Morgunblaðið - 23.10.2003, Blaðsíða 2

FRÉTTIR
2 FIMMTUDAGUR 23. OKTÓBER 2003 MORGUNBLAÐIÐ
BER MIKINN KOSTNAÐ
Fólk með giktarsjúkdóma raðast í
lægri tekjuþrep og ber mikinn
kostnað vegna sjúkdómsins sam-
kvæmt niðurstöðum könnunar á
högum gigtsjúkra sem framkvæmd
hefur verið fyrir Gigtarfélag Ís-
lands.
Þórshöfn ekki með ADSL
Þórshafnarbúar eiga ekki kost á
því að vera með ADSL-tengingar í
húsum sínum, þar sem Síminn telur
að byggðin sé of fámenn til þess að
það svari kostnaði að veita þessa
þjónustu.
Kaupa ekki Boeing 757
Flugleiðir hafa náð samningum
við Boeing-flugvélaverksmiðjurnar
um að falla frá samningi um kaup á
nýrri Boeing 757-þotu, sem átti að
afhenda félaginu í mars 2005.
Sama skatthlutfall
Bandalag starfsmanna ríkis og
bæja vill að sama skatthlutfall gildi
um allar tekjur, jafnt launatekjur og
fjármagnstekjur. Skattur á vexti og
arð er 28% í Noregi, 43% í Dan-
mörku, 42,4% í Sviss, en 10% hér á
landi.
Skýrsla um kúgun í N-Kóreu
Allt að 200.000 Norður-Kóreu-
mönnum er haldið í þrælkunar-
búðum þar sem algengt er að fólk sé
pyntað eða tekið af lífi, auk þess sem
margir svelta þar heilu hungri. Þetta
kemur fram í nýrri skýrslu Mann-
réttindanefndar Bandaríkjanna.
Hún segir að mörg dæmi séu um að
vanfærar konur í búðunum séu
neyddar í fóstureyðingu eða látnar
horfa á verði drepa börnin þeirra.
Deilt um konu í dái
Baráttan um líf eða dauða konu,
sem hefur verið í dái frá 1990, tók
nýja stefnu í fyrradag þegar þing
Flórída samþykkti að henni skyldi
gefin næring í æð, en því hafði verið
hætt sex dögum áður samkvæmt
dómsúrskurði. Þingið var sakað um
að hafa brotið stjórnarskrána með
þessari ákvörðun, það er regluna um
aðskilnað framkvæmdavalds og
dómsvalds.
23. október 2003
Spjaldadælur
Einfaldar, tvöfaldar, þrefaldar
Stærðir: 6 - 227 cm3/sn.
T6 240 bar, T7 300 bar
Spilverk ehf.
Skemmuvegi 8, 200 Kópavogi,
sími. 544 5600, fax. 544 5301
Bætt afkoma í rækjuvinnslu byggist á
nýjum mörkuðum, deilt um skipa-
skoðun og smábátar í bryggjuspjalli.
Landiðogmiðin
Sérblað um sjávarútveg
úrverinu
FISKVEIÐINEFND Eystrasaltsins hefur
ákveðið að minnka leyfilegan þorskafla í
Eystrasalti um 13.400 tonn á næsta ári og
dregst hann því saman úr 75.000 tonnum í
61.600. Síldarkvótinn verður sá sami en veiðar
á brislingi verða auknar. Laxakvótinn í Botníu-
flóa verður sá sami en minni í Finnskaflóa.
Þótt nefndin hafi náð samstöðu um þessa
kvóta eru umhverfisverndarsinnar óánægðir
og telja að leyft verði að veiða allt of mikið af
þorski og segja að stjórnmálamennirnir hafi
hunzað ráðleggingar vísindamannanna. Ráð-
gjafarnefnd Alþjóða hafrannsóknaráðsins
hafði lagt til að þorskaflinn í Eystrasalti færi
ekki yfir 42.600 tonn á næsta ári. Nú verður
leyft að veiða ríflega 143.000 tonn af síld á
helztu veiðisvæðunum, en árið 2000 var leyfi-
legur síldarafli þar 405.000 tonn. Á öðrum
svæðum verður leyft að veiða 61.200 tonn, en
ástand síldarinnar í Rigaflóa er talið gott.
