Morgunblaðið - 30.09.2003, Síða 23

DAGLEGT LÍF
MORGUNBLAÐIÐ ÞRIÐJUDAGUR 30. SEPTEMBER 2003 23
GOJO
hreinlæti
w w w . b e s t a . i s
Nýbýlavegi 18 • 200 Kópavogi • Sími: 510 0000
Brekkustíg 39 • 260 Njarðvík • Sími: 420 0000
Miðási 7 • 700 Egilsstöðum • Sími: 470 0000
Lotion sápa,
Rich heilsusápa,
Spa & Bath sturtusápa,
Purell sótthreinsigel,
Antibac sótthr. sápa.
Hagkvæmt, þrifalegt
og fyrirferðalítið
sápukerfi.
HELMINGUR 16 ára unglinga
fær ekki nægan nætursvefn
vegna þess að tístið í farsímanum
vekur þá. Þetta kemur fram í nið-
urstöðum belgískrar rannsóknar
en samkvæmt þeim var annar
hver 16 ára unglingur vakinn af
tóninum sem boðar ný textaskila-
boð þann mánuð sem rannsóknin
stóð yfir, en fjórði hver 13 ára
unglingur átti við sama vandamál
að stríða. Frá þessu er m.a.
greint í Jyllands-Posten.
Að fara snemma í háttinn er
engin trygging fyrir góðum næt-
ursvefni þar sem það er regla
frekar en undanteking að farsím-
ar unglinganna tísti hvað eftir
annað kvöld og nætur til að gefa
til kynna ný skilaboð. Þessi röð
SMS-skilaboða kvölds og nætur
leiðir til ósamfellds svefns hjá
unglingunum sem eru á þeim
aldri að þurfa 8–9 tíma sam-
felldan svefn. Ekki fylgir sögunni
af hverju unglingarnir hafa yfir
höfuð kveikt á farsímunum sínum
síðla kvölds og nætur.
Morgunblaðið/Kristinn Ingvarsson
Náttboð: Að fara snemma í háttinn
er ekki lengur trygging fyrir góð-
um nætursvefni unglinganna.
SMS eða
svefn?

