Morgunblaðið - 27.03.2004, Qupperneq 11

FRÉTTIR
MORGUNBLAÐIÐ LAUGARDAGUR 27. MARS 2004 11
Sigur lífsins - Á slóðum Skaftárelda
Dagskrá í dymbilviku og á páskum 2004 á Kirkjubæjarklaustri
8. apríl - skírdagur
21.00 Messa í Minningarkapellu sr. Jóns Steingrímssonar. Prestur
sr. Bryndís Malla Elídóttir.
9. apríl - föstudagurinn langi
10.00 Á slóðum Skaftárelda, í Minningarkapellu sr. Jóns Steingrímssonar.
Inngangur: Jón Helgason.
Erindi: Eldklerkurinn sr. Jón Steingrímsson. Einar Sigurbjörnsson prófessor.
Upplestur úr Eldritinu og sögum Jóns Trausta; Holt og Skál og Sigur lífsins:
Jóna Sigurbjartsdóttir og Gunnar Jónsson.
Munnmælasögur með minningum frá Móðuharðindum: Haukur Valdimarsson.
Inn í dagskrána verður fléttað tónlistarflutningi Brian R. Bacon organista.
13.00 Söguganga frá Hunkubökkum að rústum „eldmessukirkjunnar“ í gamla
kirkjugarðinum á Kirkjubæjarklaustri. Rútuferð frá Hótel Kirkjubæjarklaustri á útsýnisstað
við Holt á Síðu og skyggnst um yfir Skaftáreldahraunið. Ekið til baka að Hunkubökkum
og gengið þaðan í stuttum áföngum austur brúnir að Systrastapa og þaðan í gamla
kirkjugarðinn við Minningarkapelluna, þar sem gangan endar. Litið yfir sögusviðið og
rifjaðar upp tilvitnanir í hinar einstæðu samtímalýsingar sr. Jóns Steingrímssonar á
hamförum Eldsins og einnig úr sögum Jóns Trausta, „Sögur úr Skaftáreldum“.
Fararstjóri: Jón Helgason.
10. apríl - laugardagur
13.00 Eyðing og uppbygging: Rútuferð frá Hótel Kirkjubæjarklaustri suður Landbrot og
Meðalland. Skoðaðir sögustaðir og litið við í fjósinu frá því fyrir Eld á Hnausum. Komið
að Langholtskirkju og ekið þaðan að hraunjaðrinum og upp með Kúðafljóti, austur yfir
Skaftáreldahraunið og að Kirkjubæjarklaustri. Fararstjóri: Jón Helgason.
11. apríl - páskadagur
9.00 Sigur lífsins: Morgunganga frá Minningarkapellu sr. Jóns Steingrímssonar að
Prestsbakkakirkju á Síðu þar sem gangan endar. Fararstjóri: Elín Anna Valdimarsdóttir.
11.00 Hátíðarmessa í Prestsbakkakirkju. Prestur sr. Bryndís Malla Elídóttir.
Þeir sem hafa hug á þátttöku í rútuferðum á föstudegi og laugardegi eru vin-
samlegast beðnir um að skrá sig í ferðirnar sem fyrst og í síðasta lagi fyrir kl. 12.00
miðvikudaginn 7. apríl. Þátttaka í gönguferðum er öllum opin. Rútuferð á föstudaginn
langa, 9. apríl, að Holti og Hunkubökkum, kostar kr. 500 á mann. Rútuferð á
laugardeginum, 10. apríl, suður Landbrot og Meðalland kostar kr. 1.500 á mann, hressing
innifalin. Frítt fyrir börn 14 ára og yngri. Skráning og nánari upplýsingar eru í síma
487 4645/892 9650 eða á netfanginu kbstofa@simnet.is og olafiaj@centrum.is.
KYNBUNDINN launamunur
starfsmanna Reykjavíkurborgar
hefur minnkað úr 15,5% árið 1995 í
7% árið 2001. Í frétt í blaðinu í gær
kom fram að kynbundinn launa-
munur starfsmanna borgarinnar
hafi verið 15% árið 2002, en sú tala
er fundin út með öðrum forsendum
en tölur úr öðrum sveitarfélögum,
og því ekki alveg samanburðarhæf,
segir Hildur Jónsdóttir, jafnréttis-
ráðgjafi Reykjavíkurborgar.