Brislingskvótinn var aukinn úr 310.000 tonn-
um í 420.000 tonn og hefur hann ekki verið svo
mikill síðustu árin.
Nú verður leyft að veiða 460.000 laxa á öðr-
um stöðum en Finnskaflóa og er það sami kvóti
og á þessu ári. en árin þar áður var leyft að
veiða 450.000 fiska. Kvótinn í Finnskaflóa
verður 35.000 fiskar á næsta ári, en á þessu ári
má veiða 50.000. Árið 2000 var kvótinn þar
90.000 fiskar.
Hlutur Dana í þorskveiðunum í Eystrasalti
verður um 17.000 tonn á næsta ári, en það er
niðurskurður um tæp 18% miðað við árið í ár.
Hlutur Pólverja á næsta ári lækkar um 20%
og verður nú alls 61.000 tonn. Mestur er nið-
urskurðurinn í þorski.
Minnka þorskkvótann í Eystrasaltinu
ÚTFLUTNINGUR saltaðra grásleppu-
hrogna á fyrstu 8 mánuðum ársins var um
7.000 tunnur sem er um 60% aukning frá
sama tíma síðasta árs. Örn Pálsson, fram-
kvæmdastjóri Landssambands smábátaeig-
enda, segir gott útlit væri fyrir verðhækk-
un á grásleppuhrognum á næstu vertíð.
Grásleppuvertíðin gekk víðast hvar vel
og þarf að fara aftur til ársins 1997 til að
vinna meiri veiði en veiðin í ár skilaði sam-
tals 13 þúsund tunnum. Best var veiðin í
utanverðum Eyjafirði og í vestanverðum
Skjálfandaflóa. Mest aflaðist hinsvegar á
Bakkafirði af einstökum stöðum en þar var
saltað í 1.100 tunnur og á Húsavík var salt-
að í 990 tunnur.
„Í upphafi vertíðar gaf LS út lágmarks-
viðmiðunarverðið 888 evrur eða um 70 þús-
und krónur fyrir hverja fulluppsaltaða
tunnu. Ekki var annað að heyra á framleið-
endum en þeir tækju verðinu vel. Það kom
því mjög á óvart þegar tveir framleið-
endur, Vignir Jónsson og ORA, tóku upp á
því að tilkynna mönnum verðlækkun um 10
þúsund krónur á tunnu aftur í tímann sem
var að sögn grásleppuveiðimanna án til-
efnis,“ segir Örn.
Hann segir grásleppuveiðimenn hafa
brugðist hart við þessari lækkun og for-
dæmt framleiðendur fyrir að dreifa ósönn-
um fullyrðingum um veiðar og verð í ná-
grannalöndunum. Hann segir hinsvegar
óljóst hvaða áhrif þessi uppákoma eigi eftir
að hafa til langframa. Engu að síður sé
ljóst að veiðimenn muni hugsa sig tvisvar
um áður en ákvörðun yrði tekin um fram-
tíðarviðskipti við þessa aðila. Frá veiði-
mönnum heyrist einnig að þeir hafi nú haf-
ið viðskipti við erlendan aðila sem gæti
þróast í framtíðarviðskipti.
„Allt útlit er fyrir að góður markaður sé
fyrir grásleppuhrogn á næstu vertíð.
Heimsveiðin var innan þeirra marka sem
kaupendur óskuðu eftir að kaupa og mikil
spenna var hjá þeim að ná síðustu tunn-
unum. Það má því búast við einhverri verð-
hækkun en reynslan sýnir okkur að best er
að fara varlega í þeim efnum,“ sagði Örn.
