Morgunblaðið - 04.03.2004, Síða 51

ÍÞRÓTTIR
MORGUNBLAÐIÐ FIMMTUDAGUR 4. MARS 2004 51
GUÐJÓN Þórðarson, knatt-
spyrnustjóri Barnsley, biður stuðn-
ingsmenn félagsins um þolinmæði
og stuðning eftir enn einn ósigur
liðsins. Barnsley beið lægri hlut
fyrir Peterborough á heimavelli,
0:1, í ensku 2. deildinni í fyrra-
kvöld. Það var þriðja tap liðsins í
síðustu fjórum leikjum og það hefur
sigið niður í ellefta sæti deildar-
innar eftir að hafa verið í hópi sex
efstu í nær allan vetur.
Hluti stuðningsmannanna sendi
leikmönnum Barnsley tóninn í
leiknum í fyrrakvöld og Guðjón var
ekki sáttur við það.
„Það hjálpar okkur engan veginn
ef stuðningsmenn okkar veitast að
leikmönnum vegna mistaka sem
þeir gera. Leikmennirnir verða
taugaóstyrkir og það sást vel
hversu slæm áhrif þetta hafði á þá.
Fylgismenn knattspyrnuliða eru oft
ansi miskunnarlausir. Ef þeir vilja
að liðið komist á sigurbraut verða
þeir að fylkja sér á bakvið liðið því
þegar harðnar á dalnum verða allir
að standa saman.
Stjórn deildakeppninnar stýrir
því ennþá hvaða leikmenn við get-
um fengið til félagsins – við stönd-
um ekki jafnfætis öðrum liðum í
deildinni að þessu leyti. Það tekur
meira en nokkra mánuði að byggja
upp knattspyrnulið,“ sagði Guðjón
á vef Barnsley í gær, og vísaði þar
til þess að Barnsley hefur verið í
fjárhagslegri gjörgæslu frá síðasta
sumri þegar engu munaði að félag-
ið yrði gjaldþrota.
Guðjón er óhress með
stuðningsmenn Barnsley
GERARD Houllier, knatt-
spyrnustjóri Liverpool, brosti
breitt í Sofíu í gær er lið hans
vann Levski, 4:2, og saman-
lagt 6:2, í UEFA-keppninni.
„Ég er ánægður að Owen
skyldi skora í leiknum en
hann hefur átt á brattann að
sækja að undanförnu. Hann
var einbeittur og veit að hann
getur náð að bæta markamet-
ið í Evrópukeppninni. Owen
vinnur vel fyrir liðið,“ sagði
Houllier sem enn hefur ekki
tapað á útivelli í UEFA-
keppninni.
Houllier
brosti í Sofíu
Houllier hefur legið undir mikilligagnrýni í vetur vegna slaks
gengis liðsins, en það er nú í sjötta
sæti ensku deildarinnar og það sætta
stuðningsmenn liðsins sig ekki við.
Steininn tók þó úr á dögunum þegar
Liverpool tapaði fyrir Portsmouth í
bikarkeppninni. Þá sáu einhverjir
ástæðu til að krota niðrandi orð um
stjórann á búningsaðstöðu liðsins á
æfingasvæði þess við Melwood. Þar
var skrifað: „Við vonum að þú deyir
úr AIDS.“
Bréfið fékk Houllier hins vegar
fyrir þennan leik, en því hefur verið
haldið leyndu þar til í gær að ákveðið
var að láta lögregluna rannsaka mál-
ið.
„Houllier fékk bréfið fyrir um
þremur vikum og opnaði hann það
sjálfur. Innihald þess er ekki fagurt
og því ákváðum við að koma því til
lögreglunnar til frekari rannsóknar.
Við viljum ekki gera of mikið úr
þessu, en það er ekki hægt að líta
fram hjá svona hlutum,“ sagði Ian
Cotton, fjölmiðlafulltrúi félagsins, í
gær.
Ekki hefur verið látið uppi hvað
stóð nákvæmlega í bréfinu en sam-
kvæmt sumum enskum fjölmiðlum í
gær mun Houllier hafa verið bent á
að hann ætti að hætta hjá Liverpool
eða eiga von á einhverju slæmu ella.
Bréfritari virðist einnig hafa her-
bergjaskipan á heimili Houlliers á
hreinu ásamt daglegum verkum
knattspyrnustjórans.
Houllier hefur reynt að víkja
þessu öllu frá sér og sagði til dæmis
að krotið á vegginn á æfingasvæðinu
væri örugglega eftir einhverja fylli-
byttu, en eftir leikinn við Levski
Sofía í síðustu viku, sem Liverpool
vann 2:0, viðurkenndi hann að síð-
ustu vikur hefðu verið einhverjar
þær erfiðustu sem hann hefði lifað.
Reuters
Steven Gerrard og Gerard Houllier fagna marki sem Gerrard
skoraði í fyrri UEFA-leiknum gegn Levski Sofía á Anfield.
Houllier fékk
morðhótun
ENSKA knattspyrnufélagið
Liverpool skýrði frá því í gær að
knattspyrnustjóri þess, hinn
franski Gerard Houllier, hefði
fengið morðhótun senda í bréfi
fyrir nokkru og að búið væri að
afhenda lögreglunni bréfið.
Sigfús verður hvíldur
LANDSLIÐSMAÐURINN Sigfús Sigurðsson fær að hvíla sig í
næstu tveimur Magdeburg, gegn Eisenach 7. mars og Wilhelms-
havener þremur dögum síðar, en meiðsli í kálfa og hné hafa plagað
Sigfús frá því hann meiddist í Evrópuleik Magdeburg gegn ung-
verska liðinu Pick Szeged í síðasta mánuði. Að sögn Sigfúsar eru
meiðslin þess háttar að rifa er í kálfavöðvanum og liðband í hnénu
er skaddað en Sigfús lék nánast á öðrum fætinum í sigurleik
Magdeburg gegn toppliði Flensborg í fyrrakvöld. „Alfreð ætlar að
gefa mér frí fram að leiknum við Flensburg í Meistaradeildinni sem
fram fer 13. mars og þennan tíma mun ég nota til að fara í meðferð
hjá sjúkraþjálfara og byggja mig upp fyrir átökin sem fram undan
eru. Það hefur verið mikið álag á okkur á undanförnum vikum ég
hef fundið æ meira fyrir meiðslunum. Ég var mjög kvalinn eftir
leikinn við Flensburg og ég þurfti að fá einar sjö sprautur í fótinn
til að lina þjáningarnar. Ég hristi þetta alveg af mér og verð orðinn
hress eftir viku til tíu daga,“ sagði Sigfús við Morgunblaðið í gær.

