Morgunblaðið - 08.08.2003, Blaðsíða 56
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 8. ÁGÚST 2003 VERÐ Í LAUSASÖLU 190 KR. MEÐ VSK.
ÞYRLUR Landhelgisgæslunnar
fóru í þrjú útköll í gær og er það
fremur mikið á einum sólar-
hring. Þá sótti þyrla varnarliðs-
ins spænskan sjómann um 400
mílur frá Reykjavík, beint suður
af Vestmannaeyjum. Hann hafði
fengið botnlangakast og var
fluttur til Reykjavíkur á Land-
spítalann í Fossvogi. Loks var 15
ára piltur fluttur með sjúkraflugi
frá Gjögri síðdegis í gær eftir al-
varlegt slys í gamla frystihúsinu
við Djúpavík á Ströndum. Grun-
ur lék á um alvarlega höfuð-
áverka og innvortis meiðsl og
var læknir sendur með piltinum í
flugi til Reykjavíkur á Landspít-
alann í Fossvogi, þar sem hann
liggur á gjörgæsludeild.
Þyrla Landhelgisgæslunnar
TF-LIF sótti bílstjóra rútu sem
hafði velt rútunni á vaðinu yfir
Sandá skömmu eftir miðnætti í
fyrrinótt en beiðni barst til
Landhelgisgæslunnar klukkan
00:52. Samkvæmt upplýsingum
Landhelgisgæslunnar lenti mað-
urinn undir rútunni er hún valt
en komst undan henni af sjálfs-
dáðum og hafði gengið í um tutt-
ugu mínútur er hann rakst á fólk
sem óskaði eftir aðstoð. Mað-
urinn var fluttur á sjúkrahús í
Reykjavík og liggur nú á bækl-
unardeild Landspítalans í Foss-
vogi.
Þyrla Landhelgisgæslunnar
TF-SIF sótti mann um fertugt
sem slasaðist alvarlega er hann
hrapaði niður 10 metra djúpt
gljúfur og út í Sandá í Þistilfirði
er hann hugðist hefja laxveiðar
við annan mann. Vegna erfiðra
aðstæðna var ákveðið að kalla
eftir aðstoð þyrlunnar. Kom hún
á vettvang upp úr klukkan 10 og
lenti með hinn slasaða á Þórs-
hafnarflugvelli klukkan 10:33.
Þar beið sjúkraflugvél sem flaug
með hinn slasaða til Reykjavík-
ur, en hann liggur á gjörgæslu-
deild Landspítalans í Fossvogi
eftir að hafa gengist undir að-
gerð.
Þyrlan TF-SIF flaug með tvo
ferðamenn til Akureyrar eftir að
bifreið þeirra fór út af veginum
sunnan Fellabæjar, en kona á
miðjum aldri lést í sama slysi.
Þyrlur Landhelgisgæslunnar voru í stöðugu björgunarflugi í gær
Margir slasaðir eftir
óhappahrinu í gærdag
Maður hrapaði 10 metra ofan í gil
RANNSÓKNASTOFNUN fiskiðnaðarins,
ásamt fleiri aðilum hér á landi, er þátttakandi í
umfangsmiklu samevrópsku rannsóknaverkefni
sem snýr að heilnæmi sjávarafurða. Þetta er
umfangsmesta rannsóknaverkefni sem stofn-
unin hefur tekið þátt í en heildarkostnaður þess
er nærri 4 milljarðar króna og er verkefnið
styrkt af Evrópusambandinu. Verkefnið er til 5
ára og má ætla að styrkveiting til Rf nemi um
100 milljónum króna á tímabilinu.
Aðalmarkmið verkefnisins, sem kallast
„SEAFOODplus“, er að bæta heilsu og vellíðan
evrópskra neytenda með því að nýta þá kosti
sem fylgja neyslu heilsubætandi, öruggs sjávar-
fangs. Það verður gert með með því að tengja 22
sjálfstæð rannsóknaverkefni og hliðarverkefni
og stjórnun saman í eina heild í samþættu verk-
efni sem byggist á hugmyndafræðinni „frá
maga í haga“.