60% aukning á útflutningi hrogna
Útlit fyrir verðhækkun á hrognum á næstu grásleppuvertíð enda veiðin í heiminum í jafnvægi
Morgunblaðið/RAX
Síðasta grásleppuvertíð var íslenzkum sjómönnum hagstæð.
ALLS starfa um 5 þúsund manns
við fiskvinnslu hér á landi og hefur
fækkað um helming á rúmum ára-
tug. Mikil tæknivæðing í öllum
vinnslugreinum og flutningur
vinnslu út á sjó eiga þar stærstan
þátt. Engu að síður hefur erlendum
starfsmönnum fjölgað mikið og nú
er áætlað að hér starfi um 800 er-
lendir starfsmenn í fiskvinnslu.
Þannig er meira en helmingur
starfsmanna í fiskiðjuveri Granda
hf. í Norðurgarði í Reykjavík af er-
lendum uppruna, frá nærri 20 lönd-
um hvaðanæva úr heiminum. Þessi
fjölþjóðlegi mannauður hefur að
sögn orðið til þess að efla starfsand-
ann hjá fyrirtækinu.
Morgunblaðið/Þorkell
Fjölþjóðlegur mannauður
SKIPVERJAR á Arnari ÁR 55
komu á dögunum með stærsta
skötusel, sem veiðzt hefur við Ís-
land, til hafnar í Vestmannaeyjum.
Kykvendið er 145 sentímetra
hrygna og veiddist í dragnót við
Sandagrunn á 55 faðma dýpi. Skip-
verjar færðu Fiska- og nátt-
úrugripasafni Vestmannaeyja fer-
líkið að gjöf og verður fiskurinn
væntanlega stoppaður upp. Skötu-
selurinn getur orðið 200 sentímetra
langur. Skötuselurinn er afar kjaft-
stór ránfiskur og étur nánast allt
sem að kjafti kemur, jafnvel fugla
sem eru að kafa eftir æti.
Ófrýnilegt
ferlíki
Morgunblaðið/Sigurgeir
Skötuselurinn er afar kjaftstór og á
meðal annars til að gleypa fugla sem
eru að kafa eftir æti.
VINSÆLASTI fisk-
réttur Iceland Seafood
Corp., dótturfyrirtækis
SÍF í Bandaríkjunum,
er „Big Bob’s Belly
Buster“, eða bumbu-
sprengjan svokallaða.
Rétturinn er unninn úr hvítfisk-
flökum og selst betur en nokkur
önnur vara frá ISC í tonnum talið.
Flökin í bumbusprengjunni eru
óvenju stór og ná út fyrir venjulega
matardiska. Heitir bumbu-
sprengjan í höfuðið á einum starfs-
manna fyrirtækisins, Bob Mizek,
sem þykir víst frekar stór um sig og
frekur til matarins. Byrjað var að
selja réttinn í janúar á síðasta ári. Í
fyrstu fór markaðs-
setningin rólega af
stað, en vinsældir
bumbusprengjunnar
komu fljótlega í ljós og
fyrirtækið brást við
með miklu markaðs-
átaki, sem hefur aukið vinsældir
bumbusprengjunnar enn frekar.
Bumbusprengjan slær í gegn
PRENTSMIÐJA MORGUNBLAÐSINS FIMMTUDAGUR 23. OKTÓBER 2003 Á netinu mbl.is/vidskipti BLAÐ B

Bankaútibú í þínu fyrirtæki
Fyrirtækjabanki Landsbankans
Þú stundar öll bankaviðskipti fyrirtækisins á einfaldan og þægilegan
hátt á Netinu – hvenær sem þér hentar.
Í Fyrirtækjabanka Landsbankans býðst þér m.a. að:
• Framkvæma allar almennar bankaaðgerðir (millifæra, sækja yfirlit, greiða reikninga o.s.frv.).
• Safna greiðslum saman í greiðslubunka sem hægt er að greiða strax eða geyma til úrvinnslu síðar.
• Framkvæma greiðslur með því að senda inn greiðsluskrár úr t.d. bókhaldsforritum.
