Morgunblaðið - 04.03.2004, Side 60

18 kr. mun-
ur á sömu
sveppunum
HAFIN er innköllun á niðursoðnum svepp-
um sem Eggert Kristjánsson ehf. flytur inn
og seldir eru undir merki Íslensks meðlætis
hf. sem er vörumerki í eigu fyrirtækisins.
Svo virðist sem sveppirnir, sem pakkað er
fyrir fyrirtækið erlendis og merktir sem þeir
séu af fyrsta flokki, geti verið af þriðja flokki
og hafa ekki fengist skýringar þessa efnis frá
erlenda framleiðandanum enn sem komið er.
Gunnar Aðalsteinsson, framkvæmdastjóri
Eggerts Kristjánssonar ehf., sagði að þeir
litu málið mjög alvarlegum augum og væru
þegar byrjaðir að innkalla vöruna úr versl-
unum. Þeir hefðu keypt vöruna í góðri trú að
um fyrsta flokk væri að ræða, en þeir hefðu
ekki enn náð sambandi við erlenda birginn,
sem yrði að gefa skýringar í þessum efnum.
Íslenskum merkimiða
vafið utan um erlendan
Uppvíst varð um málið þegar í ljós kom að
miðum með vörumerki Íslensks meðlætis hf.
hafði verið vafið utan um dósir sem merktar
voru Ma Ling, en sveppunum er pakkað í
Kína. Á íslenska merkimiðanum er talað um
fyrsta flokks sveppi en á merkimiða Ma Ling
kemur fram að um þriðja flokks sveppi er að
ræða.
Sveppir merktir Íslensku meðlæti hf. og
Ma Ling voru seldir hlið við hlið í lágvöru-
verðsverslunum. Kostaði dósin af sveppum
merktum Ma Ling 59 kr. en sveppadós
merkt Íslensku meðlæti 77 kr. þó að svo virð-
ist sem um sömu vöruna sé að ræða.
Morgunblaðið/Golli
Sveppadósirnar hlið við hlið og má sjá
hvernig skín í Ma Ling-miðann undir mið-
anum frá Íslensku meðlæti hf.
Þriðja flokks niður-
soðnir sveppir seldir
sem fyrsta flokks
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FIMMTUDAGUR 4. MARS 2004 VERÐ Í LAUSASÖLU 190 KR. MEÐ VSK.
Lágmúla og Smáratorgi
opið kl. 8-24
alla daga
HÉRAÐSDÓMUR Reykjavíkur
úrskurðaði í gær sakborningana
þrjá í líkfundarmálinu í þriggja
vikna áframhaldandi gæsluvarð-
hald. Þeir Grétar Sigurðsson og
Jónas Ingi Ragnarsson kærðu úr-
skurðinn til Hæstaréttar í gær og
lögmaður Tomasar Malakauskas
segist einnig munu kæra úrskurð-
inn.
Við rannsókn tæknimanna lög-
reglunnar í Reykjavík og ríkislög-
reglustjóra fannst blóð úr hinum
látna í BMW-bifreið annars Íslend-
inganna. Einnig fannst blóð úr eig-
andanum í bílnum. Arnar Jensson
aðstoðaryfirlögregluþjónn stað-
festi þetta við Morgunblaðið í gær.
Litháski sakborningurinn sem
sætir gæsluvarðhaldi mun hins
vegar hafa haft bifreiðina til um-
ráða þótt hún væri skráð á Íslend-
inginn. Tveir sakborninganna voru
handteknir saman á BMW-bifreið-
inni skömmu áður en þeir fóru í
gæsluvarðhald og hefur bifreiðin
verið í vörslu lögreglunnar síðan.
Ekki er vitað um tildrög þess að
blóð úr mönnunum lak í bifreiðina
en ekki er útilokað að hinn látni og
umræddur sakborningur hafi
blóðgað sig í átökum sín á milli.
