Morgunblaðið - 20.02.2004, Qupperneq 23

SUÐURNES
MORGUNBLAÐIÐ FÖSTUDAGUR 20. FEBRÚAR 2004 23



 
 

        

  
         
      
       
!         " #   
#$
%   "   &&'  (
  )
%   & *% +      ) $ %   *  # & *+  ,    
#$  
 

  -    #   %  ."%  /% - $    % 0
 *  $    % !+  
% # /&    + 
* # /' 
%  # %  *
  *
% # .  /%  

% /1
-    #  $ #  *
2$"
 $+ ! 3+ &  +  
4  #  2 
+ 2  #
 * 551+    2  2 "     2    2    -    
 * 
 $


  
  
  
  

0         % 
&455 #  * 551       6  #
 $+ ! 3+ '  
.         
 
 2 #     2 7  #%
 $ AKUREYRI
Keflavík | Alex tekur við um 500 bíl-
um í mánuði til geymslu í bílahúsum
sínum í Keflavík. Eru því geymdir
um 6000 bílar þar á ári, yfirleitt á
meðan eigendurnir bregða sér til út-
landa, og flestir eru einnig þrifnir.
Alex er með um 2000 fermetra
húspláss til að geyma bíla og þrífa, á
tveimur stöðum í Keflavík. Aðal-
bækistöðvar fyrirtækisins eru við
Aðalgötu, skammt frá Flugstöð
Leifs Eiríkssonar. Starfsemin hefur
aukist ár frá ári í þau rúm tíu ár sem
fyrirtækið hefur starfað og er nú
verið að undirbúa viðbyggingu við
Aðalgötu. Þar er einnig rekið lítið
mótel og verið að koma upp tjald-
svæðum og svefnpokagistingu.
„Það rekur enginn bílahús bara til
þess að geyma bíla, til þess er fjár-
festingin allt of mikil,“ segir Guð-
mundur Þórir Einarsson fram-
kvæmdastjóri sem á og rekur Alex
ásamt fjölskyldu sinni. Hann segir
að eigendur níu af hverjum tíu bíla
sem geymdir eru í bílahúsinu óski
eftir því að bílarnir séu þrifnir eða
viðhaldi sinnt.
„Við sjáum sjálfir um að þrífa bíl-
ana og önnumst lágmarks viðgerðir.
Við förum síðan með bílana annað í
þjónustuskoðanir, til viðgerða, í
skoðun, í smurningu og til að setja í
þá tæki, svo nokkuð sé nefnt. Við
förum á hverjum degi með bíla héð-
an til annarra þjónustuaðila,“ segir
Guðmundur Þórir.
Hann hefur stóran hóp fastra við-
skiptavina. Það eru meðal annars
stjórnendur fyrirtækja sem eru mik-
ið á ferðinni til útlanda. Í sumum til-
vikum sér bílahúsið um að halda ut-
an um viðhald bílanna og skoðun.
„Það myndast smám saman traust
og við tökum þetta hlutverk að okk-
ur,“ segir hann.
Alex bílahús er með bása í Flug-
stöð Leifs Eiríkssonar þar sem bíl-
eigendur skilja eftir lyklana og óskir
um þjónustu. Bílarnir bíða þeirra við
flugstöðina þegar þeir snúa heim.
Tjaldsvæði og svefnpokagisting
Í hópi viðskiptavina er einnig fólk
utan af landi og þar kemur gistihúsið
til sögunnar. Fólkið er að keyra all-
an daginn fyrir flug snemma að
morgni og segir Guðmundur Þórir
að mörgum finnist þægilegt að gera
keyrt alla leið til Keflavíkur, geta
gist þar, skilið eftir bílinn og fengið
far í flugstöðina.
Alex er að færa út kvíarnar á
þessu sviði og Guðmundur Þórir er
farinn að tala um starfsemina sem
almenna ferðaþjónustu ekki aðeins
bílahús. Fyrirtækið hefur tekið að
sér að annast tjaldsvæði fyrir
Reykjanesbæ og er nú verið að út-
búa þau á lóð fyrirtækisins við Að-
algötu. Einnig svefnpokagistingu
inni í húsinu. Þessi viðbót verður
tilbúin fyrir aðalferðatímann í vor.
Guðmundur Þórir hugsar þessa
þjónustu ekki síst fyrir erlenda
ferðamenn sem eru að koma til
landsins eða halda burtu þaðan. Þá
