Morgunblaðið - 04.06.2003, Blaðsíða 33

hvers vegna hann lagði það fyrir sig
að reyna að skilja hegðun náttúr-
unnar betur.
Það er óbærilegt að hugsa út í það
að pabbi skyldi verða bráðkvaddur
einn í vinnuferð á hótelherbergi ein-
hvers staðar í München. En ég er
þakklátur fyrir þær samverustundir
sem við áttum og vona að nú hafi
pabbi fengið svörin sem hann helg-
aði líf sitt að finna lausn á.
Guð blessi þig, elsku pabbi minn.
Hrafn.
Það er sárt að þurfa að kveðja þig,
pabbi minn, og algjörlega ótíma-
bært. Þú náðir ekki einu sinni að
verða fimmtugur. Það er erfitt að
trúa því að þú sért farinn frá okkur
og komir ekki aftur. Ég sé þig svo
ljóslifandi fyrir mér og röddin þín
hljómar í eyrum mér. Það er sárt að
fá aldrei að sjá þig eða heyra í þér
aftur. Ég er mjög þakklát fyrir að
hafa átt gott samtal við þig áður en
þú lagðir af stað í hina örlagaríku
ferð. Við vorum búin að tala óvenju-
lega mikið saman vikuna áður og
kvöldið áður en þú fórst út hringdir
þú í mig. Þú talaðir um hvað þú vær-
ir stoltur af mér, sem þú gerðir
reyndar mjög oft, og að þér þætti
vænt um mig. Það er mjög dýrmætt
og gott að hafa kvatt þig svona vel
þó mig hafi auðvitað ekki grunað að
þetta væri okkar síðasta samtal. Mig
óraði ekki fyrir því að þegar ég ósk-
aði þér góðrar ferðar þá værir þú á
leið í ferðina löngu. En ég vona inni-
lega að ferðin hafi verið góð, pabbi
minn. Ég veit að amma, afi og Ósk
frænka hafa tekið vel á móti þér og
að þið hafið það notalegt saman.
Ég kveð þig að sinni elsku pabbi,
Guð geymi þig.
Þín dóttir,
Ósk.
Þökk sé þér látnum, vinur vor og bróðir,
viðkvæmnisljóðum kvaddur hinsta sinni!
Snortnir af djúpri hryggð vér stöndum
hljóðir,
hetjan vor góða, yfir kistu þinni.
Sviplega enti ævi þinnar saga. –
Alúðar þakkir fyrir liðna daga!
(Jón Trausti.)
Með þessum ljóðlínum viljum við
systurnar kveðja okkar elskulega
bróður sem varð bráðkvaddur er-
lendis, langt um aldur fram, aðeins
49 ára gamall.
Það sem helst einkenndi hann var
hversu ljúfur, kurteis og þægilegur
maður hann var. Þótt á stundum
hann gæti verið ákveðinn og stað-
fastur var prúðmennska hans ávallt
í fyrirrúmi. Þá var það öllum ljóst er
þekktu Guðmund að þar fór vel
menntaður vísindamaður.Hann var
orðinn læs 4 ára og sýndi því fljótt
góða námshæfileika. Vorum við
systurnar því snemma stoltar af
yngsta systkininu, okkar eina bróð-
ur.
Þrátt fyrir þann mikla tíma sem
Guðmundur helgaði vísindunum var
hann listhneigður maður sem naut
þess að hlusta á sígilda tónlist, lesa
góðar bækur og átti til að velta fyrir
sér og virða umhverfi sitt frá hinum
ýmsu sjónarhornum. Þá var Guð-
mundur vel að sér í greinum eins og
heimspeki. Litli bróðir okkar var
maður sem kunni að meta það fal-
lega í umhverfi sínu.
Það sem kemur ef til vill helst upp
í hugann er þó hversu umhyggju-
samur Guðmundur var við foreldra
okkar. Hann tók virkan þátt í að
hugsa um þau og móðursystur
okkar á þeirra efri árum og gerði
það af mikilli og sérstakri alúð og
hlýju.
