Morgunblaðið - 26.02.2004, Side 27

LANDIÐ
MORGUNBLAÐIÐ FIMMTUDAGUR 26. FEBRÚAR 2004 27
Sérflug Heimsferða
7 nætur – Varadero - Havana
Ótrúlegt tækifæri til að kynnast þessari stórkostlegu eyju Karíbahafsins á verði
sem aldrei hefur sést fyrr. Þú bókar 2 sæti en greiðir bara fyrir eitt og getur að
auki valið um góð hótel hvort sem er í Havana eða í Varadero. Ferð til Kúbu er
ævintýri sem lætur engan ósnortinn, því ekki aðeins kynnist maður stórkostlegri
náttúrufegurð eyjunnar, heldur einnig þjóð sem er einstök í mörgu tilliti. Gamla
Havana er ein fegursta borg frá nýlendu- tímanum, lífsgleði eyjaskeggja er
einstök og viðmót fólksins heillandi. Að upplifa Kúbu nú er einstakt tækifæri,
því það er ljóst að breytingar munu verða í náinni framtíð.
Síðustu 19 sætin
Skógarhlíð 18, sími 595 1000
www.heimsferdir.is
Verð kr. 39.950
M.v. 2 fyrir einn. Flugsæti kr. 72.000/2
= 36.000. Flugvallarskattur kr. 3.950.
Netverð.
Úrval hótela í boði
2 fyrir 1 til
Kúbu
2. mars
frá 39.950
Munið Mastercard
ferðaávísunina
Blönduós | „Jafnrétti snýst um að
tryggja hag allra í samfélaginu á
öllum sviðum samfélagsins óháð
kynferði,“ sagði Jófríður Jóns-
dóttir, formaður jafnréttisnefndar
Blönduóss, þegar hún afhenti eig-
endum kaffihússins „Við árbakk-
ann“, þeim Erlu Evensen og Guð-
mundi Haraldssyni,
jafnréttisverðlaun Blönduósbæjar
fyrir árið 2003. Þetta er jafn-
framt í fyrsta sinn sem Blönduós-
bær veitir þessa viðurkenningu.
Kaffihúsið við Árbakkann verð-
ur 5 ára nú í júní sagði Jófríður
Jónsdóttir og hefur starfsemin
vaxið og blómstrað á þessum tíma
og veltan aukist öll árin. Guð-
mundur og Erla hafa stjórnað
rekstrinum á samhentan hátt frá
stofnun og sýnt mikla gestrisni í
hvívetna og samræmt fjölskyldu-
og atvinnulíf. Það kom fram í
máli Jófríðar að kaffihúsið „Við
árbakkann“ fékk á sínum tíma
styrk frá hinu opinbera, úr sjóði
sem er ætlað að jafna aðgengi
kvenna að ýmsu fjármagni, til að
setja upp myndlistarsýningar
kvenna og auka þannig fjölbreyti-
leika og stuðla að aukinni breidd
myndlistar og menningar-
starfsemi á Blönduósi. „Þetta hef-
ur svo sannarlega tekist og njóta
bæjarbúar og aðrir gestir fal-
legra sýninga þegar kaffihúsið er
heimsótt. Menning er einn horn-
steina samfélagsins og því er
samfélaginu mikið í mun að jafn-
réttissjónarmiða sé þar gætt.
Jafnrétti og auknir möguleikar
kvenna á menningarsviðinu er því
samfélaginu mjög mikilvægt.
Kaffihúsið „Við árbakkann“ er
dæmi um fyrirtæki þar sem sam-
heldnir einstaklingar koma sam-
an og vinna að sameiginlegu
markmiði sínu án þess að þættir
eins og kynferði skipti þar máli
og er vel að jafnréttisverðlaunum
Blönduósbæjar 2003 komið.
Framsýni ekki þröngsýni er sýn
þess fyrirtækis,“ sagði Jófríður
Jónsdóttir að lokum.
