Pressan - 03.11.1988, Blaðsíða 21

Fimmtudagur 3. nóvember 1988
21
Það er svosem ekkert sem
segir að fulltrúar þeirra flokka
sem telja sig kjörna til að verja
málstað alþýðunnar og hins
vinnandi lýðs þurfi að búa í ein-
hverjum moldarkofum eða leigu-
hjöllum. íslenska þjóðin býr al-
mennt frekar vel og rúmt og hví
þá ekki þingmennirnir okkar
líka? Þó fólkið reyni að hafa það
svolítið þægilegt þær stundir
sem það er ekki að baksa við að
rétta þjóðarhag. Við á Pressunni
létum það samt eftir okkur að
hnýsast obbolítið í húsakost
þingmanna Alþýðuflokks, Al-
þýðubandalags og Kvennalista.
Um leið hættum við okkur út í
svolitla dólgasálfræði og skoð-
um með mátulegri alvöru hvern-
ig húsin hæfa persónu þing-
mannanna, hvort þau segja ef til
vill eitthvað sem ekki liggur
alltaf í augum uppi.
Þann varnagla verður að slá
að upptalningin hér á síðunum er
ekki alveg tæmandi. Hér vantar
til dæmis hús Karls Steinars
Guðnasonar, Margrétar Frí-
mannsdóttur og hús Ólafs
Ragnars Grímssonar. En fjár-
málaráðherrann er heldur ekki
þingmaður.
Þingmenn Sjálfstæðisflokks,
Borgaraflokks og Framsóknar-
flokks verða að bíða betri tíma.
Nú eru það vinstri öflin sem hafa
Jóhanna Siguröardóttir, 9. þingmaður Reykjavíkur; Háa-
leitisbraut 48, Reykjavík. Jóhanna bregst ekki aðdáendum
sinum. Hún berst hvergi á og býr i blokk.
AFHUSUNUM
SKULUÐ ÞIÐ
ÞEKKJA
ÞA...
EGILL
HELGASON
afS
Jón Sigurðsson, 4. þingmaður Reykjavíkur; Selbraut 15
Seltjarnarnesi. Hús sem hæfir varfærnum teknókrata, litlir
gluggar, arkitektúrinn vandaður og smekklegur. Enda
smekkvís maður, Jón. Pressumyndir: Róbert.
Kjartan Jóhannsson, 4. þingmaður Reykjaness; Jófriðar-
staðavegur 11, Hafnarfirði. Kjartan er verkfræðingur að
mennt. Húsið ber merki þess. Verkfræöingar eru gjarnir á
að búa í flóknum og margbrotnum einbýlishúsum, sem út-
heimta erfiða steypuvinnu. Kjartan er lika flókinn karakter
sjálfur.
Eiður Guðnason, 3. þingmaður Vesturlands; Kúrland 24,
Reykjavik. Traust, þungt, óbifanlegt og dálitið ihaldssamt,
rétt eins og þingmaðurinn.
Jón Baldvin Hannibalsson, 15. þingmaður Reykjavikur;
Vesturgata 38, Reykjavík. Jón Baldvin og Bryndis eru höfuð-
paurar i panelaðlinum fyrir vestan læk. Myndin væri full-
komin ef Citroén-bragginn stæði fyrir utan húsið.
Sighvatur Björgvinsson, 5. þingmaður Vestfjarða; Ljárskóg-
ar 19, Reykjavik. Stórt. Glannalegt. Dálitið klunnalegt. Þing-
maðurinn heldur ekki alltaf ýkja léttstigur sjálfur.
Karvel Pálmason, 3. þingmaður Vestfjarða; Dalbraut 3,
Reykjavík. Raunar segja þessi hibýli ekki nema hálfa sög-
una, þvi Karvel á lika hús vestur í Bolungarvik. Sólstofurnar
eru til vitnis um að Karvel er maður sem leitar að Ijósinu.
Jón Sæmundur Sigurjónsson, 5. þingmaður Norðurlands
vestra; Miðvangur 127, Hafnarfirði. Jón Sæmundur er ekki
maður sem hrópar á torgum og ekkert sérlega framhleypinn
i þingsölum. Húsið hans sker sig heldur ekki úr.