Morgunblaðið - 30.09.2003, Blaðsíða 18

AKUREYRI
18 ÞRIÐJUDAGUR 30. SEPTEMBER 2003 MORGUNBLAÐIÐ
KRISTJÁNI Karli Bragasyni píanóleikara
var veitt viðurkenning úr Menningarsjóði
Dalvíkurbyggðar, kr. 150.000 á fundi
íþrótta-, æskulýðs- og menningarráðs ný-
lega. Menning og listir auðga líf ein-
staklinganna og hafa mikla þýðingu fyrir
velferð þeirra og samfélagsins í heild, segir
á heimasíðu Dalvíkurbyggðar.
Kristján Karl er nemi í Tónlistaskóla
Reykjavíkur og þykir með efnilegri píanó-
leikurum og hlýtur viðurkenningu fyrir að
stuðla með hæfileikum sínum á sviði tón-
listar að öflugu og frjóu lista- og menning-
arlífi í Dalvíkurbyggð.
Efnilegur píanóleikari
heiðraður á Dalvík
„HANN Haraldur er heilt Ísland. Það er
ekki einvörðungu að Haraldur hafi vaxið úr
frjórri skagfiskri mold heldur hefur hann á
langri ævi orðið fágaður heimsmaður og gert
Kýrholt að heimsögulegu óðalssetri í vitund
þeirra sem til þekkja,“ sagði Guðmundur
Heiðar Frímannsson deildarforseti kenn-
aradeildar Háskólans á Akureyri í ávarpi
sem hann flutti í kveðjuhófi háskólans sem
haldið var um helgina, en Haraldur Bessason
fyrsti rektor Háskólans á Akureyri hefur lát-
ið af störfum. Hann og eiginkona hans Mar-
grét Björgvinsdóttir flytja nú í vikunni bú-
ferlum vestur um haf, til Toronto í Kanada.
Börn þeirra hjóna búa öll í Kanada, raunar
er langt á milli þeirra því þau búa í Toronto,
Winnipeg og Calgary. „Það er jafnlangt fyrir
okkur að fara frá Toronto til Calgary eins og
frá Íslandi til Toronto,“ sagði Haraldur.
Hann tók við starfi rektors Háskólans á
Akureyri þegar skólinn var stofnaður árið
1987 og gegndi því til ársins 1994 en hefur
eftir það kennt íslensku við kennaradeild há-
skólans. Áður kenndi hann í röska þrjá ára-
tugi við Manitoba-háskóla og er heið-
ursdoktor hans auk þess að vera heiðurs-
borgari Winnipeg-borgar. Haraldur var
kjörinn fyrsti heiðursdoktor Háskólans á Ak-
ureyri árið 2000.
Hversdagurinn að
stórfenglegu ævintýri
Þorsteinn Gunnarsson rektor Háskólans á
Akureyri sagði vöxt háskólans eitt þýðing-
armesta skref í byggðamálum á síðari hluta
20. aldar og þar hefði Haraldur unnið mikið
brautryðjandastarf. Nemendur skólans
fyrsta starfsárið voru 30 talsins, „og skólinn
átti eina bók, en óx og dafnaði þó svo margir
hefðu ekki hugað honum líf,“ eins og Þor-
steinn komast að orði.
„Við þessi kaflaskil í ævi Haraldar þegar
hann leggst aftur í víking til Vesturheims þá
er ekki ljóst hvernig best er að reyna að
nálgast þessa sögueyju sem Haraldur er. Á
að nálgast Skagfirðinginn Harald, ýtumann-
inn Harald, háskólakennarann Harald, fræði-
manninn Harald, rektorinn Harald eða tölvu-
manninn Harald eða þennan ákaflega ljúfa
og elskulega mann sem hefur umgengist
okkur hér í skólanum í tæp sextán ár og hef-
ur þetta sérkennilega lag á því að gera
hversdaginn að stórfenglegu ævintýri með
svo ótrúlegum tilsvörum og sögum að maður
dregur stundum andann djúpt og spyr sig:
Er þetta að gerast í alvöru?“ Þetta sagði
Guðmundur Heiðar og rifjaði upp hinar
ýmsu sögur.
