Morgunblaðið - 29.05.2003, Blaðsíða 19
AKUREYRI
MORGUNBLAÐIÐ FIMMTUDAGUR 29. MAÍ 2003 19
www.casa.is
Síðumúla 13, sími 588 2122
www.eltak.is
VOGIR
Eltak sérhæfir sig í sölu
og þjónustu á vogum
Bjóðum eitt mesta úrval
á Íslandi af smáum
og stórum vogum
Hafðu samband
KÓR félags eldri borgara á Ak-
ureyri heldur vortónleika í Gler-
árkirkju föstudaginn 30. maí kl.
20.00. Söngskráin er fjölbreytt og
skemmtileg, með kórsöng, einsöng
og tvísöng. Aðgangseyrir er 1.000
krónur. Kórinn hélt vortónleika á
Austfjörðum, á Eskifirði og Egils-
stöðum fyrr í mánuðinum og var
mjög vel tekið. Stjórnandi kórsins
er Arnór B. Vilbergsson og undir-
leikari Guðjón Pálsson.
Kór félags eldri borgara á Akureyri.
Vortónleikar í Glerárkirkju
TVÆR sýningar á leikritinu
Rakstri eftir Ólaf Jóhann
Ólafsson verða í Sjallanum
um komandi helgi, á föstu-
dags- og laugardagskvöld 30.
og 31. maí og hefjast kl. 20.
Þá verða einnig tvær sýn-
ingar í Hótel Valaskjálf, Eg-
ilsstöðum um aðra helgi, 6. og
7. júní.
Leikritið gerist á lítilli rak-
arastofu í miðbæ Reykjavíkur
sumarið 1969 „og dregur höf-
undur upp lifandi mynd af
litlum vinnustað á umbrota-
tímum, mynd af kyrrlátum en
brothættum heimi þar sem
smæstu breytingar geta kom-
ið öllu í uppnám,“ eins og seg-
ir í frétt um leikritið.
Leikarar eru Jóhann Sig-
urðsson, Hjalti Rögnvaldsson,
Gunnar Eyjólfsson, Friðrik
Friðriksson, Linda Ásgeirs-
dóttir og Gunnar Gunnsteins-
son.
Aðeins verða þessar tvær
sýningar á hvorum stað.
Miðasala er hjá Þjóðleikhús-
inu, Pennanum-Bókval á
Glerártorgi og Hótel Vala-
skjálf.
Rakstur á
ferð um
landið
HÁSKÓLINN á Akureyri mun taka
að sér rekstur Frumkvöðlaseturs
Norðurlands, en það hefur verið
starfrækt sem sjálfstætt félag frá
árinu 2001. Í samkomulagi sem und-
irritað hefur verið felst rekstur, þjón-
usta og umsjón með aðstöðu fyrir
frumkvöðla á Akureyri, Dalvíkur-
byggð og Húsavík. Gert er ráð fyrir
að á Akureyri verði 5–8 vinnustöðvar
fyrir frumkvöðla, 3 á Húsavík og jafn-
margar á Dalvík.
Háskólinn á Akureyri mun nýta
vinnustöðvar Frumkvöðlaseturs
Norðurlands fyrir nemendur sína,
auk þess sem hann tryggir að lág-
marki 3 vinnustöðvar á Akureyri og 1
á Húsavík og Dalvík, fyrir frum-
kvöðla sem ekki eru nemendur við
HA. Eins kemur fram í samkomulag-
inu að unnið verði að undirbúningi
þess að stofna frumkvöðlaaðstöðu í
Skagafirði og á Austurlandi.
Þorsteinn Gunnarsson rektor Há-
skólans á Akureyri sagði ánægjulegt
að taka við þessum rekstri. Hann
sagði að í undirbúningi væri að hefja
nám í frumkvöðlafræðum við háskól-
ann og myndu fyrstu námskeiðin
verða í boði þegar næsta haust og
yrðu opin öllum nemendum háskól-
ans. Frumkvöðlasetrið mun flytja í
væntanlegt rannsóknahús við háskól-
ann, en bygging þess hefst að líkind-
um nú í sumar. „Þar mun skapast
æskilegt umhverfi fyrir frumkvöðla-
setrið,“ sagði Þorsteinn og gat þess
jafnframt að gert væri ráð fyrir góðu
samstarfi við Nýsköpunarmiðstöðina
Impru og yrði það mikill styrkur.
Frumkvöðlasetur Norðurlands
hefur sem áður segir verið starfandi
frá árinu 2001 og sagði Pétur Bjarna-
son sem gegndi starfi framkvæmda-
stjóra að eftirspurn eftir aðstöðu
hefði verið nokkru minni en bjartsýn-
ustu menn gerðu sér fyrirfram vonir
um.
Alls hefur verið unnið að 12 verk-
efnum á vegum setursins og eru 6
þeirra í vinnslu um þessar mundir.
Morgunblaðið/Kristján
Þorsteinn Gunnarsson, rektor HA, t.h., og Benedikt Sigurðarson, formað-
ur stjórnar Frumkvöðlaseturs Norðurlands, undirrituðu samninginn. Við
hlið þeirra situr Pétur Bjarnason, fráfarandi framkvæmdastjóri.
Frumkvöðlafræði verð-
ur kennd við háskólann
Háskólinn á Akureyri tekur við Frumkvöðlasetri Norðurlands
LJÓSMYNDIR
mbl.is