Morgunblaðið - 27.03.2004, Qupperneq 8

FRÉTTIR
8 LAUGARDAGUR 27. MARS 2004 MORGUNBLAÐIÐ
Tæknilega ætti ekkert að vera því til fyrirstöðu að frambjóðendurnir sýndust af svipaðri
stærð við myndatökur.
Kynningardagur Kennaraháskólans
Innsýn í kom-
andi skólaár
Kennaraháskóli Ís-lands verður meðkynningu á því
námi sem verður í boði á
næsta skólaári í dag
klukkan 13 til 16. Morgun-
blaðið lagði nokkrar
spurningar fyrir Elínu
Thorarensen, kynningar-
fulltrúa KHÍ, en fyrst út-
skýrði hún nánar:
„Nemendur, kennarar
og námsráðgjafar skólans
munu kynna námið og
svara fyrirspurnum um
nám fyrir grunnskóla-
kennara, leikskólakenn-
ara, íþróttafræðinga, tóm-
stundafræðinga og
þroskaþjálfa. Fulltrúar
viðkomandi stéttarfélaga
verða á staðnum og svara
fyrirspurnum um atvinnu-
möguleika, kaup og kjör. Bóka-
safn og gagnasmiðja verða opin
gestum.“
Til hvers er kynningardagur?
„Markmið kynningardagsins er
að gefa fólki kost á að kynna sér
námsframboð skólans, skipulag
og markmið hverrar námsbraut-
ar. Kennarar og nemendur munu
gefa innsýn inn í námið á marg-
víslegan hátt. Einnig gefst gest-
um tækifæri til að skoða húsnæði
skólans og þá góðu aðstöðu sem
við erum að bjóða okkar nemend-
um.
Á kynningardaginn verða hér
einnig fulltrúar ýmissa stéttar-
félaga til að svara fyrirspurnum
um kjör, starfsaðstæður og at-
vinnumöguleika, en við val á námi
horfir fólk í síauknum mæli til at-
vinnumöguleika að námi loknu.
Flest nám við Kennaraháskólann
gefur ákveðin starfsréttindi.
Óhætt er að fullyrða að miklir at-
vinnumöguleikar bíði þeirra sem
ljúka námi við Kennaraháskólann
má þá t.d. nefna leikskólakennara
og þroskaþjálfa.“
Hvað gerir nám við KHÍ sér-
stakt?
„Nám við Kennaraháskólann á
það sammerkt að þar er verið að
mennta fólk til þess að starfa með
fólki. Þeir sem hafa gaman af því
að vera innan um annað fólk og
vilja vinna með öðrum ættu því að
finna nám við sitt hæfi innan
veggja Kennaraháskólans. Þá eru
þessi störf bæði fjölbreytt og mik-
ilvæg. Í Kennaraháskólanum er
lögð „alúð við fólk og fræði“ – en
það eru einmitt einkunnarorð
skólans.
Kennaraháskólinn er stærsti
fjarnámsskóli landsins og í vetur
stundar rúmlega helmingur nem-
enda skólans fjarnám. Skipulag
fjarnámsins er með þeim hætti að
nemendur þurfa að mæta tvisvar
á misseri í skólann í svonefndar
staðlotur. Að öðru leyti geta þeir
stundað námið þegar þeim hent-
ar. Þetta fyrirkomulag hefur gef-
ist vel og rannsóknir sýna að
minna brottfall er í fjarnámi sem
er skipulagt með þessum hætti en
fjarnámi þar sem nemendur hitt-
ast aldrei.“
Hefur nám við KHÍ
breyst undanfarin ár?
„Námið er í sífelldri
endurskoðun þar sem
metnaður er til að gera
sífellt betur, það eru
því alltaf einhverjar breytingar á
milli ára. Þessar breytingar eru
mismiklar á milli brauta en nefna
má að næsta haust verður mikil
breyting á námi þroskaþjálfa sem
og námi aðstoðarleikskólakenn-
ara. Í þroskaþjálfanáminu er nú
aukin áhersla á fötlunarfræði og
margþætta starfsmiðaða þekk-
ingu. Fjölbreytilegar þjónustu-
þarfir og aðstæður fatlaðra eru í
brennidepli, svo og úrræði, nálg-
anir og aðferðir til þess að mæta
þeim.“
Eru einhverjar nýjar náms-
brautir?
