Morgunblaðið - 04.03.2004, Page 23

LANDIÐ
MORGUNBLAÐIÐ FIMMTUDAGUR 4. MARS 2004 23
Þorlákshöfn | Tilboð voru opnuð í
fyrsta áfanga viðbyggingar Grunn-
skólans í Þorlákshöfn og var lægsta
tilboðið frá Trésmíðum Sæmundar
ehf. Alls bárust sjö tilboð í verkið
sem er uppsteypa á 14 kennslustof-
um á tveim hæðum og full rágengið
að utan, endanlegur frágangur á sjö
stofum á neðri hæð. Kostnaðaráætl-
un hljóðaði upp á 149.599.123 krónur
en tilboð Trésmíða Sæmundar ehf.
var 125.934.005 krónur eða um 84%
af kostnaðaráætlun.
Næstlægsta tilboðið kom frá
Byggó hf., rúmar 130 milljónir, þar
næst komu Keflavíkurverktakar
með rúmlega 136 milljónir. Vél-
smiðja Suðurlands bauð liðlega 145
milljónir, Pálmatré ehf. rúmlega 148
milljónir, Byggingarfélagið Drífandi
rúmar 153 milljónir og Dynkur ehf.
rúmar 154 milljónir.
Áætlun gerir ráð fyrir að verkinu
verði lokið á þessu ári og hægt verði
að taka neðri hluta byggingarinnar,
sjö stofur, í notkun um áramótin.
Tilboð
í viðbygg-
ingu
skólans
Morgunblaðið/Jón H. Sigurmundsson
Frá opnun tilboða í 1. áfanga við-
byggingar Grunnskólans í Þorláks-
höfn. Alls bárust sjö tilboð.
Stykkishólmur | St. Franciskusspítala í Stykkishólmi
hefur borist vegleg gjöf. Sigurbjörg Sigurðardóttir frá
Hálsi á Skógarströnd færði stjórnendum sjúkrahússins
gjafabréf til minningar um systur sína Guðfinnu Sigurð-
ardóttur.
Í gjafabréfi hennar kemur fram að hún gefur Olymp-
us-magaspeglunartæki, Gymna-Uniphy Bobath-
meðferðarbekk, Follo Corpus M-meðferðarbekk og
Schupps McChair-nuddstól. Kaupverð þessara tækja er
samtals 3,7 milljónir króna.
Guðfinna var fædd árið 1912 og bjó allan sinn starfs-
feril á Hálsi á Skógarströnd. Guðfinna lést á síðasta ári.
Róbert Jörgensen, framkvæmdastjóri St. Franciskus-
spítala, þakkaði Sigurbjörgu gjöfina og þann hlýhug sem
henni fylgdi. Það kom fram hjá honum að þetta væri
ekki fyrsta gjöfin til spítalans frá þeim Hálssystrum.
Nýju tækin koma að góðum notum og taka við af öðr-
um sem komin eru vel til ára sinna. Tækin munu auka
möguleika spítalans til að þjóna þeim sem til spítalans
þurfa að leita.
Við spítalann eru starfræktar bakdeild og endurhæf-
ingardeildir. Mikil aðsókn er að bakdeild spítalans. Öll
aðstaða er fullnýtt og nú eru um 80 sjúklingar á biðlista.
Yfirmaður þeirrar deildar er Jósef Blöndal læknir. Sama
má segja um endurhæfingardeildina, þar starfa fimm
sjúkraþjálfarar og þar er Lucia de Korte deildarstjóri.
Deildirnar hafa styrkt rekstur sjúkrahússins og því er
vel tekið á móti gjöf sem nýtist starfseminni.
Veglegar gjafir berast til
spítalans í Stykkishólmi
Morgunblaðið/Gunnlaugur Árnason
Sigurbjörg Sigurðardóttir afhendir Jósef Blöndal yfirlækni gjafabréfið.
Með á myndinni eru Róbert Jörgensen framkvæmdarstjóri, Sigurlín Gunn-
arsdóttir, Ingibjörg K. Stefánsdóttir hjúkrunarforstjóri, Brynja Reynis-
dóttir húkrunarforstjóri og systir Antonia Hofbauer príorina.