• Stofna og fella niður innheimtukröfur.
• Greiða erlenda reikninga (SWIFT).
Nánari upplýsingar um Fyrirtækjabankann getur þú fengið í næsta útibúi Landsbankans,
í Þjónustuveri bankans í síma 560 6000 eða á vefsetri bankans, www.landsbanki.is
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
LB
I
22
05
1
08
/2
00
3
SIGURJÓN Þorvaldur Árna-
son, bankastjóri Landsbankans,
segir að ekki sé öðrum en bönk-
unum til að dreifa á íslenskum
fjármálamarkaði til að leiða um-
breytingaferli í atvinnulífinu.
Hlutverk þeirra sé í raun sögu-
legt og sé afleiðing af þeim
breytingum sem gerðar hafi ver-
ið innanlands og þeirri þróun
sem átt hafi sér stað erlendis.
Þetta kom fram á morgunverð-
arfundi Verslunarráðs Íslands í
gær þar sem rætt var um þær
sviptingar sem eiga sér stað á
fjármálamarkaði og framtíðar-
sýn nýrrar kynslóðar.
Á fundinum rakti Sigurjón
breytingarnar aftur til kvóta-
kerfisins snemma á níunda ára-
tugnum og breytinga á fjármála-
markaðnum og einkavæðingu á
síðasta áratug. Breytingarnar
hér væru einnig í takt við er-
lenda þróun, svo sem landnám
markaðsaflanna í Austur-Evr-
ópu, aukið viðskiptafrelsi og
byltingu í upplýsingatækni. Allt
mótaði þetta framtíðarsýnina og
leiddi til útrásar vegna þess að
skilyrði viðskiptalífsins hér og
erlendis hefðu verið samræmd,
sem hjálpaði okkur til að sækja
út og keppa á jafnréttisgrund-
velli.
Mikil áhersla hefði áður verið
lögð á að fá erlenda fjárfesta inn
í landið. Það hefði helst heppn-
ast í áliðnaðinum, en þrátt fyrir
áhuga á að fá erlenda fjárfesta
inn í bankana eða Símann hefði
það ekki tekist svo nokkru
næmi. Fjármagnið sem streymt
hefði inn í innlend fyrirtæki
hefði komið fyrir tilstuðlan inn-
lendra aðila og útrásin hefði síð-
an verið framtak einstaklinga í
samvinnu við fjármálafyrirtækin.
Sigurjón sagði styrka þátttöku
innlends fjármálamarkaðar og
vilja fjármálafyrirtækjanna til að
styðja við þessa umbreyt-
ingaþróun hafa skipt miklu máli.
Vel heppnuð samvinna
Hann sagði útrás þeirra fyrir-
tækja sem unnið hefðu þétt með
fjármálafyrirtækjum hafa gengið
betur en annarra. Sú staðreynd
að útrásarfyrirtæki hefðu unnið
misjafnlega náið með fjármála-
fyrirtækjum kynni að vera skýr-
ingin á að útrásin hefur heppn-
ast misjafnlega vel og hann
sagði hægt að fullyrða að árang-
urinn hefði ekki orðið mestur á
því sviði þar sem við ættum að
hafa mesta hlutfallslega yfir-
burði, þ.e. í sjávarútvegi.
Sigurjón sagðist telja stöðuna
á innlendum fjármálamarkaði í
dag nákvæmlega eins og að
hefði verið stefnt. Bönkunum
hefði verið breytt í einkafyrir-
tæki sem hefðu arðsemi að leið-
arljósi og lögum hefði verið
breytt til að sameina viðskipta-
bankaþjónustu og fjárfestingar-
bankaþjónustu og til að sameina
verðbréfafyrirtæki bankanna við
bankana sjálfa. Þetta væri í
samræmi við þróun erlendis. Allt
hefði þetta líka verið nauðsyn-
legt til að gera bankana að
þokkalega sterkum einingum.