„Nýjasta námsbrautin er Tóm-
stundabraut, sem ætluð er tóm-
stunda- og félagsmálafræðingum.
Þetta er fjögurra ára fjarnám og
fyrsti hópurinn mun brautskrást
með BA-gráðu vorið 2005. Tóm-
stundafræðingar hafa víðan
starfsvettvang en þeir sjá um að
skipuleggja tómstunda- og fé-
lagsstarf fólks á öllum aldri og
starfa meðal annars í skólum, fé-
lagsmiðstöðvum og hjá íþrótta- og
æskulýðsfélögum.“
Hvaða námsbraut er stærst?
„Grunnskólabrautin er stærst.
Nám á grunnskólabraut er mjög
fjölbreytt og býður upp á töluvert
val og má í því samhengi nefna að
þriðjungur námsins fer fram á
kjörsviðum þar sem nemendur
sérhæfa sig í ákveðnum náms-
greinum grunnskólans.
Nemendur geta því valið
áherslur í náminu eftir eigin
áhuga. Á grunnskólabraut er ver-
ið að sækjast eftir nemendum
með fjölbreyttan bakgrunn þar
sem menntun grunnskólakennara
tekur til allra námsgreina sem
kenndar eru í grunnskóla. Nefna
má að um þessar mundir er mikil
eftirspurn eftir raungreinakenn-
urum.“
Er leitað eftir einhverjum sér-
stökum umsækjendum?
„Við sækjumst eftir dugmiklum
nemendum með góða undirbún-
ingsmenntun, metnað-
arfullu fólki sem vill
taka þátt í skemmti-
legu og krefjandi skóla-
starfi. Einnig viljum
við gjarnan auka hlut
karlmanna við skólann en þeir eru
of fáir á sumum brautum. Við telj-
um að nám við Kennaraháskólann
henti báðum kynjum og að stefna
beri að því að jafna kynjahlutföllin
í kennslu og umönnuarstörfum.“
Hvenær lýkur umsóknarfresti?
„Umsóknarfrestur um nám í
grunndeild er til 17. maí en þess
má geta að umsóknarfrestur um
kennsluréttindanám er liðinn.“
Elín Thorarensen

Elín Thorarensen fæddist í
Reykjavík 10. apríl 1964.
Stúdentspróf frá MR 1983. BA í
uppeldisfræði frá HÍ og viðbót-
arnám í námsráðgjöf og kennslu-
réttindi frá sama skóla. M.Ed.-
gráða frá KHÍ 1998.
Hefur starfað sem námsráðgjafi
við KHÍ frá 1998 og kynning-
arfulltrúi KHÍ frá nóvember
2003.
Maki er Úlfar Örn Friðriksson
framkvæmdastjóri. Synir þeirra
eru Jóhann Oddur og Unnar
Bjarni.
Sækjumst eft-
ir dugmiklum
nemendum
SAMSTARF Norðurlandanna og
Eystrasaltsríkjanna á sviði mennt-
unar og rann-
sókna verður
aukið, samkvæmt
ákvörðun þar um
sem ráðherrar
menntamála og
rannsókna land-
anna tóku á fundi
sem þeir áttu í
Kaupmannahöfn
á fimmtudag.
Í fréttatilkynn-
ingu frá menntamálaráðuneytinu
segir að ráðherrarnir séu sammála
um að koma á formlegu samstarfi
með sameiginlegri framkvæmda-
áætlun. Markmiðið er að mynda
sameiginlegt menntasvæði á Norð-
urlöndunum og Eystrasaltslöndun-
um hvað varðar fullorðinsfræðslu,
skólasamstarf, rannsóknir og æðri
menntun. Er ætlunin þó ekki að
samræma menntakerfin á svæðinu,
heldur verður byggt á sérkennum
hvers lands fyrir sig.