Hver var ráðinn?
Ein þeirra tengist tölvumanninum Haraldi
og er á þá leið að fyrir allmörgum árum var
rætt um það lengi dags á fundi í háskólanum
að þörf væri á nýjum netþjóni. „Ekki fer
sögum af niðurstöðu fundarins en nokkrum
dögum síðar spurði Haraldur Ólaf Búa,
hægri hönd sína uppalinn í slökkviliðinu og
þúsundþjalasmið, hver hefði verið ráðinn
netþjónn.“
Nefndur Ólafur Búi sagði söguna hins veg-
ar sanna svona: „Við sátum nokkur á fundi
og ræddum m.a. nauðsyn þess að fá nýjan
netþjón. Eftir töluverðar umræður segir
Haraldur: Búi, þú veist vel að við höfum ekki
efni á að ráða fleira fólk!“
Rektor færði Haraldi skjöld með vin-
arkveðju háskólamanna og Haraldur, sem
þakkaði þann góða hug sem þeim hjónum
fylgdi vestur um haf, færði Þorsteini að lok-
um lykil sem hann kvað ganga að öllum vist-
arverum háskólans, þar á meðal peninga-
skápnum. Hann vissi að vísu ekki hvar sá
góði skápur væri, „en lykillinn gengur að
honum, svo mikið er víst“.
Haraldur hefur um ævina stundað ritstörf
af kappi og „nú fer ég að skrifa eitthvað á
tölvuna,“ sagði hann spurður um áform sín í
Kanada. „Maður fær hvergi vinnu orðið, það
vill mann enginn í vinnu,“ sagði hann, en um
Akureyri þetta: „Fallegt fólk, gott veður.“
Háskólamenn kveðja fyrsta rektor skólans sem flytur á ný vestur um haf
Haraldur er heilt Ísland
Morgunblaðið/Skapti Hallgrímsson
Haraldur Bessason: Skagfirðingur, ýtumaður,
háskólakennari, fræðimaður, rektor og tölvu-
maður.
Vísindavefur | Anna Elísa Hreiðarsdóttir
leikskólakennari flytur fyrirlestur á fyrsta
fræðslufundi skólaþróunarsviðs kenn-
aradeildar Háskólans á Akureyri í dag, þriðju-
daginn 30. september. Hann hefst kl. 16.15 í
stofu 16 í Þingvallastræti 23 og nefnist hann
Vísindavefur. Greint verður frá vef á heima-
síðu leikskólans Iðavallar, en hann var valinn
til úrslita í samkeppni eSchola um 100 bestu
upplýsinga- og samskiptatækniskóla í Evrópu
(eLearning awards) og hefur verið kjörinn í
samkeppni 10 bestu verkefnanna.
Lögfræðitorg | Prófessor Luigi Capogrossi
Colognesi mun flytja fyrirlestur á Lög-
fræðitorgi Félags- og lagadeildar Háskólans á
Akureyri í dag, þriðjudaginn 30. september kl.
16.30 í stofu 14 við í Þingvallastræti 23.
Fyrirlesturinn nefnist: Hvað gagnast okkur
Rómarréttur í lögfræði nútímans? Hann er
prófessor í Rómarrétti við „La Sapienza“ há-
skólann í Róm.
GUÐRÚN Þóra Björnsdóttir, kenn-
ari í Glerárskóla, nýtir sér tæknina
við kennslu en hún talar til nemenda
sinna í gegnum hljóðkerfi. Það er
ekki vegna þess að nemendur henn-
ar séu svo hávaðasamir, heldur fór
hún að nota slíkan búnað eftir
skjaldkirtilsaðgerð.