Hildur segir að fyrsta könnunin á
kynbundnum launamun starfs-
manna sveitarfélags hafi verið unn-
inn af Félagsvísindastofnun Há-
skóla Íslands fyrir Reykjavíkurborg
árið 1995, og í henni hafi verið hafð-
ar forsendur sem þóttu góðar og
gildar á þeim tíma, en séu nú ekki
hafðar með þegar nýjar kannanir
eru gerðar. Til að hægt sé að skoða
árangur af vinnu til að minnka
launamun kynjanna þarf engu að
síður að hafa þessar forsendur inni
þegar nýjar kannanir eru gerðar
svo nýrri kannanir séu samanburð-
arhæfar við þær eldri, segir Hildur.
Þess vegna er rétt og satt að
hlutfallslegur munur á meðal heild-
arlaunum karl- og kvenkyns starfs-
manna Reykjavíkurborgar sé 15%,
en séu notaðar sömu forsendur og
notaðar eru við að finna muninn í
öðrum sveitarfélögum er munurinn
í Reykjavík 7%, sem er meira í takt
við muninn í öðrum sveitafélögum,
segir Hildur.
„Við sýndum fram úr með þess-
um aðferðum að það hefur dregið
úr kynbundnum launamuni um um
það bil helming, en samt er enn
heilmikill launamunur til staðar,“
segir Hildur.
Kynbundinn
launamunur í
Reykjavík 7%
Eftir síðustu 3 leiki Snæfells er
ljóst að ekkert er vonlaust, meðan
liðið sýnir þann baráttuanda sem
það hefur sýnt og er ekki tilbúið að
gefast upp þó að staðan sé orðin von-
lítil.
árangurinn betri en nokkur þorði að
vona. Þessi árangur hefur mikil
áhrif á bæjarlífið og verður umræðu-
efnið næstu daga hvernig liðinu
gangi í lokaverkefninu, þ.e. úrslita-
leik Íslandsmótsins.
KÖRFUBOLTALIÐ Snæfells er
komið í úrslit Íslandsmótsins í
körfubolta. Það ríkti hátíðarstemn-
ing í Stykkishólmi eftir að leik Snæ-
fells og Njarðvíkur lauk á fimmtu-
dagskvöldið. Snæfell vann þriðja
leik liðanna í undanúrslitum Íslands-
mótsins í körfubolta. Liðið er komið
í úrslit deildarinnar í fyrsta sinn í
sögu félagsins.
Mikill áhugi var fyrir leiknum.
Þegar farið var að selja miða einum
og hálfum tíma fyrir leik hafði
myndast löng biðröð áhorfenda sem
vildu vera vissir um að fá góð sæti.
Þegar flautað var til leiks voru
komnir yfir 600 áhorfendur. Slíkur
fjöldi hefur ekki áður komið í
íþróttahúsið í Stykkishólmi frá því
að það var tekið í notkun fyrir 13 ár-
um. Áhorfendur komu víða að.
Njarðvíkurliðnu fylgdu farþegar í
þremur rútum og fólk kom víða af
Snæfellsnesi til að fylgjast með
leiknum. Greinilegt er að velgengni
liðsins hefur spurst víða út.
Njarðvík með forystu lengst af
Áhorfendur voru ekki sviknir af
þessum leik. Lið Njarðvíkur hafði
forystu lengst af leiknum og þegar 8
mínútur voru eftir voru Njarðvík-
ingar 20 stigum yfir. Þá tóku heima-
menn við sér og skoruðu 36 stig
gegn 10 stigum Njarðvíkur og
tryggðu sér sigur í einum ævintýra-
legasta leik sem sést hefur í íþrótta-
húsinu í Stykkishólmi.
Árangur Snæfellsliðsins hefur
vakið aðdáun heimamanna og er
Morgunblaðið/Gunnlaugur Árnason
Hlynur Bæringsson fyrirliði og Bárður Eyþórsson þjálfari. Á spjaldinu er
vísbending um hvert liðið stefnir í úrslitaleik Íslandsmótsins í körfubolta.
Metaðsókn að körfu-
boltaleik hjá Snæfelli
Stykkishólmi. Morgunblaðið.