Ræddu ráðherrarnir möguleika á
að opna Nordplus-áætlunina enn-
frekar fyrir íbúum Eystrasaltsríkj-
anna. Þá töldu þeir að rannsóknar-
samstarfið mætti styrkja með
aukinni þátttöku Eystrasaltsríkj-
anna í norrænum rannsóknaráætl-
unum eða norrænum rannsóknar-
stofnunum. Var skipaður
vinnuhópur til að vinna áfram með
málið, en í honum eru fulltrúar frá
ráðuneytum menntamála og rann-
sókna landanna allra.
Ísland fer nú með formennsku í
norrænu ráðherranefndinni og var
það því Þorgerður Katrín Gunnars-
dóttir menntamálaráðherra sem
stýrði fundi ráðherranna.
Menntamálaráðherrar Norðurlanda og Eystrasaltsríkja
Vilja auka samstarf í
menntun og rannsóknum
Þorgerður Katrín
Gunnarsdóttir
RANNSÓKNARNEFND flug-
slysa, RNF, hefur keypt flug-
skýli í Fluggörðum á Reykja-
víkurflugvelli til að koma upp
aðstöðu til rannsókna. Þor-
móður Þormóðsson rannsókn-
arstjóri segir að með því batni
mjög aðstaða nefndarinnar til
allrar rannsóknarvinnu og
geymslu á flugvélaflökum eða
hlutum.
Flugskýlið er tæplega 140
fermetrar í Fluggörðum 30c.
Fulltrúar fjármálaráðuneyt-
isins gengu frá samningi um
kaupin sem Þormóður segir
að Sturla Böðvarsson sam-
gönguráðherra hafi haft for-
göngu um. Þormóður segir að
nefndin fái skýlið afhent í
sumar og nú sé verið að fara
yfir tæki og búnað sem komið
verði fyrir í skýlinu.
Skýlið verður notað til rann-
sóknar á flugvélum og flug-
vélahlutum og þar verður
einnig unnt að geyma slíka
hluti og gögn.
RNF
kaupir
flugskýli
NORRÆNU umhverfisráðherrarnir
ákváðu á fundi sínum í Kaupmanna-
höfn sl. fimmtudag að vinna að því á
vettvangi Alþjóða siglingamálastofn-
unarinnar að Eystrasalt
verði skilgreint sem við-
kvæmt hafsvæði. Með
því móti verði unnt að
gera auknar kröfur til
skipa sem sigla inná
svæðið.
Fundi umhverfisráð-
herranna stýrði Siv Frið-
leifsdóttir umhverfisráð-
herra. Þar var m.a. rætt
um stefnumörkun Evr-
ópusambandsins um
skráningu og eftirlit með
noktun hættulegra efna í
iðnaði og neysluvörum.
Einnig var kynnt ný skýrsla um málið
sem unnin var af norrænum samtök-
um um umhverfis- og neytendamál.
Þá ræddu ráðherrarnir um samninga
um alþjóðlega stefnumörkun um
hættuleg efni en Ísland gegnir for-
mennsku í þeim viðræðum. Á dagskrá
ráðherranna var og umfjöllun um
starf Norræna umhverfisfjárfest-
ingasjóðsins sem sinnir umhverfis-
verkefnum í Eystrasaltsríkjunum og
Norðvestur-Rússlandi
svo og um umhverfis-
verkefni sem Norræni
fjárfestingabankinn tek-
ur þátt í
Umhverfisráðherr-
arnir ræddu einnig und-
irbúning ráðherrafundar
Umhverfisstofnunar
Sameinuðu þjóðanna
sem hefst í Kóreu á
mánudag og um fund
nefndar SÞ um sjálf-
bæra þróun sem hefst í
New York 14. apríl. Leit-
að verður leiða á þessum
fundum til að auka aðgengi almenn-
ings að hreinu vatni og hreinlætisað-
stöðu. Skortur á þessum grunnþátt-
um á mikinn þátt í viðvarandi fátækt
og sjúkdómum í mörgum þróunar-
ríkjum, segir m.a. í frétt frá umhverf-
isráðuneytinu.
Fundur norrænna umhverfisráðherra
Gerðar verði auknar
kröfur vegna sigl-
inga um Eystrasalt
Siv Friðleifsdóttir