Hún hefur notað hljóðkerfi í tæpt
ár og sagði í samtali við Morg-
unblaðið að það hefði reynst sér
mjög vel í kennslunni. Einn annar
kennari við skólann nýtir sér einnig
þessa tækni.
„Mér finnst að þetta ætti að vera
staðalbúnaður í hverri kennslustofu
eftir að hafa nýtt mér þessa tækni.
Ég finn mikinn mun á mér og þarf
ekkert að vera að misbeita röddinni,
heldur get ég hækkað og lækkað í
tækinu eftir þörfum. Þetta kemur
sér mjög vel, ekki síst í fjölmennari
bekkjunum og ég hef ekki fundið
fyrir særindum í hálsi eftir að ég fór
að nota tækið. Þá hafa krakkarnir
tekið þessu mjög vel.“
Guðrún Þóra er umsjónarkennari
í 7. bekk en kennir einnig nem-
endum í 8., 9. og 10. bekk. Hún út-
skrifaðist frá kennaradeild Háskól-
ans á Akureyri og um áramótin
1996–1997 og hefur stundað kennslu
við Glerárskóla frá árinu 1997.
„Ég var hér í æfingakennslu og
það lá beint við hefja kennslu við
skólann að loknu námi.“
Guðrún Þóra Björnsdóttir, kennari í Glerárskóla, notar hljóðkerfi við kennsluna
Ætti að vera
staðalbúnaður
í hverri stofu
Morgunblaðið/Kristján
Guðrún: Misbeiti ekki röddinni, heldur hækka og lækka í tækinu eftir þörfum.
Aðalfundur | Vinstrihreyfingin – grænt
framboð á Akureyri og nágrenni heldur aðal-
fund annað kvöld, miðvikudagskvöldið 1. októ-
ber á Græna hattinum, Hafnarstræti 96, og
hefst hann kl. 20.30.
Á dagskránni eru venjuleg aðalfundarstörf
og þá verða kjörnir fulltrúar á kjördæmisþing
VG í Norðausturkjördæmi og landsfund
hreyfingarinnar.
Að aðalfundinum loknum verður skemmti-
dagskrá og hlutavelta.
TVÆR athugasemdir bárust við
breytingar á deiliskipulagi við
Búðargil, en frestur til að skila
þeim inn er nýlega runninn út.
Sæluhús á Akureyri sem
hyggjast reisa orlofsbyggð í Búð-
argili óskuðu eftir því að gera
breytingar á deiliskipulagsskil-
málum, vildu hækka þak húsanna
um einn metra, úr 4 í 5. Á fundi
umhverfisráðs nýlega var lagður
fram uppdráttur sem sýndi snið í
gegnum orlofshús og á hvern
hátt breyting á skipulagi hefði
áhrif á útsýni íbúa í Teigahverfi.
Þetta erindi Sæluhúsa var sent í
grenndarkynningu og bárust að
henni lokinni tvær athugasemir.
gróðursetningu ef hún ylli skertu
útsýni og loks gera íbúarnir at-
hugasemd við umferðarmál innan
í og kringum orlofshúsabyggð-
ina. Þá barst athugasemd frá íbú-
um við Miðteig þar sem mótmælt
var fækkun grænna svæða í bæn-
um auk þess sem íbúarnir lýstu
þeirri skoðun sinni að fráleitt
væri að byggja orlofshúsabyggð í
miðjum kaupstað með því ónæði
sem slíkri byggð fylgdi.
Umhverfisráð samþykkt til-
lögu Sæluhúsa og heimilaði
hækkun húsanna, en fól skipu-
lags- og byggingafulltrúa að
svara þeim athugasemdum sem
fram komu.
við þessar götur. Einnig var því
mótmælt að orlofshúsabyggð risi
í Búðargili sem og fyrirhugaðri
Var önnur frá 25 íbúum við Mið-
og Mosateig þar sem mótmælt
var skerðingu á útsýni frá húsum
Hækka orlofshúsin í óþökk nágranna