Morgunblaðið/Jón Sigurðsson
Frá verðlaunaafhendingunni. Guðmundur Haraldsson (l.t.v.), Erla Even-
sen, Jófríður Jónsdóttir, Ásta Þórisdóttir og Nína Margrét Pálmadóttir.
Jafnréttisverðlaun Blönduósbæjar
Við árbakkann hlaut
viðurkenningu
Akranes | Á bæjarstjórnarfundi hinn
24. febrúar sl. samþykkti bæjarstjórn
Akraness samhljóða með 9 atkvæð-
um ýmsar breytingar á tækni- og
umhverfissviði.
Bæjarráð hefur á liðnum vikum
farið yfir stjórnsýslu- og rekstr-
arúttekt sem ráðgjafafyrirtækið
IBM framkvæmdi á tækni- og um-
hverfissviði.
Í skýrslu IBM koma fram nokkrar
tillögur varðandi breytingar á fyr-
irkomulagi og samþykkti bæjarráð
að leggja til við bæjarstjórn tillögur
sem nú hafa verið samþykktar.
Í fyrsta lagi er lagt til að ráðinn
verði frá og með 1. apríl nk. tækni-
fræðingur eða verkfræðingur sem
annist m.a. skipulagsmál, eignasjóð
og landupplýsingakerfi samkvæmt
nánari útfærslu sviðsstjóra tækni- og
umhverfissviðs. Samkvæmt því verð-
ur ráðningarsamningur skipulags-
fulltrúa, sem rennur út í lok júnímán-
aðar, ekki framlengdur í lok
starfstímans.
Í öðru lagi er lagt til að starf tækni-
teiknara, sem m.a. sér um innskrán-
ingu landupplýsingakerfi, verði aukið
úr 80% í 100%. Í þriðja lagi að ráða í
50% starf slökkviliðsstjóra til eins
árs, en að byggingarfulltrúi fari í um-
boði slökkviliðsstjóra og í samráði við
hann, með mál sem varða brunaeft-
irlit. Á grundvelli fyrirhugaðs samn-
ings við Slökkvilið höfuðborgarsvæð-
isins um gagnkvæmt samstarf o.fl.
verði leitað eftir samkomulagi við
SHS um samstarf varðandi æfingar
slökkviliðsins. Ákvörðun þessi verður
endurskoðuð innan eins árs m.a. með
það í huga að skoða valkosti varðandi
aukið samstarf við SHS.
Í fjórða lagi er lagt til að ákvörðun
um hvort sameina eigi Gámu og
Þjónustumiðstöð verði frestað til árs-
ins 2005 þegar samningar um sorp-
hirðu o.fl. renna út. Þar til sú ákvörð-
un verði tekin verði umhverfisfulltrúi
næsti yfirmaður forstöðumanns
Þjónustumiðstöðvar og er sviðsstjóra
tækni- og umhverfissviðs falið að
skilgreina nánar verkefni á því sviði.
Tilgangur þessa er að skerpa á fram-
kvæmd verkefna á opnum svæðum
og þeim, umhverfismálum sem Þjón-
ustumiðstöðin kemur að.
Að auki er sviðsstjóra tækni- og
umhverfissviðs ætlað að skipuleggja
og skilgreina vinnsluferla við und-
irbúning deiliskipulags og vinnslu-
ferli mála milli nefndarfunda. Honum
er einnig ætlað að gera starfsmanna-
fundi að virkari þætti í starfseminni
og tryggi þannig framgang þeirra
verkefna sem unnið er að, traust fjár-
hags- og verkeftirlit og að ætíð liggi
fyrir gott yfirlit verkefna. Að lokum
er sviðsstjóra tækni- og umhverf-
issviðs ætlað að taka til skoðunar að-
gengi að starfsmönnum sviðsins,
skipulagningu daglegs vinnutíma o.fl.
með tilliti til efnis fyrirliggjandi út-
tektar.
Morgunblaðið/Sigurður Elvar
Með samþykkt bæjarstjórnar Akraness verða gerðar breytingar á starfi slökkviliðsstjóra og auka á samstarf við
Slökkvilið höfuðborgarsvæðisins. Breytingarnar voru samþykktar með níu samhljóða atkvæðum í bæjarstjórn.