Sigurjón sagði að til að hafa
fjárfestingarbanka og viðskipta-
banka undir einum hatti þyrfti
lagaramminn að vera í samræmi
við það, og hann væri það. Laga-
ramminn væri tiltölulega þröng-
ur og eftirlitsaðilum væri ætlað
stórt hlutverk sem þeir sinntu
vel og þeir hefðu styrkst á síð-
ustu árum í að sinna þessu hlut-
verki sínu. Hann sagði ósann-
gjarnt þegar því væri haldið
fram að aðskilnaður ólíkra þátta
bankanna væri ekki nægjanleg-
ur og Kínamúrar héldu ekki.
Engin málefnaleg rök væru til
að halda slíku fram.
Bönkunum falið hlutverk
Sigurjón telur að aðstæður séu
þannig að öðrum en bönkunum
sé ekki til að dreifa nú til að
leiða umbreytingarferli í at-
vinnulífinu. Ekki sé æskilegt að
ríkið taki það hlutverk að sé og
lífeyrissjóðir eigi erfitt með að
hafa forystu um slíkt. Erlendis
séu það oft sérstakir sjóðir sem
taki þetta hlutverk að sér og sú
staða sé ef til vill að koma upp
hér á landi. Straumur sé að
hasla sér völl á þessum vett-
vangi, Burðarás verði hugsan-
lega slíkur sjóður og sama kunni
að eiga við um Meið, sem er
stærsti hluthafi Kaupþings Bún-
aðarbanka.
Sigurjón sagði ekki skrýtið
þótt einhverjum þætti of geyst
farið þegar miklar umbreytingar
ættu sér stað, en þegar þetta
væri sett í víðara samhengi
mætti sjá að þetta væri eðlileg
afleiðing þess sem breytt hefði
verið í umhverfinu á síðustu ár-
um og áratugum og í samræmi
við það sem hefði verið að gerast
erlendis.
Bönkunum hefði með breyt-
ingum síðustu ára verið falið það
hlutverk að leiða þróun um-
breytinga í atvinnulífnu og ákaf-
lega mikilvægt væri að þeim
tækist að leysa það verkefni á
farsælan hátt.
Sögulegt hlutverk
Bankastjóri Landsbankans segir bönkunum hafa verið falið ákveðið hlutverk og
þátttaka þeirra á fjármálamarkaðnum sé í samræmi við það
AP
Sigurjón Þ. Árnason, bankastjóri Landsbankans, segir það ósanngjarnt þegar
því er haldið fram að aðskilnaður ólíkra þátta bankanna sé ekki nægjanlegur
og að Kínamúrar haldi ekki. Engin málefnaleg rök séu til að halda slíku fram.
VIÐSKIPTABLAÐ MORGUNBLAÐSINS
PENINGAR eru drifkraftur breytinga,
en án þekkingar eru þeir til lítils og þekk-
ingin stýrir flæði fjármagnsins, að því er
Þórður Már Jóhannesson, framkvæmda-
stjóri Fjárfestingarfélagsins Straums,
sagði á fundinum í gær. Hann sagðist telja
að fjármagnsflæði á markaðnum muni fara
vaxandi og að fjármagnsmarkaðurinn muni
dýpka og seljanleiki aukast.
Þórður Már sagði nýja kynslóð á fjár-
málamarkaði gera aukna kröfu um arðsemi
fjárfestinga í stað annarra markmiða.
Ákvörðunartaka verði skilvirkari í framtíð-
inni en áður hafi verið og yngra fólk muni
treysta síður á opinbert fjármagn en áður
var. Þá muni vægi menntunar og símennt-
unar aukast.
Hann sagði ekki mikla vaxtarmöguleika
innanlands og fjármagnið í bönkunum yrði
þess vegna að hluta til notað til útrásar.
Jafnframt væri þó mikilvægt að gleyma
ekki innlendum markaði og feta varlega út
á við.
Þórður Már telur miklu skipta hvernig
staðið er að útrás, að sérþekking sé vel nýtt
og orðsporið sé gott. Hann sagðist ekki líta
á hugtakið heimamarkað banka sem land-
fræðilegt heldur sé heimamarkaður sá
markaður þar sem fyrirtæki hafi sérþekk-
ingu, svo sem sjávarútvegur.