Það verður undarlegt að halda
áfram, nú þegar hann er ekki lengur
með okkur. Þótt góðar minningar
ylji okkur um hjartarætur er sökn-
uðurinn og sorgin mikil.
Við kveðjum nú í hinsta sinn okk-
ar kæra bróður. Minningin um hann
mun lifa með okkur alla tíð og við
þökkum honum fyrir þær góðu
stundir sem hann gaf okkur, allt frá
barnæsku.
Við viljum biðja Guð að styrkja
börn bróður okkar, Hrafn, Ósk og
Bjarna í sorginni. Blessuð sé minn-
ing hans.
Margrét, Sigríður og Sigrún.
Kær mágur minn, Guðmundur
Gísli Bjarnason eðlisfræðingur, varð
bráðkvaddur í Þýskalandi hinn 23.
maí síðastliðinn, aðeins 49 ára að
aldri. Nú, á þessum björtu og fögru
vordögum, eru þessi tíðindi þungt
áfall aðstandendum hans. Engan ór-
aði fyrir að lát hans ætti eftir að
bera svo brátt að.
Guðmundur fékk strax sem ungur
drengur áhuga á eðlisfræði og
stjarnvísindum. Hann var skarp-
greindur, mikill námsmaður og fær
vísindamaður sem hafði brennandi
áhuga á sinni fræðigrein en einnig á
til dæmis bókmenntum og hljómlist.
Í viðmóti var hann ljúfur og þægi-
legur, viðkvæmur í lund en þó
ákveðinn. Þessir eðliskostir ein-
kenndu hann alla tíð. Með láti hans
er horfinn héðan vænn maður og
góður vinur.
Ég votta börnum hans innilegustu
samúð mína.
Sigurður H. Richter.
Elsku Gummi. Nú þegar komið er
að kveðjustund rifjast margt upp
fyrir mér og mig langar að þakka
þér fyrir góðu stundirnar sem við
áttum saman. Fyrstu minningarnar
tengjast Skaftahlíðinni þar sem þú
byrjaðir þinn búskap með Völu í
hluta af íbúðinni hjá Ósk frænku.
Þið fluttust síðan til Bandaríkjanna
þegar þú fórst í framhaldsnám og
það var mikil upplifun fyrir mig á
fermingaraldri að fá að dvelja hjá
ykkur í Boulder í Colorado í þrjá
mánuði þar sem ég passaði Hrafn og
Ósk. Þá kynntist ég þér vel. Ljós-
myndin sem þú tókst fyrir mig af
hvirfilvindinum er svo sérstök og
minnir mig á þessa tíma. Seinna
meir þegar ég fór sem skiptinemi til
Bandaríkjanna hringdir þú oft í mig
til að athuga hvernig mér liði. Ég
var svo stolt af því að eiga frænda
sem var svo „sprenglærður“ eins og
þú varst. Amma sagði mér oft að
hún hefði þurft að rífa af þér skóla-
bækurnar og reka þig út til þess að
leika þér. Ég er ánægð með að hafa
haft svo gott samband við þig, Elínu
og Bjarna, og þau skipti sem ég
passaði hann. Síðustu jólin sem afi
lifði komuð þið og hélduð jólin heima
hjá mér og þú færðir mér risastóra
körfu með allskonar góðgæti í.
Elsku Gummi, nú þegar þú ert
farinn þá lifa góðu minningarnar og
ég lofa þér því að halda góðu sam-
bandi við þá sem þú elskaðir mest,
Hrafn, Ósk og Bjarna. Megi góður
Guð styrkja þau á erfiðum tímum.
Guð geymi þig.
Þín frænka
Sjöfn.
Guðmundur G. Bjarnason hóf
störf á Mengunarvarnasviði Holl-
ustuvernd ríkisins síðla vors 2001.
Hann starfaði mest við vöktun um-
hverfis og sinnti verkefnum tengd-
um loftgæðavöktun, vatnsgæða-
vöktun, líkanagerð og rannsóknum á
útfjólublárri geislun og áhrifum
hennar. Við samstarfsmennirnir
komust fljótt að því að Guðmundur
var víðfróður og vel að sér í hvers-
konar vísindum og heimspeki. Hann
sinnti verkefnum sínum á mengun-
arvarnasviði af alúð og mikilli hug-
kvæmni og fann ósjaldan snjallar
lausnir á erfiðum viðfangsefnum.
