Morgunblaðið - 11.07.2003, Qupperneq 22

Morgunblaðið/Reynir Sveinsson
Unnið er að viðhaldi Þorsteinsskýlis og Stefán Hjaltalín Kristinsson og Jón
Guðmundur Marteinsson eru þessa dagana í óða önn að mála það.
Í SANDGERÐI er varðveitt eitt
elsta björgunarskýli landsins, Þor-
steinsskýli, ásamt björgunarbátnum
Þorsteini, sem er orðinn yfir 100 ára
gamall. Í sumar hefur verið unnið
að lagfæringum á umhverfi skýlis-
ins ásamt því að verið er að mála
húsið sjálft. Húsið og báturinn eru
eign björgunarsveitarinnar Sigur-
vonar sem er 75 ára í ár.
Guðmundur Ólafsson, formaður
Sigurvonar, segir Sigurvon hafa
verið fyrstu björgunarsveit Slysa-
varnafélagsins og var hún stofnuð
tuttugasta og áttunda júní 1928 í
kjölfar mikilla sjóslysa sem urðu ár-
ið á undan. „Ári seinna kom Þor-
steinn til Sandgerðis og var notaður
í fjölda ára við slysavarnir, bæði í
Reykjavík og Sandgerði. Í dag
starfa um tuttugu manns innan
björgunarsveitarinnar og við eigum
björgunarskipið Hannes Þ. Haf-
stein. Síðan eru um þrjátíu og fimm
krakkar í unglingadeild björgunar-
sveitarinnar, Von.“
Gamla björgunar-
skýlið lagfært
Sandgerði
SUÐURNES
22 FÖSTUDAGUR 11. JÚLÍ 2003 MORGUNBLAÐIÐ
HÓPUR tuttugu og þriggja ung-
menna starfar nú á svæðinu við
Reykjanesvita í tengslum við átak
gegn atvinnuleysi ungmenna í
Reykjanesbæ. Unga fólkið, sem er
á aldrinum sautján til nítján ára,
vinnur að fegrun og lagfæringum á
umhverfi vitans. Meðal annars felst
sú vinna í því að laga vörður og
göngustíga og setja upp skilti og
merkingar á staði þar sem ferða-
menn eiga leið um.
Verkefnisstjóri atvinnuátaksins
er Jóhann D. Jónsson og segir hann
hópinn standa sig með prýði. „Það
er verið að vinna að mörgum verk-
efnum sem lúta að umhverfismál-
um. Um er að ræða alls konar
snyrtingu og lagfæringar á fjöl-
mennum ferðamannastöðum. Mein-
ingin er að reyna að verja náttúr-
una eins og hægt er með því að
merkja gönguleiðir, leggja göngu-
stíga og laga til að fólk hlífi aðal-
gróðrinum. Við Reykjanesvita er
ótrúlega fallegt landslag og gott að
vera þegar veðrið er eins og það er.
Svo horfir maður á Atlantshafið
sverfa smám saman af landinu.“
Umhverfis- og öryggismál
Einnig verða unnin verkefni sem
koma að öryggismálum á ýmsum
stöðum, sem felast meðal annars í
því að merkja og jafnvel girða af
hættulega staði, til dæmis eins og
Valahnúk, þar sem mikil hraphætta
er. „Við lögum göngustíginn sem
liggur upp Valahnúkinn og setjum
upp girðingu meðfram brúninni því
hún er varasöm. Við komum einnig
til með að setja hættuskilti við
brúnina á nokkrum stöðum. Vala-
hnúkur býr yfir mjög sérstakri feg-
urð og er svæðið allt mjög mynd-
rænt og vænt til ljósmyndatöku.
Hættan er þó engu að síður til stað-
ar. Þetta eru leifar af eldfjöllum
sem hafið er að sverfa af og mola úr
berginu. Móbergið lætur mjög und-
an, og sennilega hafa tíu metrar
horfið af Valahnúk síðustu tíu til
tólf árin. Sem dæmi má nefna að
stæðið þar sem fyrst ljósvitinn á Ís-
landi var reistur uppi á Valahnúk,
árið 1878, er nú löngu horfið og var
hann samt einhverja 20 metra inn á
klettinum þegar hann var byggð-
ur.“
Hefur jákvæð áhrif á hugarfar
og umhverfisvitund
Jóhann telur verkefnið hafa mjög
góð áhrif á unga fólkið og hugarfar
þess. „Síðustu tveir dagar hafa ver-
ið mjög góðir og veðrið hefur verið
frábært. Krakkarnir hafa verið í
mikilli útivinnu og eru að átta sig á
umhverfi og umhverfismálum og
þeirri þýðingu sem fallegt umhverfi
hefur fyrir íbúa svæðisins hvað
varðar útivist og vellíðan.