Hann sagði of snemmt að segja til um ár-
angur af útrás íslenskra fyrirtækja, en ljóst
sé að bankarnir séu að læra, því fylgi
ákveðinn kostnaður sem muni skila sér til
hluthafa síðar.
Þórður Már segir að fjármagnsmark-
aðurinn hafi breyst að því leyti að verið sé
að fást við stærri tölur en áður. Markaður-
inn hafi búið til fleiri aðila sem taki virkan
þátt á markaðnum og þátttakendum sé því
að fjölga og þar með dýpki markaðurinn.
Þórður Már telur ekki að hlutabréfa-
markaðurinn hér á landi sé að verða veikari
eins og stundum hafi komið fram í um-
ræðunni, en þó þurfi að huga að nokkrum
atriðum til að efla hann. Hann sagði að
fjölga þyrfti nýskráningum fyrirtækja í
Kauphöllinni og leita eftir því að fá erlend
fyrirtæki til að skrá sig hér á landi. Til þess
þyrfti að skapa umhverfi, til að mynda í
gegnum skatta eða með því að hafa sér-
stakan markað fyrir sjávarútveg.
F J Á R M Á L
Peningar
og þekking
S É R B L A Ð U M V I Ð S K I P T I , E F N A H A G S M Á L O G A T V I N N U L Í F Á S A M T S J Á V A R Ú T V E G S B L A Ð I
Tilboð í Flugstöðina
Hópur fjárfesta vill kaupa Flugstöðina 2
Lesið í ormafár
Ormar og vírusar sífellt algengari í tölvum 9
SUMARHÚSAMÓDELIÐ
Yf ir l i t
Í dag
Sigmund 8 Viðhorf 32
Erlent 12/15 Minningar 34/38
Höfuðborgin 17 Skák 38
Akureyri 18 Bréf 48
Suðurnes 19 Kirkjustarf 38
Landið 21 Dagbók 42/43
Neytendur 22/23 Fólk 48/53
Listir 24/26 Bíó 50/53
Umræðan 27/33 Ljósvakar 54/55
Forystugrein 28 Veður 55
* * *
SEXTÁN þúsund manns nýttu sér
þjónustu tíu kirkna í Reykjavík-
urprófastsdæmi vestra vikuna 5.–
11. október sl. Alls fóru 1.865 í
messu og nánast sami fjöldi sótti út-
farir, sem voru tíu þessa tilteknu
viku. Af þessum sextán þúsund sóttu
tæplega sex þúsund helgihald og at-
hafnir kirkjunnar, rúm 2.500
barna-, unglinga- og fjölskyldustarf,
2.250 fullorðinsfræðslu og hópastarf
og rúmlega 1.800 tónlistarstarf, þar
með talið kóræfingar. Ferðamenn
sem komu í kirkjur prófastsdæm-
isins voru 3.415 og þar af fóru 3.290
í Hallgrímskirkju.
Þetta kemur fram í könnun sem
Reykjavíkurprófastsdæmi vestra lét
gera. Séra Pálmi Matthíasson sagði
við upphaf kynningarfundar í Bú-
staðakirkju í gær presta ekki hafa
haft nein haldbær gögn sem sýndu
að það væri alrangt að kirkjur
stæðu tómar. Það hefði verið kveikj-
an að þessari könnun.
„Við viljum í eitt skipti fyrir öll
mótmæla því kröftuglega að kirkj-
urnar okkar séu tómar,“ sagði séra
Jón Dalbú Hróbjartsson prófastur í
erindi sínu. Í svipaðan streng tók
Björn Bjarnason kirkjumálaráð-
herra og sagði þjóðkirkjuna ekki
þurfa að vera í varnarbaráttu þegar
rætt væri um stöðu hennar hér á
landi. Hún höfðaði til flestra og töl-
urnar sem fram kæmu í könnuninni
sýndu að hún stæði traustum fótum.