UNGLINGAR
Í BÆJARBLAÐINU í
Ringerike í Noregi var
nýlega greint frá því að
mikil stemmning ríkti
meðal unglinga þar í bæ
vegna fyrirhugaðrar
heimsóknar til Skaga-
strandar sumarið 2005.
Fyrirspurn frá þarlend-
um bæjaryfirvöldum
barst Magnúsi B. Jóns-
syni, sveitarstjóra á
Skagaströnd, ekki alls
fyrir löngu þar sem spurt
var hvort sveitarfélagið
sæi sér fært að taka á
móti fjörutíu manna hópi
frá Hov-grunnskólanum í Hönefoss,
sem er stærsti bærinn í Ringerike-
sveitarfélaginu. Bærinn Hönefoss er
um 100 kílómetra austur af Osló og
er einn af vinabæjum Skagastrandar.
„Ég tók auðvitað vel í málið og
svaraði því til að unglingarnir væru
velkomnir til okkar. Við komum til
með að hýsa norsku gestina í heima-
húsum, sýnum þeim landið, kynnum
þá fyrir íslenskum jafnöldrum þeirra
og vonum að góð tengsl
myndist milli manna,“ segir
Magnús.
Af fjörutíu manna hópi
verða þrjátíu 14 ára ung-
lingar auk tíu foreldra. For-
eldrar áttu frumkvæðið að
Íslandsheimsókninni og
tóku skólayfirvöld strax vel í hug-
myndina. Nemendurnir hafa í hyggju
að búa sig vel undir heimsóknina og
safna sjálfir fyrir ævintýraferðinni.
Ragnhild Gusdahl, konsúll Íslend-
inga í Tromsö, heimsótti börnin í
skólann auk þess sem þau hafa kynnt
sér land og þjóð á myndböndum, en
nú dreymir þau um að upplifa Ísland
og baða sig í heitum laugum.
Skagaströnd sótti um að fá að
ganga inn í norrænt vinabæj-
arsamband árið 1987 til þess að efla
tengsl við aðrar norrænar þjóðir og
auka víðsýni.
Skemmtilegt vinabæjarsamstarf
Auk norska bæjarins Ringerike
eru Aabenraa í Danmörku, Växjö í
Svíþjóð og Lohja í Finnlandi vinabæ-
ir Skagastrandar, en saman halda
þessir fimm bæir vinabæjarmót ann-
að hvert ár.
„Við duttum inn í þessa
gömlu vinabæjarkeðju,
sem er bæði góð og
skemmtileg. Bæirnir
fimm skiptast á að halda
vinabæjarmót annað
hvert ár og eigum við
næsta leik árið 2004.
Skagstrendingar hafa haldið eitt mót
áður, sumarið 1994, og komu þá um
30–40 manns til okkar frá hinum
vinabæjunum. Mótið var sérlega vel
heppnað. Við héldum gestum okkar
mikla veislu, fórum með þeim í út-
sýnisferðir og enduðum á því að
skála fyrir lýðveldinu Íslandi í dúndr-
andi blíðu á Þingvöllum þar sem pall-
arnir voru enn uppistandandi eftir
Alþingishátíðina. Auk þess höfum við
tekið á móti mjög fínni sænskri ung-
lingalúðrasveit, sem hélt
tónleika hérna í samstarfi
við lúðrasveit frá Tónlist-
arskóla A-Hún. Lúðra-
sveitin endurgalt þá heim-
sókn sl. sumar og karlakór
úr héraðinu hefur farið á
norræn kóramót og er í
góðu samstarfi við kóra í
hinum vinabæjunum.“
Sveitarstjórinn á
Skagaströnd telur að vina-
bæjarstarfið hafi eflt bæði
víðsýni og þekkingu á
sveitarstjórnarmálum
frændþjóðanna. „Við lær-
um af þeim og þeir af okk-
ur þótt ólíku sé saman að jafna þegar
kemur að stærðarhlutföllum og íbúa-
tölum. Af þessum bæjum er Växjö í
Svíþjóð fjölmennastur með hátt í
áttatíu þúsund íbúa. Hinir þrír, þeir
dönsku, norsku og finnsku, eru með
um þrjátíu þúsund íbúa hver, en svo
rekum við auðvitað lestina með að-
eins um sex hundruð íbúa. Þeir öf-
unda okkur t.d. mikið vegna þess að
við erum aðeins með fimm sveit-
arstjórnarmenn á meðan fulltrúar í
öðrum sveitarstjórnum skipta tug-
um,“ segir Magnús.
Allt til alls
Þegar Magnús er spurður hvort
vinabæjunum þyki ekki merkilegt að
Skagaströnd skuli vera kántrýbær
svarar hann því til að svo kunni að
vera. „Þó held ég að gestum okkar
finnist miklu merkilegra að fá að
kynnast svo litlu þorpi út við ysta haf,
sem lifir á fiski en hefur allt til alls,
svo sem skóla, heilsugæslu, verslanir
og veitingastaði svo eitthvað sé nefnt.
Þetta finnst frændum okkar sér-
staklega merkilegt.“

SKÓLAR | Norskir grunnskólanemar safna fyrir Íslandsferð
Stemmning fyrir
Skagaströnd
Morgunblaðið/Jón Sigurðsson
Þorp við ysta haf: Skagstrendingar lifa af fiski og eru
þekktir fyrir áhuga á kántríi og línudansi.
Þau dreymir
um að upplifa
Ísland og baða
sig í heitum
laugum.
join@mbl.is
Moggabúðin
Stuttermabolir, aðeins 1.000 kr.
AUGLÝSINGADEILD
netfang: augl@mbl.is eða sími 569 1111