannaeyjar: ÍBV – Fylkir .................14
KR-völlur: KR – ÍA...............................19.15
Efsta deild kvenna, Landsbankadeild:
KA-völlur: Þór/KA/KS – FH.....................16
Hlíðarendi: Valur – ÍBV ............................16
1. deild karla:
Ólafsf.: Leiftur/Dalvík – Víkingur R. .......16
Varmá: Afturelding – Breiðablik..............16
2. deild karla:
Húsavík: Völsungur – Léttir .....................16
Siglufjörður: KS – KFS .............................13
3. deild karla:
Tungubakkavöllur: ÍH – Árborg ..............16
1. deild kvenna:
ÍR-völlur: ÍR – Fjölnir...............................16
Ásvellir: Þróttur/Haukar 2 – RKV ...........17
Í DAG
Reuters
Hetjur AC Milan fagna að leikslokum, Andriy Shevchenko, sem innsiglaði sigurinn úr síðustu
spyrnu liðsins, og markvörðurinn, Dida, en hann varði þrjár vítaspyrnur Tórínó-liðsins.