Þórólfur Árnason borgarstjóri
sagði kirkjuna gegna veigamiklu
hlutverki í að auka lífsgæði fjöl-
skyldna í Reykjavík. Svo margt teld-
ist til lífsgæða eins og aðbúnaður
ungmenna, heilnæmt og öruggt um-
hverfi og fjölbreytt þjónusta.
„Ef þeir einir eru taldir sem taka
þátt í safnaðarstarfinu með einum
eða öðrum hætti þá eru það rúm-
lega 20% borgarbúa á einni viku.
Tólf þúsund manns á viku í þessum
tíu söfnuðum, sem þýðir 50 þúsund á
mánuði og þá yfir 500 þúsund á ári,
svo við leikum okkur að þessum töl-
um,“ sagði Jón Dalbú.
Hann segir ástæðurnar meðal
annars þær að helgihaldið sé orðið
mun fjölbreyttara, m.a. í messu-
haldi. Þar að auki sé boðið upp á
fjölmargar mjög mismunandi og
fjölbreyttar athafnir.
Kirkjusókn í 10 kirkjum í Reykjavík könnuð í október
Morgunblaðið/Árni Sæberg
Séra Pálmi Matthíasson, séra Jón Dalbú Hróbjartsson prófastur, Þórólfur Árnason borgarstjóri og Björn Bjarna-
son kirkjumálaráðherra fjölluðu um niðurstöður nýrrar talningar kirkjugesta í gær.
16 þúsund gestir á viku

  





  

 





   

  
   
  
  
!

"#"
  $% 
&$
  
'$  " ' 
()*&)+(,
&
 !

FLUGVIRKJAR á Keflavíkurflug-
velli hafa boðað vinnustöðvun frá 27.
október nk. Guðjón Valdimarsson,
formaður Flugvirkjafélags Íslands,
segir að flugfloti Icelandair muni
stöðvast komi til vinnustöðvunar
flugvirkja. Samningsaðilar funduðu
hjá ríkissáttasemjara í gær og lauk
fundinum án árangurs um kvöldmat-
arleytið. Boðað hefur verið til nýs
fundar í dag.
Samningar flugvirkja voru lausir
15. september sl. Frá þeim tíma hafa
samninganefndir hist á nokkrum
fundum og er málið nú hjá ríkissátta-
semjara. Með því að boða vinnu-
stöðvun er verið að þrýsta á samn-
ingsaðila fyrir 27. október að sögn
Guðjóns.
Kristján Kristinsson, einn samn-
ingamanna flugvirkja, segir ekki
mikið vanta upp á að samningar ná-
ist. Svolítið snúið sé að hnýta lausa
enda. Hann vonar að ríkissáttasemj-
ari leggi fram sáttatillögu fljótlega
og ekki komi til vinnustöðvunar.
Fundur var í gær og er búist við stíf-
um fundahöldum næstu daga.
Aðspurður segir Kristján deilt um
hækkun launa almennt og hann vilji
ekki fara út í nákvæm atriði. Að-
dragandinn að þessari ákvörðun hafi
verið langur og Icelandair ætti því að
vera við öllu búið. Hins vegar hafi
samninganefndin heimild til að
fresta eða blása vinnustöðvunina af
sjái hún fram á að samningar náist.
Komi til stöðvunar er óvíst hversu
lengi hún gæti staðið.
Flugvirkjar Icelandair
boða vinnustöðvun
ÞJÓÐFRÆÐINGURINN Jón
Jónsson frá Kirkjubóli á Ströndum
var valinn ferðafrömuður ársins af
hálfu útgáfufélagsins Heims í tilefni
af 40 ára afmæli tímaritsins Iceland
Rewiew. Hann fær útnefninguna
fyrir að hafa staðið að margvísleg-
um verkefnum í tengslum við ferða-
þjónustu í heimabyggð.