sé gott að geta valið um að tjalda eða
gista inni, eftir því hvernig viðrar.
„Við vissum að Reykjanesbær var
í vandræðum með pláss fyrir tjald-
svæði og buðumst til að taka að okk-
ur að útbúa tjaldsvæði og reka það
fyrir eigin reikning. Það er vel stað-
sett hér í nágrenni flugstöðvarinnar
og fellur vel að okkar þjónustu.“
Hann hefur fulla trú á framtíðinni
í ferðaþjónustunni á Reykjanesi og
almennt á landinu. „Sú mikla aukn-
ing sem virðist vera fram undan í
mótttöku erlendra ferðamanna er
verulega spennandi fyrir Ísland og
miklir möguleikar felast í henni,“
segir Guðmundur Þórir Einarsson.
Sex þúsund bílar fara í
gegnum bílahúsið á ári
Morgunblaðið/Helgi Bjarnason
Mörg ökutæki í bílahúsinu: Guðmundur Þórir Einarsson framkvæmda-
stjóri og starfsfólk hans hjá Alex gætir bílanna, þrífur þá og bónar.
Reykjanesbær | Árni Sigfússon,
bæjarstjóri Reykjanesbæjar, mót-
mælir harðlega hækkun raf-
orkuverðs sem hann segir að verða
muni í kjölfar samþykktar raf-
orkulaga og framkvæmd tillagna
nefndar um flutning og dreifingu
raforku. Bæjarstjórinn segir að
fulltrúar í bæjarráði hafi allir
áhyggjur af kostnaði neytenda
vegna fyrirhugaðra breytinga.
Árni Sigfússon segir í yfirlýsingu
sinni að verði ný raforkulög sam-
þykkt óbreytt á þingi og hug-
myndir meirihluta svokallaðrar
nítján manna nefndar um flutning
og dreifingu raforku verði að veru-
leika, bendi flest til þess að 75%
landsmanna muni þurfa að greiða
að minnsta kosti 10 til 20% hærra
raforkuverð en nú er. Vitnar hann í
þessu efni til útreikninga forsvars-
manna þriggja stórra orkufyr-
irtækja.
„Sem forsvarsmaður Reykjanes-
bæjar mótmæli ég þessari fyrirhug-
uðu hækkun á íbúa harðlega.
Fulltrúar í bæjarráði Reyjanes-
bæjar hafa nýlega fjallað um til-
lögur að breytingum og lýsa einum
rómi yfir miklum áhyggjum af
auknum kostnaði sem sendur yrði á
neytendur. Orsök þessarar hækk-
unar virðist í meginatriðum vera sú
að ríkið ætlar sér að ná auknum
tekjum í gegnum óarðbær fyr-
irtæki, á kostnað mikils meirihluta
landsmanna. Það er algjörlega
óviðunandi.
Sé vilji til að lækka raforkuverð
hjá litlum hluta landsmanna ber að
gera það með öðrum leiðum en að
senda reikning á 75% landsmanna í
gegnum hærra raforkuverð. Við
treystum á að Alþingi láti þetta
ekki gerast,“ segir í yfirlýsingu
bæjarstjórans.
Mótmælir
hækkun
raforkuverðs
HLÍÐARFJALL hefur verið opið í
alls 37 daga frá áramótum og hef-
ur aðsókn verið mjög góð. Þegar
er búið að selja um 1.300 árskort,
sem þýðir að um 11% íbúa Ak-
ureyrar hafi keypt slík kort, en
börn yngri en 6 ára og eldri borg-
arar greiða ekki í lyftur í Hlíð-
arfjalli. Gönguskíðafólk telst ekki
með í þessum tölum því engin
skráning fer fram á gönguskíða-
svæðinu. Aðstaða til gönguskíða-
iðkunar hefur verið mjög góð,
bæði í Hlíðarfjalli og Kjarnaskógi
og hafa mestu göngugarparnir að
sögn farið á gönguskíði í um 80
daga frá því í haust að því er fram
kemur í frétt frá Guðmundi Karli
Jónssyni forstöðumanni Hlíð-
arfjalls, en það þykir einstakt.
Hlýindi sem verið hafa á landinu
síðustu daga hafa ekki breytt að-
stæðum í Hlíðarfjalli nema að litlu
leyti og eru allar helstu skíðaleiðir
með góðum snjó.
