Morgunblaðið - 29.10.2003, Blaðsíða 52

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 29. OKTÓBER 2003 VERÐ Í LAUSASÖLU 190 KR. MEÐ VSK.
HAGNAÐUR Íslandsbanka á
fyrstu níu mánuðum ársins nam
4,1 milljarði króna, sem er nær
74% hækkun frá sama tímabili í
fyrra. Þar af nam hagnaður á
þriðja fjórðungi ársins 1,7 millj-
örðum króna, sem er 139% aukn-
ing frá fyrra ári.
Gengishagnaður snerist úr 31
milljónar króna tapi á fyrstu níu
mánuðum síðasta árs í 1.904 millj-
óna króna hagnað á sama tímabili í
ár. Þetta er afkomubati upp á
1.935 milljónir króna og þar af
nemur afkomubati vegna hluta-
bréfa nær 1.800 milljónum króna.
Gengishagnaður af hlutabréfum
nam 1,7 milljörðum króna á fyrstu
níu mánuðum ársins og þar af nam
gengishagnaðurinn á þriðja fjórð-
ungi tæpum einum milljarði
króna.

Hagnaður/6
Íslandsbanki birtir níu mánaða uppgjör
Hagnaður 4,1 milljarður
BYRJAÐ er að setja upp jólaljós í Kringlunni og
verður kveikt á þeim 1. nóvember. „Ljósin eru í
milljónatali,“ segir Zophanías Sigurðsson, tækni-
stjóri Kringlunnar, og bætir við að þetta sé þriðja
árið sem ljósin eru sett upp á þessum tíma. Aðeins
sé um byrjun að ræða, eins konar litlu jól, því
jólatré og aðrar skreytingar bætist við á aðvent-
unni.
Morgunblaðið/Jim Smart
Milljónir jólaljósa í Kringlunni
FYRSTA upplag Bettýjar, sjöundu skáld-
sögu Arnaldar Indriðasonar, er 10.000
eintök en hún kemur út á laugardaginn
hjá Vöku-Helgafelli.
Upplagið er jafnstórt og
af Röddinni eftir Arnald
í fyrra en þá var þetta
fáheyrt upplag hér á
landi. Í þessari nýju
glæpasögu fá þau frí,
Erlendur Sveinsson og
félagar hans í lögregl-
unni, sem verið hafa að-
alpersónur í fyrri bók-
um Arnaldar. Í staðinn
segir hann sögu af ung-
um lögmanni sem situr í gæsluvarðhaldi
og rifjar upp afdrifarík kynni af konu að
nafni Bettý.
„Við hjá Vöku-Helgafelli bindum miklar
vonir við Bettý og teljum að hún muni án
nokkurs vafa verða ein af mest seldu bók-
um ársins. Velgengni Arnaldar á þessu ári
hefur auk þess verið með eindæmum:
Hann hlaut Glerlykilinn, Norrænu glæpa-
sagnaverðlaunin, annað árið í röð, sem er
einstakt, Mýrin hefur selst í yfir 100.000
eintökum í Þýskalandi og bækur hans hafa
verið þaulsætnar á metsölulistum hér-
lendis,“ segir Pétur Már Ólafsson útgáfu-
stjóri.
Bettý eftir Arnald Indriða-
son kemur út á laugardag
Fyrsta prent-
un út í tíu þús-
und eintökum
Arnaldur
Indriðason
HAMPIÐJAN hefur auglýst húsnæði sitt á
Bíldshöfða til sölu, alls nærri tíu þúsund fer-
metra á tveimur hæðum, sem tekið var í
notkun fyrir nokkrum árum.
Bragi Hannesson, stjórnarformaður
Hampiðjunnar, segir að fyrirtækið hafi
fengið vilyrði fyrir lóð við Sundahöfn þar
sem til standi að reisa nýbyggingu og sam-
eina alla starfsemina undir eitt þak. Hluti
framleiðslustarfseminnar á Bíldshöfða
muni þó flytjast úr landi en höfuðstöðvar
fyrirtækisins og þróunarvinnan verði áfram
hér á landi. Netaverkstæði af Grandagarði
muni einnig flytjast inn í Sundahöfn.
Bragi bendir á að um 80% af veltu Hamp-
iðjunnar verði til á erlendum mörkuðum þar
sem fyrirtækið sé í einum tíu löndum í
heiminum með dótturfélög og samstarfsfyr-
irtæki starfandi. Starfar Hampiðjan m.a. í
Danmörku, Portúgal og á Írlandi og keypti í
sumar fyrirtæki í Litháen, en þangað mun
ákveðinn hluti framleiðslustarfseminnar
hér á landi flytjast, nælonframleiðsla og
netahnýting. Aðspurður segist Bragi gera
ráð fyrir óverulegum breytingum á starfs-
mannahaldi vegna þessa. Ekki verði gripið
til uppsagna á þessu stigi.
„Ísland er mikilvægur og framsækinn
markaður þar sem öflug vöruþróun fer fram
en við sjáum stækkunarmöguleika okkar í
útlöndum. Þessar fyrirhuguðu breytingar
eru bara hluti af þróun undanfarinna ára,“
segir Bragi.
Hluti starf-
seminnar
úr landi
Hampiðjan auglýsir
húsnæði til sölu
STARFSMENN Landhelgisgæslunnar hafa
dæmt 93 skip óhaffær í skyndiskoðunum sínum á
miðunum í tæp fjögur ár en á þessum tíma hefur
verið farið um borð í 1408 skip. Athugasemdir
hafa verið gerðar oftar en einu sinni við fjölda
skipa, í einu tilviki átta sinnum.