Samþykkir breytingar á
tækni- og umhverfissviði
Þorlákshöfn | Mikið verður um
að vera í Þorlákshöfn um næstu
helgi. Á föstudag verður grunn-
skólinn með menntaráðstefnu
þar sem margir góðir fyr-
irlestrar verða. Þema ráðstefn-
unnar verður samskipti heimila
og skóla – hvaða þýðingu hefur
hvatning að heiman og úr skól-
anum fyrir námsárangur nem-
enda? Ráðstefnan verður í Ráð-
húsi Ölfuss og hefst hún kl. 14
og er öllum opin endurgjalds-
laust. Á laugardagsmorgun
hefst svo íbúaþing undir kjör-
orðinu Ölfus innan seilingar,
raddir íbúanna. Íbúaþingið er
skipulagt og stýrt af ráðgjafa-
fyrirtækinu Alta. „Með íbúa-
þingi gefst fólki tækifæri til að
koma sínum sjónarmiðum á
framfæri um hvernig sveitarfé-
lag við viljum skapa í Ölfusinu í
framtíðinni. Þátttaka í íbúa-
þingi skapar tækifæri til að
hafa áhrif á framtíðarskipulag
sveitarfélagsins og leggur
grunn fyrir bæjaryfirvöld að
byggja á,“ segir Ólafur Áki
Ragnarsson bæjarstjóri í
ávarpi til bæjarbúa.
Íbúaþing og
menntaráðstefna
Selfoss | Í nýjum mjaltabás á bæn-
um Skeiðháholti hjá þeim Jóni Vil-
mundarsyni og Helgu Þórisdóttur
er hægt að mjólka 14 kýr í einu.
Þau eru einnig með þrjá sjálfvirka
fóðurbása í fjósinu en þeir tengjast
kerfinu sem stýrir mjaltavélunum.
Kýrnar í fjósinu eru með tölvukubb
um hálsinn sem tölvustýrt mjalta-
og fóðurkerfið les af og gefur merki
inn í tölvuna sem stýrir síðan fóðri
fyrir viðkomandi kú og skráir
mjaltirnar, gangmál og fleira. Tölv-
an sem stýrir kerfinu er lítil far-
tölva sem staðsett er í fjósinu.
„Þetta er mjög vinnusparandi og
fer vel með kýrnar. Mjaltirnar
verða betri fyrir þær, júgurbólga
hefur snarminnkað og minna er um
meltingartruflanir í kúnum,“ segir
Jón.
Það er fyrirtækið REMFLO hf.
á Selfossi sem selur heildarlausn á
mjalta- og fóðurkerfi til bænda og
þjónustar þau. Fyrirtækið sem er
dótturfyrirtæki Mjólkurbús Flóa-
manna stóð að opnu fjósi í liðinni
viku og kynnti þar tækjabúnaðinn.
Á síðasta ári setti fyrirtækið upp
tíu mjalta- og fóðurkerfi en alls
hefur fyrirtækið sett upp 55
mjaltabása um allt land af sömu
gerð og er í Skeiðháholti.
Jón og Helga í Skeiðháholti eru
með 310 lítra mjólkurkvóta. Þau
segja helsta kostinn við þetta kerfi
að það gefi góða yfirsýn yfir það
sem er í gangi hjá kúnum og hægt
sé að bregðast fljótt við því sem
kemur upp á og koma í veg fyrir
sjúkdóma. Nýi mjaltabásinn hefur
verið notaður í Skeiðháholti síðan
1. september í fyrra.
Opið fjós í Skeiðháholti á Skeiðum
Nýtt mjalta- og fóður-
kerfi kynnt bændum
Morgunblaðið/Sigurður Jónsson
Sigurður Grétarsson, forsvarsmaður REMFLÓ hf., Jón Vilmundarson og
Helga Þórisdóttir í þjónustugryfjunni þar sem unnið er að mjöltum.