Blóðgreiningin hefur verið staðfest
með DNA-rannsókn í Noregi þar
sem rannsóknarbeiðni íslensku
lögreglunnar fékk flýtimeðferð.
Við rannsóknina hefur einnig
vaknað grunur um að hinn látni
hafi fengið morfínefni e.t.v. til að
lina þjáningar. Arnar Jensson seg-
ir sterkan grun um að hinn látni
hafi verið á morfínefnum jafnvel í
nokkra sólarhringa fyrir andlátið.
Hnífurinn sem fannst við neta-
bryggjuna í Neskaupstað er í rann-
sókn en um er að ræða veiðihníf í
slíðri. Grunur leikur á að hnífurinn
sem fannst hafi verið notaður til að
veita hinum látna áverka sem á
honum fundust.
Í gær sendi Inger L. Jónsdóttir,
sýslumaður á Eskifirði, frá sér yf-
irlýsingu um að rannsókn málsins
flytjist til ríkislögreglustjóra.
Meint brot, sem framin voru fyrir
líkfundinn, hafi átt sér stað á höf-
uðborgarsvæðinu og innflutningur
fíkniefna sé talinn hafa farið í
gegnum Keflavíkurflugvöll. Aðal-
vettvangur rannsóknarinnar sé því
ekki lengur í hennar umdæmi.
Blóð úr hinum
látna fannst í bíl
 Blóðgreiningin
staðfest með DNA-
rannsókn í Noregi
 Grunur um að
hinn látni hafi ver-
ið á morfínefnum
fyrir andlátið
Morgunblaðið/Júlíus
Tomas Malakauskas leiddur fyrir dómara í Héraðsdómi í gær.
Hafrannsóknastofnun hefur
lagt til að rækjuveiðar verði
ekki leyfðar í Ísafjarðardjúpi
í vetur en rækjuveiðar hafa
aldrei fyrr verið bannaðar í
Ísafjarðardjúpi frá því veið-
arnar hófust árið 1935. Talið
er að mikil þorskgengd und-
anfarna vetur hafi einkum
minnkað stofnstærð rækju í
Ísafjarðardjúpi.
Um tíu bátar stunda veiðar
í Ísafjarðardjúpi og segir
Konráð Eggertsson, skip-
stjóri á rækjubátnum Hall-
dóri Sigurðssyni ÍS, að
rækjubann þýði rothögg fyrir
margar útgerðir. Hann segir
að margir bátanna hafi legið
bundnir við bryggju í allan
vetur, enda hafi þeir ekki að
öðrum verkefnum að hverfa.
„Þetta má kalla náttúruham-
farir, líkt og hrun hörpuskel-
stofnsins í Breiðafirði. Það
hefur stefnt í þetta lengi en
ég er ekki viss um að aukinni
þorskgengd sé um að kenna.
Að mínu viti er skýringin
fyrst og fremst sú að við höf-
um veitt of mikið af rækju í
Djúpinu á undanförnum ár-
um.“
Rækjuveiðar verði
bannaðar í Djúpinu
Rothögg
fyrir út-
gerðina

Leggur til/C3
GOSPELSYSTUR Reykjavíkur
önnuðust dagskrá Menningar-
hornsins svokallaða í gær á Barna-
spítala Hringsins, sem er fastur
liður í starfsemi spítalans í hádeg-
inu á miðvikudögum í anddyrinu.
Þetta var í 15. skiptið sem lista-
menn skemmtu í Menningarhorn-
inu og var mjög vel mætt af hálfu
sjúklinga, aðstandenda og starfs-
fólks spítalans. Gospelsystur
sungu íslensk lög og negrasálma
undir stjórn Margrétar J. Pálma-
dóttur og undirleik annaðist Ást-
ríður Haraldsdóttir.
Næstkomandi miðvikudag verð-
ur tónlistaratriði frá Tónmennta-
skóla Reykjavíkur en samkvæmt
samkomulagi við spítalann senda
tónlistarskólar fulltrúa sína í
Menningarhornið á miðviku-
dögum.
