Morgunblaðið - 08.04.2004, Page 8

8 D FIMMTUDAGUR 8. APRÍL 2004 MORGUNBLAÐIÐ
ÞARNA sitja þeir í röð, hátt á veggnum: Bach, Schubert. Mozart og Beethoven.
Þeir eru saman komnir í Nýja tónlistarskólanum við Grensásveg og virðast ekkert
mislíka þótt rangur tónn heyrist hér og þar, eða samspilið sé eitthvað óhreint;
meðan allir gera sitt besta eru þeir ánægðir.
Það er síðdegi í skólanum og kennslustofurnar þrettán eru allar mannaðar nemendur og kennurum. Flestir
læra á píanó en þegar staðið er frammi á ganginum milli stofanna heyrist þungur niður tónanna berast um hús-
ið; þarna er leikið á harmónikku, silfurskærir flaututónar eru studdir ómstríðum fiðluhljómum, það drynur í
kontrabassa, rymur í túpu, allsstaðar undirliggjandi píanóleikur, hraður eða hægur, Rachmaninoff og Satie, og
svo þenja söngvarar sig í hornunum: sópraninn syngur skala en tenórinn spreytir sig á Lindinni. Frammi í sal
eru forskólanemar á tónleikum þar sem eldri nemendur leika, og svo fá þeir ungu að prófa hljóðfærin, til að geta
ákveðið hvað þeir vilja leika á í þessari stóru hljómkviðu. Golli ljósmyndari hlýddi á og tók myndir.
Morgunblaðið/Golli
Rispur