HALLDÓR Karlsson, leikmaður
meistarflokks Njarðvíkur í Inter-
sport-deildinni, var í gær dæmdur í
eins leiks bann af aganefnd KKÍ.
Halldór fékk brottrekstrarvillu í leik
Snæfells og UMFN hinn 26. febrúar
sl. Halldór tekur bannið út í fyrsta
leik Njarðvíkinga í úrslitakeppninni.

ÍVAR Ásgrímsson, landsliðþjálfari
kvenna, hefur valið A-landsliðið sem
mætir B-landsliðinu, styrktu fjórum
bandarískum leikmönnum, á laugar-
daginn. Ívar hefur einnig valið B-lið-
ið. Leikurinn fer fram í Seljaskóla kl.
16.30. Nokkrir leikmenn Hauka og
UMFG, sem eru að leika bikarúrslita-
leik í unglingaflokki kvenna á laug-
ardaginn, voru ekki valdir í liðin af
þeim sökum. A-landsliðið verður
skipað eftirtöldum leikmönnum:
Anna María Sveinsdóttir, Birna Val-
garðsdóttir, Erla Þorsteinsdóttir,
Erla Reynisdóttir, María Ben
Erlingsdóttir, Svava Stefánsdóttir
allar úr Keflavík. Hildur Sigurðar-
dóttir (KR), Alda Leif Jónsdóttir,
Lovísa Guðmundsdóttir, Signý Her-
mannsdóttir, Svandís Sigurðardótt-
ir allar úr ÍS og Sólveig H. Gunn-
laugsdóttir UMFG.

B-landsliðið er skipað eftirtöldum
leikmönnum: Bryndís Guðmunds-
dóttir, Marín R. Karlsdóttir, Rann-
veig Randversdóttir allar úr Kefla-
vík, Andrea Gaines, Auður R.
Jónsdóttir, Ingibjörg Vilbergsdóttir
allar úr Njarðvík, Kashe Tardy
(Grindavík), Lilja Oddsdóttir, Katie
Wolf báðar úr KR, Casie Lowman,
Stella Rún Kristjánsdóttir báðar úr
ÍS, Kristrún Sigurjónsdóttir úr ÍR.
FÓLK
ÚRVALSDEILDARLIÐ Grinda-
víkur hefur sótt um leikheimild fyrir
Bandaríkjamanninn Anthony Jones
en hann er 1,93 metrar á hæð og leik-
ur sem bakvörður. Jones er 27 ára
gamall og hefur leikið undanfarin tvö
ár í Svíþjóð, fyrst með M7 í Borås og
í vetur lék Jones með Ockelbo í
sænsku úrvalsdeildinni en var látinn
fara frá félaginu 27. febrúar vegna
agabrota.
Á fréttavef sænsku úrvalsdeildar-
innar, www.basketligan.se, er sagt
frá því að forsvarsmenn Ockelbo hafi
sagt upp samningnum við Jones þar
sem hann var tekinn fyrir ölvunar-
akstur öðru sinni á ellefu mánaða
tímabili.
Jones virðist hafa staðið sig vel
sem leikmaður því í 54 leikjum skor-
aði hann að meðaltali 23 stig, tók 6,4
fráköst í leik og gaf 5,2 stoðsending-
ar.
Í fréttum sænskra dagblaða má
sjá að Jones hefur látið mikið að sér
kveða í vetur með Ockelbo, er hann
talinn vera í hópi bestu leikmanna
deildarinnar og margir telja að hann
hafi verið besti varnarmaðurinn í úr-
valsdeildinni.
Eru enn undir launaþakinu
Samkvæmt heimildum Morgun-
blaðsins hafa Grindvíkingarnir Páll
Axel Vilbergsson og Guðmundur
Bragason sagt upp launasamningum
sínum við Grindvíkinga til þess að
gera liðinu kleift að fá liðsstyrk fyrir
úrslitakeppnina um miðjan mars-
mánuð, án þess að rjúfa launaþakið
sem komið var á sl. sumar. Helgi
Jónas Guðfinnsson hefur einnig sagt
upp launasamningi sínum við félagið
en hann er meiddur og verður lík-
lega ekki meira með liðinu á leiktíð-
inni. Í herbúðum Grindavíkur eru
fyrir tveir Bandaríkjamenn, Darrell
Lewis sem lék með liðinu í fyrra og
Jackie Rogers.
„Stjarna“
frá Svíþjóð
til UMFG?