LÁTINN er í Reykja-
vík á 75. aldursári
Bjarni Pálmarsson,
hljóðfærasmiður og bif-
reiðastjóri. Bjarni nam
hljóðfærasmíði hjá föð-
ur sínum, Pálmari Ís-
ólfssyni, bróður Páls Ís-
ólfssonar, og í
Bretlandi. Þeir feðgar
Bjarni og Pálmar ráku
saman hljóðfæraverk-
stæði um langt árabil.
Um 1975 hóf Bjarni
að bjóða upp á leigu á
lúxusbifreiðum á Ís-
landi og ók mörgum stórmennum
sem hingað komu. Hann rak um
árabil fyrirtækið B.P.
Limousine sem var
með margar slíkar
lúxusbifreiðir á sínum
snærum. Þá gegndi
Bjarni einnig um
tíma formennsku í
leigubílstjórafélaginu
Átaki.
Bjarni giftist Guð-
björgu Ágústu
Björnsdóttur árið
1956 en börn þeirra
eru Salbjörg Ágústa
og Björn Andrés.
Fyrir átti Bjarni
börnin Ingvar Þór og Hrefnu Birg-
ittu.
Andlát
BJARNI
PÁLMARSSON
RÚMLEGA 95% forstöðumanna rík-
isstofnana og 30 sveitarfélaga telja
mjög eða frekar líklegt að hægt sé að
bæta þjónustu hins opinbera með raf-
rænni stjórnsýslu. Þetta kemur fram
í könnun sem ParX – viðskiptaráðgjöf
IBM gerði fyrir forsætisráðuneytið.
Um 65% svarenda töldu að það
ætti að hafa forgang umfram önnur
verkefni við innleiðingu rafrænnar
stjórnsýslu að útbúa vefsíðu með
stöðluðum upplýsingum um þjón-
ustu. Um 61% telja að gagnvirk af-
greiðsla umsókna og rafrænar
greiðslur ættu einnig að hafa for-
gang.
Mikilvægasta markmiðið með
þessu var að bæta upplýsingaflæði út
á við og auka þjónustu við almenning
samkvæmt könnuninni. Jafnframt
var aukin skilvirkni nefnd sem mik-
ilvægt markmið. Áhrifaríkasta leiðin
til að bæta þjónustuna var sögð vera
sameining sveitarfélaga/stofnana
ásamt rafrænni stjórnsýslu.
Flestir svara fyrirspurnum
með tölvupósti
Þegar spurt var hvernig rafrænni
stjórnsýslu væri nú háttað sögðust
flestir, eða tæp 81%, svara fyrir-
spurnum með tölvupósti. Mikill
meirihluti var með heimasíðu með
upplýsingum um þjónustu og sendi
fjöldapóst til skilgreindra hópa.
Þegar spurt var um helstu hindr-
unina fyrir uppbyggingu á rafrænni
stjórnsýslu var algengasta svarið,
83%, skortur á fjármagni. Meirihluti
svarenda benti líka á að rafrænar
undirskriftir væru ekki notaðar og
treystu ekki öryggi tækninnar.
Stærri stofnanir
komnar lengra
Í niðurstöðu ParX segir að stærri
stofnanir og sveitarfélög séu komin
lengra í rafrænni stjórnsýslu og þjón-
ustu og virðist því vera opnari fyrir
nýjungum. Nokkur munur hafi verið
á svörum stofnana eftir ráðuneytum
og þau séu misjafnlega langt komin í
þessari þróun.
Einnig kemur fram í samantekt að
minni sveitarfélögin vilji ná fram hag-
ræðingu og aukinni þjónustu með raf-
rænni stjórnsýslu fremur en samein-
ingu sveitarfélaga. Fámenn
sveitarfélög og minni stofnanir leggi
meiri áherslu á mannlega þáttinn í
samskiptum og þjónustu og telji að
tæknin henti ekki eða að umfang
verkefna sé of lítið.
Könnunin var framkvæmd 6. til 12.
nóvember 2003. Stærð úrtaksins var
261 eða allar A-hluta ríkisstofnanir og
30 stærstu sveitarfélögin. Svarhlut-
fall var 68,6%.
Rafrænar um-
sóknir ættu að
hafa forgang
Telja rafræna stjórnsýslu bæta þjónustu