Jón er eigandi og framkvæmda-
stjóri Sögusmiðjunnar sem hefur
miðlun sögu og þjóðfræða að meg-
inmarkmiði. Sögusmiðjan vann t.d.
með Strandamönnum að uppsetn-
ingu sögusýningar um galdra og
galdramenn. Jón sér einnig um
rekstur og hefur yfirumsjón með
upplýsingamiðstöðinni á Hólmavík
þar sem umhverfismálin eru í fyr-
irrúmi. Hann sá jafnframt um gerð
Vestfjarðavefjarins fyrir At-
vinnuþróunarfélag Vestfjarða.
María Guðmundsdóttir, ritstjóri
hjá útgáfufélaginu Heimi, sat í
dómnefnd ásamt Sævari Skafta-
syni, framkvæmdastjóra Ferða-
þjónustu bænda, og Svanhildi Kon-
ráðsdóttur, framkvæmdastjóra
Höfuðborgarstofu. María segir að
þau hafi ákveðið að velja úr gras-
rótinni með það að markmiði að
hvetja þá sem geri vel.
Ritstjóri tímaritsins Iceland Re-
view er Jón Kaldal en stofnandi og
útgefandi blaðsins í 37 ár var Har-
aldur J. Hamar.
Valinn
ferðafröm-
uður ársins
Morgunblaðið/Brynjar Gauti
Útgefandi Iceland Review valdi Jón
Jónsson ferðafrömuð ársins.
ORRI Vigfússon athafnamaður hef-
ur, fyrir hönd hóps fjárfesta, óskað
eftir því við framkvæmdanefnd um
einkavæðingu, að taka yfir verslun-
arrekstur fríhafnarinnar í Flugstöð
Leifs Eiríkssonar. Guðjón Jónsson
hjá GJ fjármálaráðgjöf hefur sent
bréf í umboði annars hóps fjárfesta
til ráðherranefndar um einkavæð-
ingu, þar sem lýst er áhuga á að
kaupa Flugstöð Leifs Eiríkssonar.
Orri keypti hlut ríkisins í Íslensk-
um markaði ásamt nokkrum fram-
leiðendum árið 1998. Hann segist
telja að það fari best á því að versl-
unarrekstur í fríhöfninni og Íslensk-
um markaði fari saman. Þess vegna
hafi hann ásamt öðrum fjárfestum
lýst áhuga á því að yfirtaka versl-
unarrekstur fríhafnarinnar. Haft
hafi verið samband við fram-
kvæmdanefnd um einkavæðingu fyr-
ir nokkrum mánuðum vegna þessa.
Síðar hafi verið lögð fram formleg
ósk um að gengið yrði til samninga.
Orri vill ekki gefa upp á þessu stigi
hverjir standa að tilboðinu með hon-
um.
Guðjón Jónsson segir að hópur
fjárfesta, sem hafa lýst áhuga á að
kaupa Flugstöð Leifs Eiríkssonar,
hafi sérstakan áhuga á að bæta
rekstur flugstöðvarinnar, viðskipta-
vinum hennar af öllu tagi til hags-
bóta. Hann vill ekki gefa upplýsingar
um hverjir eru í þessum hópi.
Áhugi á
fríhöfninni
og flug-
stöðinni

Hópur fjárfesta/B2
HEILBRIGÐISRÁÐHERRA
Slóvakíu er staddur hér á landi í
opinberri heimsókn til að kynna
sér íslenska heilbrigðiskerfið.
Ráðherrann, sem heitir Rud-
olf Zajac, kom hingað til lands í
gær ásamt fylgdarliði og dvelur
hér á landi til næstkomandi
sunnudags.
Zajac mun meðal annars
heimsækja heilbrigðis- og
tryggingaráðuneytið og land-
lækni, skoða heilsugæslustöð-
ina í Lágmúla og fara í heim-
sókn á Landspítala –
háskólasjúkrahús meðan á
heimsókninni stendur.
Kynnir
sér heil-
brigðis-
kerfið