Morgunblaðið/Jim Smart
Gospelsystur í
Menningarhorni
Benedikt Árnason, skrifstofustjóri
fjármálamarkaðar hjá viðskipta-
ráðuneytinu, segir að þetta muni
leiða til mikilla breytinga á reglu-
verki um íslenskan verðbréfa-
markað, þeirra mestu síðan EES-
samningurinn var gerður.
Viðskiptaráðherra mun jafn-
framt á næstu vikum leggja fram á
Alþingi skýrslu um stjórnarhætti
fyrirtækja, þar sem m.a. eru tillög-
ur um aukna vernd minnihluta í
fyrirtækjum.
Löggjöfin yrði ófullnægjandi
Frumvörp sem lögð voru fram á
þriðjudag um breytingar á lögum
um verðbréfaviðskipti og hluta-
félög mælast misjafnlega fyrir hjá
greiningardeildum bankanna.
Greiningardeild KB banka telur
að frumvörpin taki ekki heildstætt
á reglum um yfirtökutilboð. Varað
er við því að fella leikreglur með
þetta nákvæmum hætti inn í lög
enda séu fjármálamarkaðir í stöð-
ugri þróun og hætt við að menn
finni sér leiðir til að víkja sér undan
markmiði laganna.
Greiningardeild Landsbankans
telur að frumvarpið um hlutafélög
yrði til bóta. Hins vegar séu ýmsir
vankantar á frumvarpi um verð-
bréfamarkaði. Meðal annars megi
gera ráð fyrir því að helmingur fé-
laga á Aðallista Kauphallar Íslands
falli undir skilgreiningu frum-
varpsins á takmörkuðum veltu-
hraða.
Greiningardeild Íslandsbanka
telur að gengið sé of langt með
ákvæði um að hlutafélagi sé óheim-
ilt að kaupa eignir af hluthöfum,
stjórnarmönnum og framkvæmda-
stjórum félagsins. Hins vegar sé
ekki gengið nægilega langt í skil-
greiningum á skyldum eða tengd-
um aðilum og auðvelt gæti reynst
að komast framhjá þeim reglum.
Þórður Friðjónsson, forstjóri
Kauphallar Íslands, segir að skoða
þurfi málin betur, sér í lagi m.t.t.
nánari skilgreiningar á skyldum
aðilum og stefnu ESB og ná-
grannakauphalla.
Fimm frum-
vörp um verð-
bréfamarkað

Svigrúm/C1

Vankantar/C2
FIMM frumvörp til breytinga á reglum um verðbréfamarkaðinn á næstu
tveimur árum eru í undirbúningi hjá viðskiptaráðuneytinu. Frumvörpin
verða unnin samkvæmt tilskipunum ESB um yfirtökur, markaðsmisnotk-
un, útboðslýsingar, upplýsingagjöf til Kauphallar og fjárfestingaþjón-
ustu. Gert er ráð fyrir að fyrstu tvö frumvörpin, um markaðsmisnotkun
annars vegar og yfirtökur hins vegar, verði lögð fyrir á haustþingi.
HANNES Hlífar Stefánsson, Viktor
Bologan og Henrik Danielsen urðu
efstir í 1.–3. sæti með 7,5 vinninga
hver á Stórmóti Hróksins og Fjölnis
sem lauk í gærkvöldi. Hannes lagði
Predrag Nikolic í níundu og síðustu
umferðinni. Stefán Kristjánsson lagði
Pavel Tregubo í lokaumferðinni og
hafnaði í 4.–7. sæti með sjö vinninga
ásamt þeim Lautier, Sokolov og Tairi.
Morgunblaðið/Ómar
Sigurvegarar á móti Hróksins og
Fjölnis: Henrik Danielsen, Hannes
Hlífar Stefánsson og Viktor Bologan.
Hannes Hlíf-
ar í 1.–3. sæti