Verkefnin eru í fimm hópum sem fjalla um
næringarfræði, neytendur, öryggi, vinnslu og
vöruþróun og fiskeldi en einnig verður unnið að
sérstöku rekjanleikakerfi sem verður prófað á
alla keðjuna frá lifandi fiski til neytendavöru svo
hægt sé að rekja hvert atriði frá neytendum út á
mið eða í fiskeldisstöð.
Heildarkostnaður nærri 4 milljarðar
Verkefnið fékk faglega mjög góða dóma fyrir
nýnæmi, skipulag og val á þátttakendum sem
eru allir fremstir á sínu sviði í Evrópu. Sam-
starfsaðilar verkefnisins eru 76 háskólar, rann-
sóknastofnanir og fyrirtæki í flestum löndum
Evrópu, auk þess sem fyrirtæki úr iðnaðinum
tengjast verkefninu á ýmsan hátt. Heildar-
kostnaður við verkefnið er áætlaður 44,5 millj-
ónir evra eða nærri 4 milljarðar íslenskra króna
og mun Evrópusambandið leggja til ríflega
helming kostnaðarins. Íslenskir aðilar taka þátt
í rúmlega þriðjungi rannsóknaverkefnanna eða
8 verkefnum af 22. Þar að
auki verður einu verkefn-
anna stjórnað á Íslandi,
verkefni sem snýr að nýt-
ingu próteins úr fiski. Einn-
ig er fulltrúi frá Íslandi í
stjórn verkefnisins.
Sjöfn Sigurgísladóttir,
forstjóri Rannsóknastofn-
unar fiskiðnaðarins, segir að
vinnuframlag Íslands í
verkefninu verði rúmlega
300 mannmánuðir sem svari til 6 til 7 heilsárs-
starfa á ári en hún gerir ráð fyrir að íslensk fyr-
irtæki muni einnig tengjast ýmsum þáttum
verkefnanna. Auk þess hafa Inga Þórsdóttir og
Ágústa Guðmundsdóttir prófessorar frá Há-
skóla Íslands komið mjög að undirbúningnum.
Verkefnið hefst á næsta ári og er til 5 ára. Sjöfn
segir mjög mikilvægt að Íslendingar séu virkir
þátttakendur í alþjóðlegum rannsókna- og þró-
unverkefnum um viðhorf neytenda, öryggi,
heilsubætandi áhrif og vinnslu og þróun á sjáv-
arfangi. Þetta tiltekna verkefni muni án nokk-
urs vafa hafa áhrif á allar íslenskar rannsóknir á
sjávarfangi.
„Okkar markmið með þátttöku í verkefninu
var að taka þátt í og fylgjast með sem flestum
verkefnum innan heildarverkefnisins. Íslensku
þátttakendurnir sýndu mikla þrautseigju og út-
sjónarsemi og lögðu á sig mikla vinnu og annan
kostnað bæði við undirbúning, stjórnun og gerð
umsókna til að hlutur Íslands í verkefninu yrði
sem stærstur. Það skilaði þátttöku í stjórnun
verkefnisins og í sjö rannsóknaverkefnum og
hliðarverkefnum bæði við tækniyfirfærslu og
kynningu, þjálfun og fræðslu. Vegna hins mikla
umfangs þessa verkefnis verður það eina verk-
efnið á sviði sjávarútvegs sem ESB mun styrkja
á komandi árum,“ segir Sjöfn.
Fá 100 milljóna króna styrk frá ESB
Sjöfn Sigur-
gísladóttir
FJÖLMARGIR golfarar hafa lagt leið sína á golfvöll-
inn í Grafarholti í sumar enda veðrið leikið við þá
eins og aðra landsmenn. Á myndinni má sjá nokkra
þeirra ljúka leik á átjándu holunni.
Golfíþróttin verður æ vinsælli með hverju árinu
hér á landi og nú er svo komið að víða þarf að panta
tíma á golfvöllunum með góðum fyrirvara til að
vera öruggur um að komast að.