Hann ræddi við alla eins og jafn-
ingja er hann talaði um fræðin sín og
hafði lag á því að skýra flókna hluti á
einfaldan máta, en það gætti aldrei
neinnar óþolinmæði hjá honum þó
hann þyrfti að útskýra frá grunni af
hverju hitt og þetta gerðist svona en
ekki öðruvísi.
Guðmundur var sérfróður um
lofthjúp jarðar, veðurfar og áhrif
mannsins þar á, en hann lauk dokt-
orsnámi í eðlisfræði með áherslu á
lofthjúpsfræði við háskólann í
Boulder í Colorado-fylki Bandaríkj-
anna. Hann var afar fróður um eðl-
isfræði lofthjúps jarðar, veðurfar og
áhrif mannsins þar á. Reyndar
kynntist Guðmundur mjög mörgum
heimsþekktum fræðimönnum í sín-
um fræðum er hann bjó í Boulder.
Þar vann Guðmundur m.a. að verk-
efnum fyrir Bandarísku geimvís-
indastofnunina, NASA um skeið og
hann vann einnig við fyrstu Cray of-
urtölvuna í Ameríku. Honum fannst
það lýsa löngum starfsaldri sínum
þegar hann fann eitt sinn gömlu
vinnutölvuna sína í glerbúri á
Smithsonian-safninu í New York.
Rannsóknir hans á úrkomu á
Vatnajökli og áhrifum útfjólublárrar
geislunar voru honum oft ofarlega í
huga. Hann sagði okkur frá uppfinn-
ingunni sinni sem hann fékk verð-
laun fyrir árið 2002, en það var sam-
kvæmt hans lýsingum ákaflega
einfalt tæki sem nemur skýjafar og
hreyfingar á skýjum og kemur til
með að nýtast afar vel við veðurfars-
rannsóknir og veðurspár.
Guðmundur var vel liðinn og hans
verður sárt saknað sem vísinda-
manns og sérfræðings á heimsmæli-
kvarða, og einnig sem vinnufélaga
og vinar. Góðar minningar um góðan
félaga munu lifa áfram í hugum okk-
ar samstarfsfólks hans.
Við vottum aðstandendum inni-
lega samúð og kveðjum kæran sam-
starfsmann.
Fyrir hönd starfsmanna á Holl-
ustuvernd og Umhverfisstofnun.
Albert S. Sigurðsson.
Látinn er fyrir aldur fram dr.
Guðmundur G. Bjarnason eðlisfræð-
ingur. Skyldmenni harma skjótlegt
fráfall ástvinar, vinir væns drengs
sem er horfinn sjónum óvænt. Sökn-
uður ræður ríkjum í hugum þeirra
sem þekktu hann. Sár er sá sökn-
uður, en þjóðin sér líka á bak snjöll-
um vísindamanni sem margt átti
ógert.
Guðmundur var fjölhæfur vís-
indamaður og verður ekki greint frá
verkum hans í stuttu máli. En þess
skal minnst að hann var helsti sér-
fræðingur Íslendinga á fræðasviði
sem mjög hefur verið til umræðu í
heiminum síðustu áratugi. Er hér
átt við fræðin um eðli og þróun
ósons í lofthjúpi jarðar, en mjög hef-
ur verið óttast að þynning ósonlags
af mannavöldum kynni að hafa af-
drifaríkar afleiðingar í för með sér.
Guðmundur hafði numið hjá heims-
frægum vísindamönnum á þessu
sviði í Bandaríkjunum og var allra
manna hæfastur til að rannsaka fá-
gæt gögn sem af sérstökum ástæð-
um höfðu safnast upp hér á Íslandi.