Ég held að þau séu mjög ánægð
með að vera komin með eitthvað að
gera, þetta er líka mikill fjöldi, svo
það vinnst vel undan þeim.“
Eftir að hópurinn lýkur vinnu
sinni við Valahnúk verður farið að
Gunnuhver og að brúnni milli
heimsálfa og haldið áfram með fegr-
un og viðhald umhverfisins.
Umhverfisátak gegn atvinnuleysi ungmenna í Reykjanesbæ
Unnið að fegrun um-
hverfis Reykjanesvita
Ljósmynd/Jóhannes Kr. Kristjánsson
Umhverfisátakshópurinn á svæðinu við Reykjanesvita. Valahnúkur er í baksýn með gargandi fuglavarp.
Reykjanesbær
KIRKJUR Suðurnesja munu standa opnar
næsta sunnudag, 13. júlí frá ellefu til þrjú og er
ferðafólk hvatt til þess að gera sér ferð um
Reykjanesið og skoða þær.
Margar merkilegar kirkjur er að finna á
Reykjanesi og hefur nú verið gefinn út bækl-
ingur þar sem fjallað er um allar kirkjurnar.
Útgáfa bæklingsins er liður í því að efla menn-
ingartengda ferðaþjónustu á svæðinu. Mark-
miðið kirkjudagsins og útgáfu bæklingsins er
að vekja athygli fólks á kirkjum á Suð-
urnesjum, sem margar eiga sér langa og
merkilega sögu.
Upphafið að góðu samstarfi
Kristján Pálsson, formaður ferðamála-
samtaka Suðurnesja, segir að trúlega séu ekki
eins margar vel varðveittar kirkjur frá
nítjándu öld að finna á einsu takmörkuðu svæði
eins og á Suðurnesjum.„Fimm af átta kirkjum
á svæðinu sem enn eru í notkun voru byggðar
á árunum 1860 til 1890. Þar af eru tvær kirkj-
urnar hlaðnar af sama hleðslumeistara og hlóð
Alþingishús Íslendinga, það eru kirkjan í Innri-
Njarðvík og í Hvalsnesi. Í kirkjunum eru einn-
ig altaristöflur eftir þekkta málara, meðal ann-
ars fjórar eftir Sigurð Guðmundsson, eina eftir
Ásgrím Jónsson,og eina sem máluð var af
Magnúsi Árnasyni, sem var fæddur og uppal-
inn Njarðvíkingur. Það er full ástæða til þess
að hvetja fólk til að nota þetta tækifæri, hér er
um að ræða upphaf á góðu samstarfi ferða-
málasamtaka Suðurnesja og kirkjunnar á Suð-
urnesjum. Meiningin er sú að í haust verði síð-
an menningardagur í kirkjum á Suðurnesjum
sem verður kynntur síðar, en þar á að draga
fram söguna í söng, list og leik.“
Saga og menning hvers staðar
Í bæklingnum um kirkjurnar er athyglinni
beint að byggingunum sjálfum en ekki trúar-
legu hlutverki þeirra í samfélaginu. Kirkjur
voru lengi veglegustu byggingarnar á hverjum
stað og geyma því sögu byggingarlistarinnar á
sinn hátt. Eins tengdust kirkjurnar öllum
stærstu stundunum í lífi mannfólksins og söfn-
uðust því oft þangað merkir gripir og skemmti-
legar sögur. Ekki var hægt setja í bæklinginn
nema örfá orð um hverja kirkju en fólki er
bent á að í flestum kirkjunum er að finna nán-
ari upplýsingar um viðkomandi stað. Bækling-
inn er hægt að nálgast í öllum kirkjunum og
einnig á upplýsingamiðstöðvum ferðamanna í
Hveragerði, Hafnarfirði, Hafnarstræti í
Reykjavík og Reykjanesbæ.
Kirkjuskoðun á Reykjanesi
Morgunblaðið/Ómar
Grindavíkurkirkja er ein þeirra kirkna sem
verða opnar almenningi næsta sunnudag.
Suðurnes
TENGLAR
.....................................................
http://www.kjalarpr.is/?soknir