Morgunblaðið/Árni Sæberg
Leikið í góða veðrinu í Grafarholti
SPÆNSK kona á miðjum aldri beið bana er sjö
manna fólksbifreið með fimm manns valt út af
veginum sunnan bæjarins Ekkjufells, sem er
sunnan Fellabæjar á Héraði, upp úr hádegi í
gær en á staðnum er beygja og aflíðandi
brekka.
Að sögn lögreglunnar á Egilsstöðum missti
bílstjórinn vald á bílnum í lausamöl með þeim
afleiðingum að hann fór út af veginum og valt
nokkra hringi niður brattan slakka. Konan var
með lífsmarki er aðstoð barst en lést á staðn-
um.
Fólkið var á leið til Fellabæjar þegar óhapp-
ið varð. Hinir ferðalangarnir slösuðust mismik-
ið. Voru bílstjórinn og einn farþegi fluttir með
þyrlu Landhelgisgæslunnar, TF-SIF, til Ak-
ureyrar en hlutu þó ekki alvarleg meiðsl. Þá
voru tveir farþeganna fluttir til Akureyrar með
sjúkrabifreið en þeir hlutu lítils háttar áverka.
Að sögn lögreglu var töluverð umferð á
svæðinu en ekki þurfti að loka veginum nema
skamma stund.
Morgunblaðið/Steinunn
Bíllinn er mjög illa farinn eftir slysið.
Spænsk kona
lést í bílveltu
við Fellabæ
BERJASPRETTA er tveimur vikum fyrr á
ferð en í meðalári að sögn Sveins Rúnars
Haukssonar sem í mörg ár hefur fylgst vel með
berjasprettunni. „Það stefnir í gott berjaár
enda hefur veðursældin verið mikil.“
Sveinn Rúnar segir að vel megi byrja að tína
ber núna, krækiberin séu orðin góð og bláberin
alveg að verða tilbúin. Hann segir þó vonandi
að mildur og snjólítill vetur hafi ekki áhrif en
aðalbláberin virðast vera háð því að njóta
skjóls af snjónum.
Sveinn Rúnar er þeirrar skoðunar að fleiri
mættu átta sig á því hvaða auðlegð er í þessum
berjum okkar. „Það er svo hollt og gott að tína
og borða ber að það er nánast sárt til þess að
hugsa að við náum sennilega aldrei að tína
nema örlítið brot af því sem gefst á hverju ári.“
Berin tveimur
vikum fyrr
á ferðinni
MIKIÐ álag var á þyrluáhöfn
Landhelgisgæslunnar í gær en
sækja þurfti slasað fólk víða um
land. „Þetta var í meira lagi að
gera. Það gerist oft að við erum í
útkalli þegar annað kemur, en
núna tók hvert við af öðru.
Næsta útkall á eftir truflaði ekki
það sem var í gangi. Annars er
engin regla í þessu,“ segir Sig-
urður Ásgeirsson, þyrlu-
flugmaður hjá Landhelgisgæsl-
unni. Hann sagðist hvíldinni
feginn enda erilsamur sólar-
hringur að baki.
Sigurður segir að yfirleitt sé
meira að gera á sumrin en á vet-
urna því þá sé fólk meira á ferð-
inni. Hann bendir á að útköllin í
gær hafi til dæmis öll verið
tengd sumrinu, til að mynda
ferðamenn í bílslysi og maður
sem slasaðist við veiðar. „Á vet-
urna geta verið fá útköll en þau
eru mun erfiðari. Þá er oft vont
veður og skip jafnvel að sökkva.
Í dag (í gær) voru þetta fínar að-
stæður og gott veður.“
Auk Sigurðar voru í áhöfn
þyrlunnar í gær: Jakob Ólafsson
flugstjóri, Einar Valsson, stýri-
maður og sigmaður, Reynir G.
Brynjarsson, flugvirki og spil-
maður, og Hannes Petersen
læknir.
Fleiri útköll
á sumrin
♦ ♦ ♦
Slasaðist/4