Veðurspá gerir ráð fyrir kóln-
andi veðri og jafnvel snjókomu og
ætti það að kæta skíða- og snjó-
brettaunnendur.
Gert er ráð fyrir miklum
straumi ferðamanna til Akureyrar
næstu viku því víða eru vetrarfrí í
grunnskólum. Lausleg könnun
starfsfólks Hlíðarfjalls leiddi í ljós
að um 14 þúsund grunnskólanemar
eigi vetrarfrí einhverja daga í
næstu viku. Vitað er að flestar or-
lofsíbúðir á Akureyri og nágrenni
eru bókaðar á þeim tíma sem og
hótel og gististaðir. Landsmenn
virðast því vera farnir að notfæra
sér vetrarfrí í skólum til að ferðast
líkt og tíðkast í nágrannalöndum
okkar.
Morgunblaðið/Kristján
Von á fjölmenni í Hlíðarfjall: Vetr-
arfrí er í mörgum grunnskólum í
næstu viku og búist við að margir
muni nýta sér það til skíðaiðkunar.
Góð sala lyftukorta
NEMENDUM í grunnskólum Akur-
eyrar líður flestum alltaf eða oftast
vel í skólanum, samkvæmt könnun
sem lögð var fyrir nemendur í 4.–10.
bekk í desember sl. Alls tóku rúmlega
1.600 nemendur þátt í könnuninni,
eða 87,8% af þeim 1.830 nemendum
sem skráðir voru í 4.–10. bekk á
haustönn. Rúmlega 88% nemenda
telja að sér líði vel í skólanum. Af
þeim sem líður sjaldan eða aldrei vel í
skólanum eru strákarnir fleiri en
stelpurnar sem nemur 6,2%. Meiri-
hluti nemenda, eða 51,1%, telur hins
vegar að sjaldan eða aldrei sé um góð-
an vinnufrið að ræða í kennslustund-
um og er munur á afstöðu stráka og
stelpna ekki marktækur.
Gunnar Gíslason, deildarstjóri
skóladeildar, sagði að niðurstöður
könnunarinnar væru mjög forvitni-
legar. Skólarnir hefðu fengið niður-
stöðurnar og að þeir þyrftu að skoða
þær með tilliti til þeirra þátta sem
þurfi að taka á. „Almennt séð erum
við þokkalega ánægð með niðurstöð-
una. Það er hins vegar þannig að þótt
hlutfall þeirra sem líður nokkuð vel í
skólanum sé hátt, eru þetta samt um
100 börn sem virðast eiga í einhvers
konar vanda. Það er nokkuð há tala
og er eitthvað sem menn þurfa að
leggjast í að skoða. Hver skóli getur
skoðað niðurstöðurnar eftir bekkjum
og þannig séð hvort þetta hlutfall
þeirra sem eiga í einhverjum vanda er
hærra á einum stað eða öðrum og þá
brugðist við því.“
Einnig er verið að gera kannanir
meðal foreldra og starfsfólks í skól-
unum og sagði Gunnar að þetta væri
leið fyrir skólana til að kanna stöðu
mála hjá sér og fyrir skólanefnd að
fylgjast með því hver árangurinn er
af þessu starfi. „Þetta er líka einn lið-
ur í því að skoða eitthvað fleira en nið-
urstöður samræmdra prófa. En eins
og alltaf er hægt að gera betur á ýms-
um sviðum. Og með þessum könnun-
um erum við að fá í hendurnar þó
nokkuð af gögnum sem við getum
nýtt okkur til að koma málum eitt-
hvað áfram, í stað þess að vera að
þreifa í myrkrinu,“ sagði Gunnar.
Könnunin var unnin á vegum
Skólaþróunarsviðs Háskólans á Ak-
ureyri, að beiðni skólanefndar Akur-
eyrar og unnin af Ingólfi Ármanns-
syni, fyrrverandi skóla- og
menningarfulltrúa.
Morgunblaðið/Kristján
Almenn ánægja í skólanum. Langflestum nemendum í grunnskólum Ak-
ureyrar líður vel í skólanum og ekki er annað að sjá en að þessi hópur nem-
enda í Síðuskóla uni hag sínum vel á skólalóðinni.
Grunnskólar Akureyrar
Langflestum nemend-
um líður vel í skólanum