Kemur þetta fram í skriflegu svari dómsmála-
ráðherra við fyrirspurn Guðmundar Hallvarðs-
sonar alþingismanns en svarinu hefur verið dreift
á Alþingi. Guðmundur spurði um skyndiskoðanir
frá byrjun árs 2000 til þessa dags.
324 athugasemdir voru gerðar vegna atvinnu-
réttinda, í flestum tilvikum var skírteini ekki með
í ferð.
Landhelgisgæslan skoðaði veiðarfæri um borð
í 1145 skipum og 67 athugasemdir voru gerðar.
Alls hafa verið gerðar athugasemdir við 947
skip í þessum skyndiskoðunum og mörg þeirra
oftar en einu sinni. Þannig voru gerðar athuga-
semdir átta sinnum við eitt skipið. Kærð voru 236
skip, fimmtán þeirra tvisvar og þrjú þrisvar sinn-
um.
Fram kemur í svarinu að skoðuð voru 1035
skip með tilliti til öryggisbúnaðar og voru gerðar
athugasemdir við 673 skip og 93 þeirra dæmd
óhaffær. Flestar athugasemdirnar voru varðandi
björgunarbáta.
236 skip voru kærð
Skoðuð voru 1057 skip með tilliti til lögskrán-
ingar og atvinnuréttinda. Gerðar voru athuga-
semdir við 120 þeirra vegna lögskráningar og var
algengast að skráður maður væri ekki um borð.
93 skip voru dæmd
óhaffær á fjórum árum
ALMENNA bókafélagið, sem er í
eigu Eddu útgáfu hf., mun gefa út
fyrsta bindi af ævisögu Halldórs
Kiljans Laxness sem Hannes Hólm-
steinn Gissurarson prófessor er að
skrifa. Bjarni Þorsteinsson, útgáfu-
stjóri Almenna bókafélagsins, segir
að bókin sé væntanleg á markað í lok
nóvember næstkomandi.
Hannes Hólmsteinn sagðist í sam-
tali við Morgunblaðið hlakka til sam-
starfsins við Almenna bókafélagið,
sem hefði gefið út nokkur af hans
fyrri verkum, m.a. ævisögu Jóns
Þorlákssonar. Hann sagðist hafa
leitað til útgefandans, en nokkur
önnur forlög hefðu sýnt áhuga á að
gefa bækurnar út. Hannes hefur
ákveðið að hafa ævisögu nóbels-
skáldsins í þremur bindum. Hið
fyrsta nefnist Halldór og fjallar um
fyrstu þrjátíu árin í lífi skáldsins.
Ævi Halldórs Laxness
Almenna
bókafélagið
gefur út bók
Hannesar
LÖGREGLAN í Reykjavík rannsak-
ar nú stórt fíkniefnamál sem kom
upp þegar tæplega 1.000 e-töflur
fundust við húsleit í Reykjavík 14.
október síðastliðinn. Einn maður um
tvítugt hefur verið yfirheyrður
vegna málsins en ekki hefur verið
krafist gæsluvarðhalds yfir honum
eða öðrum.
Fíkniefnin eru í vörslu lögregl-
unnar og er málið rannsakað hjá
fíkniefnadeild lögreglunnar, sem
verst frekari fregna af málinu.
1.000 e-töflur
fundust við
húsleit
HRINA jarðskjálfta varð við norð-
vestanvert Kleifarvatn í gærkvöldi.
Stærsti skjálftinn varð um níuleytið
og mældist 2,4 stig á Richters-
kvarða. Fyrsta klukkutímann mæld-
ust 15 skjálftar. Halldór Geirsson á
jarðeðlissviði Veðurstofunnar sagði
við Morgunblaðið í gærkvöldi að
ekkert benti þá til stærri skjálfta á
þessu svæði, sem er þekkt fyrir jarð-
skjálftavirkni. Þó væri ástæða til að
hafa allan varann á og fylgst yrði
áfram vel með skjálftamælum.
Skjálftahrina
við Kleifarvatn
KRISTINN Hallgrímsson lög-
maður, sem gætir hagsmuna
Kaupþings-Búnaðarbanka í máli
Ferskra afurða á Hvammstanga,
segir að talning á kjötbirgðum hafi
leitt í ljós að verðmæti afurðanna
sé aðeins um 1⁄3 hluti þess sem kom
fram þegar Ferskar afurðir fengu
greiðslustöðvun í lok síðasta mán-
aðar.
Kaupþing-Búnaðarbanki fór
fram á kyrrsetningu kjötbirgða
Ferskra afurða í síðustu viku og í
kjölfarið fór fram talning á birgð-
um fyrirtækisins.
Kristinn sagði í samtali við
Morgunblaðið í gær að talning
sem fram fór í lok ágúst sl. hefði
leitt í ljós að fyrirtækið átti 228
tonn af óseldu kjöti. Verðmæti
kjötsins hefði verið metið um 66
milljónir.
Kristinn sagði að stjórnendur
Ferskra afurða hefðu sagt að
mjög lítið hefði selst af birgðum á
greiðslustöðvunartímanum. Taln-
ing á birgðunum í gær hefði leitt í
ljós að í frystigeymslum fyrirtæk-
isins væru 164 tonn af kjöti, en
verðmæti þess væri ekki nema um
24 milljónir króna. Svo virtist sem
verðmætasti hluti kjötsins væri
horfinn.
Verðmæti kjötbirgðanna
minna en áður var talið
Talning á kjöti hjá Ferskum afurðum
♦ ♦ ♦
♦ ♦ ♦
♦ ♦ ♦