Allt frá alþjóðlegu jarðeðlisfræði-
ári árið 1957 hafði Veðurstofa Ís-
lands haldið áfram mælingum á
ósoni og urðu mælingar þessar um
síðir taldar fágætur fengur sem er-
lendir vísindamenn tóku að renna
hýru auga til. Var það sökum full-
vissu um að í upplýsingum þessum
mundu leynast vísbendingar um
náttúru ósons í lofthjúpi og breyt-
ingar síðustu áratugi. Skemmst er
frá að segja að fjölhliða rannsókna-
hópur íslenskra vísindamanna var
myndaður undir fræðilegri forystu
Guðmundar. Niðurstöður rannsókn-
anna um þróun ósonlagsins yfir Ís-
landi þóttu mjög markverðar. Guð-
mundur lét kné fylgja kviði og hélt
áfram farsælum rannsóknum sínum
á þessu sviði. Vöktu verk hans at-
hygli á alþjóðlegum vettvangi.
Hér er tæpt á verkum Guðmund-
MINNINGAR
MORGUNBLAÐIÐ MIÐVIKUDAGUR 4. JÚNÍ 2003 33
LEGSTEINAR
Mikið úrval af legsteinum
og fylgihlutum
Sendum myndalista
MOSAIK
Hamarshöfði 4, 110 Reykjavík, sími 587 1960
Marmari
Granít
Blágrýti
Gabbró
Líparít
Innilegar þakkir fyrir samúð og vinarhug við
andlát og útför
GUNNARS B. ÓLAFS.
Ingibjörg Lúðvíksdóttir
og fjölskylda.
Okkar kæri ástvinur,
INGIBJÖRG GÍSLADÓTTIR,
verður jarðsungin frá Stokkseyrarkirkju
fimmtudaginn 5. júní kl. 13.30.
Fyrir hönd annarra vandamanna,
Þóra Ása Guðjohnsen,
Halldór Gísli Sigurþórsson, Sigríður Jónsdóttir,
Guðrún Gerða Sigurþórsdóttir, Gústaf Adólf Hjaltason
Ingibjörg Þórdís Sigurþórsdóttir, Sigurður Kristinn Erlingsson,
Guðrún Margeirsdóttir.
Þökkum auðsýnda samúð og vinarhug við
andlát og útför elskulegrar móður okkar,
tengdamóður, ömmu og langömmu,
ÁSDÍSAR JÓNASDÓTTUR
frá Efri Kvíhólma,
Faxabraut 30,
Keflavík.
Sérstakar þakkir eru til hjúkrunarfólks í Víði-
hlíð, Grindavík, fyrir framúrskarandi umönnun og hlýhug.
Júlía Sigurgeirsdóttir, Jóhann Sveinsson,
Heiðar Baldursson, Ragnheiður Sigurðardóttir,
ömmubörn og langömmubörn.
Lokað
Lokað verður í dag milli kl. 13.00 og 16.00 vegna jarðarfarar.
Ásgeir Einarsson ehf., Garðabæ.
Lokað
Umhverfisstofnun verður lokuð í dag frá kl. 13.00 vegna jarðar-
farar GUÐMUNDAR G. BJARNASONAR.
Umhverfisstofnun.
Innilegar þakkir til allra þeirra, sem sýndu
okkur samúð og vináttu við andlát og útför ást-
kærs föður okkar, tengdaföður, afa, langafa
og bróður,
PÁLS GUNNARSSONAR,
Skólavegi 84,
Fáskrúðsfirði.
Valbjörn Pálsson, Auðbjörg Gunnarsdóttir,
Anna Björg Pálsdóttir, Ingólfur Sveinsson,
Gunnar Björgvin Pálsson, Hildur Þorsteinsdóttir,
barnabörn, barnabarnabarn
og systkini.
Ástkær móðir okkar, tengdamóðir og amma,
VILBORG EIRÍKSDÓTTIR,
Hringbraut 70,
Keflavík,
verður jarðsungin frá Keflavíkurkirkju föstu-
daginn 6. júní kl. 14.00.
Ágústa Erlendsdóttir, Birgir Scheving,
Þóra Erlendsdóttir, Hreiðar Jósteinsson,
Einar Erlendsson, Nansy Erlendsson,
Eiríkur Erlendsson,
Sigurður Erlendsson, Ólöf Olsen
og ömmubörnin.