Morgunblaðið - 20.02.2004, Side 8

FRÉTTIR
8 FÖSTUDAGUR 20. FEBRÚAR 2004 MORGUNBLAÐIÐ
Þakka þér fyrir, Alfreð minn, ég vissi alltaf að einhver myndi hringja og bjóða mér í
afmæli.
Barcelónskir dagar á Kjarvalsstöðum
Lítil hugmynd
verður stór
Barselónsk helgiverður haldin áKjarvalsstöðum
þessa helgi og raunar
hefst hún þegar í dag.
Guðrún H. Tulinius, sem
nú á næstu dögum út-
skrifast með masters-
gráðu í þýðingarfræðum
við Háskóla Íslands, er
annar skipuleggjenda
barcelónsku daganna,
ásamt Grétu Hlöðvers-
dóttur, blaðamanni og
lögfræðingi,. Morgun-
blaðið ræddi við hana á
dögunum, spurði hana út í
þessi mál.
– Hver er nú kveikj-
an að þessari katalónsku
hátíð?
„Þetta á rætur að rekja
til þess að hluti af þýðing-
arfræðanámi mínu fór fram í
Barcelona og þar kynntist ég
þessum listamönnum sem eru að
koma hér fram og sýna mynd-
verk og kynna ljóð. Lítil hug-
mynd vaknaði sem nú er orðin
býsna stór, en þegar hugmyndin
var viðruð við forráðamenn Kjar-
valsstaða leist þeim svo vel á að
þeir buðu okkur endilega að
setja sýninguna upp og jafnframt
að hafa hana hluta af Vetrarhátíð
Reykjavíkur.“
– Um hvaða listamenn ertu
að tala?
„Ég er að tala um listamann-
inn Antonio Hervás Amezcua,
sem opnar sýningu á verkum sín-
um á Kjarvalsstöðum við þetta
tækifæri, og Carles Duarte
Montserrat ljóðskáld sem les
upp úr ljóðabók sinni „Þögninni“
sem kemur út á sama tíma í
Reykjavík. Jafnframt mun verða
lesið upp úr ljóðabókinni á
spænsku, frönsku og íslensku.“
– Eru þetta þekktir lista-
menn í sínu heimalandi?
„Já, það er óhætt að segja það.
Montserrat er eitt af þeirra
stærstu skáldum og þekktur
stjórnmálamaður í ofanálag.“
– Þetta er sum sé menning-
arhátíð?
„Já, á öðrum þræðinum, enda
er mikil og þekkt hámenning
tengd Barcelona og Katalóníu.
En á hinum þræðinum er hug-
myndin að sýningin verði ferða-
hvetjandi til Katalóníu. Við verð-
um því ekki bara í skýjunum ef
taka má þannig til orða, heldur
verður rík áhersla á mat, hönnun
og bara flest það sem Barcelona
hefur upp á að bjóða.“
– Það er kannski kominn
tími til að fá hjá þér nánari upp-
lýsingar um kynninguna ...
„Hátíðin hjá okkur hefst í dag
með opnun sýningar Amezcua og
upplestri Montserrat og frekari
upplestri upp úr ljóðabók hans
sem ég gat um áðan. Á morgun
mun Hólmfríður Matthíasdóttir,
rithöfundur í Barcelona, sem
vinnur við bókaútgáfu, fjalla um
menningarlífið og það sem er að
gerast í bókmenntum í Katalón-
íu, en Barcelona er eins og kunn-
ugt er, höfuðborg
Katalóníuhéraðs. Þá
mun Eyjólfur Kjalar
Emilsson, prófessor í
heimspeki við Ósló-
arháskóla, flytja fyrir-
lestur um áhugaverð-
ar heimspekikenning-
ar Plótínosar, sem hafa haft
afdrifarík áhrif á kristna trú.
Fyrirlesturinn tengist nýútkom-
inni ljóðabók Montserrats, Þögn-
inni. Fyrirlestur Eyjólfs heitir
„Um eitt og annað?“ Á sunnu-
daginn kynnir Iðunn Jónsdóttir,
framkvæmdastjóri hjá IESE-há-
skólanum í Barcelona áhugaverð
námskeið á vegum skólans, en
IESE-háskólinn er sem kunnugt
er einn af bestu viðskiptaháskól-
um í Evrópu. Þá er ýmislegt í
gangi sem spannar bæði laugar-
dag og sunnudag, t.d. verður
ferðakynning, „Það besta í
Barcelona“, spjall um Barcelona
þar sem heimamenn í Barcelona
segja frá því sem þeim finnst
áhugaverðast í borginni og ná-
grenni hennar og dreifa áhuga-
verðu efni. Fjallað verður um
söfn, stræti, borgarhluta, hótel,
veitingahús, kaffihús, verslanir,
bari og margt fleira. Þá verður
kynning á hinum heimsþekkta
listamanni Dali og sýnd mynd-
bönd um hann og Antoni Gaudi,
hinn þekkta arkitekt, en fallegar
og sérstæðar byggingar hans
prýða borgina og eru löngu orðn-
ar heimsþekktar, en þar ber
hæst dómkirkjan fræga La Sag-
rada Familia. Ekki má gleyma
því að spænsk vín og matargerð
verða gerð góð skil meðan á há-
tíðinni stendur og boðið verður
upp á „tapas“ og spænsk vín á
Kjarvalsstöðum.“
– Fyrir hverja er þessi hátíð
hugsuð?
„Auðvitað eru allir velkomnir,
en hún er hugsuð fyrir fólk sem
veltir fyrir sér hlutunum. Fólk
sem veit eða vill vita að Spánn er
annað og meira heldur en bara
sólarströnd til að liggja á. Við er-
um ekki hvað síst að vonast eftir
því að fá til okkar fullt af ungu
fólki, háskólanema og mennta-
skólanema. Sjálf er ég að kenna
við Menntaskólann í
Hamrahlíð og lít svo á
að þetta efni eigi er-
indi til þeirra krakka
sem ég er að kenna
þar.“
– Þetta hlýtur að
hafa verið eftirminni-
leg törn?
„Já, eins og ég gat um, þá er
gaman að sjá hvernig lítil hug-
mynd vefur utan um sig og verð-
ur stór. Þetta byrjaði svo smátt,
ég ætlaði bara að þýða þessi ljóð
eftir þennan sérstæða mann, en
svo leiddi eitt af öðru og útkoman
er þessi.“
Guðrún Tulinius

Guðrún H. Tulinius er Aust-
firðingur sem fæddist fyrir slysni
í Reykjavík 7. apríl 1954. Lauk
MH 1974 og námi í suður-
amerískum fræðum og spænsku
við Háskólann í Essex 1979. Er
og kennaramenntuð og er nú að
ljúka mastersmenntun í þýðing-
arfræðum, fyrst hér á landi, frá
Háskóla Íslands. Hefur víða
kennt, síðustu árin við MH. Eig-
inmaður er Ingvi Örn Kristins-
son og eiga þau fjögur börn,
Torfa, Atla, Hjalta Axel og Ás-
laugu Ellen, á bilinu 13 til 23 ára.
Segja frá því
sem þeim
finnst áhuga-
verðast í
borginni